亞玉豆腐花

营业中

休息中

食飽晚飯行去巴士站途中，發現亞玉豆腐花🤤🤤🤤吃完肥膩美食後食返碗豆腐花。$6-$8有交易👍👍👍除了糖水及黄糖，店內亦有一支非常足料的薑汁，辣得來帶有一點點甜味，放落豆腐花中撈來食超正！非常醒胃🤤🤤🤤即日鮮製，豆腐花豆香濃郁，口感嫰軟滑滑的豆腐花真是夏日消暑的必需品！同場還有其他手作小吃，包括芝麻糊、黑豆豆腐花、豆漿、砵仔糕、糯米糍；林林總總的選擇；超推薦👍👍👍熱辣辣，又有豆香，十分抵食！還可以自己加不同味道的糖水，味道很不錯🤤🤤🤤

每次嚟開呢頭都會食呢間嘅豆腐花，價錢平民，又好味，雖然要排隊，不過好快就到😋😋就咁叫一碗豆腐花加糖水同黃糖好似好唔健康咁，所以每次嚟到都係叫豆腐花加紅豆，感覺上好似健康d（雖然都係咁甜😂）豆腐花白滑加埋紅豆嘅甜味同口感，不論係賣相定味道都相當唔錯。呢到可以選擇外賣定堂食，以前堂食係有櫈比食客坐，依家就冇，唔係趕時間都會揀堂食，慢慢嘆之餘又可以環保d.除咗豆腐花之外，重有芝麻糊同砵仔糕、糯米糍等等嘅小食，價錢平民，可以一試

國慶三日假之係咁食<6>元朗掃街勝地 - 阜財街，由街頭行到街尾全部都係食店為主，淨係飲品店都5-6間，小食林立入襯元朗都一定會去揾亞玉豆腐花平時食甜品都唔會叫豆腐花，最驚黃糖好似加極都唔夠味咁，有時又會重豆味但唔滑，唯有係亞玉先合心水~凍豆花加紅豆，成碗幾乎裝到滿瀉。可以揀外賣碗定堂食瓷碗，當然堂食最新鮮兼環保啦豆花十分嫩滑，順住喉嚨滑咗落肚，而且豆味香濃，果然食咁多次都仍然足料！併咗紅豆就唔洗加黃糖粒粒紅豆都飽滿大粒，而且煲到沙囗清甜~配埋淡味嘅豆腐花食，真係一絕！唔洗驚豆花唔夠味，食完豆花都仲有紅豆淨最後食完就還返個碗同匙羹係側邊嘅膠箱~依d舊式店舖愈嚟愈少，每次經過都珍惜仲有得食嘅機會

夜晚收工經過點都要嚟返碗，成鬼日都幫襯，連丫姐都記得我🤦🏻‍♀小小一個店面，不設任何枱位，只有幾張膠櫈，而且食完還要自己收拾好，但這也沒有抵擋過來吃豆腐花的人，糖水和砂糖都是自己鍾意想加多少就加多少👍👍👍豆腐花全由店家即日鮮整，豆腐花豆香濃郁，嫩滑口感嫰軟，除了糖水及黄糖，還加了少許薑汁，非常醒胃。 除了原味，店家也推出了黑豆豆👍👍👍砵仔糕也是一定不要忘記，感覺很道地嘅味道👍👍👍

夜晚收工想食下宵夜，但五系好熟元朗呢頭，去輕鐵站途中見到有條街賣小食多 就行左過去，其中最吸引我就系 呢間 亞玉豆腐花，以前中學附近都有好多中式糖水店 每次我都好中意食豆腐花 ，好有懷舊feel ya, 今次點左黃豆豆腐花 加 紅豆，紅豆好好味，甜而不膩又夠淋，配埋豆腐花 ，五洗落糖水 或者 黃糖都已經夠曬甜 夠曬味，配合得黎 突出豆腐花既滑，五洗五分鐘就食曬碗豆腐花加紅豆，好評呀！

亞玉豆腐花是又新街其中一檔名氣小店。豆腐花嫩滑具豆香，以非基因改造黃豆精製。除豆腐花外，芝麻糊、黑豆漿、砵仔糕亦是該店名物。下圖一碗是筆者所點的芝麻糊豆腐花，芝麻糊甘香而沒有過重的火𤓓味道，跟嫩滑的豆腐花同吃，甚為滋味。

講得元朗嘅名物，除咗燒賣皇后佢旁邊嘅亞玉豆腐花又點可以少得，其實我都唔識邊個係亞玉，端估佢唔係賣嘢嗰兩個阿姐其中之一個吧，我亦唔知道佢係咪又白又滑， 我純粹係想表達佢賣果碗豆腐花真係好白好香好滑😂少少題外話，個標題只係想反映一下個標點符號放錯左之後大家get到嘅意思會有所不同, 靈感來自於「兒子生性，病母感安慰」如放錯標點符號就變左「兒子生性病。母感安慰」😂太離題，我哋都係講返亞玉碗豆腐花吧。。。😅 亞玉豆腐花我同樣係由細食到大，見證住佢慢慢咁加價，今次再去食已經加到＄9/碗，好似無耐之前都係＄7，係時間過得太快，我太耐冇幫襯，定係我記錯？不過佢真係好香好滑，豆味好香，同我一定加糖漿再加黃糖咁先好味。😋 我逢帶朋友去元朗又新街掃街，必先食燒賣皇后的燒賣一串，再食隔離嘅串王串燒，最後食一碗亞玉豆腐花就既清涼又gur 哂（記得要凍先gur 😋）如果朋友有興趣會買埋隔離即製嘅花生糖做手信，元朗除咗老婆餅做手信我覺得花生糖都係一流😋😋😋👍 —————————————————環境：6/10服務：6/10 價錢：7/10食物質素： 8/10 整體：7/10

