享樂烘焙

营业中

休息中

之前見享樂在IG po既新品介紹相，已經非常想試！今日我終於試到啦呢隻開心果吉士酥皮冰心麵包啦！入店第一件事，就想搵呢個麵包買，行左個圈都見唔到，咁就改買Bagel啦⋯⋯排隊比錢之際，見到個一個個用透明膠盒裝住既開心果包原來係放在收銀旁既凍柜入面呀！Yeah! 即刻買返隻食一食！開心果吉士酥皮冰心麵包 HKD$32呢個包包真係不得了，要樣有樣，要內涵有內涵！比錢時，店員建議買完盡快食用，話唔食住就記得返去放雪柜。哈哈，我又點忍得住返屋企先食，梗係買完即刻彈去後面公園食啦。 包包既尺寸大約有女仔手掌既2/3咁大，酥皮表面沾有一層薄薄既焦糖，焦糖上仲有碎開心果仁。 個包包因為雪凍左，所以焦糖都脆卜卜，令表皮既酥皮更酥脆，一口咬落超滿足呀！！！好在即買即食, 我諗如果行完街返到屋企先食，面頭層焦糖應該會溶左就無咁脆了！個包包唔止外脆，內裡仲鬆軟，而且有層次。包包層發得好靚，牛油味勁香，入面係爆醬架！個開心果醬超正，質感非常軟滑，除左食出開心果味外，仲帶d繽紛樂既榛子醬味，個吉士醬冰涼冰涼，甜度ok，唔會好膩，超級好食！而且，醬底仲有一層薄薄軟糯既麻薯，多重口感既合併令人好驚喜，好滿足。真心

法國LESCURE朱古力酥🍫🌟朱古力酥外層非常酥脆，囗感層次極其豐富❤️內裏非常鬆軟，空氣感十足❣️內層的朱古力餡亦都非常香濃🍫可可味也很重很醇，甜度調教得剛剛好，極之推薦下午茶食番一個😍德式布丁撻🍮布丁撻的味道同經典葡撻非常相似，但是外層餅底更酥脆更香口🧈🍞外賣即使拎到番屋企先食，都保持到布丁撻的熱度同酥脆度，十分值得一讚👍🏻😋蛋心也非常足料，蛋味非常濃郁，甜度爆分，十分推介喜愛食撻類製品既朋友入手一個試下✨

🇭🇰✨九龍灣享樂烘焙貝果Bagel大比拼難得經過好出名嘅享樂，Bagel控一時失心瘋買咗超多款翻嚟試🤣全部都有焗翻熱先食！Bagel外脆內煙韌👍🏻大部分嘅Bagel都加咗奶酥同麻糬，普遍奶酥都偏甜少少，口感沙沙地；而麻糬嘅質地好似鬼口膠，行Q軟、富延展性路線🤣Tbh個人鍾意呢間麵包店Bagel嘅口感，外脆內煙韌，不過個餡就唔係我杯茶，個人唔係好鍾意奶酥沙沙地嘅口感🥹不過裏面嘅餡都幾多，基本上成圈都係，如果鍾意佢哋嘅餡，應該會好滿足😌不過一個有餡Bagel賣緊$18-24，價錢有啲貴🥹Anyways 下次如果再經過，都會想試吓其他口味嘅Bagel、包、吐司😗① 茶味貝果 🥯🔹湯種焙茶麻糬貝果 ($20) 🫖 焙茶味比抹茶味更加香，裏面加咗焙茶奶酥🔹湯種特濃抹茶麻糬貝果 ($20) 🍵 使用丸久小山園抹茶粉，抹茶濃到有啲苦，個苦味應該係由抹茶奶酥滲出🥲🔹湯種伯爵麻糬奶茶貝果 ($20) 🧋用咗斯里蘭卡伯爵茶，聞落係有伯爵茶味，不過食嘅時候，台灣黑糖麻糬嘅黑糖味超重， 黑糖味凌駕其他所有味道，而且黑糖味偏甜🥲就咁食伯爵茶奶酥嘅話，伯爵茶味都幾重，有少少茶甘🔹鐵觀音茶愛民芒果貝果 ($24)

由細到大都會食麵包做早餐🥖依家間係我最近食過最喜歡嘅麵包店之一，每日新鮮麵包，無論味道、質料、款式都非常滿意食住麵包，開始每一天的工作今日食英式鬆餅，芝士貝果🥯鬆餅牛油味豐富，貝果餡料足～自己再沖一杯咖啡，新一天繼續努力

