京阪屋 (已結業)

近排係得寶商場裏面新裝修重新開咗一個靚food court叫木馬工房，作為街坊表示支持，梗係要試一試！食food court嘅好處就係可以試多啲唔同嘅嘢，間間都嗌d黎食吓！今次買咗裡面其中一間就係京阪屋～主打日式，有好多唔同類型嘅嘢食，今次主要試左燒雞中翼丶雞腎丶超級推介嘅鹽燒牛舌丶花枝丸，仲有炸魷魚鬚，炸豆腐，日式炸餃子，雞泡魚乾，可惜冇酒飲，下次可以叫外賣喺屋企送酒都唔錯Overall整體都好高質，要encore！～佢地仲會有其他日式便當 飯卷等等，揾日試埋先！

平時同老公出淘汰德福果頭食嘢都冇乜選擇，多數都係得連鎖食店，但而家得寶花園原來開左foodcourt, 入面有唔少嘢食選擇，最近仲有一間由幾個後生仔開嘅日式料理🍱，仲有串燒食🍢😋 !而間小店叫做🎎京阪屋♥️，多嘢食之餘仲要價錢好合理，平時下晝時段仲有學生餐，認真抵食！👍 我地今次叫左 🍱燒雞便當，🍖燒羊架，🍢燒肥鱔，🍍燒鳳梨，🍗明太子雞翼，同埋🍦炸雪糕糯米糍 ！🍱燒雞便當好足料，雞扒燒汁好好味，仲有枝豆同埋蛋一隻，夠晒飽 🍖燒羊架大大件，咬落去好多肉汁，好味 ！店長推介🍢燒肥鱔，唔係用冰鮮鱔，食落去啖啖肉，多肉汁，鍾意食鱔嘅真係強烈推介 ！💯🍍燒鳳梨我之前未食過，燒完嚟食原來幾好食，又多汁又甜 ！🍗明太子雞翼咬落去啲明太子流出嚟，雞翼燒到好脆，明太子有少少辣，好惹味！

去過得寶，都知佢個food court 麻麻地！但早幾日經過，原來佢已經重新裝修好！咁啱見到有間叫京阪屋的日式餐廳開張。好奇心驅使，就行左入去睇睇！入到去，成個food court 同之前唔同曬，以前係唔會想坐入去食。宜家好新好舒服。仲全新有好幾間餐廳已經營業中！呢間京阪屋係賣日式便當🍱同BBQ. 我試左照燒雞扒便當同埋BBQ(豬頸肉，牛舌，燒茄子同雞皮)便當賣相靚，雞扒大塊又厚又滑又多汁！而且好好味！伴菜都算豐富！只係蛋就熟左少少！至於BBQ就真係無得輸，無諗過喺food court 可以食到咁有水準的串燒！值得一試！特別串牛舌同埋king size的孜然茄子。。。食完要再encore. 無得彈！

路過見到這區很少有的串燒就係試吓👍🏻好在好有水準，買完外賣行到返屋企都仲係熱辣辣燒韭菜好正燒牛舌都好出色🤤仲要係厚切燒菠蘿超甜燒雞皮，雖然食完有罪惡感😂但真係好味道燒羊架啱啱好，亦冇騷味親子丼都好好味，小朋友食不停燒鱔好彈牙爽口燒茄子非常惹味🤤芝麻雞翼都好香口牛奶布甸自家製果然好味😋如果大家路過這店的確可以一試，店員都好有禮貌冇諗過抱住試吓嘅心態因為都怕中伏但今日冇中伏之餘亦有都好有水準