京笹居酒屋

营业中

休息中

一間日本人經營嘅居酒屋裡面大部分職員都係日本人食物質素非常高今次嗌咗個日式煲仔飯 — 鯛魚土鍋炊飯最搞笑係要自己拆魚肉再放返落啲飯度撈 四個人玩拆魚肉玩咗十分鐘😛鯛魚土鍋炊飯大 $290.00燒雞泡魚干 $128.00刺身併盤5種4片 $590,00㕑師精選壽司12件 $388.00鰻魚牛油果卷 $108.00天婦羅冷稻庭烏冬 $138註冊會員會有9折

夜晚九點左右係尖沙咀諗唔到可以食乜，朋友醒起有呢間店可以食到十點幾，就黎試下。入座/等位：平日九點後，基本上都有位。 環境：有啲似日式咖啡室，燈光偏黃同空間感啱啱好果種。 食物： 落單嘅時候，店員有提每人最低消費係一個小食，壽司飯就唔計嘅。可以問清楚先點單。 於是就叫左芥辣八爪魚，$58。 調味調得好好，有啲辣但爽口。佢仲有果前菜，燉牛肉。 原來係收錢，$23。 哈哈，我哋以為係送嘢。 但好好食喎啲牛肉煮得好嫩又入味。 蔥醉呑拿魚腩飯，$168。唔洗講啦，啲肉咁粉嫩已經知好食。但我想讚嘅係佢啲蔥，係真係帶到呑拿魚嘅鮮味更出更濃。 佢芥末都係親手磨果隻，呢啲細位就睇得到餐廳對食材重視度。 烤和牛沙律，$138。 好靚啊果碟，佢和牛食落都好嫩滑但有油脂，配埋沙律真係啱啱好！ 炒牛腸，$88。 朋友叫的，不過見佢一個女孩子自己清哂成碟，應該味道都唔錯XD (友，見字唔好打我)自家製荔枝酒，$58。 可以自己揀加soda/on the rock/straight 都得。 味道好好飲，勁易入口，飲落唔會好大酒精味（咁叫得水果酒，就知本人唔prefer 烈或濃酒）。 結帳時店員提醒佢有果會員App

喺youtube睇完MM同大島嘅居酒屋片🏮即刻約咗老best嚟試吓菜!! 星期六6pm去食, 入座時已經有幾枱客 (建議book定枱)一嚟到我地已經叫到成枱嘢食 上菜速度好快! 食物質素頗高😋刺身船幾新鮮 仲有日本海膽🇯🇵我地仲叫咗牛腸鍋(冇影相), 朋友話牛腸鍋就唔太正宗, 不過有種住家感覺, 都ok!另外最難得有服務咁好嘅餐廳🍴京笹係由日本人經營🇯🇵啲staff有香港+日本人, 廣東話對答ok!我哋叫咗酒飲🍺🍹staff留意到我地啲酒飲哂, 問要唔要再叫酒. 不過我地一杯就夠, staff轉頭就好細心準備咗熱茶俾我地解酒🍵依個舉動係日本居酒屋文化🏮好欣賞佢地就算嚟到香港都堅持依個做法👍🏻在場氣氛都好好🥳隔離枱有兩個小朋友, staff主動送咗兩條熊本熊毛巾仔俾佢地~好開心!會再嚟幫襯🥰

食物質素，味道，服務，性價比都不及之前。新menu少左好多野，連酒都唔得😭以前真係好鍾意黎食野，今日睇到咁多位嘅review都半信半疑，係無係真係差左咁多？ 原來真係差左好多😭 希望餐廳團隊會努力改善！我都想返黎食返之前的味道。 同埋伙計猛咁hard sell啲野有幾好食，猛咁sell啲貴野。不如先train下啲Staff？ 連啲食物有咩特別都講唔到，一路淨係識講話好多客都返黎食…. 唔識就唔好講。話唔想食呢啲，仲可以繼續sell。我都唔明你講啲咩熟客好鍾意食你啲牛扒，大佬呀你居酒屋嚟㗎買乜嘢牛扒啊？同埋我嚟咁多次都冇見過你個Menu又牛扒。跟住拎啲酒嚟介紹嘅時候淨係識讀個名，問多兩句乜都唔識。體驗真係差過以前好多。想當年佢哋會有同事教你唔同嘅食物嘅食用方法。而家就咁劈上枱就算。跟住就繼續Sell你食牛扒。

在尖沙咀由其搵嘢食，諗起之前呢間mm YouTube介紹過嘅日本居酒屋 <京笹>，話好多在港日本人都食，於是就去體驗下！9點去到，都要等3-4個字位先有位，坐低真係聽到幾枱講日文嘅食客，感覺好有異國風情。而且店員有幾個都係講半咸淡廣東話同日文，氣氛輕鬆，覺得自己好似身處日本居酒屋咁。至於食物，原本睇OpenRice一心衝住來食明太子撈烏冬嘅我發現原來轉咗新餐牌，明太子撈烏冬直情在餐牌上消失了😭，有啲可惜。最後隨意點咗以下嘅嘢食：前菜（預設）自家釀梅酒日式薯仔沙律炸蝦天婦羅蕎麥麵炸蠔，牛油果軟殼蟹反卷炸雞翼明太子玉子燒個人反而最喜歡日式薯仔沙律，其他沒有太大記憶點，都是expect內的日式料理味道。正當我地一邊享受美食嘅同時，另一邊廂聽到有客人慶祝緊生日，店員仲播起生日歌～如果你想搵個地方同朋友簡簡單單聚餐或者體驗下香港日式居酒屋，京笹都可以係一個選擇！但如果普通食晚餐，在性價比上就比較一般🈴