去享樂烘焙入貨, 又可以頂替兩三天的早餐, 真好. 相比起Scone來說, 它的Muffin較少人揀, 較低調, 但味道和口感同樣吸引. 我點的是小山園抹榮風味, 享樂的茶系烘焙甚少出錯, 這件也不例外, 抹茶甘香由內而外滲透出來, 外脆內鬆軟, 有點像吃Cup Cake, 不會死甜也不會過油, 平衡度剛好.另外點的包類也不錯, 像是焙茶菠蘿包, 同樣做到茶香內外皆有. 菠蘿皮香脆但不鬆散, 咬下來原塊裂開, 沒有一地碎屑, 內裡相當厚實, 沒有內餾亦沒有空洞, 就是吃完會很飽足的類型. 至於忌廉包的忌廉, 口感是小時候吃到的厚實和甜, 用上脆包不容易浸着忌廉而糊化, 是一個保存上的優勢.Having breakfast or tea with the bread from Ly Bakery is always nice. Besides the scones and bagels, the muffin and bread there are nice as well, especially with the tea flavour. The matcha muffin is cr

聽講呢間享樂烘焙嘅Bagel幾好食，嗰日做完gym特登行去買嚟試吓🤤當日4點幾去到仲有好多款揀，聽講有時好快賣晒就冇🤔呢度都真係有幾多款麵包，甜包咸包都有，Bagel、司康、麻糬包、牛角包...全部都好吸引！今次我就揀咗抹茶Bagel同紫薯麻糬包🥯因為唔係即刻食，所以返到去有再用焗爐加熱，其實焗返3-4分鐘都好夠，唔係就會太乾了～=====================🥯湯種特濃抹茶麻糬貝果 $20Bagel口感不嬲都係偏硬，煙煙韌韌咁，加上我把刀有啲廢，切唔到好靚嘅橫切面🤣呢個抹茶味偏苦，唔係太甜，味道一般，入面嘅麻糬同抹茶餡亦明顯唔夠多，食落感覺好空虛，而且價錢都唔平🥲🍠台灣紫薯麻糬包 $14對比抹茶Bagel，麻糬包就好好多啦！搣開一半已經見到爆晒餡，紫薯泥同麻糬湧晒出嚟😍紫薯好香，不過就偏甜啲啲，麻糬好煙韌，配紫薯幾好食，外面嘅麵包都好軟熟，推薦！=====================整體嚟講，欣賞呢度可以研發咁多唔同款式💁🏻‍♀️單係Bagel就有好多隻味，仲有好多其他限定麵包，但個人覺得Bagel有啲名過其實，而且都偏貴，味道同內餡都仲有進步空間，反而麻糬包仲好食！

麵包控必試💛多款特色烘焙，我已經食過好多次🤤好出色😋👍🏻.開心果乳酪布里歐 $24口感鬆軟，有少少似鬆餅，而且好多醬🤤💕乳酪味好出，開心果奶油好滑，有少少開心果碎，酸酸甜甜🤤每一啖都好滿足💛.湯種台灣大甲芋泥貝果 $16貝果好煙韌，有咬口🤤好香芋頭味，份量都唔少，而且味道啱啱好，唔會太甜😆💕下次會再試

如果麵包控喺度嘅話都應該會留意到人氣幾時都咁旺盛嘅享樂烘焙🥯出咗新包包🤣😝食就食咗好耐，不過一直未有出食評俾大家😛所以outdated嘅我今晚終於捨得post😆🌟摩卡奶酒流心蜜瓜包☕️ $18wow! 喺ig見到人哋影得勁流心，原來係真㗎喎😍本身就好鍾意飲咖啡嘅我，一聽到個名都覺得好正🤤點可以唔試！包體方面，外皮係一如既往嘅香脆，仲有淡淡嘅咖啡味，而且每個都焗到脹卜卜，食落鬆軟又唔會覺得食空氣嘅感覺～內餡方面，我就咁叮熱咗20秒嚟食，外層微暖，咬到中間啲Mascarpone芝士就好似熔岩咁湧晒出嚟😍🤤超流心呀！食落去奶香好重，而且有淡淡的酒味🤎而且圍繞住流心芝士嘅係咖啡奶酥😍一向都好鍾意食享樂烘焙嘅奶酥，而呢一次都冇令我失望😌摩卡味好濃郁，而且做得好濕潤，配合埋流心奶酒有一種食緊Tiramisu嘅感覺🥰好好味😋個人覺得螞蟻人🐜應該會好鍾意呢款😗因為佢嘅甜度都係享樂入面頭幾位甜度最高嘅包～連咁鍾意食甜野嘅我食完都覺得要飲下水🫢🤣有啲漏！不過！呢款都係我覺得享樂最好味嘅包！😋無論係內餡定配搭都做得好出色😚同埋建議一定要整熱嚟食😛咁先會流心～！🌟享樂排名榜🌟(純粹個人主觀評價)🥇摩卡奶酒流心蜜

