亞玉冰室 (已結業)

相信元朗人無人唔識亞玉冰室，除咗係一間有人情味嘅良心小店，佢仲同我撞名🤪 其實除咗Cafe、壽司，我都好鐘意去冰室、茶記💞 不過成日去果陣都唔記得影相！去親亞玉都必叫佢哋嘅大大杯紅豆冰，今次店員介紹我哋食茄汁炒通粉，酸酸甜甜愈食愈開胃🍅 記得以前佢哋不時仲會賣大大粒花生糯米糍，勁高質，大家見到記得買嚟試吓🥜 💰公司茄汁炒通粉 $57💰茄濃卜卜峴烏冬 $62 📍亞玉冰室地址︰元朗西裕街17號民康大廈地下4-5號舖

已經唔係第一次幫襯，黎過幾次店員全部都好好人，又好有禮貌，所以用餐好愉快今次叫左下午茶沙嗲牛肉包$36我叫左走牛油，麵包好軟熟，牛肉份量好多正呀另外叫左一個豬頸肉煎蛋飯$54豬頸肉大大塊，好食

嚟到元朗，一直都知亞玉冰室好出名，今日經過一於走入去試吓入到去就叫咗我最愛嘅焗豬扒飯（下午茶餐）嚟到睇個賣相都好吸引，個係炒底嘅，焗嘅時間啱啱好，而塊豬扒都好Juicy，整體來講唔錯味道都好一流雖然環境就簡約咗少少🤏，但勝在員工質素好，好Nice，好有heart❤️，係少有茶記嘅服務質素有咁好臨走同老闆吹左兩句問我啲食物好唔好食，會關心客人嘅餐廳，咁先可以保持食物嘅質素，呢點係值得稱讚既希望大家都嚟試吓啦

位於元朗出晒名有良心既人氣冰室，第一次試嗌左外賣焗意粉返屋企試，果然不負盛名💛芝士豬頸肉煎蛋焗意粉（$62）呢個item本身係配公仔麵，今次轉左焗意粉感覺健康少少煎香既豬頸肉肉質軟稔又夠哂香口，份量多撩極都仲有！雖然焗意粉略嫌軟身，但有足夠芝士汁撈到尾都唔怕乾，仲做到拉絲效果煎蛋有少少（真係少少）流心，成兜意粉食完會有d滯，但係係令人安心既香港茶記味道🤤又好食又有良心既冰室，下次要試吓焗公仔麵同埋炒通粉😍大大力支持呀！

⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️🍴美食資訊🍴公司茄汁炒通粉（$57)非常好食嘅炒通！我平時係唔鐘意食通粉，但試左啖，真係唔可以話唔好食🤯太陽蛋，煙肉，腸仔，配埋個汁，非常開胃👍👍👍瑞士汁豬頸肉炒丁（$54)同樣好高質嘅炒丁👍豬頸肉煮得好嫩滑，瑞士汁甜甜地好好撈面，份量亦都唔少。小童鴛鴦（$6/跟餐）好立克+華田，個人覺得係甜啲同更有奶味嘅華田😹好飲！咖啡紅豆冰（$10/跟餐）呢杯嘢一上枱都嘩左聲，超級大杯！紅豆係大大粒個啲而且冇手軟，比好多🤯不過我唔鐘意咖啡底，但反而肉公主就好受落。⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️👑評分味道：4/5環境：4/5價錢：3/5份量：3.5/5服務：4/5會否推薦：會位於元朗嘅冰室，位置闊落坐得舒服。食物質素又好好，點嘅嘢食都食得好滿意😛店員亦都好好，本身杯紅豆冰佢地落錯左凍啡，嚟到我地要佢地換返都冇黑面，講聲唔好意思即刻換返👍⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️

是咁的早排同朋友喺元朗行完山咁就落返去元朗搵嘢其中一個朋友就介紹呢間亞玉冰室就話又有良心又係平靚正之選咁就實要支持下佢啦入到去坐低諗緊食乜嘢有個店員已經好主動過嚟問諗好食咩未咁由於未諗好食物所以就問吓佢有咩好介紹佢就問我平時有冇食焗嘅公仔麵我諗諗下又好似真係唔多有咁佢就介紹我食呢個芝士汁豬頸肉煎蛋焗公仔麵咁就一於試試佢嗰個公仔麵嚟到之後賣相都幾吸引見到都覺得夠熱出曬煙而且啲芝士汁都好足夠除此之外一路撈嘅時候發覺佢啲豬頸肉超多總結平靚正埋單大概$70左右

亞玉冰室係好早期嘅黃店💛👧🏻👦🏽一直都好想去試，但唔係之前好多人，就係冇時間去食🤣隔咗咁耐終於有機會啦好好彩趕得切食下午茶，所以以下落嚟嘅價錢都係會平啲冰室叉燒炒意粉 $40👦🏽表示好耐冇食過叉燒炒意粉啦，好有懷舊feel🤣🤣叉燒都OK，肥瘦都算均勻，因為👦🏽好怕食到一大舊肥膏😂味道唔算濃，有少少甜味同鹹味，但欠缺左茶餐廳應該有嘅鑊氣🤔🤔🤔不過呢個價錢都算係OK嘅芝士卡邦尼繪意粉 $41其實唔應該喺茶餐廳叫西餐，但👧🏻見到芝士又忍唔住🤣😂😂食落冇乜芝士味，同埋個汁都冇平時嘅卡邦尼味😂😂😂煙肉正常，但係份量偏小🤔🤔下次都係叫返正常茶餐廳嘅食物好啲🤣

