亞玉豆腐花

营业中

休息中

好耐無食亞玉豆花喇平時都好少會經開呢邊成日心思思想食都無得食如果有多d 分店就好喇今次一場黎到元朗經過已經忍五住買番幾碗番去慢慢食元朗手信無食一排 水準依舊夏天食凍豆花 好滿足

星期日下午一點多，這個下雨天，竟然也有不少人企在元朗亞玉豆腐花門外食豆腐花。這間亞玉豆腐花沒有坐位，顧客都是站在店舖外立食，別有風味。之前來亞玉都是吃豆腐花，這次決定來點特別的。由於自己好鐘意食糯米糍，不過上次太晚到的關係剛好賣晒客家糍粑，與它緣慳一面，一直念念不忘。今次終於買到客家糍粑，$15有3個，忍唔住買了6個來和家人分享。客家糍粑軟綿綿，柔軟中帶黏糯，拿起手很足料。內饀是芝麻與黑芝麻的混合，咬落皮夠薄，香口而帶有脆勁。砵仔糕12蚊有5個，可揀有紅豆或冇豆。砵仔糕好新鮮，感到些許暖意。黑豆豆漿顏色看起來不會太深黑色，相信是與沒有添加劑有關。飲起來較超市所買到的少甜，相對會比較健康和天然。

元朗又新街這邊這條街都是小吃食店，奶茶、街頭小吃、便利店等等，很有生活氣息。這間豆腐花也挺出名的，除此之外還有豆漿、缽仔糕、糯米糍等等。豆花有黃豆和黑豆，可以拼芝麻糊紅豆沙等，價錢也不是很貴，普通豆花9元，豆漿12，加料就再加錢。用傳統瓷碗裝，很有特色。店沒有位置，只能捧著碗站在附近吃，吃完還給店家就OK。有黃薑糖、薑水、糖水等自行添加，糖粉也不是太甜，豆腐花味道純粹。如果再經過一定會再去食！！！！

呢度既豆花唔錯，幾滑，又有豆香，加埋芝麻糊就仲正！都值得排隊既，不過就要係街邊食，而且服務就無咩嫁啦，本來想叫多個芝麻糊，但個呀姐好趕時間咁，又無手拎多碗，只好作罷。

咩時間都好長龍嘅阿玉豆腐花，當然有其魅力。佢嘅豆腐花真係非常之滑，尤其是係熱食既時候，今次要左加芝麻糊嘅豆腐花，希望食完頭髮會黑啲啦🤣黑芝麻糊幾香，唔會太甜。原味豆腐花可以揀落黃糖或糖水。我覺得淨落黃糖已經好夠。 今次仲見到有$10一碗嘅咋喳，一定要試吓！！！！好抵食。材料甚多，口感豐富。估唔到佢地嘅咋喳都幾好食。最後不能錯過的當然是客家糍粑，內裏的花生餡料很幼細，即日食就最好食，糯米粉皮柔軟又煙韌。

都吾係好好食姐... 真係好少機會會出到元朗, 今次出到泥當然要去食下出名果幾間舖頭啦。而呢一間「亞玉」就係我既試食名單中既一間。果日係星期六晚, 六點幾左右, 都有兩三個人排隊。但都係國內人多。我叫左凍豆腐花其實我食落去真係吾滑，同係南丫島食到既豆腐花差好遠⋯同埋真係無咩豆香味。最大特色只可能就係用舊式碗裝起比你。其實無咩特別。而另一特別可能係呀姐們都吾係幾好笑容。應該係真係做到好攰, 日日都甘多人。但真心吾會有下次囉！

聞說元朗亞玉豆花都頗有人氣，今日同男人又去開元郎就即管試下，一去到都已經見到呢間亞玉豆腐花好多人排隊，果然夠晒人氣~呢到都有好多野食，當日我地就叫左秘製芝麻糊、咋喳、砵仔糕、客家糍、黃豆豆漿和黑豆豆腐~咋喳 見到佢地寫咋喳係新推出，就叫咋喳食~wow...好足料呀，裏面有d西米、大豆、紅豆、眉豆等等，面頭仲有d椰汁甜度適中秘製芝麻糊呢個芝麻糊有別於出面食開既芝麻糊，佢係比較結身同埋啖啖芝麻溶，真係好香芝麻香，正黑豆豆漿 vs 黃豆豆漿黑豆豆漿係少甜，相對比較健康黃豆豆漿正常味道，2個都好香豆味食完碗糖水同豆漿已經好飽了，難得入到元朗，就買埋砵仔糕同客家糍番家同家人一齊食砵仔糕12蚊有5個，好新鮮仲係暖既可揀有豆同冇豆~客家糍30蚊6粒佢地既砵仔糕整得好香滑，家人話好好食客家糍都好足料，裏面係d黑芝麻同花生,這個都好好食難怪咁多人排隊，亞玉你係得既

