亞玉豆腐花

营业中

休息中

間中到置樂都會看到不少街坊光顧這店心想味道應該也不錯今天剛巧要到置樂便順道來試一下.黑豆豆腐花 $9黑豆漿就喝得多黑豆豆腐花也是第一次嘗試個人比較喜歡熱的豆腐花感覺豆的味道會更香更濃所以這次也是點了碗熱的先吃一口沒加調味的感覺好似比黃豆製的 豆味更重灑上黃糖一起吃 更美味而且多了一粒粒黃糖脆脆的口感個人十分喜歡.客家糍粑 $6跟平日吃的花生糯米糍味道差不多不過皮就薄很多餡料十分豐富也不會太甜$6/粒也算抵吃不過吃的時候要小心點我吃的時候 花生碎都掉出來了弄得有點狼狽

還記得上次光顧亞玉，美味的食物令人念念不忘，今日特意去一次置樂，找亞玉吃豆花。砵仔糕可選擇含豆或不含豆，價錢相同，我比較喜歡前者，含清新的紅豆味，口感也很嫩滑。芝麻糊天寒地凍最好吃一碗芝麻糊，少少甜又有濃郁的芝麻香，非常暖胃。客家糍粑採用黑芝麻及花生作為餡料，入口煙韌，充滿著花生和黑芝麻的味道。薑汁豆腐花入口十分香滑，黃豆味十足，且帶有點點薑汁味，想加甜可以放多一些黃糖，更能帶出豆花的味道。黑豆豆腐花試完薑汁豆腐花意猶未盡，來多一碗黑豆豆腐花，黑豆味突出，老婆讚不絕口。黑豆豆漿最後來多一支黑豆豆漿，甜度適中，不會蓋過本來黑豆的味道，非常好喝。

落住大雨，黎到屯門亞玉豆腐花，點了芝麻糊豆腐花同砵仔糕。本來想點埋客家糍粑去食，可惜來到的時候客家糍粑已經賣完了。店舖側邊有一個長bar枱可以坐係度堂食。熱芝麻糊豆腐花$12:芝麻味香濃，不似平时沖既芝麻咁，豆腐花暖暖地好滑，食完可以一洗頹廢心情。如果想甜可以另外加枱上糖水薑汁或黃糖，咋喳$10:咋喳超多料，紅腰豆、眉豆、紅豆、綠豆、花生、麥米等，仲加左椰汁，甜度適中﹗砵仔糕($12/5個):小小的砵仔糕佈滿粒粒煮得軟腍紅豆，質地香軟煙韌，一咬入口有好重豆味同有口感，夠晒真材實料，忍不住食完一個又一個。

今日行開置樂，經過見到呢間豆腐花鋪好多人買，一於去食下先😊😊啱晒下午茶時間同老公一人叫咗一碗豆腐花，一碗豆腐花加芝麻糊😋😋豆腐花果然好幼滑，好有豆味👍👍唔怪得之咁多人密密幫襯👍👍另外黑芝麻糊都好香芝麻味，不錯啊仲一人要一個砵仔糕，好多紅豆，不太甜仲有得坐低休息下，食下豆腐花砵仔糕，夠晒香港情懷😍😍

話說早排荃灣豆腐花減價$2一碗，排曬長龍，雖然好想食，但都唔想排隊。屯門原來都有分店，今日過嚟辦年貨，見到有阿玉豆腐花一於試下！呢度嘅豆腐花$9一碗，都一樣咁多人幫襯，但唔使排隊就已經慳番好多時間。 想堂食，但係座位得少量，已經坐滿人，唯有買外賣返屋企食。見佢有d小食，一場來到，買多d返去同屋企人分享啦！薑汁豆腐花$9,外賣碗加$1。豆腐花真係好滑呀，入口即溶，糖水同黃糖味道不會太甜，雖然薑汁味道不算濃，但係清甜嘅糖水同豆腐花真係超夾！好好味！ 辦完年貨好攰，食返碗豆腐花，成個人精神曬！豆腐花加芝麻糊，都係加多$3,外賣碗加$1。媽咪鍾意食芝麻糊，咁就一次過滿足晒兩個願望。芝麻糊味道都是清淡一點的，沒有放太多糖，食芝麻的香味。芝麻糊不是用粉開成的， 仍然見到白芝麻和黑芝麻的微細粉狀，是真材實料啊！不過配豆腐花一齊食，就稍嫌淡了一點，因為豆腐花淡味，芝麻是香味，還是要有糖水增加潤滑清甜味道比較好，所以下次都係豆腐花和芝麻糊分開食好些。還買了客家糯米糍做小食，補充體力，$15有三粒，幾抵食喎！一咬開，真係皮薄餡靚，裏面嘅芝麻同花生餡要爆出嚟咁多！而且糯米皮很薄，口感煙韌軟滑，餡料味道也不會

