亞萊泰 (黃大仙中心北館) (已搬遷) 新店位置

比個門口吸引左 見到都有好多食物選擇 餐牌上所有食物有八折優惠 飲品買一送一 仲要免加一 抵食👍🏻入到餐廳 職員係餐廳中間位置將所有杯同碟用熱水消毒 感覺會較安心👍🏻本身我都唔知飲品買一送一 好彩店員提一提我地 原本$30/杯 而家$30有兩杯肉碎生菜包生菜好新鮮 肉碎有點兒辣 唔食得辣要注意下 我個人飲左半杯飲品先可以解辣細份小食拼盤好油！特別係蝦餅我用左兩塊生菜吸乾哂啲油先可以食 另外三款小食味道一般 可以唔叫！馬拉盞炒椰菜苗去每一間泰國餐廳我都一定會叫椰菜苗 但呢間炒得麻麻地 馬拉盞唔夠香 菠蘿炒飯 我見每一台都一定會叫菠蘿炒飯 於是我都叫左一個 但點解肉鬆係一舊咁上菜😓 仲要個飯有汁 飯又有咖喱味 勁中伏好奇怪！菠蘿炒飯有汁好奇怪☹️ 仲要個汁個味道配飯好奇怪 似甜酸醬味道 一啲都唔夾😐雖然呢間餐廳有八折 仲要免收加一 但係食物質素真係有待改善 下一次我都未必會再試！

經過見到呢間泰國菜同食有八折仲免收加一，感覺超抵食所以就行咗入去，餐牌上面嘅價錢屬於正常市價，所以八折左就勁抵，飲品仲要買一送一，我哋叫咗個生菜包，雜錦小食拼盤，馬拉盞炒椰菜苗，菠蘿炒飯，同兩杯青檸梳打餐廳中間有一張枱，有服務員用熱水將啲碗碟消毒，感覺都非常安心，值得一讚生菜包肉碎稍為太辣，唔食得辣嘅人就要注意一下，但我食得辣就覺得好惹味，啲菜個感覺非常新鮮，翠綠色嘅小食拼盤就包括龍鳳丸（其實我都唔知咩嚟）有啲似係豬肉貢丸，蝦餅味道正常，魚餅我就一路都唔太好，數春卷個餡我都唔知咩嚟，但係幾好食，全部都炸得好夠熱，係略嫌有少少油菠蘿炒飯味道都可以，但係上面有一個汁，酸酸甜甜就好似有啲唔係好夾，中規中矩青檸梳打味到正常，總括來講食物唔差，但價錢算超值，叫咗咁多嘢都係三百零蚊，平日閒飯可以試試

亞萊泰係一間連鎖街坊泰菜店，全部分店都開喺住宅區，價錢亦係街坊價，但意外地店內裝修同食物賣相一啲都唔街坊，同其他靚裝泰菜店差唔多，但價錢就平好多，人頭二百蚊已經飽到反艇，性價比非常高。亞萊泰有得散叫亦有套餐，除左不設加一，仲有三款超特價菜式，好似$78泰式明爐蒸魚、$40四串泰式串燒同$58肉碎生菜包，兩至四位可點一款，非常抵食。不過見二人餐幾多野食，$318包小食、湯、主菜、蔬菜同甜品，所以最後我地都揀左後者。另外，野飲亦有買一送一。椰汁冰(半價後$15)椰汁味幾重，半價勁抵飲。芒果乳酸特飲(半價後$15)乳酸特飲飲之前記住先攪勻，乳酸味幾重，裡面有幾舊芒果，都幾好飲。泰式小食拼盤小食拼盤包由左至右包括素春卷、炸魚餅、雞肉丸同炸蝦餅，全部炸得香脆唔會成口粉，蘸埋泰式酸甜醬食幾好食。雖然每樣一口一件，但食晒都有啲飽肚。泰式大頭蝦冬陰湯冬陰湯可以分倒四碗，酸辣度啱啱好，幾開胃惹味，裡面除左大頭蝦，仲有秀珍菇同好多香料。泰式海南雞海南雞足有半件，份量好多，雞肉幾滑，碎骨唔多，我最鍾意蘸中間嘅辣醬食。馬拉盞鹹魚炒通菜通菜都係比較嫩，唔會太老太大條，用馬拉盞炒鹹鹹辣辣好惹味。泰式菠蘿海鮮炒飯(

