亞洲薈 (已結業)

本身鍾意食泰菜，搜尋OpenRice 見到呢間食評都話泰菜好食。某周日下午，烈日當空之下專登行去諗住食泰菜。點知入到去坐低，只有茶餐廳嗰啲碟頭飯/炒麵。侍應話只有晚市先有泰菜。但奇怪嘅係餐牌有「大灰熊私房菜」😅仲以為去錯餐廳，但明明地址啱，門口招牌亦係「亞洲薈」…🧐因天氣太熱太曬廢事行嚟行去，所以照坐低食。叫咗咖哩牛腩飯同炒豬扒烏冬，味道正常，茶餐廳咁囉。如果相信食評而又一心想食泰菜就最好打電話問清楚餐廳有冇泰菜食先好去喇😂

食物質素係正既，煮得個味岩岩好，可惜我住得遠，如果吾係日日去食，希望附近居民多啲幫襯，幫手頂住。環境舒服，又乾淨！價錢適中，呢個質素絕對超值！👍👍👍👍👍

將軍澳區內有不少泰式食肆，見熊貓外賣有新開餐廳，所以決定一試。雖然外賣app通知了已準備好，但是到了餐廳還未準備妥當，我們便在餐廳裏等候。終於都回家打開外賣，青咖喱一打開便嚇了一跳，只有好多的咖喱汁和四至五細粒雞腿肉（因為外賣自取有折，折後$64）。幸好，味道不錯頗辣帶甜；泰式炒貴刁味道很好，份量、配料也很足夠；生菜包也很好。希望今次的青咖喱雞只是沒有食材。如果用正價在餐廳進食，而得數粒雞肉，真的沒有回頭機會了！

星期日中午黎食飯 因為見到網上都是好評店裡就得一兩檯人食飯 無咩人食兩個人分別點了西冷牛排意粉和煙三文魚意粉先上番茄濃湯 好濃味然後就到主菜牛排好大塊 煙三文魚也有好幾塊飯後就有杯飲品食完無耐 就覺得好口渴一直到夜晚都係好口渴係咪放左好多味精煮

最近將軍澳開左一間新派泰國菜，餐廳座位都幾闊落，有卡位等等☺️裝修都幾別緻👍🏻餐牌有唔少特色新派泰國菜。生菜包（豬肉）豬肉用左香葉同青檸汁炒香，味道好好，加埋生菜🥬好開胃。😋生牛肉船粉生牛肉味道好重鮮牛肉味，船粉幼幼都都掛到湯汁。軟殻蟹冬陰公意大利飯炸軟殻蟹好香脆，意大利飯用冬陰公湯汁煮好😊都幾入味。新鮮椰青，椰青好多汁同清甜。香芋椰汁雪山，e個好好飲，香芋味好重，有椰汁🥥打成嘅雪花冰😍好似一個甜品咁🥰

將軍澳帝景灣亞洲薈，街坊泰國菜餐廳，原來除左泰菜，仲有西式pasta呢！Menu:先來一杯青檸梳打，解解渴！再來一客小食，香茅雞翼：香脆美味，即叫即炸熱辣辣！香葉肉碎蛋飯外表看起來冇乜特別咁，切開煎蛋後，半熟蛋汁流出，滲入熱騰騰的白飯內，炒肉碎味道帶微辣，好好撈飯！青汁煙三文魚闊條麵除左泰菜之外，menu上仲有西式pasta供應，就好似呢個咁，羅勒葉汁、煙三文魚、闊條麵，三者味道好夾，入味又飽肚！

Try someting new,搵埋媽媽來帝景灣商場亞洲薈食fusion 菜。踏進餐廳，感覺型格路線，灰色墻身，一幅墻掛著電子結他，空間感十足，座位寬敞。望望餐牌，都真係幾多選擇，菜式多。最後選了黑松露 帶子 意大利飯，炸蝦餅和蟹肉海鮮金邊粉 。黑松露帶子意大利飯賣相吸引，飯未到，已經聞到黑鬆露香。帶子大大粒，鮮甜。飯粒香滑，口感不錯。個人喜歡配有西藍花，甘筍，營養均衡。蟹肉海鮮金邊粉 湯香噴噴，有豆卜，好多一絲絲蟹肉，還有蝦添。金邊粉夠曬滑，有質感，完整一條條。炸蝦餅剛炸完上碟香脆，當然趁熱食最好味，外脆內甜。蝦肉嫩香，外層不會厚，所以突出蝦肉的鮮嫩。食完不會乾。整體而言，將軍澳比較少fusion菜，烹調技術不錯，舌頭開心一遊。