住得起元朗既人就最愛到阜財街食返D風味小食、甜品咁~~~亞玉豆腐花都立根左起呢度都有十幾年吧~~真係由細細個食起就一直在這~~~所以成日起旁邊既燒烤店食到太熱器就會黎食返一碗豆腐花清清地咁今日休假就專登黎食返碗果然不出所料，假日黎就特別地多人，甚至要排隊，成5-6個人~~~好不容易終於等到我碗芝麻糊豆腐花芝麻糊好香濃，好綿~~~而豆腐花好滑~又要豆香味呢間小店仲有砵仔糕、糍粑架~~~價錢都不貴~~~

天氣熱左 行到黎呢條食街就梗係食返碗豆腐花啦 呢條街 食小食黎又得 宵夜黎又得 夜一夜都搵到食 仲記得以前有間另一豆腐花同亞玉打對台 亞玉仍然危立不倒 一定係有佢原因 豆腐花 有凍有熱 仲有兒時小吃 砵仔糕 宜家買少見少ge傳統小食 呢到就有 細細個容易食 比小朋友 帶返學食 又得 喳咋係佢近期新推出甜品 只是$10 比起其他糖水店 實在價廉物美 見到有得2溝 我都叫碗紅豆沙加熱豆腐花 食下 可以一次過滿足我2個食慾🔸紅豆沙拼豆腐花一大碗的豆腐花 十分超值 仲可以食哂2樣野 紅豆多 好有咬口 加埋滑滑的豆腐花 一流 完全唔洗落糖水同黃糖 本身個紅豆沙都好夠甜 拌埋一齊食 就岩岩好 豆腐花滑到唔洗咬都吞得 哈哈🔸砵仔糕有無豆同有豆選擇 同價錢 梗係揀有豆 扺食d細細個 但紅豆份量絕不手軟 每啖都有紅豆 砵仔糕的質地就偏軟身 但甜度適中 岩哂不喜歡甜的人士

平價滑lulu 豆腐花 企係街食最有風味😋亞玉豆腐花有不少區都有分店 每間都排長龍 🚶🏻紅磡人龍相對比較小 一碗$8最岩掃完街食串燒之後做甜品😎.原味黃豆豆腐花 熱辣辣食好暖身 入口滑流流 豆味很濃郁 不甜 我喜歡不甜的豆花加啲黃糖帶起豆味😋👍🏻 有不少遊客都好識食 叫紅豆沙加豆花 👅.Street food and traditional #hk dessert tofu pudding, u could choose hot/ cold n mixed with redbeansoup!

之前已經試過依間阿玉豆腐花，仲記得係要又平又好食😋😋雖然唔係呢間分店，但都應該有保證卦 lol 今日食完晚飯經過就買咗黎當甜品試試😆😆😆今次試咗之前無食過嘅咋喳，仲有買砵仔糕!!! 喳咋超多料，甜度適中，就算外賣返屋企 雪凍埋都覺得好好食👍 上次喺紅磡店想買有豆砵仔糕但嗰陣已經賣曬😔😔所以今次見到有得買超開心haha 即刻買個試下先，砵仔糕煙韌彈牙，落豆落得好大方，好多豆😎😎😎對比有豆無豆，我覺得有豆完勝 haha 食完細個既回憶番哂黎☺☺☺呢度嘅客家糍粑真係我嘅最愛，入面嘅餡料有芝麻同花生，分量同比例啱啱好，每樣味道都好均勻，好香，而且佢嘅皮好薄，食得出包個陣真係落咗好多功夫，食嘅時候要小心啲如果唔係啲餡料會流晒出嚟😝😝