大半年冇嚟，一嚟到裝修已經唔同晒風味已經大減，所有嘢啲份量都變小，同埋唔好味。嘢食落單之後5分鐘之內上菜，上到嚟果然係暖嘅，點解唔煮多陣😵‍💫😵‍💫個魷魚一夜干嘅份量更加嚇親，我以為俾人偷食咗。另外個牛肉豆腐鍋個份量同埋個賣相都仲衰過放題嗰啲。問侍應係咪轉咗手，原來好似只係轉咗廚師，仲要係由香港廚師轉做日本廚師，啲日本廚師係咪未去過日本食居酒屋😰😰$600兩個人食咗三成飽到好傷心，呢間嘢食咗好多年，曾經係我最愛嘅居酒屋之一😭😭依家唔使再去

裝修咗之後，覺得新淨咗，光猛咗午市餐單亦都有啲唔同咗，不過價錢就同之前差唔多，而家每一日都會有一個特別嘅優惠午餐，但係我今次就冇試到，叫咗炸豬扒定食，算係炸得唔錯，不過同丼吉當然係冇得比啦雖然有個有㗎隔油，底部嘅豬扒都係索咗油，令到佢唔脆，而且豬扒本身偏肥咗少少，所以食落去有啲油膩轉咗新嘅菜單之後午市會跟三個前菜，其中一個係燉牛肉，但係上到枱就好凍冰冰，感覺唔係幾好，亦都影響咗個味道，其他嘢就都係一般不過不失啦

之前食過好幾次，整體覺得餐廳食物未到超級好味，但亦感覺到有人情味，而食物味道以及份量都合理。今日再到訪，已經完全不同了。整體份量少得離譜，自問不是大食量的人，但人均$250以上只能吃到3成飽。其中最最最離譜是帶子刺身，$68/3片，而每片都薄得驚人，絕對是人生食過最薄的，3片中間仲夾住塊檸檬，完全拎黎遮醜用，好後悔冇影到相俾大家睇。見住佢由一間熱鬧、有人情味既鋪頭，變成一間感覺只想劏客既鋪，非常失望，成餐飯都食到好嬲，舊客去之前記得睇食評先，改善之前真係唔好去，留返個美好記憶…

*轉新餐牌後去試一試，呢個蟹肉煲仔飯真係好味道，侍應主動介紹還可將蟹肉飯做成飯團，又另一食法。正。*呢個魚肉煲仲正，Ｄ魚又滑又冇骨，連Ｄ湯都巧味道，轉新菜牌后，好似轉走左少少高檔，冇咁街坊，但依舊好好座好好招乎，價錢係加左，希望質素繼續提升。

之前食過午餐，幾十蚊一碗魚生飯都幾抵食，而且好食食材新鮮，服務亦都唔錯。食材比較正宗。但是晚餐非常唔抵，沒有什麼特別的菜式，而且價錢不是非常划算，食物也不算比較好食。

之前在尖沙咀工作京西一直是午膳飯堂，一星期都會光顧兩三次。事隔一年之後，重回舊地見到門面已有翻新，心心念念想食日式唐掦炸雞就進去了。一坐下就看到餐牌已經煥然一新了，多了很多選擇，但我的進店目標明確，便叫員工即刻落單。但套餐一到，我真的大吃一驚，炸雞套餐變了一個模樣，多了兩碟配菜，但縮減了炸雞的份量，跟兩個飯團的配搭也很奇怪，飯團兩個都有包餡料，但味道卻強差人意。也只能夠怪自己沒有仔細看清楚餐牌。不過事實上這樣的套餐設定也是令人大失所望。

同個朋友本來揀咗幾間餐廳，最後決定依間日式居酒屋，貪佢有日本風味加埋日本人開，同埋歷史悠久，點知入到去失望而回，又唔係話差到嘔返出嚟🤪🤪🤪🤪但係真係唔係高水準… 普通到勁普通，雖然係咁今晚星期四都算坐滿，可能真係個招牌響瓜.我哋都係OpenRice訂咗枱所以唔使等，入到去睇Menu同之前OpenRice食評啲朋友講一樣，好多招牌菜都冇左，Menu上揀啲嘢特色唔夠選擇唔算太多，全部都係日本居酒屋基本嘢，我哋都要諗下睇下先叫咗三四轉餸菜….坐低後來了個餐前凍麵，好麻麻👎差：牛舌…… 凍上枱又薄Che Che ; 雞軟骨……依個熱啦😂😂但原全無味；天富羅拼盤，炸出來d 粉好林，唔好食。好至正常：明太子飯團ok … 外翠內軟高水準；炸蝦壽司… 全晚最好；其餘炸雞件，炒雜菜, 魚腸普通正常啦😉😂⋯⋯坐到9:30 走人⋯⋯埋單$1036 2人

工作人員服務態度欠佳，感覺傲慢！不會再去幫襯！比起以前D Waitress都係香港人自己友，依家請埋晒啲唔知係日本人定係菲律賓人返嚟！九唔搭八！食品同以前比都差咗好多！呢個價錢係呢度食，大把選擇.

上星期去食 轉咗晒menu 完全第二個世界好食嘅嘢冇晒麻煩老細出嚟交代下一係就轉返menu 我就當無數 始終我都唔想搞大件事衣家咁樣我仲點幫襯 啲嘢又唔好食咗我唔想無咗間我鍾意嘅餐廳😞

自重轉左餐牌，以前好抵食的$680雜錦刺身超級大縮水，其他食物水準都大降，曾經試過1個月去幫襯4次，以後我不會再去了。除了食物水準下解降之外，樓面侍應又吾夠人手，服務已經無以前咁好了，所以京世會在我的心愛食店list 被剔除