亞玉冰室 (已結業)

真心希望黃店可以爭氣一點。食物：不過不失，番茄湯只是室溫。奶茶有點鞋口。服務態度：大家自行評分1. 漏單自己經歷：食左個粉10分鐘都未上多士，腸，蛋，舉手叫左d 姐姐好一陣，唔係眼光迴避就係話等陣，結果叫多幾次先有。觀察所見：有個食客走去睇住姐姐入機落order 睇下有冇漏單。2. 倒瀉野有個姐姐拎野時倒瀉左d 湯去個食客既背，食客EQ好好，一句都無鬧過，姐姐亦好鎮定。3. 餐具有個食客走去問姐姐有冇叉，結果姐姐比左起碼10隻佢。

優：黃店、老闆員工態度非常友善需要改進：等餐差不多半小時紅豆冰甜到飲唔落焗豬扒飯塊豬扒紙咁薄、唔熱最過份係滑蛋叉燒飯，面係滑蛋，但個底煎到燶晒，都唔應該拎出黎俾客人食吧？總結：對唔住，唔換過個廚房既話，黃到金都無用

餐廳有兩個門囗，人多嘅嘅話要喺收銀個門囗度攞飛，因為第一次去所以差D就咁由另一個門囗入然後自己搵位坐，好在有店員提醒。（畀飛嗰個唔知係米老闆，好nice，仲係我張飛度畫左兩個smile face☺☺）講下食物，我叫左個窩蛋芝士吞拿魚焗意粉$56，btw我兩個餐都唔記得影相😰，幾好食，係預期中嘅味道，吞拿魚嘅量都幾多，對我嚟講意粉都好大兜，我可以分兩餐食😅(唔知可唔可以參考，我嘅食量係食個喺水門泰式雞飯專門店買嘅飯盒就已經有七八成飽)另外我地仲叫左個咖喱牛肉飯$52，牛肉嘅量都幾多，我覺得唔洗專登撈D汁單係D牛肉都可以食晒D飯，但係味道就有少少失望，係咖喱粉嘅味，同咖喱魚蛋嘅汁好似，雖然唔期望佢嘅味道有印度咖喱咁豐富，而我都唔介意用咖喱粉開個汁，但係唔應該只係得咖喱粉味，店家可以再加唔同嘅香料，如果唔係先唔講味道，其他嘅餐廳都會好容易做到一樣嘅效果。我覺得我可以再去，但係就唔會再食咖哩😅

成日都聽人講話呢間冰室好正, 緊係要趁假期訓到自然醒之後黎食個Tea啦間鋪都幾大但而經坐滿左七七八八, 個環境以冰室黎講夠光猛而且都幾乾淨, 就算帶老人家或者小朋友黎都冇問題個tea menu都幾多選擇, 又有啲冰室一定會有既常餐咁, 望到隔離叫既焗飯又好吸引喎, 但由於唔算太餓, 所以都係叫左個冰室叉燒炒意粉, 加埋呢間冰室好出名既紅豆冰系列 - 奶茶紅豆冰個叉燒炒意粉好快就到左, 叉燒既分量唔少, 再加埋啲蔥/芽菜, 基本上每一口都會有意粉同餸, 非常满足, 而且調味夠濃味香口得黎又唔會太油, 做下午茶一流。至於出名既紅豆冰, 係用德國果種大啤酒杯裝, 份量驚人, 杯入面三分一都係紅豆, 加埋香滑既奶茶比我想像中更夾, 絕對推介!

元朗人氣茶餐廳！任何時候都有人排緊隊，不過店內空間唔細，而且茶餐廳翻桌速度快，所以都唔算等好耐。雖然佢叫冰室，不過聽講佢出名食焗野，所以我都無點到全餐，揀左招牌焗豬扒飯。其實我覺得焗豬扒飯黎講幾間連鎖快餐店都已經幾好食，但呢度再好食啲。汁多啲，而且飯無咁硬，塊豬扒都好食啲，肉汁多啲，鬆軟啲，茄汁酸酸甜甜，好開胃，自己一個可以食晒成個飯！加左$9換個大紅豆冰，有啲太甜，但整體都Ok。食完正餐仲可以直接點埋甜品，推介糯米糍，花生芝麻餡，即點即包，皮超薄，餡超多，只係$6一粒！