因為荃灣減價戰事件令筆者認識到這一間「亞玉豆腐花」。機緣巧合下得知屯門也有分店時，於是決定帶友人來一起嚐碗豆腐花。既然是豆腐花專賣店，豆腐花和豆漿當然是餐牌上不可缺少的元素。除此之外，也有客家糍粑和砵仔糕這一類甜點小食出售。乍看以為是芝麻糊，但撥開面頭的黑芝麻糊，其實是芝麻糊和豆腐花雙拼。芝麻糊頗細膩香滑，入口有濃郁芝麻香，細滑的口感不似是用芝麻粉沖出來的貨色。豆腐花豆味香濃，非常滑溜。在沒有加黃糖的情況下，味道會較淡但更能突顯黃豆味。配上濃味芝麻糊，兩者相輔相成，則剛剛好。十五元三粒的糍粑，感覺抵食。客家糍粑可用皮薄餡靚來形容。在薄薄煙韌的外皮下，是滿滿的芝麻花生碎。砵仔糕十二元有五個，順道點了外帶回家作夜宵甜點。小小的砵仔糕佈滿粒粒紅豆，真材實料。紅豆煮得軟腍，入口有豆味；砵仔糕質地香軟。兩三口吃掉一個後又忍不住再拆一個。雖然屯門店的定價不及荃灣店低，但勝在不用排隊等候，起碼抵回時間成本了。

一去到企係門口見到入面有1位員工低頭整緊野，1位背住門口整緊野，下意識我叫唔該，示意門口有人，點知企左成分鐘都無人理我，好自然我以為自己唔夠大聲佢地聽唔到，於是再叫唔該。亦都無人理我，我就再叫唔該(前後3次我唔知有幾多次係聽到啦下)，之後低頭整野既阿姐就抬頭話：等陣啦，咁我好左聲之後等佢慢慢搞埋佢d豆花先走過來。到最後問糖水黃糖要唔要時，態度語氣都好差，因為平時有食開元朗果間，都好自覺咁同佢講糖水黃糖都要，糖水多少少唔該。點知佢落左一下，勁少糖水，之後來個快手落3分1羹黃糖，山埋蓋。就同我講左句：唔夠位落(糖水)阿！ 成件事完左，收錢又唔講幾錢，全程黑口黑面。

和老婆到置樂吃晚飯，回程順道在亞玉豆腐花吃甜品。黃豆豆腐花加芝麻糊豆腐花很香滑，黃豆味濃郁，熱辣辣很暖胃。芝麻糊也是傳統的味道，與豆腐花配合得天衣無縫。黑豆豆腐花黑豆味突出，每一啖都有黑豆的味道。加點黃糖，甜甜地更好吃。豆漿甜度適中，甜味絕不會蓋過身的豆香味，而且用膠樽盛載，方便攜帶之餘，隨時隨地都可以喝。糍粑採用糯米糍的皮，內裡滿載著花生，黑芝麻及糖，脆薄香口，吃完粒仍未滿足，忍不住再多點多兩件。缽仔糕12元有5件，非常超值，紅豆味濃，回味無窮。

都知道亞玉豆腐花呢排嘅荃灣店同對家鬥到難分難解🧐雖然荃灣店豆腐花平啲，但係我寧願落樓下幫襯，慳返啲時間🤭我哋叫咗花奶涼粉、客家糍粑、熱黃糖豆腐花同埋一支黑豆漿和黃豆豆漿🤤當宵夜食一流， 十分豐富，叫咁多嘢都係$50左右，平時去其他糖水舖食碗西米露都唔止~~花奶涼粉正正常常，唔會太甜，如果多啲花奶就Perfect，涼粉嘅口感同其他糖水舖的涼粉有少少分別，淋身少少。招牌黃糖豆腐花水準有保證，始終都係覺得亞玉嘅豆腐花比較香而滑，而且好濃豆味，熱豆腐花係再滑上加滑！！客家糍粑餡料豐富，粒粒都爆曬餡☺️充滿着芝麻同花生餡料！豆漿方面，飲落黑豆同黃豆嘅味道差不多，但聽店員說黑豆較健康，既然味道差不多，所以我都推介大家飲黑豆豆漿🤣