今晚去咗黃大仙食晚飯。行過呢間泰國餐廳見到幾多人係門口等位。睇吓咩料先！原來餐廳有好多優惠！咁就攞張飛試吓先！餐廳員工用滾水幫客人洗餐具、呢個時勢真係要清潔乾淨、客人食都食得安心啲。嘩spring 春日優惠精選special 😍睇落最抵食都係蒸明爐烏頭！飲品又有優惠買一送一！😍泰式明爐青檸蒸烏頭條烏頭size都ok wor，食落都唔錯！不過都要小心腩位有骨！要慢慢品嘗😋泰式海南雞（半隻）呢雞都好有雞味、咬落都唔會Un，Good!鮮檸蜜柚子茶買一送一咁抵無理由唔叫呀🤪

之後我哋點左呢度嘅特選餐牌，有香辣生菜包蒸烏頭等等，全部都係我最鍾意食嘅泰國菜式。蒸烏頭下面有明火，配埋青檸魚露汁，都只係$78條魚仲大大條，用嚟送飯就更好啦。香辣肉碎生菜包不得不讚！真心好食，生菜仲可以encore，因為非常新鮮食，落去爽口卜卜脆！肉碎帶有香辣味道，令人垂涎欲滴。呢度嘅甜品都不能忽視，芒果白糯米飯好吸引，配上椰汁🥥又香又甜，白糯米飯仲整成心形，芒果仲係即切夠新鮮。再叫埋呢度嘅特色飲品好似椰青同埋紅棗杞子蜜令人開懷暢飲。

想食泰國菜可以黎試吓黃大仙呢間亞萊泰，佢嘅環境優美，周圍嘅怖置真係好似去咗正宗泰國餐廳一樣咁！一入到黎發現呢度嘅二人餐都幾抵喎，有好多唔同嘅食物選擇，其中包括泰式椰汁雞湯泰式海南雞半隻迷你泰式小食拼盤鹹魚炒通菜，仲有泰式甜品添，另外因為都想試吓地道嘅菠蘿海鮮炒飯，所以加咗$50升級。好快啲餸就上齊晒，椰汁雞湯用料豐富，裏面有唔同嘅菇類，啲雞浸過椰汁亦特別滑，而且個湯酸酸地有啲檸檬蕃茄味。仲發現湯裏面有好多香茅。海南雞半隻，但份量已經非常多！配上特式嘅醬料，外表金黃色嘅皮，味道都唔算太差。小食拼盤令我有啲驚喜裏邊有四款唔同嘅小食，泰式春卷、蝦餅、魚餅同鳳凰丸，味道各有各特色，初頭都唔相信春卷裏面竟然用糯米製造，而且裏面仲有炒過嘅粉絲所以非常香口。鳳凰丸感覺有啲似幾種肉嘅Mixture，大大粒夠彈牙。鹹魚炒通菜正正常常冇乜特別，但加上特別多的蒜蓉，一流！

叫咗三個午餐套餐 其中一個等左半個鐘先到 仲要千吹萬請 啲阿姐個個扮睇唔到態度超差 個個好似唔休做咁樣 第一個套餐 香茅豬扒黃姜飯 豬扒冇香茅味黃姜飯一pat野咁 第二個套餐海南雞豬手飯 平平無奇不過不失第三個套餐豬頸肉炒寬粉 等左成半個鐘 因為師傅唔得閒炒 問過阿姐點解仲未有啊個阿姐話隔離枱都未得 都唔知係咩原因 啲粉上到嚟一pat野咁又有油淋淋冇鑊氣 兩個字難食以前一直有幫襯食物質素也不錯 但係食物質素越嚟越差員工態度也越來越差建議大家唔想受人氣就唔好去食

