京香閣 (已結業)

最近見到有間係上環既京香閣, 有$228任食皮片鴨, 為食且大食的我當然唔會執輸, 去會一會佢啦位置位於上環ge無限極廣場, 係正永安隔離, 地鐵一出就係環境地方闊落, 好似一般傳統g茶樓咁, 侍應熱情有禮坐低花膠雞湯同原隻鮑魚花菇就會送過黎~花膠雞湯花膠好滑, 雞湯味濃, 奶白色, 好香, 唔係味精, 要襯熱飲~鮑魚花菇細細隻鮑魚鮮味十足, 唔會un跟著就可以開始出去"殺敵啦"~除左主角片皮鴨, 仲有超多種類既上海野任食湯羹: 酸辣湯涼菜: 五香牛肉，鎮江肉，手拍黃瓜，涼拌雲耳，烤夫，素鵝，麻辣多春魚，花彫醉雞，醉翁蝦蔬菜: 乾扁四季豆，炒土豆絲，上湯翡翠苗主菜: 水煮牛肉，椒鹽排骨，回鍋肉，東坡肉，醬茶鴨，糖醋魚塊，手撕雞，西芹炒魚片，宮保雞丁，翡翠炒蝦仁主食: 上海粗炒，上海菜飯，炒年糕飲品: 竹蔗茅根水，可樂，豆漿，雪碧另外點心同甜品都要好似其他放題咁要畫紙點心: 山東大包，炸饅頭，生煎鍋貼，小籠包，春捲，水餃，紅油抄手甜品: 薑茶湯丸，高力豆沙，酒釀丸子，桂花糕，驢打滾，八寶飯等等等等... 每樣試少少已經飽都頂唔順，好等我每樣值得推介既都重點講講先：片皮鴨任食仲要咁高汁，望

幾星期前已訂枱，但去到職員非常不專業，先讓攞位的人入座，訂枱的人反而等候45分鐘仍未能入座，大部分等候的人也很生氣。環境惡劣，枱與與間距離只有不到10cm，坐入面位置的人根本無法出外取食物。原本很期待，但發現自助形式食物份量少，每樣食物只夠3-4人取便沒有了，每次要等候廚房再出。重點是片皮鴨與小籠包也很難食😖😖😖💔期望越大，失望越大。為免各位中伏，我寫上人生第一個食評！希望大家不要過多期望⋯

今日與朋友到上環京香閣吃頂級京菜自助晚餐，成人$228/位，連砂鍋花膠雞湯+原隻鮑魚花菇，小童半價$114/位。我們六時去到的時候，已經人山人海，座無虛席，原來真係咁受歡迎。坐下後，侍應便送上每人一份的花膠雞湯及原隻鮑魚花菇。鮑魚、花菇都好大隻，炆得夠淋夠入味。砂鍋花膠雞湯，湯味道香濃鮮甜，花膠有質感，入口即溶，好滋潤養顏。片皮鴨是最受歡迎的食物，所以吸引很多人排隊，但當你可以吃到一片片的鴨肉，連著閃亮發光的鴨皮，搭配青瓜、京蔥，加上醬汁捲起來吃的時候，那種好吃滋味，絕對是值得的。醉翁蝦，涼涼的冷盤，很受歡迎的。麻辣多春魚，香口惹味。鎮江肴肉，味道很好。場內有很多款冷熱菜式任食，樣樣味道都有水準，而且補充也快。椒鹽排骨、翡翠炒蝦仁、糖醋魚塊。干扁四季豆、宮保雞丁、炒土豆絲。蔥油小芋奶、上湯翡翠苗、四川回鍋肉。紅油抄手，肉味鮮味，酸酸辣辣，清清爽爽，好吃。小籠包是必吃的，果然肉鮮多汁，絕不油膩，好味。高力豆沙，軟綿餡美味道佳。我們吃完再叫，吃得很滿足！飲品有竹蔗茅根水、豆漿、可樂、雪碧，任君選擇。京香閣食物質素不錯，除了有自助形式自取的食物外更有用點心紙加叫的食物， 而且是即叫即製，可以

even u have the reservation, u still need to wait for long time , they will just randomly ask people to get in no matter u have reserve or not. people god are angry togetger. the Beijing duck is horrible , skin is too oily, not quite good. the xiao long bao skin is too thick. not a good place to have the dinner. especially when u have two people, they will just assign you to a small area. can't even go out to take food if you sit inside.the life don't have second chance

