亞金南洋茶室 (置富都會)

营业中

休息中

今日去咗呢一間餐廳度食嘢，我自己叫咗呢一個怡保芽菜雞絲扎肉米線！大大碗嘅米線都係$52 ，我自己今次就轉咗做米粉，呢一度嘅雞絲真係好好食，而且同埋扎肉一齊食真係好正！湯底就比較清甜，有淡淡的雞香味！而且呢一度嘅扎肉真係好吸引，連埋豆卜一齊食！

我一向唔寫評論，慎防其他食客好似我咁中伏，今次亞金激發起我寫野嘅決心！今日晏就同同事2個人，下晝2點鬆d見餐廳出面好多位，坐低左準備嗌野，點知後面一行十幾人，侍應叫我地轉坐入面，讓位俾佢地。入面枱好窄，同隔離唔識嘅零米距離。咁啱隔離有張2人枱唔使搭枱，問侍應可唔可以轉過去坐，態度極唔友善拒絕我地，話有客入緊黎。 Tea menu轉左，試新野叫左扎肉雞絲米粉，一上枱簡直大開眼界，碗野份量極少，用筷子撩開睇真d，個樣係同人食淨左唔要嘅冇分別，d扎肉同雞絲數得到加埋六七條，本身食量唔大都忍唔住同個侍應講叫佢加返d雞絲俾我，點知係再加多3條雞絲！同事好笑，話我兜野係廚餘，我十分認同! 同事叫左炒貴刁，唔知係咪廚房漏單，等左好耐都冇，等我食完碗廚餘都未有，又係要三催四請先有！ 雖然係下午茶價錢平d，但成餐飯感覺好差，服務態度勁差之餘，當食客係乞衣咁。走果陣同收錢呀姐反映餐廳問題，似乎呀姐唔係第一次收投訴，唔使我講完佢自己都知有咩問題，但又唔改善果隻。永久black list呢間垃圾！

之前來過這商場食過十三姨酸菜魚，今次就食旁邊的亞金南洋餐室。6點幾已有人排隊叫外賣，都幾受歡迎。我和男友點了2個晚市套餐，2個小食和2杯飲品。先來飲品，珍多冰，顏色鮮艷，將椰奶和茶攪勻，味道香甜。凍南洋奶茶，類似茶走，是煉奶底，男朋友覺得香滑順喉。炸蝦餅表面炸得金黃酥脆。熱辣辣入口，食落啖啖肉，與甜酸醬是絕配，令人滿足。玻璃魷魚炒通菜加了秘製醬汁調味，增添了辛辣味。通菜嫩綠，咬落爽口。魷魚帶有光澤，彈牙，很有口感。招牌叻沙招牌叻沙配料十分豐富，有蝦、魷魚和魚片等。湯底有椰香味和微微的辣味，香辣惹味。麵條是油麵加米粉，都吸收了湯底精華，很入味。南洋醬炒牛柳粒配椰漿飯主角牛柳粒有九粒，浸在南洋醬中，十分吸睛。牛柳粒質感軟腍，鹹中帶辣，還有鮮味。椰漿飯則淡淡椰香味，濃淡配合得宜。

真係好得人驚！見係東南亞餐廳睇落唔錯就入去食下，下午茶叫咗招牌無骨海南雞飯，啲雞一睇已經知賴嘢，勁多瘀血，勁多毛，啲肉勁鞋，格硬食到後尾真係頂唔住，咬開塊有瘀血嘅皮，入面竟然仲有個窿，但係個窿並唔係穿透咗舊肉，係喺中間無啦啦穿咗個窿！！舊舊肉都有瘀血，連啲皮都有瘀血又勁多雞毛都算，夠膽死入面仲有個窿？真係cls公司

之前已經在其他區食過亞金南洋茶室，算是好味價格又平啲餐廳。行過紅磡都會廣場，睇到都開左一間新店，當然要幫襯下啦。晚市套餐價格都平平地，平均50-70HKD一個套餐，包埋湯，主食同熱飲，今次就揀咗海南雞飯套餐。雞肉分量都算多，食落好幼滑，雞皮同雞肉之間未有太多肥膏，算是加左分。泰式酸辣醬都唔錯，加埋的薑蓉，好好食。冬瓜湯應該是加左少少調味料，飲落有啲似肉骨茶味，OK。最後叫埋杯少甜啲馬來奶茶，不算太甜，茶味好濃，質素唔錯。哩間晚市唔算多人，就算人少都可以安排舒服啲沙發位，平平地食一餐又真是唔錯！

