亞泰

营业中

休息中

泰國菜價錢黎講，亞泰收費中規中舉。 睇menu 價格合理， 不過，當你食過佢d野後，就覺得佢收費唔合理‘偏貴。服務算係差，最深感受係見住廚房出一d 佢地話暫停供應嘅嘢。 係一直都有出包， 到我離開都有果款菜供應，個侍應可以同我講今日無包。  餐廳好多人叫外賣，廚房好似永遠都係照顧佐外賣咁，上菜好慢。 最後佢仲漏佐上主菜俾我，我地都食飽先話漏， 話做緊。因為係set，咁唯有打包走。食物方面一般，絕對唔配收哩個價錢。 湯偏鹹，其他菜味道無驚喜，唔會食岀太多細節。 椰子，或者香茅味唔出。 飲品更hea， 龍眼冰好明顯咁飲到糖水，無龍眼味。

放假出利食下泰國菜。點知食今竟然覺得有驚喜。豬扒金邊粉，個豬扒幾入味，湯底好清租，粉量好大碗。一個人一碗都食唔完。另外，依個店嘅地方坐落都幾舒服，地方環境夠大👍

本身叫咗OpenRice外賣自取，落去拎時叫多份生蝦，告知要等15分鐘最後等咗25分鐘，只係等一份生蝦，最嬲係見到食物已經整好超過15分鐘，店員要做嘅嘢就係將佢裝入袋，問佢得未，佢睇都唔睇就話未得，直至10分鐘後見到另一位店員再問先見到佢將原本已經整好咗好耐嘅食物裝入袋，一肚氣。已經唔係第一次叫外賣等好耐，上一次OpenRice叫完，app顯示可以拎，最後都喺門口等咗超過45分鐘唔會再有下一次，劣評，服務差

長話短說，中午到亞泰買外賣，買左葱油雞排配檸水。先講飯盒，可能見識少，無諗過葱油雞排係炸子雞咁，仲乾掙掙似雞肉乾。之後見杯檸水就有火，成杯都係黑色浮點，似鑊撈。係都好d，完全唔知係乜。一杯檸水咁簡單都咁樣樣，其他不敢想像了。

朋友嚟屋企玩正值疫情廢事堂食就叫咗外賣自取因為呢間嘢不嬲好多人食因為算係呢個商場入邊最好食嗰幾間本身個商場都冇乜選擇馬拉盞炒通菜: 次次食都嗌，味道幾好豬肉生菜包: 我嫌佢唔夠辣，同埋比較酸，生菜包嘅話呢間冇咁出色黃咖喱雞肉:咖喱好夠香，嗌咗個薄餅點汁食，但係雞肉好似唔多炭燒豬頸肉:呢個好好味，好夠乾身，個汁都好好食串燒:嗌咗豬肉同雞肉，呢個就同平時食開差唔多，冇乜特別炸蝦餅: 呢個都係每次必食，好厚肉彈牙，個炸皮好脆泰式鳳爪: 同平時出邊食差唔多香茅雞翼:冇乜特別，唔記得咗好唔好食

一向鍾意食泰國嘢，行完山後攰攰地，決定去亞泰買個外賣返屋企慢慢食，誰不知一個外賣等咗差不多40分鐘，每次問門口侍應，都話製作中，就尼完成，想取消張單都唔得。睇住堂食顧客，一個個入座，有啲仲已經食完，我地拖着疲倦嘅身體企門口等，早知堂食算了。叫咗一個咖喱牛肉，飯另加，一個鮮蝦泰式炒金邊粉，諗住總算食到晚餐啦，但食物令人很失望。咖喱牛肉一大盒，入邊大部分都係薯仔，牛肉有超過一半都係肥肉，剩低嘅一少半，好似煲完湯嘅湯渣咁「鞋」，個飯都係靠撈咖喱汁食完。至於泰式炒金邊粉，d蝦好細隻，冇乜料，而且仲炒得好濕，個底有好多汁，一d都唔乾身。真係好失望，唔會再光顧了。

叫一個飯外賣可以等足半個鐘都未有，餐廳既高級員工解釋因為廚房員工剛剛返工。我好想知道你地點做食肆？廚房唔係應該係夠鐘出餐前已經準備好材料？11點開始午餐，廚房11點先返工，11點先備材？唔係一次半次係咁。食物質素已經唔係特別好，員工態度又差，服務同語氣都唔係好，仲話係正宗泰國餐廳？影衰泰國菜既文化呀。

疫情下已經好耐無外出食飯，又無得食夜晚，返工附近都係茶餐廳多，lunch食得多快餐真係好悶😅。難得疫情開始放緩，今日去左康城呢個神秘角度行下，諗住lunch食餐好既，點知.......第一次踏足康城，發現如果喺度居住，真係會有壓力，因為消費一啲都唔平，最慘就係選擇少。餐廳得幾間，平均lunch都要$70左右，最終因為好耐無食泰國餐，所以選擇左“亞泰”。個人好鍾意食香葉肉碎煎蛋飯，但係呢度既味道唔夠，份量又好少🥲，令我好失望。感覺唔似係泰國風味。再試下呢個馬沙文咖喱牛腩飯，同樣咖喱只係好一般茶餐廳味道既咖喱😔，似係用粉開成既，牛腩一樣係好少，仲要好韌，又唔入味，浪費咗今日嘅quota。咁耐先可以出下街食下野，估唔到今次體驗咁差，可能有所期待，所以特別失望😑。

外賣香矛豬扒，強差人意，飯又乾又硬，香矛豬扒係濕既？本來諗住試新野，點知等足25分鐘，最後打開飯盒，賣相唔靚，香矛豬扒無香矛味，仲要濕既，有汁，心情跌落谷底無下次了！

