亞玉冰室 (已結業)

幾日前睇報紙,得知呢間黃店老闆遇襲,咁啱諗住今曰(25-7-2020 Sat)入元朗恆香攞餅,咁一於順便同老公嚟支持.我哋嚟到,啱啱食係飯時間,都幾多人等位,喺門口睇吓,有好多甜品食,老公話諗住試,等咗大約8分鐘就有位喇.坐低睇完menu,老公決定要$58.00嘅亞玉鴛鴦焗飯,加$6.00要咸檸七,我要$48.00嘅常餐C,要熱檸水.等咗一段時間,兩杯嘢飲到嚟,再等多6分鐘,我嘅常餐C至到嚟,有漢堡扒,腸仔,牛乳炒滑蛋拼奶油豬,我估唔到漢堡扒有3塊,奶油豬大大件.牛乳炒滑蛋的確夠滑;奶油豬嘅錬奶落得好多,有啲過甜,但個豬仔包係烘得夠脆,唔錯;漢堡扒同腸仔係來貨,唔使評.我哋食完我呢份後,老公嘅焗飯仍然未到,由落單起計,足足33分鐘至到,咁究竟,亞玉鴛鴦焗飯係咩鴛鴦?睇睇,原來係芝士雞扒同茄汁豬扒兩樣,呢兩個扒口感都好鬆軟,飯亦夠軟熟,唔係乾爭爭,但唔知係味茄汁太多,味道太濃lu.我哋食完行出去時,老公至記得未食豆腐花呢啲甜品. 味道:4.08分服務:喺門口等位期間,職員有貼心咁問有冇人頂唔住熱,入面有兩個位可以坐住等.侍應同收銀個個都好親切同有禮貌.

同朋友睇完太陽花之後來左冰室食，幾好味😋 下午茶30幾蚊到， 叫左西多士同芝士咸牛包，西多士好大件，呢種極肥美食通常都好好食，邊夠脆，整體唔乾，牛油🧈夠香，花生醬滑身，無得輸！朋友的芝士咸牛我就普通，因為佢係用熱狗包，我鐘意三文治款多點，佢咸牛係夠軟夠滑，但我鐘意有少少一絲絲口感的咸牛多點，覺得佢呢款太軟身無口感，芝士唔係拉絲而係芝士醬，味道無拉絲咁濃郁，勝在分量夠大，整體我普通～紅豆冰另加9蚊，超級超級大杯，隻匙差唔多被淹沒，紅豆偏軟身，分量多多，應該有加煉奶因為偏甜，唔錯的～ 我見隔離台有奶茶底的紅豆冰仲特別！有機會試下！坐得都幾舒服😌

今日同男朋友入咗嚟元朗, 佢好雀躍咁要帶我去佢成日都幫襯嘅一間冰室食下午茶~ 😌嚟到餐廳門口, 因為滿座, 冇諗過晏晝三點幾四點都會咁旺 😲 等咗5分鐘左右先入得去..間冰室都幾大, 入到去見到有好多poster, 提醒大家要小心處理用過嘅口罩, 食嘢之前要洗手等等, 而且唔會要人客搭枱, 算係近期令人比較放心坐低食嘢嘅餐廳~ 😌男朋友推介我叫呢個卜卜蜆湯日式烏冬, 知我鍾意食啲蕃茄味湯底嘅嘢 上菜嘅時候望見滿滿嘅蜆都嚇咗一跳 一試個湯底, 好濃嘅蕃茄味, 烏冬有咬口, 酸酸地好好味好醒胃~ 跟套餐加咗個$9 懷舊紅豆冰, 原價要$26, 好抵! 杯紅豆冰超級巨型, 紅豆夠冧, 食得好開心 男朋友係常客, 叫咗個咖喱飯, 亦都係加錢配紅豆冰, 仲好為食咁加多兩個砵仔糕 味道唔錯~ 餐廳俾人嘅整體感覺唔錯, 都算乾淨, 希望下次再有機會幫襯! 🤗

上次食過一次，今次再去食，因為餐廳都幾多嘢食。。。就我而言，要試一間茶餐廳/冰室掂唔掂有三樣嘢係必試：1. 炸雞脾2. 焗豬扒飯3. 咖哩上次食過炸脾感受良好今次帶住小朋友，所以試唔到咖哩要食焗豬扒飯。而小朋友就叫咗個雞排司華力腸意粉粟米汁。。。個意粉黎先，都幾有水準，粟米汁又好食，小朋友都好鍾意到個焗豬扒飯黎個陣，賣相吸引，但食落去個汁太酸啦，豬扒唔夠juicy, 啲蕃茄係生嘅，好明顯無煮過，茄汁還茄汁番茄還番茄。。。最重要係焗豬扒飯應該係炒飯底，但佢係白飯底而且啲飯黐埋一舊舊，真心唔合格。。。雖然我會好捧場黃店，但唔會盲撐唔好食都話好食，下次會試埋咖哩。。。焗豬扒飯🙅‍♂️順帶一提，佢有個肥妹侍應，真心態度唔好，又hea, 最重要係佢傳菜個陣口罩係除低左，講真以前真係無乜問題，但呢啲敏感時期係咪要戴住呢？