在香港有不少日式放題和自助餐，不過以中式為主題的不多，今晚便來到一間以頂級京菜自助餐為主打的食肆。以入座時間計算兩小時，放題套餐$228一位。入座後，侍應會送上砂鍋花膠雞湯和原隻鮑魚花菇。砂鍋花膠雞湯，味道濃郁，感覺像燉湯一樣。原隻鮑魚花菇，鮑魚和花菇炆煮得很入味，值得一讚。小菜：翡翠炒蝦仁、東坡肉、江南素齋、上湯翡翠苗、乾扁四季豆、熗炒土豆絲、糖醋魚塊、宮保雞丁、四川回鍋肉、椒鹽排骨、水煮牛肉、酸辣湯。我推介酸辣湯和東坡肉。酸辣湯，酸辣度剛好，材料豐富，味道正宗。東坡肉，腩肉肥美，醬汁入味，皮和脂肪入口溶化。涼菜：四喜烤夫、麻辣多春魚、京式素鵝、五香牛肉、涼拌小云耳、花雕醉雞、醉翁蝦、手拍青瓜、涼拌小茄子、鎮江肴肉。其中以醉翁蝦，酒味濃郁，蝦肉新鮮、爽口、彈牙，最為突出。飲品有豆漿、竹庶茅根水和汽水。而重頭戲，當然是片皮鴨，每人只可以每次取四片，不過由於食肆已經準備好大量片皮鴨，所以輪後時間不會太長。片皮鴨皮脆肉嫩，加上京蔥、哈蜜瓜、青瓜和甜醬，再用薄薄的皮餅包著，味道層次豐富。點心有山東大包、椰汁蒸／炸饅頭、生煎鍋貼小籠包、紅油抄手、上海春卷。我覺得小籠包，皮薄多汁，最值得推薦。甜

片皮鴨真係勁邪惡嘅食物，如果有得任食，我係諗都唔會諗就會去食。今次京香閣做片皮鴨任食自助餐，仲連同其他京滬菜，例如龍井蝦仁、小籠包等京滬美食。仲會每人送一隻鮑魚，同一碗燉湯，超級抵食。片皮鴨一隻又一隻由老師傅推出，香噴噴熱辣辣，老師傅片皮的手勢非常純熟，把鴨皮最好吃的部份全都切出來。返鴨皮放在麵包皮上，配上青瓜、海鮮醬、京蔥，還有只有這裏才會用到的蜜瓜，各樣味道配合得天衣無縫。任食的食物包括甜品，吃過甜品為豐富而邪惡的自助餐畫上句號。

上網見到京香閣竟然有任食90分鐘高級京菜自助餐，每位$228，仲送原隻鮑魚花菇同花膠雞湯 ，好鬼吸引呀，一於去食先！六點去到門口已經大排長龍，好多人黎食。好彩都好快安排到我地入座。有成四十款京川滬菜 菜式任食，好似都係第一次咁食🤭最多人搶既當然係片皮鴨。京式片皮鴨︰令人驚喜既係可以要埋隻鴨脾🤤好嫩肉燒鴨皮燒到好脆，肉質好嫩，好juicy!自家製餅皮好煙韌同夠薄，配埋青瓜，密瓜，京蔥同京醬﹐真係完美配搭，好美味！原隻鮑魚花菇︰用蠔油炆製﹐夠哂入味，食落爽口煙韌﹐都唔錯喎。砂窩花膠雞湯︰個湯好濃郁鮮甜，都幾足料去煲。有埋花膠食。有入口即溶感覺，夠哂味。好飲！食京川滬菜當然唔少得:小龍包，鍋貼，奶油炸饅豆，紅油抄手！甜品仲有高力豆沙食🥰質素都唔錯，亦唔會話好大舊，可以食多幾款！但就建議入座後先點左先，出去拎野食，咁就唔洗等好耐喇！出面仲有得拎飲品，有豆漿，竹庶水，汽水等。除左點餐紙，出面仲有好多款菜式食，都幾多選擇。醉雞件/蝦😍😍好鐘意食，酒味好香好重。東坡肉︰夠哂肥嫩肉，好入味又juicy!咩都食匀哂，食到好飽！😆

完全超失望，大部分食物感覺都不太新鮮，就咁放係度，賣相又不討好，自己拿，唯一新鮮的片皮鴨又要排隊，感覺好麻煩，食得不享受，以250蚊這個價，真的不值，而且類型很少，選擇很少