睇完戲都九點，見到呢間啲價錢大眾化，入去試吓先⋯⋯叫左個二人餐$318泰式拼盤唔錯冬陰功湯馬拉盞炒通菜好味咖喱蟹肉配蒜蓉多、油酥餅一流泰式甜品另外再加“明爐冬蔭海蜆鍋”$98干炒豬頸肉水晶粉$78呢個水晶粉超好食飲品買一送一以呢個商場來講，呢度價錢算係大眾化，味道都唔錯

今日下午茶去亞泰，叫咗有泰式風味的炭燒雞扒配香米飯。 炭燒雞扒好入味，食下去有一種香口的滋味，我感到好滿意，不過飯就不是什麼香米飯啦，又唔香，又一嚿嚿而不是一粒粒，真的有點失望。 整體上，炭燒雞扒是非常好味，但飯只是一般，好彩最後的一杯香濃咖啡，我要加番啲分數，真的很不錯啊。 祈望亞泰可以煲到個靚飯，咁就美妙又perfect啦。

日出康城越嚟越旺，開咗好多食店，難得住將軍澳嘅姨仔幫忙湊仔，兩公婆立即出動去撐枱腳，左揀右揀選咗呢間亞泰食泰菜！2人套餐泰式小食拼盤~有蝦餅、春卷同雞卷，雞卷有新意，口感唔錯，幾好食喎！大頭蝦冬蔭公湯~呢個湯超級好飲，辣得好過癮，又唔係得個辣字嗰隻，係我喺香港飲過最好味嘅！香辣肉碎生菜包~同其他冇乜大分別，雖然冇驚喜，不過都合格！馬拉盞炒通菜~通菜始終係夏天嘅先比較好食，好在呢度炒得幾夠火喉，彌補到不足！明爐烏頭~見到隔離枱食，又引到我地叫，好耐冇食明爐烏頭喇，青檸味最好食，條魚唔算太靚，好在味道搭夠！明爐冬蔭海蜆鍋~侍應推介我地食，蜆冇沙，冬蔭公底唔使講一定正！菠蘿炒飯~原個菠蘿上，炒得唔錯，菠蘿都鮮甜，飯夠乾身，食唔哂拎返去俾個仔食，包佢鍾意！菠蘿沙冰~唔會太甜，食咁惹味嘅泰菜，飲啖呢個真係好賞心樂事！

有次探朋友後,就到附近一齊食晚飯, 決定食開胃的泰菜。.這餐廳裝潢以白色為主,配上木系桌椅及天花,營造溫暖的感覺。....【泰式生蝦】$88生蝦口感勁新鮮鮮甜,夾生蒜片及紅椒片一齊來吃,並釀點秘製少少辣泰醬,好滋味。..【炭燒牛柳沙律】$88燒牛肉不會燒得太乾太韌,約有6-7成熟,肉質鮮嫩多汁,有點酸辣味,配爽口沙律,也是好開胃前菜。..【明爐冬蔭海蜆鍋】$98以冬蔭公湯底煮蜆,帶出蜆肉鮮甜味,加上蜆又肉肥厚肉鮮甜,連湯也是開胃酸甜。..【泰式明爐烏頭】$138酸梅肉碎這魚是烏頭魚以明爐盛上,肉質鮮美嫩滑沒腥味, 加上明爐湯頭帶酸酸鮮甜,非常醒胃。同時又可食魚及飲湯, 一具幾得菜式。..【椰青】$38清甜清涼解渴,冰凍好飲呢!還有,想不到椰青內可挖出挺多好嫩椰肉。

難得擺低個仔叫阿姨湊 兩公婆又出去周圍食好嘢 今次兩個就走咗去康城 又食我最鍾意嘅泰國菜🤭我哋叫咗二人套餐⭐ 泰式小食拼盤 裏面有蝦餅炸春捲 同埋雞肉鳳凰卷 配埋泰式辣醬， 每樣都熱辣辣脆卜卜 尤其是係蝦餅 呢個唔錯 脆口彈牙⭐泰人大頭蝦冬陰功呢個辣度適中就算唔食得辣嘅都應該飲得到 味道好濃沃 裹邊仲有兩隻大蝦添⭐ 香辣肉碎生菜包如果唔係好食得辣嘅朋友就啱曬啦 所以我老公食得好開心 我就自己加下辣粉， 都惹味嘅⭐馬拉盞炒通菜幾時都話通菜要出街食，夠鑊氣 一定唔會差 馬拉盞 嘅鹹鹹香香 配通菜真係一流呀⭐泰式甜品椰汁西米糕 芒果糯米飯但係見到餐牌上仲有另外一啲嘢食又抵食喎，忍唔住叫埋⭐泰式明爐烏頭青檸味烏頭都夠大條， 肉質厚實，配青檸汁 又係另一番風味我哋再叫咗2杯⭐菠蘿沙冰 味道好清新，又唔會太甜， 用嚟解辣啱曬😂

呢間泰國菜餐廳一直都好鍾意👍，今日黎到日出康城睇戲就再黎啦🥳.泰式菠蘿海鮮炒飯🍍 $98泰式嘅菠蘿炒飯我一直都好鍾意❤️，而且仲用新鮮菠蘿殼上菜特別有特色，加上有好多種海鮮特別惹味🤤.鹵水無骨豬手湯河 $68呢個湯底夠曬濃郁😋，而且豬手大大件又無骨，淡淡肉真係好滿足😝.炭燒泰式豬頸肉 $78呢個小食幾乎係每次必點😙，超級肥美爽口，而且個泰式辣醬好正😎.飛天通菜 $68辣辣地食落更加吸引🔥.飲品:熱檸檬蜜 $18 + 菠蘿沙冰 $28