京一

营业中

休息中

京一是一家以日式料理為主的餐廳，他們的山賊汁雞扒定食絕對是一道令人滿意的美食。這道定食以大片的雞扒為主角，搭配濃郁的山賊汁，味道豐富而美味。首先，雞扒烹調得恰到好處，外層酥脆，內部保持著嫩滑多汁的口感。它的質地非常細嫩，每一口都能感受到雞肉的鮮美。山賊汁是這道菜的亮點之一。它的味道濃郁而香氣四溢，融合了大豆醬、魚醬和其他香料，給雞扒帶來了豐富的風味。這種醬汁的鹹甜平衡恰到好處，讓人回味無窮。這道定食還配有米飯、醃漬蔬菜和味噌湯。米飯蓬鬆香濃，與山賊汁雞扒的味道相得益彰。醃漬蔬菜提供了清爽的口感和微妙的酸甜味，平衡了整道菜的風味。味噌湯則為餐點增添了溫暖和舒適的感覺。京一的山賊汁雞扒定食絕對是一道美味又滿足的餐點。他們將雞扒的嫩滑與山賊汁的濃郁完美結合，讓人難以抗拒。無論是午餐還是晚餐，這道定食都能帶給你一份美味和滿足感。

這間本餐廳外面裝修不錯，相當優雅，不過入面就有點細。餐廳是用手機掃碼點餐，但我覺得不是迴轉壽司的話，我還是傾向傳統餐牌點餐，感覺more decent.店舖雖然細，但食物選擇都相當多，生食和熟食都兼顧到。 今次我揀左L11午餐，是日式魚生丼飯，d魚生都算幾新鮮，但係個份量就略嫌少左d, 每樣魚生就只有一塊。 而且一入餐廳沒有綠茶，只有一杯不冷又不熱的水，這裡大大減分。而且價錢方便不算便宜，魚生丼飯餐$228，包一罐飲品，沙律，前菜和面鼓湯。結論，因附近日本餐廳選擇不多,所以今餐都算唔錯

200蚊個餐 但 魚生水準低過元氣 丼丼屋熱茶要加錢 waiter又係冇咩禮貌 問佢嘢叫我自己qr code自己睇 （都仲要俾加一） 對上一次食係一年幾前 開張嗰陣真係高質好多 咁嘅價位 寧願食千兩鰂魚涌真係再冇好食壽司店😮‍💨 以前有lunch menu 有百零蚊嘅丼 而家200蚊都係三文魚丼 真係當人水魚 CP值低到不可一不可再 特登上嚟打呢篇文都係俾大家有個心理準備 希望大家唔好中伏 唔信嘅可以自己試試 間餐廳得個靚字 但毫無食物質素可言

服務態度差劣。經OpenRice訂位，佢唔會幫你確認。令到OpenRice以為缺席。入座時，已再三同服務員講係經OpenRice訂位，佢知唔以對。食物味道一般，價錢偏貴。不會再光顧。

之前經過鰂魚涌見到京一，假日去試一試午餐😆 點咗🔥火炙明太子海鮮丼($188)，跟餐有🥣味噌湯同🥗沙律 🐟火炙海鮮丼有三文魚、油甘魚、左口魚邊、藍鰭赤身同赤蝦，油脂香溢，赤蝦亦鮮甜，飯嘅温度都適中，不凍不暖餐廳環境舒適，座位闊落，適合家人朋友相聚👨‍👩‍👧‍👦

鰂魚涌京一又係qr code用自己手機落單，字體超細粒，好唔方便。隔離枱婆婆只好靠佢親戚幫佢點餐。今日叫咗山賊汁燒雞扒定食，再加兩切油甘魚刺身，賣相幾好。定食配有前菜，味噌湯，主菜跟白飯。黑漆漆既山賊汁原來即係黑椒汁，雞扒香煎肉嫩，無乜肥膏👍，雞皮仍保留汁燒既彈性，無焦脆。跟餐可加點刺身2切，叫咗油甘魚。薄切兩片，上枱精緻，魚肉新鮮，仲要充滿甘香既魚油，掂👍👍*店舖裝修走日系暗夜竹林路線，非常有情調。

見佢都開咗一段時間，都想來試。入到去裝修都幾舒服，平日晚上唔係太多人，靜靜地都幾好坐。同朋友都係揀咗北海道刺身丼，每款刺身都好大件厚身，用料新鮮，味道不錯。總括來講，環境、食物、服務都不錯

