享記生猛海鮮

营业中

休息中

📍鯉魚門去鯉魚門食海鮮，如果唔熟路成日都感覺好似會俾人劏咁，所以我咁多年都只係會去呢一間享記明碼實價，一個套餐價錢每位$420包六款自選海鮮，另外再送清炒時蔬、魚湯、炒飯或伊麵，連工包料再包水果、甜品、茶芥及加一服務費(酒水除外); 今時今日咁嘅價錢食到咁嘅質素嘅海鮮，絕對係值得推薦一下👍今日我哋一行三人食咗豉椒炒蟶子皇，椒鹽瀨尿蝦，蒜蓉粉絲蒸北海道扇貝，芝士焗龍蝦加伊麵底，果皮蒸鮑魚，再加一條東星斑；平時覺得齋食海鮮好難飽嘅我，都覺得飽到上心口😮‍💨順帶一提，平時去幫襯享記我都會選擇用餐酒家為快樂漁港酒家，裝修靚服務好，廚師煮得出色，坐得舒服

我第一次在鯉魚門食海鮮, 朋友睇左一輪食評後決定黎享記, 揀左個6餸套餐……; 有聖子, 鮑魚, 貴花蚌, 石立, 蠔, 墨魚仔, 之後老闆就帶了我們去龍如酒樓!!  坐低後他們交代了一輪菜單後，就好快有每人一碗的魚湯及一碟皮蛋薑上枱，之後再跟我們核對菜單及看我們需不需加餸……全是海鮮當然要加碟椒絲腐乳小棠菜 皮旦薑～皮旦無皮旦味，只食到一隻有皮旦味，薑無薑味，只係將兩樣唔同口感＆無味嘅嘢一齊食  魚湯～有魚味但偏咸左少少，不過我都飲晒，仲飲到有魚骨  豉椒聖子～爽口有點鮮甜味 蒜蓉粉絲蒸貴花蚌～好少粉絲，不過蒸的貴花蚌時間剛剛好，易咬及新鮮 果皮蒸鮑魚～值得一讚是這裡蒸食物的時間，大部份也拿捏得好好，不過果皮味唔夠 灼墨魚仔～有部份爽口，有部份熟過頭，食落好梅 蒸石立～蒸得也是幾好，條魚算滑，肉唔鞋，好食 酥炸生蠔～粉好厚身，不過蠔都夠大隻，但無咩味，係咪因為叫炸...所以俾d無咁新鮮嘅

海鮮一向是我至愛, 試過鯉魚門, 西貢, 南丫島...最喜歡的還是鯉魚門. 以前兩人吃海鮮埋單最少要$1000, 但記得幾年前經濟低迷, 見報章推介這個鯉魚門海鮮套餐, 晚飯每位只是$200大元. 便由當時開始幫襯到現在. 當然, 經過幾年的物價上漲, 海鮮套餐已經由$200加至$250元. 但仍是很抵食. 在這裡, 便為大家介紹一下我的其中一個飯堂" 享記海鮮+ 快樂漁港酒家".做這個特價海鮮餐的是"享記海鮮 ". 所以你一定要在這裡買海鮮. "享記" 位於鯉魚門比較入的位置, 在籃球場旁, 再經過一條小巷, 便到他們的海鮮檔. 他們有自己的私家碼頭, 很多人也會駛遊艇去買海鮮. 他們主要是做海鮮批發, 所以價錢也比外面的海鮮檔便宜. 老闆娘Tandy招呼好好, 他們還有一隻好可愛的小狗"蕃薯", 每次見到牠也是笑面擺尾迎人 ( 我家的Spyder可真要好好學習一下)他們做的海鮮餐, 任選六款海鮮, 包煮, 湯和菜, 加一及茶芥. 每位$2xx ( 視乎你選擇在那一間海鮮酒家吃). 我們選" 快樂漁港", 每位$262. 套餐內每款海鮮只可選一次, 當然貴價海鮮如"象拔蚌" 並不包

好耐冇去食海鮮了..朋友生日, 兩個人去一次吧去了享記買海鮮2隻普通既瀨尿蝦, 4個x貝, 4個鮑魚仔, 3個聖子, 1斤四兩澳洲龍蝦, 送左少少蜆$744椒鹽瀨尿蝦, 好野味.. 正x貝, 比之前細隻, 不過最好味既係粉絲+蒜容鮑魚仔, ok聖子, 之前食, 好鮮味, 但今次.. 好似差左蜆 幾肥, 好味龍蝦伊麵 最後一味, 我已好飽了.. 唔知好唔好送菜 好味湯 之前既湯係海鮮湯, 好好味..但今次..差左生果盤 次次來, 次次食芒果都係酸既.total HK$1,045

因為朋友帶過去一次, 才知道鯉魚門都有明碼實價的海鮮.$ 200 / 位, 已包茶錢, 另加芥對於我呢d 食米唔知價o既人黎講, 知道幾多錢會好一點酒樓是自選的, 老細介紹了我地去"快樂", 地方同環境都好好.一行五人食了:-辣酒花螺上湯龍蝦蒸魚(唔記得XX班)陳皮蒸九孔瀨尿蝦薑沖炒蟹其中我覺得都係魚同瀨尿蝦比較出色, 呢個應該係酒樓O既問題吧.可以再去, 或者試下其他酒樓另外送了魚湯時菜, 甜品同生果, 仲有湯添...不錯