今晚跟家人係家附近搵食，行到呢度見到有泰國菜，又好想飲番碗冬蔭公湯，就進餐廳開餐啦！#冬蔭公湯酸酸辣辣，熱天飲用很正，大蝦🍤都新鮮彈牙。酸味比辣味重，故飲得很開胃。#豬肉碎生菜包 食泰菜必食之選，肉碎唔太辣，連平時食唔到辣嘅朋友都食到。#煎三文魚意大利飯配他他汁煎三文魚肉質結實，外皮帶脆口，配上意大利飯他他汁味道唔錯。

今晚在家附近吃飯，這家餐廳位於帝景灣商場，位置不算當眼，大概只有附近的住戶才會知道。餐廳裝潢簡單，牆上有不少懷舊復古的裝飾，播放著國語歌曲。座位比較靈活，有卡位，也有多人座位。餐牌上的食物選擇很多，有泰式菜式也有西餐。⭐️牛油雞翼$68大大隻雞翼，入口脆卜卜，雞肉都嫩滑。⭐️泰式炒烏冬口感有點辣的炒烏冬，加上碎肉和牛肉片，增加口感。⭐️香葉肉碎蛋飯$68碟頭飯的進階版，肉碎加上飯，肉碎伴飯容易入口，吃完一定會覺得飽。

Asia Fusion Cuisine🍽 So Thai So Good💫..將軍澳沿海地段，都有一間街坊fusion 餐廳🍽，主力供應多款泰式 × 歐陸 fusion 亞洲菜🥢。雖然位置有點隱密，但多一份寧靜舒服，小店人不多而且有特色，價錢亦親民呢。ll $58 3串/ $88 6串Grilled Satay Skewer有燒烤風味，雞肉🐥 夠嫩又入味，配埋花生醬好惹味。除左雞肉，仲有牛肉🐮 選擇，炭烤風味又足料，值得一試。ll $78Papaya Salad, thai Style開胃前菜，青木瓜絲做沙律🥗 健康之選，帶點點微辣，食落又夠fresh，係我既菜喔。ll $76Supreme Boat Noodles至尊之選💫 好豐富：牛丸、牛柏葉、肥牛、魚皮、牛腩，牛魔皇之選。河粉🍜 口感好滑帶點煙韌，質素不錯。llScallop Herb Pasta 麵條🍝 同樣夠粗夠煙韌，帶子鮮嫩，加埋香草汁💚，味道討好。..小店價錢親民，食物質素算有水準，黎TKO 想吃泰式fusion 菜❓泰式 × 歐陸之選💫 可以一試喔。..×××××ש將軍澳唐賢街23號帝景灣商場1樓34-35號舖..

呢間店嘅菜式多樣化，主廚對於唔同國家嘅菜式都相當熟悉。無論係泰式菜定係西餐都係咁好味，迎合唔同朋友嘅口味，帶女朋友泥就一定唔洗驚餐點唔岩食啦😝🍝羅田勒醬煙三文魚意粉好味指數：👍🏻👍🏻👍🏻👍🏻👍🏻 煙熏三文魚超香，口感嫩滑彈牙。同時主廚仲悉心擺盤，同三文魚排成花形，打卡一流。每條寬條麵都掛汁，羅勒醬味香濃。有菇同蘆筍作配菜增加口感。🐔鳳爪好味指數：👍🏻👍🏻👍🏻👍🏻酸辣嘅調味，少少偏辣，都幾開胃，味道有少少似冬陰公口味。鳳爪口感爽脆，仲已經去骨，方便食用，女士們可以好優雅咁食。🥬蒜蓉炒椰菜苗好味指數：👍🏻👍🏻👍🏻👍🏻好香蒜蓉味，除左新鮮蒜蓉，仲加左炸蒜。椰菜新鮮爽口，經烹調後仍保持到青綠色。🪑環境適合1-8人入座。座位相當闊落。以下係餐牌俾大家參考一下：