今日黎到黃大仙中心，晚餐想食泰菜，揀左亞萊泰。入內前先量體溫同消毒雙手，侍應會將食具以滾水洗燙，衛生意識高。二人套餐 HK$318有齊泰式小食、湯、主菜、蔬菜、甜品。泰式小食併盤(細)春卷，炸得酥脆，蔬菜爽脆有咬口。泰式魚餅，味道濃郁又香辣，口感鬆化。雞肉丸，充滿香草味，彈牙又惹味。炸蝦餅，口感Q彈，蝦味濃郁。香濃泰人椰汁雞湯(細)有大量香茅、草菇等，味道香濃清甜帶椰奶香，雞件嫩滑，椰汁味濃。泰式脆香盲鰽伴青芒果沙律盲鰽炸得香脆可口肉質細嫩，特製醬汁酸酸甜甜帶點微辣，青芒果沙律醒胃又清爽伴碟一流~鹹魚炒通菜配鹹肉通菜爽脆可口，鹹度適中。泰式甜品奇亞籽凍糕味道清甜唔會膩。椰汁西米糕軟糯彈牙充滿椰香。泰燒豬肉丸 HK$48豬肉丸口感扎實配以爽脆生菜包，口感清新減油膩感。奇亞籽椰汁涼粉冰口感煙煙韌韌有咬口，椰汁味香濃，涼粉爽滑。龍眼冰圓肉特多好足料，飲完透心涼，解渴一流。

泰菜控又出動喇！夏天食泰菜好, 可以飲冰冬天食泰菜更好, 食完仍暖笠笠~哈哈, 即係幾時食泰菜都好第一次來這間亞萊泰, 門口同餐廳內的擺設和裝修較九龍灣的, 更有泰國feel。飲品必叫的:椰汁冰, 青檸梳打, 椰青...泰式蒸明爐烏頭做緊特價, $78, 唔理好唔好食, 都叫咗先。出奇地, 條烏頭相當大條, 肉質有咬口, 配合埋D酸辣湯, 簡直一下子KO咗。咖喱蟹亦好出色, 我地分別叫咗蒜蓉包同薄餅來點咖喱, 真係食唔停口！炸蝦餅好有蝦味，又彈牙👍🏻後加了泰式燒墨魚，好香，邊食邊傾邊飯嘢！一流😍

今晚即慶同大佬食飯～時間真係過得好快 唯一一個又細玩到大咁就識咗廿年啦 要踏入四捨五入嘅年頭您真係愈嚟愈靚仔 周圍都見到您個樣呢想當年幾忙都同我慶祝生日 一切在心中Pineapple Fried Rice with Mixed Seafood& Vegetable Topped with Roasted Cashew Nuts & Dried Pork ($105)泰式菠蘿炒飯($105)菠蘿炒飯面上有魷魚仔 蝦仁 肉鬆菠蘿粒 紅蘿蔔粒 青豆 臘腸粒 腰果啲料好足 唔係得個賣相正 炒飯粒粒唔多油菠蘿汁香而清爽 解膩一流 真係想再EncoreRoyalTasing Platter [ L / S ] ( $138 / $88 )泰式小食拼盤[ 大／小 ]( $138 ／$88)蝦餅同魚餅都好彈牙 加泰式辣醬真係絕配丫泰式春卷有肉餡粉絲同木耳 外層炸得香脆喔鳳凰丸原來係蟹肉加雞肉 食落好有層次感添ThaiDessert Combo  ( 12pcs / 5pcs ) [ L ／ S] ( $90 ／$48)泰式甜品拼盤(12件/ 5件 )[ 大 ／ 小  ] ($90 ／ $48)有泰國最

今日嚟到黃大仙食泰國嘢，發現依間鋪頭啲嘢食大大碟而且價錢又唔貴，叫咗個泰式小食拼盤，裏邊有蝦餅、魚餅 、春卷、同鳳凰丸，特別推介蝦餅魚餅整得幾好食、又彈牙。泰式豬頸肉炒河，份量超大，一個男仔一定食唔晒😂香濃椰汁雞湯夠足料啊，好多雞肉，而且椰汁味夠香濃！串燒有雞肉同豬肉，豬肉燒得好好食😋糯米釀雞翼，超大隻裏面有泰式臘腸、花生同糯米等等材料，呢啲手工菜出邊比較少食到嫁。而且近排做緊優惠，飲品買一送一，所以叫咗