天啊啊啊好好食，開心果乳酪醬味道十分濃郁但一點都唔會話好甜，麵包卷軟硬度岩岩好，濕濕地唔會太乾！中間卷卷既抹茶內餡似係抹茶蜜瓜包入面個啲🤤份量岩岩好，唔會話好似蜜瓜包個啲一大舊咁甜。完美🤤

麵包🤤好鍾意食麵包🤤 今次試左伯爵茶黑糖麻糬麵包，28蚊一孖，本身已經好鍾意伯爵茶既香味，點知咬落麵包軟熟而啲黑糖麻糬又好柔軟又唔會好甜！！原來只係諗住食一半🥹結果太好味成個食晒😂講真睇佢樣無諗到會咁好味🤣

@ly_bakery 開心果乳酪布里歐-$24我覺得個本身呢款包就係好食，口感軟熟到好似有少少蛋糕咁，好似同時食緊麵包同蛋糕😂而且開心果比例都幾多，每一啖都有開心果味，唔孤寒，且開心果味道都幾香😁反而topping ，應該係開心果忌廉芝士，個芝士味太出，太濃，有啲搶咗開心果風頭🙈淡啲可以更加突出開心果味❤️享樂烘焙 @ly_bakery 九龍灣分店九龍灣常悅道21號The Eastmark地下3號舖#九龍灣美食 #麵包 #享樂烘焙 #開心果乳酪布里歐 #開心果 #rchfoodies

摩卡奶酒流心蜜瓜包 $18麵包包體比較甜而咖啡嘅味道唔係好出😕上面有脆卜卜嘅曲奇皮而麵包中間有濃郁嘅流心醬如果流心醬嘅酒味可以更強會再好啲🤣整體上食落少少似食緊麵包版嘅Tiramisu 如果鍾意食tiramisu 嘅朋友，一定唔可以錯過😋日本宇治抹茶密瓜包 $18個人更加鍾意抹茶蜜瓜包～包體就唔太食得出抹茶味🤣但中間嘅奶酥好出色唔會好油好甜！又好重抹茶味❤️唯一係上面個蜜瓜皮有少少太甜但整體而言抹茶濃度都及格～可以encore！👍

經過九龍灣嘅呢間麵包店，見到入面好多款式，麵包控一定好鐘意！ 墨魚汁維也納包雖然好似唔係維也納麵包(?)🤔😂好香芝士味，成層芝士碎鋪滿麵包。除咗腸仔之外，原來中間仲夾住咗酸菜絲，有驚喜😂神奇地又幾夾👍🏻 開心果乳酪布里歐開心果醬好creamy，有啲甜，開心果味唔算太突出。麵包軟熟，食落唔會好乾。 仲有呢個唔記得咗咩名嘅法包(?)😂空氣感十足，外皮有烤焗嗰種香味，咸咸哋，唔錯。👍🏻 今次因為接近收鋪時間先嚟到，淨番唔多款式。下次有機會可以試下佢啲bagel同冰心麵包😋

〰️平日九龍灣真係好多打工仔買包當早餐，上班時間9點前都排咗條小人龍俾錢。原來直接拎膠袋揀包就省埋員工入袋時間！返工前買個包Grab & Go～〰️#fat_factor_香港 #fat_factor_九龍灣#fat_factor_包包🌟朱古力法包 $16評分: 5/5 呢個包唔顯眼又低調，好驚法包好硬同乾。點知完全勁鬆軟，裹面有勁多半溶朱古力醬，好似黑眼豆豆嘅upgrade版，好驚喜🤭身為抹茶控都覺得呢款抵食過抹茶三角，平啲又爆餡🫶🏼

這間麵包店，一來樓底高，二來玻璃門和玻璃窗的設計，加上在轉彎位，寧捨突出和搶眼。行過見到，就順便入去望望這裡的包色彩繽紛各有特色看見這個把「鐵觀音茶」和「愛民芒果」混合而成的貝果，還有「日本宇治抹茶」配「蜜瓜」，真是很有創意，很特別，見到都想試但我個人喜歡芝麻和麻糬，所以最終揀了：「擂沙芝麻麻糬包」HK$18.00（連包裝都特別精美）其他的，下次試！擂沙芝麻麻糬上面有層朱古力醬，不太甜，剛剛好，包的軟硬度適中，不太軟，麻糬煙煙韌韌，未食過如此特別的口感，一流！