假期過黎紅磡搵朋友聚聚，食個lunch，傾下計，就黎呢個商場食嘢。都會置富餐廳嘢食比我想像中平，我鍾意食喇沙，見價錢都唔貴，60幾蚊，所以又揀咗呢間嚟食。環境都唔錯，兩個人都有卡位坐，座位闊落。落單用手機Scan QR code，方便。揀咗海南雞喇沙同肉骨茶。啲喇沙我幾鍾意，椰香味同埋喇沙味都好充足，會再食嘅。但係海南雞一拎到過嚟賣相就非常唔吸引，好似白切雞咁，食落就係普通雞味，點海南雞嘅醬料，甜醬，辣醬，都麻麻。海南雞唔會再試。肉骨茶普遍OK，不過油炸鬼炸得唔好，非常油膩，有陣油溢味。椰汁冰同椰汁紅豆冰都正常。椰汁冰幾好飲。有好食嘅又唔好食嘅，睇吓自己揀得中唔中啦

開左屯馬線之後係新界出黎方便左好多，今日係紅磡站出閘後行約3分鐘就到置富都會商場內的餐廳。7點多入去人流約6成滿，還好不用等位直接入座。這裡是用二維碼掃描入單，非常方便。無骨海南雞配油飯，是這下的招牌，海南雞份量多，雞肉好嫩，沾上醬汁後更惹味！油飯也是不錯。蝦頭膏海鮮炒飯，淡淡蝦頭膏味，不算太濃，海鮮是蝦仁和蜆肉。味道中規中矩，但價錢偏高。晚餐套餐配小食有優惠叫了香茅豬扒和玻璃魷魚通菜，後者有秘製醬汁味道一流！飲品叫了芒果沙冰和美碌，2杯味道不錯，推介！

去完尖沙咀做facial 之後又覺得肚餓🤣(p.s. 明明做facial 之前先食完lunch🤪係咪肥妹易肚餓d？！🤔）獨自一人搵左紅磡亞金食個tea🍱😋🥢一字骨肉骨茶配飯同油炸鬼 $48一字骨煮得好軟，完全唔會難咬開👍🏻個湯底又唔喊，完全可以飲埋😊不過油炸鬼比較油膩，食左一半到就飽左建議食左個飯同d 餸先🤣個油炸鬼就中意食幾多就食幾多，食得落就食啦🤪🤪🤪不過聽fd 講佢嘅份量好似同夜晚個set 一樣，價錢平d 又唔洗加一，所以今次tea time 去食係幾抵家🤗

睇演唱會前去都會食啲野本身想食隔離嘅意粉 但太多人就去左呢間排隊 無飛拎 啲隊都幾快 排幾個字有得入 點知原來咁快有位係有原因我地兩個人叫左2個set dinner 一個招牌喇沙 味道過得去😶另一個肉骨茶 好淡 完全無中藥味 啲肉好似水煮又鞋口🙄飲品係芒果沙冰 味道似七仔橙冰😓香茅薄荷特飲 倒啲綠色糖漿就取代左menu相中嘅薄荷葉 有真香茅但完全無香茅味 總之好難飲🤢🤢🤢🤢🤢🤢🤢🤢🤢我唔知自己食左咩🥲

今日又嚟置富都會食晚飯依間亞金南洋茶室唔係開咗好耐因為商場唔旺 7:30嚟到唔多人佢係同十三姨酸菜魚連舖餐牌超級超級多野食 眼花撩亂 咩都有Laksa bahkutteh 滲滲 撈麵 河粉 海南雞飯 米缐 等仲有dinner set 餐牌本人口味清淡啲 同埋唔食辣 所以我叫咗個…怡保芽菜雞絲扎肉米線 ($52)原先係河粉 不過可以轉米粉／米線上菜速度勁快 而且賣相唔錯份量大嘅 一個人食差唔多面頭大量雞絲同扎肉絲 仲有豆卜雞絲好淋 係用新鮮雞肉整 因為有皮但係冇骨👍🏻帶少少雞香味扎肉絲相對多 胡椒粉味道重 算係成碗麵最濃味嘅嘢米線好滑 唔係好淋 但係未至於彈牙 所以一般🍜加上少少芽菜 令個麵有質感咬口啲湯底就真係好清 冇乜味 啱啲口味唔重嘅人😁另外如果叫dinner set 可以+$15加菜今日係通菜 佢話白灼但係似炒 然後都落咗好多豉油 通菜咬落清脆 好好食😋加上醬汁 味道啱啱好另外我仲試咗屋企人啲餐：🐔海南雞飯個雞完全冇骨 肉質非常鮮嫩油飯亦都好香好好味 唔會好油膩 飯質似炒飯柚子沙冰飲落真係超級凍🥶成杯都碎冰 超消暑 估唔到佢柚子味好出 感覺清新 不過甜咗少少🤏🏻星加坡摩摩喳喳 有