平安夜梗係要食得豐富啲🎅🏻🎄因為懶所以叫咗外賣🥡送到嚟仲係熱辣辣唔涷份量亦都唔算少 夠晒3個人食得滿足雞排/炸豬扒都好食😋照燒汁幾特別 炸豬扒亦唔會好厚粉入面都好夠軟滑 個醬汁點咗仲好味😎但鯖魚比較鞋唔夠滑 要用啲力先夾到茄子🍆燒得幾好但個汁唔夠入味牛油焗金菇麻麻地好多水 牛油🧈唔夠雜錦壽司A都係一般 以專做日式嘅料理店嚟講壽司水準一般 唔知關唔關外賣事🥲🥲另外每個set加$0.5就有野飲初頭以為係店舖自制仲有啲期待😂原來係罐裝有氣汽水🥤整體可接受但未必會encore🥹😅

去搵朋友食lunch，佢就揀咗呢間喺我公司附近嘅日本餐廳。餐廳好細，又係午飯時間，所以基本上係逼到嘔，坐得極度唔舒服，四人枱兩個人坐中間有塊隔板，而隔離嗰張枱基本上同同枱分別唔大。坐得咁唔舒服，如果嘢食好味我都會忍受，可惜成個set lunch冇樣好食，主菜豬扒仲要太肥，我唔會再去多次。

位於英皇道 鰂魚涌地鐵站出口附近油站學校對面有間低調日本料理居酒屋🏮餐廳🍴環境都幾舒服今次同幾個朋友食晚餐料理前菜叫左煎餃子同雞軟骨不過不失，日本🇯🇵平價sake x 2《日本和牛串燒》上碟的時間唔夠熱，味道比較一般「燒茄子🍆」ok <<真鏗魚帶子刺身盛>>$7xx上碟真心幾靚有幾件三文魚腩幾隻刺身蝦,比埋個蝦頭你🤣🤣有冰配底以免唔夠冰凍《牛油果🥑🥑壽司🍣卷物》$88但得4 件 份量比較細<<蒜香牛柳燒>>ok ga

從地鐵站走過去，車水馬龍的英皇道旁屹立著傳統冰室、酒樓， 以水泥色牆🏛襯托著竹子🎋的門面，顯得格外特出。内裏裝潢以木系桌椅及襯托著翠綠的竹子，帶點日式庭院風🎏空間感亦十足。周五晚上，還有兩枱十多人聚會的客人，氣氛熱鬧，但也不會太嘈吵😆🔸京一赤海老卷 ($128)賣相十分精緻，以大大隻炸得金黃的海老頭🦐爲首，後面整齊地排放著四件卷物，上面各放有帆立貝、三文魚、吞拿魚、油甘魚🐟最後以黑松露、魚子等作點綴。刺身入口新鮮，配上香脆海老，一脆一軟，食落甚有層次感。🔸蔥吞拿魚手卷 ($48) / 軟殼蟹手卷 ($38) 脆口的紫菜牢牢卷著暖暖的壽司飯🍚内裏分別放著綿密的吞拿魚蓉及原隻軟殼蟹🦀配上洋葱絲及青瓜🥒食落足料又滿足。🔸日式餃子 ($48) 香脆金黃的外皮略厭有點厚🥟内裏餡料以豬肉及大白菜為主🐷肉質嫩滑且肉汁豐富🔸泡菜日本蠔鍋 ($138) 三隻日本蠔鮮甜肥美🦪配料有泡菜、金菇、洋蔥🧅豆腐、娃娃菜🥬冬菇🍄日本粉絲等，乳白色的自選豚骨湯，湯頭濃郁美味😋唯略厭泡菜味道有點喧賓奪主🙊🔸梅酒 ($28)梅酒以梅子、冰糖及酒釀製而成🥃酒精含量不高，味帶酸甜🤤口感清新涼爽，十分容易入口

朋友介紹依間日式餐廳位於鰂魚涌，雖然成日係港島活動，都比較少去鰂魚涌，估唔到都有間幾高質嘅餐廳😆😆👍💬 網燒西冷扒定食本身好怕食到太硬身嘅牛扒~依塊西冷扒就岩哂我，肉質唔韌，牛味都濃郁，食落juicy🤤🤤加上十分惹味燒汁，感覺錦上添花👍😆定食包括中華沙津 同味噌湯 味道都正常發揮！回頭食: ⓨⓔⓢ💬 三文魚親子丼三文魚腩、三文魚都好新鮮加好肥美 入口十分軟滑 正🤤🤤 配料除咗有三文魚籽，仲有蟹籽，口感嘅層次又再豐富咗💖回頭食: ⓨⓔⓢ💬軟殼蟹手卷大大隻軟殼蟹😆 雖然已經食到飽飽時食都覺得好好味👍 回頭食: ⓨⓔⓢ總結一下，環境氣氛都幾有feel，食材質素都不錯🫶 位於鬧市以外地區，食完行下都海傍幾舒服🤭❤️京一❤️鰂魚涌英皇道939號地下❤️2345 7891