亞洲薈 📍將軍澳呢日去咗將軍澳探朋友 佢話屋企樓下開咗間新嘅泰國fusion菜 一於去試下🍅鮮茄蟹肉湯金邊 番茄味香濃😛 材料有蟹肉、豆卜、蝦同魚片😛 魚片有兩塊 蝦肉幾彈牙 金邊粉索晒番茄湯好好味😋 成碗湯都飲得😋🍤泰式春卷 泰式春卷有四條 入面有好多蟹肉 好香脆 點埋泰式酸辣汁好惹味😋😋🍛紅咖喱雞肉雞肉好大舊 份量幾多 雞肉幾嫩滑👍🏻 紅咖喱小小辣 加咗椰汁好惹味😋😋 另外有茄子、荔枝等配料 好特別🤣 值得一試😛

屋企附近新開左間fusion餐廳～近近地 一於試試！墨西哥薄餅呢個有驚喜薄餅即叫即整！皮非常之脆口～餡料係用咗雞俾肉，好嫩滑！再加埋製秘嘅醬汁，非常惹味冬陰功海鮮意粉呢個冬陰功幾適合香港人嘅口味～個湯唔會話好辣，清清地，但冬陰功味都非常夠味！仲有唔同嘅海鮮蜆肉炒意粉係fusion嘅菜式，西式野但係用咗中式嘅煮法係用鑊炒㗎，食落去更香，有啲似豉汁炒蜆！呢個餐廳真係好多唔同地區嘅菜式選擇一晚可以試暈晒泰國、墨西哥、中式，推薦大家一試！啱晒唔同口味嘅朋友

今天約左朋友去她將軍澳新居，地方及景色都好美，樓下附近還有些食店，環境衛生非常乾淨。靜中帶旺，只須行5-8分鐘就可以到達將軍澳站。傾到7點左右我們就在附近食晚餐，餐廳叫亞洲薈正在試業中，我們叫左:生牛肉船粉 $58:牛肉剛好少少生，浸在熱湯上就剛剛熟，入口鬆軟又有濃濃牛肉味，滑lulu河粉吸入上湯，即是變成一碗非常好味的牛肉粉。蒜蓉炒雜菜 $78:當晚雜菜是西蘭花和生菜，蒜泥瀑得得香而且仲非常之多，喜歡食蒜頭的你就一完要來試下啦！菜炒得好有鑊氣，生菜又青綠又爽口，西蘭花剛好不會太硬，味道就剛好。南瓜忌廉雜菌意粉$88:這個南瓜忌廉汁好夠，南瓜溶解在每條意粉，而意粉吸左南瓜和忌廉汁，又香又滑非常好味，上面還有一些卜卜脆蟹子作點綴，有得睇又好食，今晚的晚餐好滿足。😋👍+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

在家附近開了一間泰式fusion 餐廳，今天和家人來試一試生菜包 - 泰式前菜必點的，清爽生菜配上惹味豬肉碎，肉碎中有洋蔥絲，口感爽甜而且香茅味道噗鼻用生菜包著來吃，非常惹味醒胃串燒牛肉 - 牛肉肉質鮮嫩多汁，配上秘製串燒醬來吃十分惹味冬陰功軟殼蟹意粉 - 泰式冬陰功配西式炸軟殼蟹意粉是出奇地夾軟殼蟹炸得非常香脆可口青咖喱雞 - 有無骨雞肉，青豆和泰式茄子青咖喱比一般咖喱香辣，雞肉啖啖肉，送飯一流馬拉盞炒通菜 - 馬拉盞的鹹香沾滿了每一條菜，十分有鑊氣這間泰式餐廳食物質素高，而且價錢合理，絕對可以再來