不知會否是最後一年的悼念，看著電視直播，內心激動但又十分無力，唉…最後到了亞玉食晚飯，餐廳內的燈半關，換來枱上的白蠟燭，雖然是燭光晚餐，但意義完全不同，你懂的自然懂。感覺帶點傷感的燭光晚餐。餐飲要了凍檸茶走甜，大大杯又夠凍，好飲。食物點了自選百撘，雞扒雞蛋粟米汁飯，是晚比平時更大碟，汁非常多，正啊！滿滿的蛋汁好綿滑，至愛呢個親子配撘。雞扒大塊厚切，雞皮煎得香口，好味。另外仲有公司炒通粉，同樣大大碟，味道偏鹹少少，可接受的。每一枱都有燭光㗎，十分有氣氛。今天晚上不多人，不用等位，大部分人都出去了吧。

亞玉豆腐花就食得多，今次就去亞玉冰室支持下💛紅豆冰 (主食奉送茶或咖啡，加$9可轉紅豆冰)食紅豆冰要用到啤酒杯😱即使嗌左少甜仍然係超甜!! 大概係因為佔左個杯三分一高度既紅豆吧! Any肥🤷🏼‍♀️粒粒紅豆都好大粒好有咬口，奶都好滑好香濃...好邪惡😈😈😈瑞士汁豬頸肉炒丁 $50依個炒丁好足料，有成6、7片豬頸肉🤤好多人話豬頸肉唔健康，唔好食太多! 的確係既，但佢爽口既肉質真係太易令人上癮啦🤭略嫌依個炒丁既瑞士汁偏甜，食食下有啲似食甜品，食到一半就飽左😂招牌蕃茄菠蘿焗豬扒飯 $56依個焗飯有3個主角: 🍅🐷🍚🍅蕃茄汁既調味係出色，酸酸甜甜好醒胃，撈飯一流👍🐷豬扒就因為太瘦太乾而扣分，如果厚身啲juicy啲就會更好💪🏻🍚飯炒得好乾身好有口感，加埋用蛋炒就更加香口，蛋炒飯的確唔易整嫁👀瑞士汁雞髀 $28雞髀好大隻，但都係同樣地有啲乾，而瑞士汁既味可以再濃啲，感覺煮既時間好似爭啲，以至雞髀未夠入味🤔any肥，啖啖肉食完真係好滿足✌🏻

「菠蘿鮮茄焗豬扒飯」，酸甜味道岩岩好，芝士更可拉絲，大大塊鬆軟豬扒「咖啡紅豆冰」咖啡味香、滑，大大粒原粒紅豆，超級大杯，非常消暑低飲「沙嗲牛肉麵配雙蛋多士」沙嗲味香而不油，牛肉鬆軟「窩蛋吞拿魚意粉」超多吞拿魚碎和粟米粒，滿足愛吃吞拿魚的人，窩蛋半熟加白汁，賣相不錯，可能吞拿魚太多，有點鯹「鴛鴦扒焗飯」雞扒+豬扒，茄汁味道煮得出色，甜酸味岩岩好，但無什麼特別

茶記係香港既特色，岩晒節奏快要求多既香港人。元朗開左間阿玉冰室，就咁聽個名已經覺得好趣致，佢除左有普通茶餐廳既野，仲有豆腐花，糯米糍呢Ｄ傳統甜點，好特別。食物選擇好多，琳瑯滿目，一時之間都唔知揀咩好。有選擇困難既我最後叫左個咖哩牛腩飯，朋友就叫左白汁吞拿魚焗飯。咖哩牛腩飯：送同飯分開上，牛腩數量好多，咖哩汁都好多，多到可以好似撈湯咁，岩晒大胃王。另外個汁幾辣下，仲會越食越濃，好惹味，牛腩不過不失。白汁吞拿魚焗飯：好大兜，勁多吞拿魚肉，汁多飯多，女仔完全係食唔晒！味道都唔錯，有非常香濃既芝士味，仲要焗到少少燶，岩岩好。由於款式太多，下次會試其他餐，我諗要試晒都要一段時間。又或者外賣Ｄ甜品番去食又得。