睇到某木周刊介紹，話上環京香閣有2小時自助餐，星期一至日晚市6-10pm供應~可以任食片皮鴨，每位$228，還有花膠雞湯和鮑魚食，真係非常吸引，就決意去吃見到佢地個menu散點一隻片皮鴨都要$398，那任飲任食$228相對化算一點自助餐區片皮鴨任吃，而花膠雞湯和鮑魚則每人一客~片皮鴨有多款配料可選擇如青瓜、哈蜜瓜和大蔥，麼麼皮+片皮鴨+青瓜+哈蜜瓜和大蔥加埋甜醬食，真係好惹味(溫馨提示)6pm開始，片皮鴨一出，就即刻現出長長的人龍，所以要快快去排，因為派晒要等下一轉~鮑魚花菇鮑魚好彈牙，花菇也很香口砂窩花膠雞湯花膠較為薄身，不是好章口的那種雞湯清甜~飲品方面，有竹庶矛根和凍豆漿我喜歡竹庶矛根，出奇地又不會太甜~凍豆漿就略甜~冷盤方面有醉翁蝦，蝦肉都算彈牙熱盤脆玉瓜西芹炒魚塊魚塊冇骨，仲好滑西芹爽口，又是我至愛，正呀~干扁四季豆、咕嚕肉四季豆都好入味，連埋d肉碎食微辣~新鮮出爐咕嚕肉酸酸甜甜，夠晒開胃排骨脆口小籠包皮不會太厚肉質juicy~生煎窩貼呢個個皮就厚左少少，味道就不過不失~最後就食番個甜品酒釀丸子，味道酸甜酒味不重~當天很多人，自助餐桌的食物很快就搶光光幸好店員都很快地refi

#京香閣 (上環)上環德輔道中199號無限極廣場2樓-----上個星期見到港生活介紹 屋企附近呢間中菜廳有$228任食京菜自助餐🤤每位仲送原隻鮑魚花菇一客同花膠雞湯一碗 即刻帶中意食中菜ge Daddy去試下 （唔知係咪網上報道完 超級爆 有興趣要提早打電話預約 walk in有可能無位）菜式種類大概有30-40款 當中B仔最中意ge有以下幾款：---砂窩花膠雞湯（每位限一客）-雞湯顏色奶白 湯底鮮甜清香且雞味濃郁 花膠如果再厚d就好啦-原隻鮑魚花菇 （每位只限一客）-以蠔油炆製 無論係鮑魚定花菇都非常入味 鮑魚質感爽口彈牙 好想食多幾碟 嘻嘻-京式片皮鴨 - 老實說 B仔係衝住佢而黎ge 平時食上海菜片皮鴨一向貴 呢度咁ge價錢就有任食 真係好正 但黎到之後發現 雖然任食 但係自己能力有限 食得太多都係會膩😂😂結果食ge量都係比平時多少少 呢度ge片皮鴨油香四溢 皮脆肉嫩 但略嫌偏肥少少（唔怕肥ge人可能中意）最近肥左好多ge B仔唔敢食太多😂-東坡肉 - 炆得超腍 入口有少少即溶感 非常出色 五花肉揀選得肥瘦適中 調味恰到好處 連本身無特別愛東坡肉ge B仔都愛不惜手-水煮牛肉 -

差  貴  垃圾  份量細  上菜慢 走單份量極之少 例如炸饅頭係一個手指公嘅份量其他嘅甜品簡直可以用笑話來形容細都食咗都唔知打個乞嗤都可以吹走佢唯一好小小嘅小籠包遲遲都唔肯上菜起碼15至20分鐘先上仲有漏單 片皮鴨好一般唔脆 飲品選擇少其他小菜差份量少有少少好似返咗大陸食街邊野好油大多數都係冷盤餐廳室內裝修10分濃烈嘅中國三線城市feel收費收咗加一之外 仲會收埋茶界收費高唔係一個問題問題係要值回票價細細粒 細細粒咁上總結來講其實唔係唔好食因為我都唔知自己食咗咩⋯⋯

首先我哋book咗位， 去到接待員話我哋book哥張枱巳經入咗， 原來佢搞錯，畀另一個同姓既入左， 所以要等咗一陣才能入。。。主打的片皮鴨不要太高期望，皮唔脆，唔係平時出面食開既水平。其他小菜款式非常少，全場十道左右小菜，味道一般，另有粉麵飯，生律菜同涼菜。另外有小食紙可點小食，但上菜非常慢，而且份量細得誇張， 每樣點心好似一隻姆指咁大。總括而言，有些失望，價錢除每位$228外，另有$15茶芥同$30加一服務費，大家可衡量下抵唔抵食。。。