為咗farewell同事, 佢揀咗嚟置富都會呢間阿金食晏。我叫咗碗扎肉雞絲撈檬, 賣相都OK, 不過奈何雞肉有點梅, 口感唔好。而且檬粉煮得太冧, 太易斷開, 所以一路夾檬粉一路散開, 食得有D辛苦。撈檬味道係可以嘅, 不過下次唔會再嚟貼錢買難受囉。

今日同老公一齊放假，一齊到紅磡搵食，這間亞金南洋冰室曾經吃過，菜式有新鮮感，今天一於再來試試其他新菜式。肉鬆煉奶油酥餅一見到圖片已經被深深吸引，這種鹹甜組合的配搭，口感新鮮，加上酥皮脆卜卜，吃起來雙重刺激🥳炸蝦餅撈檬蝦餅$38 ，$58就有蝦餅撈檬😋，小師奶一定揀後者🙈上枱擺盤非常精美，用小茶壺來裝酸醋汁，有心思，撈檬的份量剛剛好，有甘筍絲、青瓜絲等等，味道清新，蝦餅炸得脆卜卜，配上甜酸醬，絕配。手撕雞蝦湯麵一放枱，已經聞到濃濃的香蝦味😋湯底好足料！主角手撕雞的肉質嫩滑，還有我最喜歡的配角們，有芽菜、豆卜等等，豆卜吸滿了湯底的精華，脹卜卜，吃起來很滋味。🥳上次吃過摩摩渣渣,今次再吃黑白配！黑白配（涼粉、豆腐花）涼粉滑嘟嘟，豆腐花都很嫩滑，配上大大粒、又軟綿綿的紅豆再加上花奶，好吃。只是$30 ，性價比極高！

附近探完朋友，見到商場有南洋嘢食，就黎試下。睇下有咩食先晚餐六，七十蚊就有，有飲品，加少少錢仲有小食。抵食！招牌叻沙滲滲湯微辣， 很香。 蝦鮮甜大隻，魚蛋彈牙，豆卜吸收咗湯汁精華，夠曬惹味。油麵加米線肉骨茶細滲白飯湯底偏藥材味，沒胡椒的辣味，味道不算太濃。材料十足，有豬手，雞腳，五花腩等。 一字骨肉嫩入味 。五花腩半肥瘦，配上醬油白飯，好補。南洋醬炒牛柳粒椰漿飯牛柳粒嫩滑，香噴噴的椰漿飯及脆口魚仔 ， 辣辣地，好開胃。玻璃魷魚通菜魷魚爽，通菜新鮮。炸蝦餅好食，外脆蝦肉甜，好juicy。最後飲番杯椰汁涼粉冰。happy ending

諗住食清d就叫咗個怡保芽菜扎肉雞絲湯河，來到先發現中伏，得2條瘦削嘅雞絲，扎肉就正常份量，都費事問個侍應得2條雞絲係咪正常喇，下次唔食呢個就算。我一路繼續食，成碗麵原來最多嘅係。。。雞皮，係一絲絲嘅雞皮不帶肉啊！真興奮！由於本人係唔食雞皮，所以就擺晒上張紙巾度，無謂要清潔工o係枱上逐絲逐絲執啦，我都幾有良心。今個午餐食得好唔愉快，令我諗番之前食佢個早餐都中過伏，一次過順便寫埋喇！個火腿米線一來到，係俾個賣相嚇親，一片正方形火腿cut成兩片三角形嘅火腿，湯底白色，一食。。。個湯底似係清水咁清，完全冇味。

今早黑雨,行去置富商場亚金叫個A餐,先來咖啡,之後來了個咖央多士.我舉手同個侍應講搞錯了,Ａ餐應該係火腿太陽蛋及牛油餐飽.她收起了個咖央多士跟着俾張單我.我一睇是A餐+Ｅ餐,縂共$71.我舉手同佢諨我只是叫A餐.她拿走了,換回一張正確的單俾我.跟着我飲着咖啡,一路看着其他遲来的食客品嘗飲品,火腿/煎蛋/牛油餐飽/通粉/多士,过了20多分鐘, 我舉手同另一位侍應講,我個餐重未到.他不久送来一份腸仔煎蛋方飽.我又舉手,同個侍應講火腿及牛油餐飽變了腸仔方飽.佢話冇火腿及牛油餐飽,(因为我冇指定要太陽蛋, 變了熟蛋我沒有出聲)幫我換了。無奈,唯有接受。之后, 打開塊方包, 是冇牛油的。我沒有再舉手了。