聽聞呢間亞玉冰室同亞玉豆花係同一老細，裝修走懷舊冰室風格，牆上有霓虹光管，卡位闊落坐得舒服。當日我食咗份早餐，味道還好，正常質素，熱鴛鴦啡味比較濃，口感唔夠平衡，有進步空間。埋完單可以去門口買小食外賣，有豆漿、豆花、涼粉、砵仔糕同埋客家糍粑。糍粑一定要試，糍皮又薄又軟熟，一咬落去佢啲花生黑芝麻餡爆多又唔會太甜，整體味道口感都好正，未咬完已經想再食多粒😋砵仔糕多豆又夠淋，質地軟熟唔會太實，絕對食得過，不過我嫌佢黃糖味唔夠香（我認我嘴刁😝）

首先，老闆及其員工非常有禮員工工作態度勤奮，不像一般餐廳般懶散食物方面，完全感受到用心製作常餐厚多士，牛油用心塗滿多士，烘焗得剛好，外脆內軟食物即叫即製，新鮮熱騰騰煎蛋是超大隻的蛋，蛋味濃郁飲品方面，紅豆冰是用啤酒大杯裝，份量驚人紅豆大粒有口感，好食如不太愛甜吃可叫少甜咖啡味濃，一點都不馬虎缽仔糕小小一件，過到口癮之餘，價錢合理，口感非常好總括而言，這是一次非常好的用餐經驗，會再幫襯，及會推薦朋友幫襯！

📍阿玉冰室🐷🎗️剛好經過，當然要順便支持一下，沒時間坐下吃也要外帶走～平時很少吃中式糖水，所以壓根不知道原來還有可以加芝麻糊/花奶/椰汁...這堆吃法！？🔸凍豆腐花（加椰汁🥥）加選了椰汁，店員姐姐說怕不甜，幫我加了一點點糖粉。第一次吃豆腐花加椰汁覺得超好吃🤣比單純的糖水糖粉有另一種滋味，豆腐花也很滑，感覺太晚發現了～如果加椰奶會不會更好吃？💲Hkd 6 + 3 （椰汁）🏡元朗西裕街17號民康大廈地下4-5號舖#米豬連 #黃色小店 #阿玉冰室 #poyeefoodie

焗豬排飯好似無焗咁，似茄汁撈飯多過焗豬排飯。番茄無番茄味，茄汁好似溝過水咁，炒飯底d又硬，未食過咁無味的焗豬排飯。冰室基本菜式都搞成咁，其他菜唔需要試。份量亦頗細份，完全不推介。

晚上一個人食飯，見佢新開，想試下。地方夠大唔會太迫。叫了芝士豬頸肉煎蛋焗公仔麵，食物味道唔錯。老細招呼很好禮貌。焗飯要等一d時間，如果太聲時間就唔適合啦。仲有無日新鮮製造甜品，例如砵仔糕、客家糍杷。可以外賣，值得一試

豬頸肉焗公仔面好味，卜卜蜆烏冬特別，響元朗其他地方食唔到，另外我朋友食左飯，只叫一個芝士焗薯條，只係29元，D芝士夠多，好味，三個人，跟飲品都係百多元，合理價錢，食物有水準，有外面坐位，吸煙區，希望多此人去食，因為個位置，每間都結業，年輕人首選，老闆很好招呼，可惜忘記影照片

已經第四次黎食，第一次試咖喱雞排飯已經好驚喜，咖喱好香有少少辣，鐘意食辣可能會覺得唔夠辣。之後再試芝士焗鴛鴦排飯，因為即焗要等少少時間，但真係認真好食推介！！仲有奶茶紅豆冰，奶茶夠濃，但紅豆略為甜左啲，不過勝在超大杯！今次試左懷舊雜扒飯賣相唔錯太陽蛋好大隻，蛋黃好大好黃有香腸，雞排，豬排..本身跟茄汁但可以轉汁不過汁既可以再多一點整體不過不失都ok黑椒牛肉炒意炒得好香，好香黑椒味，好有鑊氣牛肉好多，好好味推介奶茶好濃好正每次必飲😍

見元朗新開冰室，梗係要試下，好驚未試就倒閉。所以試業就馬上去試下下午茶餐，雙拼三文治走頂，因為用厚麵包，正常人係食唔晒嘅，所以走頂嗰塊包。唔記得飛邊，所以始終都係食唔晒咸牛肉份量係足嘅，塊午餐肉正常厚度。而且兩人餡料都煎得幾香。杯茶色澤正常，夠熱有底碟，支匙羹又唔怕太長唯獨茶味還差小小，作為一間試業新開茶餐廳，各方面都需要時間沉澱。我覺得各方面已經合格。價錢方面$30有雙拼多士連埋杯嘢飲，響元朗算係經濟。佢個餐牌有啲奇怪，好似好多選擇但係又揀唔落手，我想食嘅炸雞翼搵來搵去都搵唔到