今日同摯友入元朗搵嘢食，因為唔鍾意排隊等位嘅關係，所以決定去掃街🤤 一落巴士就見到呢間亞玉豆腐花總店，落住毛毛細雨都仲咁多人，都估佢一定係好嘢！所以即刻嚟碗暖笠笠嘅豆腐花，點知.....越買越多嘢食🤣基本上舖頭嘅所有位置都用晒嚟現場整食品，不設坐位，即做即出品，所以全部嘢都好新鮮，我同朋友都好貪心，樣樣都想試🤪$9碗豆花，阿姐問我堂食定外賣，我話識食嘅一定揀堂食，除左要第一時間食到佢新鮮又嫩滑嘅質感之外，本人覺得食豆花一定要用傳統嘅陶瓷碗先有風味，就好似飲酒唔可以用膠杯一樣🤪🤪$9⋯⋯好似好耐冇食過咁平嘅甜品，暖笠笠又滑又有豆香，難怪排晒長龍。朋友叫咗碗豆花拼芝麻糊，都只係$12，太平了🤭黃糖薑汁任加唔嬲😍客家糍粑$15/3粒，即做即食，個皮真係好軟好甄韌，我同朋友都係客家人，都唔知家鄉有咁好味嘅特產🤩紅豆拼豆花，perfect match$12/5個砵仔糕勁多豆，超足料又滑溜食到飽晒都要打包多兩枝豆漿，朋友要冇糖黑豆，佢話因爲佢個人已經好甜😆我就要有糖黃豆，甜度啱啱好😍

食飽飽就同老公搵飯後甜品 搬入元朗咁耐 一直都未試過又新街名物—豆腐花每次行過都見到大排長龍 今晚終於的起心肝排隊回一回佢據聞所有豆製品都係由非基因黃豆製成 夠晒健康 而且價格親民 一直都深受元朗街坊喜愛我地二人分享一碗豆腐花併芝麻糊 只係需要十二蚊 如果單併豆腐花就九蚊 抵食熱食芝麻糊細滑濃香 暖笠笠夜晚食就最啱芝麻炒得爐火純青 無燶味 黃豆豆腐花雪白挺身滑嫩 好似剝殻雞蛋 「𠽌」一下就吞咗入喉嚨兩者混合成為真正嘅又香又濃我地仲順便買埋聽朝早餐 一黑一白豆漿 重豆味 無死甜感 入口口感細滑 真材實料大大枝 不過兩枝價錢上有少少分別 黃豆豆漿十二蚊 黑豆就加兩蚊 見到仲有懷舊小食砵仔糕 當然唔會錯過砵仔糕口感煙煙韌韌帶甜 有豆無豆任揀 可能買嘅時候啱啱出爐 拎上手仲係暖笠笠 元朗名物果然並非浪得虛名

天氣又涼番少少，剛好黎到元朗食宵夜，經過 亞玉豆腐花 就想食番碗薑汁豆腐花暖暖胃！除左豆腐花，我仲見到有其他小食，如砵仔糕、客家糯米糍等，12點關係都係食啲易消化既食物啦！薑汁豆腐花價錢唔算貴$9 一碗！即刻係你面前裝比你，初初我意為豆腐花都有薑味，同普通豆腐花有啲分別！原來都唔係架！都係普通豆腐花、要自己加薑汁，盡管我加左薑汁都無薑味，沒有薑的辛辣，味道偏淡，淡到....豆腐花無咩豆味，除左價錢之外其他都係令人失望

成日蒲元朗，一定知亞玉係老字號，豆腐花出晒名正。同女朋友經過當食個下午茶，一人一碗再買啲小食外賣比屋企人。✨凍薑汁豆腐花🔹豆腐花本身好滑一片片🔹薑汁味恰到好處，有味得黎唔會辣，食熱嘅話一定暖笠笠😍🔹我地鍾意加埋黃糖，有啲咬口✨熱芝麻糊🔹芝麻味重，非常真材實料👍🏾🔹好有質感，絕對唔似其他溝水個啲咁稀✨客家糍粑🔹口感非常鬆軟，十分抵讚👍🏾🔹包住嘅係芝麻花生餡，份量足，真正皮薄餡靚！✨缽仔糕🔹可以選擇有紅豆/無紅豆，好貼心🔹我地比較鍾意有豆🔹甜度適中！👍🏾亞玉嘅水準好高！時不時行過都會買黎食，我地好支持呢種小店，希望越黎越多人識食！😍👍🏾