享樂•煮意 (已結業)

未試過寫食評，但今次要破例。呢度靜靜地，人小小，又有得openrice卜位，野食唔太貴，服務仲超好！加左錢要餐湯同野飲。餐湯同另叫嘅沙律都好好食。另叫嘅沙律好大盤，啲蝦冇雪味。牛扒叫5成但有少少生。燒春雞嘅上法同想像有少少出入，但都好食。兩個主菜嘅配菜有薯仔，番茄仔同菇，都好好食。大蜆意粉真係每隻都有肉，好食，不過份量唔大。重點係侍應好有耐性，又細心。可能因為人唔多，食飯冇時間限制。之後會再幫襯！

新法例生效前最後一日，正正就是結婚週年紀念日，當然係要找一間服務和食物都唔錯嘅地方來慶祝。服務員哥哥態度由頭到尾都非常有禮貌和細心，更多次主動幫我哋拍照留念。食物方面，第一道西洋菜薯仔湯已經好有水準，跟住上招牌蟹餅，外脆內熱，味道一流，大蝦沙律配特式沙律醬一絕，匈牙利慢煮牛肉珍珠麵冇得彈🤤，香辣肉腸意粉蕃茄味極濃。最後食埋甜品， happy ending 🎉全晚上菜有序，不慌不忙，唔會一次過上晒啲菜，令我哋慢慢享受美食。

想搵間可以傾到計又無限時既地方食飯，朋友不負眾望搵到呢間高質又任傾既享樂煮意❤️油麻地B出口5分鐘到相當就腳，係無諗過係Casa Hotel 2樓，上到去可能隱蔽既關係，加埋我地都係得兩枱，完全好舒服好快樂咁一邊傾計一邊享受每一道美食🤤🤤頭盤：藜麥羽衣甘藍沙津配蒜香檸檬油醋汁推👍首先沙津靈魂—檸檬油醋汁做得好出色！又fresh又甜酸甜酸，連羽衣甘藍個種澀味都無埋，成碟料好豐富，牛油果🥑蕃茄仔🍅大蝦🍤，樣樣新鮮樣樣吸引😍小食：招牌蟹餅真·蟹餅，一切開成舊蟹，一啖食落成口蟹味，用料上面係童叟無欺👍主菜：澳洲保濕豬鞍扒配香料蘋果醬係今次最想試既菜，通常野食好易想像太美好，以致食既時候好容易產生落差而失望。今次係驚喜啊！一隻咁厚身既豬，比有心機既廚師料理到好香豬味，仲要香軟到不得了！👅同是豬，香港個啲比不人道毁滅真係慘！好廚師會諗點料理最出色，壞廚師完全唔會用腦，亂九咁黎一了百了🐷主菜：松露野菌扁意粉呢個意粉硬身好咬口，真係好掛汁好好食，分得一啖唔夠候，下次再食！❤️主菜：紅酒燉牛肉珍珠麵最推既菜❤️❤️❤️人多share岩岩好，一人一啖食到濃郁牛肉味，唔怕食多會膩仲等你心思思，食完已經mark下次再食

這餐廳舖位日間由酒店營運，晚上出租給hedonism主廚～之前疫情嚴重，日間部分仍有營運，hedonism 主廚則把晚市停了運作好一陣子，最近重開，快手快腳來了兩次😋餐廳跟以往有少許不用，依舊每樣都好吃Main course 加40元便有湯及飲品～蘑菇湯，真材實料，有打碎了的菇的質感，不會過滑（個人偏好 不太喜歡過滑溜的湯，喜歡有少許食材嚼感）招牌蟹餅，聽主廚介紹，這蟹餅好多功夫…見啲蟹肉一梳梳的，跟其他西餐廳，這個份量偏大。好食，以這價錢來說，CP值挺高的（仲俾朵食用花襯托，呃like靠花花😂）香蒜辣椒蜆扁意粉，酒香 蒜香 辣椒香都在，意粉不會太生太熟，剛好，蜆也沒有炒老了，肉還是嫩滑同時夠味，絕沒有那種「蜆還蜆，粉還粉」的感覺豬鞍扒，個汁食完 好似電視節目主持「嗯」一聲，因為好食同時味道好熟，但又叫唔出名…😂最後我看餐牌，開估：蘋果番紅花醬Creme brulee，第一次吃這裡的creme brulee應該至少4年前，一吃驚艷，因為好滑，一點click嘅位都無，vanilla好香，眼看到的雲呢拿籽亦好多，焦糖燒得剛好（太薄唔夠焦糖吃，太厚敲不碎，燒得過火又苦；覺得這裡比得上名店Pa