亞玉冰室下午茶好多元化，好多都好食，今日叫咗吉列朱扒拼薯條，西多士，佢個西多士應該加咗鹹蛋黃去炸，食落一陣香味，必食推介，但係要數到佢最吸引人嘅一定係紅豆冰系列，今日叫咗呢個奶茶紅豆冰真係冇得頂

一日一黃店-元朗國良心高質茶餐廳 呢間焗飯好高質 呢日晚市黎到 唔算多人 走果時 店員勁nice 問我拎唔拎張番Edan 卡 仲即興唱左句： 一睇就知我鐘意error啦 i am lady killer😂心諗 店員有d料到😅.呢日試左⭐️芝士卡邦尼焗意粉$60呢個好高分 未食都聞到好香👍🏻芝士白汁緊緊包住每一條意粉👍🏻芝士量多 每一啖意粉都做到芝士拉絲👍🏻意粉軟硬適中（話說芝士 可以拉絲拉到天花板😂）.⭐️芝士咸牛肉蛋包$31都好食 但相比 上面焗意粉冇咁驚喜👌🏻芝士汁ok 芝士味唔重🤔似普通白汁 唔會食濟😋切開入邊 滑蛋 咸牛爆出黎整體都唔錯..#亞玉冰室 (元朗)地址：元朗西裕街17號民康大廈地下4-5號舖.⭐️評分：味道：4.5/5環境：4/5服務：4/5抵食：3.5/5

好耐之前已經開始幫襯亞玉！佢地的野低食夾大件, 老闆人又好, 好中意同客人傾計😄佢地下午茶都好大份, 今時今日三字頭既下午茶仲要大大份又好食係邊揾？🤫我呢次晚飯時間黎叫左個1/ 咖啡雞扒飯$56, 咖哩汁味濃, 雞扒厚切冇得頂2/ 卡邦里意粉$60, 同樣汁味濃, 份量一個人食有餘😋😋另外佢紅豆冰系列飲品都一樣係重點, 跟餐加$10便可我地叫左椰汁紅豆冰同奶茶紅豆冰, 的紅豆又多又夠甜，而且杯飲品仲好大杯, 真係好正！** 十分推薦大家去食！👍🏾

入到去，所有侍應都好有禮貌，收錢個個直頭會同你吹下水講下笑，氣氛好好。食物方面，這成日都會飯出前一丁雞脾薯條餐，哩個配搭真係不得之了。我食盡所有冰室，可以大膽講句，無地方可以咁樣嗌🤟🏻最緊要係，佢係真黃！有付出，唔只係貼下野👍🏼

同朋友喺元朗行陣街之後就去食下午茶黎到元朗 當然要撐亞玉冰室 下午茶餐超好味 個個包都好好食 😋🧀 芝士鹹牛肉蛋包 $35 超多芝士 勁吸引🤩🤩 芝士味道重奶味 雞蛋好滑 配合鹹牛肉一齊食 更突顯鹹牛油的香味 -🐮 沙嗲牛肉包 $36 初初以為係平平無奇的牛肉包 但估唔到 有好多好香濃的沙爹汁 而且牛肉好嫩滑 一咬就咬到 🥰🥰 好好味唔似出面個啲 好鞋的肉質 🤩🤩😆-🍞 法蘭西厚多士$32呢個西多士真係勁厚 未見過咁厚😂🙈 而且炸得好金黃色 裡面包花生醬 加上蜜糖 邪惡得來又好好食😆🙈🙈-🫓 奶醬多士 $16（單叫）多士烘到岩岩好 脆卜卜 奶醬份量十足 每一口都有奶醬😋😋 -🍴整體而言🍽每樣包都好好食😋😋 充滿驚喜🤩🤩 朋友都爭住黎食一定要黎encore 😆😆😋 侍應服務態度友善 ☺️☺️ 見到我唔夠力斟水都會主動幫手

高汁茶餐廳招牌鮮茄菠蘿焗豬扒飯絕對唔hea茄汁夠濃郁，超夠茄味配埋菠蘿唔會太膩豬扒都夠淋👍🏻👍🏻加左杯蜂蜜菊花露，都好夠味牛油雜菜就清淡為主，淡淡牛油香想食菜嗌佢唔錯

冰室熱狗巨型熱狗嘅麵包用上軟包，比一般嘅熱狗包無咁乾，沙律醬唔會過酸，生菜爽脆，以冰室食到嘅熱狗黎講，CP值好高！咖啡紅豆冰用上大杯裝住，好有份量！咖啡同紅豆原來好夾！咖啡底比一般紅豆冰嘅花奶無咁甜，加埋綿密甜糯紅豆一齊飲，甜度啱啱好！

大鄉里出城，入到元朗城，中午超熱鬧，好多人搵食，天時暑熱想飲杯凍檸茶，就入左呢間冰室。雞扒份量夠，撈丁唔貴，上菜快，要求唔高，出品正常，坐得舒服，五十蚊左右，收貨。