今天放工後和朋友聚聚，來到黃大仙探朋友，約人食飯最方便就來到了黃大仙中心北館晚餐啦～今次揀咗一間泰國菜，價錢望落都幾親民，而且店舖大，食客之間有足夠安全距離，等幾分鐘位就可以即刻入去啦～！入面環境都幾舒服(✪ω✪)，可以同朋友靜靜地傾到計。餐廳室內色調及佈置走悠閒泰式路線，菜單上包括了大廚自創的新派菜式以及傳統美食，價格不單親民且性價比高。而家因為疫情關係餐廳會用100度熱水消毒餐具，大家都食得放心！！晚上8點幾坐滿食客，好受歡迎呢。翻閱一下餐牌，菜款種類很多呢，見到都覺得豐富，我和朋友一齊叫左個2人套餐。2個人叫實夠食！有泰國大頭蝦冬蔭公湯，鐵板泰式鹵水無骨豬手，迷你泰式小食拼盤，鹹魚馬拉盞炒通菜，另外還加點了一份香辣肉碎生菜包。✪迷你泰式小食拼盤首先上檯！一共有四款口味，蝦餅味道好特別，好重泰式香料，沾上酸酸甜甜的泰式辣醬好惹味開胃。✪各地煮冬蔭公湯的方法不同，口味也不同，有加椰奶的，有加花奶的，也有兩者都放，或兩者皆不放的清冬蔭。這家的泰國大頭蝦冬蔭公湯正中我喜歡的口味，是有花奶的，香茅、南薑、檸檬葉、青檸、椰奶和魚露的味道配搭得剛好，大蝦啖啖肉(*^▽^*)！令人胃口大開啊！✪

呢日去左朝早黃大仙祈福旁邊有間泰菜之前食過都唔錯因為咁早 旁邊得佢有開疫症下都幾好生意 所以試試佢既早餐啦.見到有雞扒冬陰公湯粉$37 幾特別冬陰公湯 做得唔錯 酸酸辣辣 夠重口味叫左通粉 d湯入哂去 有驚喜😂雞扒 份量都幾多 好評仲叫左五香肉丁米$34配煎雙蛋三文治隻蛋唔乾 咬開爆蛋汁不過五香肉丁就偏小啦整體質素同晚市一樣咁好依家仲有外賣優惠 感覺抵食係我幾鐘意既高分東南亞餐廳亞萊泰 (黃大仙)地址：黃大仙龍翔道136號黃大仙中心北館1樓N141號舖

疫情關係好多餐廳都人流少咗，今日經過黃大仙中心呢間泰國餐廳外賣多之餘，竟然座無虛席！口碑十足！我哋一行四人都叫咗好多食物：泰式冬陰功（小)：＄88 冬陰功分量OK，可以分四碗。酸味十分重，愛吃微辣的朋友覺得非常好味，開邊大蝦 🦐新鮮和一些雜菌，正！明爐烏頭魚：特價$78烏頭魚新鮮，烏頭魚點秘製酸辣醬汁，啖啖肉，好好食！泰式咖喱炒肉蟹：＄218肉蟹新鮮大隻，打開蟹殼見到白色蟹肉一疏疏而且結實，值得一讚的是咖喱汁味道濃郁，咖喱蟹跟配兩件蒜蓉包。值得一讚再讚係蒜蓉包放涼依然非常鬆脆香口。印式薄餅：＄30 一份4塊，薄餅即叫即製，最好在咖喱蟹到之後先上，配搭咖喱一流！鹹魚椰菜苗：＄88菜苗鮮嫩，鹹魚提升菜味，不錯！蒜蓉包：＄30一份四件，蒜蓉包非常香脆，長條形狀容易入口，最重要的是吃完這個蒜蓉包口腔不會留有一陣味，推薦！飲品：推介有青檸梳打、椰汁冰、椰青

泰式炒金邊粉 💰85 7⃣酸酸甜甜金邊粉，配搭鮮甜彈牙蝦肉、切條豆腐乾、爽口芽菜韭菜、香口花生碎同埋小小鹹蘿蔔乾，口感十足之餘又好味道。-青檸蒸烏頭 💰98 8⃣烏頭魚肉質相當嫩滑，加咗好多青檸汁令到烏頭鮮味更加突出，啱晒呢啲又熱又濕嘅天氣，好清新開胃。-鹹魚炒椰菜苗 💰68 8⃣小編呢啲咁重口味嘅人，呢道菜真係啱晒我口味，鹹魚嘅鮮味令到嫩椰菜苗好突出。-香辣肉碎生菜包 💰83 7⃣豬肉碎用咗好多香料醃製，食落有酸酸辣辣，火候控制得好好，豬肉碎唔會話炒到乾爭爭，咬落去仲有肉汁。-芒果糯米飯 💰58 7⃣勁鍾意芒果糯米飯，基本上每一餐泰國菜都一定要嗌嚟做甜品，呢個價錢呢個份量真係無得輸。