網上看到有人介紹這間餐廳，由中環名廚主理，所以試吓。人流不多，寧靜可任坐，適合傾偈，佈置都幾靚。首先，先上蘑菇餐湯，酒店級數炸雞同辣蟹餅做頭盤，好味到主菜，辣露筍蟹肉意粉，好味同惹味澳洲豬扒，幾好味，唔硬最後，甜品cream brulee 同movenpick hazelnut latte,甜品酒店standard,大份抵食，coffee 好味這餐廳質素好高，原來只做晚市，午市係casa hotel自己做番，午市就一般般，晚市就租左俾呢間餐廳做，侍應好有禮貌，主廚都有有客人傾偈，有誠意有質素的餐廳。可考慮在酒店主門口擺下餐牌俾路人睇下。

某女侍應服務態度非常差今日（6月20日）到該店午膳，太太、外母和另外兩位朋友先到，她們四人一桌；我後來才到，在通道另一邊相隔約兩呎的桌子坐下。一名女侍應以很不禮貌的態度對我說：「這裡不能坐的，要坐隔籬張枱」。我回答說：「我是和她們一起的。」她答道：「咪寫咗唔坐得囉！劃好咗架嘛，呢啲政府規矩嚟架！」一句「不好意思」都沒有，如此以政府壓客人，實在不可接受。食物質素亦欠佳我吃套餐F芥末龍脷柳扁意粉，白汁太多，稀到像湯一樣；太太吃的套餐B燒雞雜菜沙律配蜜糖芥末醬，雞肉太嚡，份量太少。A至G七個餐，三個都沒有供應。到了結賬時，太太問那侍應可否用信用咭，可能因為她回答得太細聲，太太再問，該侍應說：「咪話咗淨係可以用現金囉！」我們以後都不會再光顧了。

油麻地地鐵站附近平民西餐廳，服務態度超好，價錢公道，味道很不錯，仲可以喺鬧市中放緩腳步一下，值得推介！唯一美中不足就係兩部𨋢都勁大煙味，希望酒店可以諗諗辦法改善一下。

是日想食餐好嘅，而又要搵個方便大家，就搵左呢間係油麻地CASA酒店樓上嘅西餐，好耐之前去咗食佢嘅泰國菜，都幾好食，今次知道佢有西餐，就試埋佢。早到就早享受，佢個環境都幾靚，有個小小嘅燈做裝飾。無套餐，但都唔算貴。3至7點仲有happy hour買一送一，一定要同一杯飲品。炸薯角配松露蛋黃醬，58元，剛剛炸出黎好好味，配呢個醬係無敵（當然係邪惡）。招牌蟹餅，82元，好鬆脆，咬落去蟹味先飛出來，皮唔厚，非常好。法式紅酒牛肉，128元，牛肉好淋，入味，個汁都幾好。香煎日本蠔肉意大利飯，128元，說是好幾肉，幾鮮味。香烤春雞佐燒檸檬，148元，好嫩嘅肉，煎得好香。Latte，36元，還好。

朋友介紹小女子膽粗粗地一試，據說由中環名廚主理，餐廳環境簡約幽靜，可以觀望彌敦道街景😃前菜有特製啫喱加車厘茄意大利血紅蕃茄等配搭一起夾食，極具特色😍主菜西式牛油香草洋蔥炒蜆香味極濃😋日本蠔意大利飯，用煮蠔時，甘香略帶少許海水味汁煮理🤪特厚切豬扒配梨蓉配對原條蘿蔔香脆美味😙原隻燒春雞配鮮檸檬汁主廚認真地檸檬也是熱的😅最後有燒春雞，雞肉柔嫩香滑，席間驚喜紅酒簡單易入口🥳總結i’m be back 😆

朋友之前食過一次好好味，於是我地平日晚上黎試下，飲杯酒傾下計。坐低叫左兩個小食，炸薯角同炸雞。個炸雞配蜜糖芥末醬，推薦，好味！依度既紅白酒都有質素，值得一讚，但唔記得影相。之後叫左個招牌蟹餅，好食，個sauce有驚喜，少少辣。最好味係個澳洲保濕豬鞍扒，鮮嫩多汁，伴碟既瓜都好好食，無hea我哋，食得出有心機。最後諗住是但叫個甜品share，估唔到個tiramisu都咁好味，而且portion夠3個人share。依間食完會encore。