元朗國高質黃店推薦🤤💦💛五一嘅黃店特別多人！但都值得等待💛門內又多文宣同memo💛仲要坐得好舒服😌食物質素都好高質！📍1️⃣叉燒通粉常餐叉燒超級肥美大件！炒蛋好滑！📍2️⃣西多士超級邪惡！勁大嚿牛油！但又好好食！熱辣辣又足料！📍3️⃣焗芝士撈丁友人嗌左呢個焗芝士撈丁，芝士撈丁見得多但好少見係焗嘅！勁香，偷食咗啖覺得好好食！好重芝士味一定勁飽😂————————————————————茶記來講已經好高質！仲要係黃店！高上加高！💛💛💛💛

亞玉豆腐花就食得多原來開埋冰室🙀見到個meun其實好想試不過因為啱啱食完正餐經過唯有下次試正餐啦眼見入面都人山人海所以淨係叫咗外賣：薑汁豆腐花$10/砵仔糕（每買一樣可加$2買一件）/菊花薏米茶$6➡️total$20- 豆腐花同平時其他分店食嘅一樣，非常滑帶少少薑味，食完都唔會飽😂，如果薑味多我都食唔到- 砵仔糕就唔得啦，太多粉，完全唔係煙韌嘅口感- 菊花薏米茶就正常菊花茶咁，少甜無薏米味***店外內都有文宣/全扣你寄賣，黃金程度爆晒

今日去開元朗，專程去黃店亞冰室食下嘢入到去都係例牌量體溫，坐低後發覺佢個餐牌有好多野都好似好好食，有選擇困難症嘅我真係唔知揀邊款好，但由於前幾日好想食炸脾，所以就叫咗個常餐: 炸脾沙律+出前一丁。原本諗住飲凍檸茶算，因為紅豆冰要架9蚊感覺有啲貴，但是但啦紅豆冰同炸脾話晒都係一pair點知......黎到後，杯紅豆冰係jumbo size咁，加9蚊真係好抵，而且紅豆林得黎又一粒粒主角黎啦，出前一丁正常，唔comment，炸脾唔算太大但脆口又juicy唔會話炸到好乾。。佢個沙律就中規中矩啦加咗薯仔加少少分。。整體黎講亞玉CP值幾高，環境又舒服，好期待下次再懲罰佢

呢間店黃到發黑呀成牆都係文宣，之前都出錢租旅遊巴比人係元朗搭出去港島遊行下午茶餐都好平呀我叫左最熱門嘅芝士鹹牛肉蛋包一上碟見到真係好足料呀佢上面個啲其實唔係芝士黎，係咸咸地嘅芡汁，睇落好澎湃諗住切個橫切面比大家睇下，可惜失敗左，因為個炒蛋實在太滑哈哈，一切就散曬，個包睇到烘到金黃好有心機不過個包太空氣太淋身，如果係用法包嘅話， 脆脆口感加上滑溜溜炒蛋一定無敵呀我最掛住係呢杯奶茶紅豆冰！珍寶size!!奶茶都好好飲！茶味夠濃紅豆口感同甜度我都好鐘意！下次去一定要encore呢杯野！

元朗一間特別鍾意既食店店內裝潢尤如舊式茶餐廳一入門口右手邊有自家製糖水同茶果店內亦有一些有趣圖畫茄醬牛肉焗通心粉 大件夾抵食配埋阿華田紅豆冰 夠晒邪惡每日2點開始下午茶可以試下沙嗲牛肉包配紅豆冰 超大杯兒時回憶番晒黎

去左依間喺網上非常之紅之前成日睇社交平台都見到好多人介紹既小店，本身係小店出面嘅時候見到好多人都好驚，好彩原來啲人係買外賣，因為我哋已經揀咗個冇咁多人去嘅時間去食入到去原來個場都幾大，不過都八九成full，講緊三點幾四點，好誇張之前上網見到有人食過卜卜蜆烏冬好似好好味咁，其實仲有好多嘢想食咖喱都好似好正紅豆冰奶茶，超大， 超級足料，紅豆軟硬度剛好，奶茶又不會太甜，好飲卜卜蜆，好足料，湯底非常濃郁加上烏冬好煙銀，好食！呢個非常之開胃，好食堂餐都幾好食個蛋好滑美中不足嘅係由於太多人，要搭枱，呢個疫情期間呢一方便我自己個人有少少麻麻哋，不過可以外賣嘅，如果唔想同陌生人坐得好迫嘅話建議外賣啦不過以茶餐廳來講呢間嘅質素非常之高，會再嚟試吓咖喱系列

亂咁點左一個玫瑰叉燒滑蛋飯。點知非常有驚喜。 超級推薦。另外生炸雞比都ok，可以一試。入座唔需要等位。落完單好快上菜。值得加賞。飲品都正常水準。唯一缺點係當日有烏蠅飛黎飛去。有d破壞心情。