喺屯門食完晚飯之後，就過左隔離置樂買豆腐花做宵夜，喺正置樂麥當勞隔離嘅亞玉豆腐花，位置方便，成日都會落一落街買宵夜比屋企人。豆腐花有多種口味，特別及較受歡迎的是紅豆豆腐花同芝麻糊豆腐花，以上口味都買左一碗，仲買多左原味黃豆豆腐花同客家糍粑！😍😍非常豐富🤤🤤而且價錢好平，食多幾碗都唔怕！先講左豆腐花，紅豆味甜，跟豆腐花非常搭配；芝麻糊香濃，加上豆腐花的香滑，呈現多種口感。最出色的莫過於是客家糍巴，大大粒，而且皮薄餡靚，混合芝麻及花生餡料，份量絕不手軟！🤭

同男朋友經過，一人買左碗豆腐花佢要黃糖我要芝麻糊，2碗都好好味😝不過如過芝麻糊個個再甜小小就好啦!🙈咁平又好味，以後一定會忍唔住成日食!!!😂😂😂😂

今日唔使返工，所以陪長老行街市，行到一半長老已經有些累，又唔想去麥記食雪糕，記得置樂街市內，樂華商場間亞玉豆腐花可以堂食，係商場走廊有幾個位，咁就去坐一坐，食個熱豆花啦。平時長老就鍾意買砵仔糕$3 ，細細個的，唔會太漏，可以有兩款，有紅豆冇紅豆，紅豆煮到好腍好粉，唔會好甜。不過如果五個就只要$12，兩三口就一個，好似抵食好多。砵仔糕$3/1個 ，$12/5個坐低叫左薑汁豆腐花$9， 好滑 有豆香。薑汁唔甜的。店員講如果想甜可以另外加黃糖或糖水，不過我鐘意原味，加薑汁已經好滑好好味，有少少熱，但熱豆花先最滑！見到雙併豆花只是加$3。所以叫併芝麻糊比長老，佢又見新上市喳咋（新上市試食價$10，原價$16）咁就問店員可唔可以併喳咋，佢話冇併喳咋 ，但有併紅豆 。唯有叫碗喳咋，食半碗併個豆花比長老食啦。長老講芝麻糊好香好濃，唔似用粉沖，店員聽到話鮮炒同磨粉的，所以好香喔。喳咋都幾多唔同種類嘅豆，加花奶，豆好綿好粉同腍，唔過甜，老人家唔食得咁甜，剛剛好。阿長老問我食唔食糍粑$6/1粒，糍粑都幾多餡，有芝麻花生之類。皮好薄，都幾好食。之後外賣碗熱豆花，外賣要加外賣盒$1，店員問我加唔加個砵仔糕，外

剛剛與朋友在置樂吃完辣魚蛋，牛柏葉和墨魚後，就想吃點甜的，去亞玉吃碗豆腐花最好不過，便宜又好吃，可謂又一掃街好選擇。朋友選吃黃豆豆腐花，她個人挺喜歡吃原味的，至於我較喜愛多變的口味，黑豆豆腐花配紅豆沙正合我的味兒，當然我們都吃凍的，天氣依然炎熱嘛。黃豆豆腐花滑溜非常，豆香十足，很難不愛上它。朋友吃法很健康，主要添加黃糖與薑汁，黃糖甜而不膩，特製薑汁濃郁鮮辣，令朋友脾胃舒暢起來。黑豆豆腐花比黃豆豆腐花更濃香，其滑嫩在口中滑過，滲人心脾。紅豆香甜綿密，伴黑豆豆腐花吃堪稱一絕，又不用搭配黃糖和糖水就可享受雙重滋味。圓股股的客家糍粑拿上手超有重量的，吃時也要小心翼翼，不慎的話就會像我弄得滿身。客家糍粑皮薄具彈性，既有花生粒，亦有幼細的芝麻，幼中帶粗的口感，頗有層次感，甜美可口。

呢間亞玉豆花開左就快一年，食過佢啲豆花都一定心思思想食今日無帶肥妹女友，自己黎偷食必食呢個豆花加芝麻糊，芝麻糊都係一個幾睇到間舖頭水準嘅作品，呢度嘅芝麻糊嗒落有芝麻粉粒，又夠香濃但又唔會好甜，係咪開粉真係一食就食到。而且佢啲豆花滑過mock殼雞蛋，雖然係咁但都充滿黃豆香，由於無落糖關係，靠嘅係芝麻糊嘅甜味，感覺一凹一凸好平衡打到呢度都仲回味緊仲有砵仔糕同糯米磁賣細枝豆漿小甜亦係豆味香濃價錢親民得黎仲對老友記充滿愛啊！真係得閒經過要食多碗先！