成日食西餐Buffet食到悶，好想試下其他自助餐，在網上畀我發現了這間在上環的京香閣，見宣傳是中式自助餐，而且價錢都十分吸引，$228任食90分鐘高級京菜自助餐，再每位送原隻鮑魚花菇及花膠雞湯，真係要去試下先。今日星期五，來到餐廳特別爆，坐的位置都有點擠擁。出去看一看，最Hit最受歡迎的是京式片皮鴨︰以地道做法製成﹐皮脆肉嫩﹑油香滿溢﹑大小適中，自家製煙韌餅皮特薄，配搭青瓜、京蔥和京醬，很不錯。逛一圈回來店員已送上每位花膠雞湯和花菇鮑魚。原隻鮑魚花菇︰採用名貴花菇及鮑魚﹑以蠔油炆製﹐入口彈牙爽口﹐香味濃郁。砂窩花膠雞湯︰用料十足，採用原隻厚身大花膠，入口即溶，精選靚雞配合砂窩長時間燉煮，湯底濃郁鮮甜，滋補養生一流之選。原來還有點餐紙，有即蒸點心和甜品可選。食完鮑魚花膠，當然要去自助區再試試其他菜式，多達四十多款，真係每樣試少少都試唔完。一整桌全是凉菜，當中有醉翁蝦、鎮江肴肉、涼拌小雲耳、花雕醉雞、手拍青瓜、沙律菜、凉拌小茄子、五香牛肉等等。另一邊，包括有酸辣湯、四川回鍋肉、干扁四季豆、醬茶鴨、四喜烤夫、麻辣多春魚、油炆筍、京式素鵝，只吸引我當然是東坡肉︰入口鬆化有即溶口感，香甜的配料味

放工約咗媽咪食晚飯，今次帶佢嚟到上環嘅京香閣到食，因為最近得知佢哋做緊京菜自助餐，幾有新意，價錢又唔貴，一於帶埋媽咪嚟試下呢個京式放題。按人頭送上嘅蠔油炆花菇鮑魚，兩樣都炆得好入味同鮮甜👍🏻養顏砂鍋花膠雞湯，湯底濃郁鮮甜，每碗都有大大舊花膠，童叟無欺，好好飲，可惜只有一碗😂🙈新鮮滾熱辣即切片皮鴨，睇住店員摩打手續片續片起肉，枱面仲放有自家製煙韌餅皮，青瓜條，紅蘿蔔條，京葱，京醬可供自助配撘👍🏻片皮鴨皮脆肉嫩，入口油香滿溢，仲有大大隻鴨脾可以全隻咁拎😋酒樓中心位置設有自助食物區，refill速度快，食物款式選擇多！.冷盤 :四喜烤夫/五香牛肉/鎮江肴肉/醉翁蝦/花雕醉雞/刀拍青瓜/脆皮素鵝/涼拌小茄子/油炆筍.熱盤 :上海菜飯/雪菜肉絲炒年糕/蔥油小芋奶/西芹炒魚片/上湯翡翠苗/翡翠炒蝦仁/鴨崧叉子燒餅/上海粗炒/椒鹽排骨/干扁四季豆/江南素齋/宮保雞丁/東坡肉/XO醬炒螺片/熗炒土豆絲/水煮牛肉.飲品 :茶/汽水/豆漿.食物選擇豐富，食得好盡興！仲有我最鐘意嘅鎮江肴肉，平時出面食幾十蚊得幾舊仔🙈呢到有一大盤任我食呀🙀🙀🙀味道絕不比其他輸蝕。東坡肉鬆化，入味唔油膩。醉蝦都係必食推介，肉質

今日新界牛大鄉里出城，千山萬水都係為咗食片皮鴨加點心放題！6點鐘第一轉已經瞬間爆場，任食兩個鐘，睇嚟好多人慕名而來！一坐低，侍應已經叫我哋快啲寫定點心紙，因為好多人，怕我哋會等得耐（事實上睇得出個廚房真係出菜出到冇停手！）都有唔少選擇，最後啲點心除左大包同曼頭，我全都要 ，睇下邊樣好食再ENCORE，呵呵。先講下主角片皮鴨，師傅即場片比我哋，配料就自己任揀，有京蔥，哈密瓜，青瓜，甜醬，啲春卷皮仲係蒸爐到熱辣辣咁拎出黎，食就趁熱喇喂。前前後後拎左三次，真係好正呀。因為條龍長期有人，不停有人拎鴨出來，師傅又不停片，我唔會奢望真係片晒皮薄薄一片咁，我覺得有啲肉嘅實仲香啲添。點心等咗一陣都上枱喇，都唔係等咗好耐（喺兩個鐘內絕對夠時間食2~3轉）小籠包真係必食，怪唔得枱枱都狂加單啦。雖然佢冇跟薑絲，得醋，但都好好味。好香豬肉汁，我哋第二輪encore咗兩籠！！ 任食餐人頭包一份花膠雞湯同埋鮑魚花菇，質素都OK，每碗湯都有件花膠，飲落去都FEEL到有少少黏黏口既膠質，正。係出面仲有唔少涼菜，熱食同飲品提供，都幾多選擇，侍應都REFILL得幾快，但搶得仲快。甜品就樣樣都叫左黎食，但基於胃部體積大