原本諗住去西貢食海鮮ge...不過依稀記得鯉魚門都有得食，所以機緣巧合下搵到享記...見食評有話好抵食，咁咪諗住試下囉...我都好驚今次安排唔好架...果然同傳聞一樣，每人$200，有六款海鮮，包一個菜&每人一碗湯!! 抵到爛~~我地3個人去，另外再加左一斤海蝦，一碗白飯，一支大ge喜x啤酒($30) & 兩罐汽水($24)係d汽水同啤酒貴左少少囉...不過都ok ge...臨走果時享記ge伙記都有黎問番我地d海鮮得唔得~~服服good丫~~* 享記其實並唔係一間食肆，只係一個提供海鮮ge地方~~所以去到ge時候唔洗驚架~~ ^_^ 我地揀完海鮮，佢會有伙記帶我地去酒樓度坐架喇~~

以前以為鯉魚門食海鮮好貴，但其實又唔係，我地8個人去，已經可以叫9款海鮮。佢每位計$200，可以去指定酒樓食，$200已經包埋菜，湯同果盤。份量都好足呀，珍寶賴尿蝦真係好大隻，我地仲有螺兩食，刺身同自己白灼，超鮮甜。辣酒煮花螺好好味，好夠辣，但細隻左少少。唔知係咪我地女仔多男仔少，最後都食唔哂，超飽!**我地坐近窗邊，仲可以出露台睇海景，但老闆話多數都要BOOK，我今次夜去先有得坐!

我和男朋友看到飲食男女，$200位可以食六種海鮮都幾低，便打電話約，由於我不想經過太多鋪(因為好煩)，享記老板娘幫我安排了威龍酒家。我們選了大蝦，龍蝦，魚，元貝，鮑魚仔，羔蟹，仲有湯和菜。又平又好味!老板娘真的會來找我們問意見，十分親切。

早幾晚同食友講開,我地好鍾意去鯉魚門食海鮮,不過食友話覺得鯉魚門好貴,無錯,去鯉魚門食海鮮,一個唔好彩隨時比人据到一頸血(佢地通常砰完都唔肯即時講比你聽幾錢,埋單就嚇你一跳! 而我今次介紹0既係一位位計0既,就均真好多LA, !我幫襯左享記好多次,次次都夠食同滿意,佢收$200蚊一位,任揀六款海鮮,龍蝦;大元貝,尿蝦皇,羔蟹;聖子皇;石斑仔，游水墨魚都係我0既首選,,仲包埋菜;海鮮湯,生果同加一添!你揀好海鮮後,佢就會問你鍾意去邊間酒樓食,你有相熟0既,你可以去,不過,要注意的是,並非每間酒家都做全包宴的,有部分酒家會額外收取前菜或油料費或伊麵底錢，長程可向老闆娘查詢，以下是我自己的個人意見：海景酒家－個芝士好唔掂，但其他野ｏｋ！服務都ｏｋ！威龍酒家－個芝士係西式０既，唔算好好，但起碼唔難食，其他野ｏｋ，但服務方面，對生客唔多熱誠，由其是坐櫃位個女士，但個老細就好有禮貌！海皇圜林酒家－芝士是在這幾間中最好的，服務亦０ｋ，其他野都ｏｋ，佢個甜品南瓜露好正！（這間要收額外費用）唔記得名（問老闆娘）－芝士一般，其他野算唔錯，但味道會清一點，佢個薑蔥蟹炒得幾滑，剛剛熟！三個貌似太子爺０既哥哥好

I've been to Heung Kee + Seaview Restaurant for the $200 per head seafood dinner with friends/guests several times. It has not disappointed me so far. I can say the quantities of the 6 seafood dishes for 2 people is ok for a couple, might be insufficient for people with good appetite, can order a fried rice as supplement. The taste of all the dishes and services are good. I recall I usually ended up paying ~$350 per head at other restaurant in Lei Yu Man. The quality Heung Kee + Seaview res

記得某期"飲食男女" 介紹了香港出名食海鮮的鯉魚門,其中就介紹呢一間店,HK$200/位可以任揀六款海鮮.視覺上覺得好抵, 鯉魚門喎~ 結果我就中招了! 基本上到左鯉魚門,會發現所有海鮮店都係自揀海鮮,再自選酒樓烹調...同埋已經都係用"套餐"形式黎招攬人客(e.g.198/位,有5款海鮮等等) 中左"繕稿"魔掌o既我地,結果都係去左"享記"買海鮮,再去對面o既"海景"食.揀海鮮個陣,我地每揀一款,都會問份量有幾多,佢都只係答"我地會幫你就返架啦"...結果2個人400蚊係有:a.2隻豉油王炒中蝦b.1隻椒瀨尿蝦**係得一隻咋!仲要係切開四份,得一舊有肉,其他三舊係中空c.2隻扇貝*味道好淡d.1隻龍蝦仔開邊芝士焗+伊麵底*呢個係入面味道最差o既一個!!從來未食過咁難食o既芝士焗龍蝦,好淡完全冇芝士味,但就有好重o既奶味,麵質好差e. 1斤左右清蒸老虎班*豉油汁過甜冇咩鹹味,感覺怪怪地f. 1隻墨魚切片炒韭王外加酒樓隨"餐"附送魚湯兩碗同油菜一碟我覺得無論"量"同"質"都好有問題, 尤其係個"量", 各位網友想去鯉魚門食海鮮,最緊要問清楚份量,而唔係佢求其答你"我會幫你預返"同埋,連續