假期嘅下午要睇醫生，所以入左元朗，睇完就周圍行，表妹提議掃街，一掃，就由警署掃到又新街，體諒下啲病人得唔得呀？表妹由頭到尾都話要黎食亞玉豆腐花，講真我都幾鍾意食豆腐花，所以就跟住行去到發現原來好受歡迎，人龍裡有十幾二十人，仲不停有人加入，仲見到有人食完再排隊添，有冇貢誇張呀？排左幾分鐘就到我，店內幾位姐姐好快手好有默契，點左凍黃豆豆腐花同埋凍芝麻糊豆腐花，黃糖糖水任落，但個芝麻糊豆花已經滿瀉喇，唯有喺另一碗度偷啲黎食。留意返，呢度係冇位坐嘅，門口排隊買完就企埋一二邊自己食啦，好似食魚蛋燒賣貢囉，食完有桶俾客人放返匙羹同碗，全自助形式。講返豆腐花，表妹的確冇講錯，真係好滑，佢仲落左三羹黃糖，梗係又甜又滑啦，但好似唔夠豆味，至於我果個芝麻糊豆腐花，因為已經滿到落唔到糖，所以一啲都唔甜，但芝麻糊夠香夠杰，拼豆腐花完全唔影響口感，下次都係唔好食雙拼喇，試下原汁原味先！

成日經過都見好多人排隊等緊，咁我又排下啦...我就買番屋企，廢事企係路邊食。佢豆味好香，我覺得算滑，我只係加左少少糖水同黃糖。同埋只係10蚊一碗，算平，當然如果可以再大碗啲就更好啦之後應該會隔唔中去買黎食...

之前都post過亞玉豆腐花，專登禁番嚟睇，見到當時自己好強調「大家無論天氣幾熱都要嗌熱豆腐花！」😂然而，人類總是要犯同樣嘅錯誤，而家天氣都熱熱哋，所以我又忍唔住叫咗凍嘅😛其實又未至於「錯誤」咁誇嘅😂因為凍豆腐花都係滑滑的，只係熱嘅係再滑幾倍😂加上薑汁同大量黃糖食，大量到我同行朋友話: 你仲落？🤔不過如果黃糖幼身啲就好啦🌸.黑豆豆腐花其實顏色都唔係好黑，只係比平常嘅豆腐花灰色少少少少。而且黑豆同黃豆豆腐花味道上應該都冇乜分別🤣

平時成日都經過亞玉豆腐花，但食就第一次。因為得企位，有時都唔太想企係到食。但今日同朋友去完街又想食，就停低食。我叫左個凍既豆腐花加紅豆。豆腐花雪左都幾滑。我無再加糖水，諗住紅豆已經有甜味。但係食落都唔太夠味。同埋紅豆係雪櫃攞岀黎，好硬。如果軟啲會比較好。朋友叫左個熱豆腐花加芝麻糊。但2樣都唔夠熱，只係暖暖地。芝麻糊唔太甜都幾好。但我地嗌野食個時，個啊姐好凶，我地諗一諗已經黑我地面。同埋如果有得堂食就仲好啦！

元朗掃街系列～食完燒賣就去左隔離檔食豆腐花！都幾多人排隊！不過賣豆腐花果兩個姐姐好惡豆腐花$9碗，仲平過我屋企留下豆腐花都幾滑，個質感好好，可以自己加糖，企係街邊食真係別具風味加$3就有件砵仔糕，即整嘅，好多豆，不過冇我想像咁好食

今晚食完飯，咁女朋友就話想食d甜野，但係佢就想話簡單d，唔想食d太花巧嘅甜品，咁我腦海裡面第一時間就唸到亞玉豆腐花啦。跟住就揸車過去食啦！一如既往，都係有條人龍仔，但係好快呀姐姐就清晒條人龍，望一望餐牌!咦！加左價wor!價錢由本來嘅8蚊加到去9蚊，不過唔緊要啦，都係抵食呀！人地唔洗交租咩！咁就叫左一碗熱啦！咁碗豆腐花大約用左幾秒就起左俾我啦！咁我就黃糖同糖水都落晒，份量一如既往都係咁滿，食落去就唔係好熱，暖暖地咁，係最好食嘅時間，食落去就好滑，都係咁有豆味，之後好快極速食晒啦！

去到元朗一定要食咩？一定係排哂長龍嘅亞玉豆腐花啦🤤豆腐花夠哂滑 真心每一啖都有豆味點解可以咁正嘅呢😗？BTW 識食一定揀熱食 😏同場加映 香滑砵仔糕唔好睇佢細細舊 但紅豆好夠食一舊完全唔夠 真係想食哂五舊啊🤗_________________________裝修環境：✨✨✨✨服務態度：✨✨✨✨食物質素：✨✨✨✨(5個✨為滿分)價錢：$8+12________________________唔信我嘅可以自己去試試😂地址：元朗阜財街2號宏豐大廈地下12號舖

元朗的小吃一直很有名，今天找了很久才找到这条街，不知道为什么手机导航一开始失灵了。。其实挺好找的，找不到就搜这家豆花店！之前去长洲岛也吃过豆花，所以有对比。长洲的更细腻更嫩，这家略逊一筹。但是这家的料多种多样，有糖水，姜汁和黄糖！我跟当地人学，加了姜汁和黄糖（我觉得应该是黄糖）。感觉香港人真的很喜欢姜。。黄糖配豆腐花很好吃！