我竟然不知道在鰂魚涌港鐵站附近開了這間精緻日本餐廳😳就在粥店和冰室再往前走一點門面和內裡裝修超漂亮的 😍用石牆🏛、植物🌿、木🪵打造出俐落的高級感桌與桌之間有足夠的距離就算我是一個人吃晚餐的也被安排到4人桌就坐🥰餐廳之前好像有推出omakase設有吧台 可以看到廚師即場製作壽司切魚生等動作這裡很特別 定食餐牌全日供應 (1130-2130)價錢大概在$100~$270之間 有熟食有生食🔹️牛肉壽喜燒鍋定食 $148 🍲實在太久沒吃壽喜燒鍋了 期待期待❤️這個定食除了鍋物外還附新香物(漬物我不愛所以pass)、味噌湯🥣、御飯(日本米)、一顆生蛋🥚如果不想吃飯可以+$15轉烏冬另外也可+15加日本咖喱牛肉很高質😋 上桌時是剛放進去鍋裡的所以看到顏色超粉紅 而且肉與脂肪比例都很棒👍🏻鍋裡還有金菇、冬菇、本菇、蔬菜、煎過的豆腐、蔥等等乍聽可能覺得沒什麼特別但它真的每樣食材都很精緻 😄每項品質都很好令整個定食味道都昇華了👍🏻👍🏻👍🏻另外也想稱讚這裡員工的服務態度雖然當天去的時候可能因為是平日的晚上 客人不多但員工都時常關注客人用餐的情況常添茶之餘 也會幫忙撤下已用過的餐具

枱和枱之間有一大片竹葉分隔 。每人大該120蚊左右。食完時見到下午茶$48蚊起包飲品，更抵。🔸️火炙明太子海鮮丼$188赤蝦蝦頭放在飯中間，內有蝦膏。蝦肉好新鮮，味道鮮甜爽脆。藍鰭赤身、三文魚、左口魚都幾大件並炙過，好香魚油味。刺身旁有少見的牛榜，味道都唔錯。這樣配搭幾特別。 +追加蟹子沙律$10 🔸️牛肉壽喜燒鍋定食 $148前菜係中華沙律和麵豉湯。一上枱牛肉一邊熟一邊未熟，浸浸熱湯就剛剛好。鍋底有粉絲、豆腐、金菇、洋葱和白菜等。定食還包了白飯，真的好飽。壽喜燒汁是甜甜的。 🔸️梅酒(杯) $18梅酒好易入口，啱曬唔太飲酒既我。杯好靚幾高級，杯底有好靚凸起身的富士山。🔸️白桃烏龍茶味的汽水 （跟餐$10）.

今次到訪的依間庭園風設計日式居酒屋🎎，用上竹木做裝飾🎋，裝修別緻，格調優雅🎏。居酒屋環境闊落，中間的用餐區，兩則會被植物包圍🌿，感覺療癒又放鬆。居酒屋提供的食物相當多，有多款丼飯定食🍱、卷物🍘、刺身🍣、鍋物🍲、爐燒🍢等等。居酒屋亦有供應多款清酒🍶。🍽️ 海葡萄冰菜沙律海葡萄🪴真係十分少見，我都係第一次食！海葡萄低熱量而且營養價值非常高，口感有點似蟹子，帶點鹹海水味🌊，而冰菜非常新鮮爽脆，是會令人上癮的口感，加上胡麻醬，更加美味😋，我竟然食菜食到停唔到口！🍽️ 火炙三色刺身丼三色刺身🐟包括：三文魚、油甘魚和赤身，每款刺身有三塊，加上份量非常多的三文魚子。用火熗燒得🔥半生熟的刺身，迫出刺身的脂油香味，焦香味和鮮嫩口感夾雜，再加上啖啖三文魚子的魚油香，仲有飽滿吸收醬油的日本米🍚，口感豐富😋。套餐跟配漬物、味噌湯🥣和沙律🥗。🍽️ 泡菜日本蠔鍋非常特別的韓日🇰🇷🇯🇵fusion菜式，可以揀選湯底（泡菜汁/清湯/ 豚骨汁/ 壽喜汁），我選擇了豚骨汁，裏面配料非常多，有🥘：豆腐、娃娃菜、金菇、鴻喜菇和大蔥，再配上泡菜，令湯底酸辣開胃🥰。而主角蠔肥美飽滿，有四隻，蠔味夠濃😋。好少可以揾到一間環境舒適，用餐唔