京.花朝 (已結業)

初初訂位以為係好大間的中菜餐廳，原來係好細間，人不多時只開一個廳，約9張台。但這棟大廈太恐怖了，太多餐廳，太多人排隊入電梯，走時更等了5架𨋢都走唔到，地段比較差。我地一行八人訂了北京填鴨兩食$338+蔥爆$68，北京填鴨味道不錯，但片皮的服務員不太專業，片了每塊都好大塊，而且連左好多肉，約只有16片左右可包黎食，味道都可以。蔥爆味道太濃了，不太受歡迎。乾扁四季豆$78，炒得好夠獲氣，我比較鐘意，有些朋友略嫌偏咸。蟲草花翡翠苗$78，清清的，好好味，翡翠苗好新鮮！上湯水餃$48/5粒， 幾好食，大大粒，菜肉含，皮薄含靚！夫妻肺片 $58 超級辣，好適合香辣之士！肺片彈牙香口！巴蜀口水雞$68，雞肉幾嫩滑，辣味不及上面道菜！雞絲粉皮$58 ， 麻醬好好味，雞絲不多，粉皮正常水晶肴肉$68 ，我個人覺得麻麻地，所以唔抵食。如果地段轉一轉，我都會再食！

午餐好抵食而且唔駛等位，次次都係無book上到去實有位。lunch $68一位，有前菜，湯，小菜同飯麵，而且環境幾好又坐得舒服。Lunch menu，選擇都幾多前菜，左：口水雞，右：雞絲粉皮口水雞咁多辣醬都知好辣，仲要係越食越辣果種燉湯好好飲，勁足料小菜揀左京都排骨，酸酸甜甜送飯一流嫩雞煨麵要加$10，湯底夠入味麵夠淋，雞就一般般呢度食野其實ok環境又唔錯，銅鑼灣區黎講都幾抵食，係唔知點解係咁少人幫襯

上星期的午餐都以西式韓式為主，朋友想轉轉風味，決定試一試這間京滬菜。餐廳位於食肆林立的百本中心內，一離開電梯已經見到京花潮招牌。餐廳裝修融合了中西式的元素，西式擺設又配上中式餐具，環境悠閒舒適。由於只有我和朋友兩人，我們點選了商務午餐，有前菜，主菜，白飯，湯及甜品。涼拌海哲皮海哲皮爽滑，味道不錯。蒜泥白肉粉皮豬肉大大片，粉皮滑口，嗜辣人仕絕不能錯過。花雕話梅醉蟹腳蟹腳經醉雞汁調味後，有蟹肉味之餘又有醉雞雞味，兩者味道突出，絕不能錯過。鳳梨咕嚕肉咕嚕肉鬆軟，外層炸得脆口，酸酸甜甜很開胃，送飯一流。葱爆羊肉很有穫氣，羊肉味濃但又不太酥，伴以香葱一起進食口感一流。燉湯全都是原盅燉煮，熱辣辣小心盪到嘴唇。杏仁豆腐豆腐香滑，湯汁清甜有杏仁味，非常滋味。

有位中學時代所認識既老朋友係澳洲讀完書回流返黎香港，而今晚終於夾到時間聚逗啦！佢係外國食左咁多西餐，今晚就一於同佢見面食中菜啦我地喺銅鑼灣揀左間食京滬菜嘅樓上鋪，店內環境清雅幽靜，幾啱兩個人食下飯傾下計當中有一個係for二人嘅"佳餚宴"HKd$488，有齊燉湯、前菜、小菜同甜品， 見到入面嘅菜式都幾啱食所以我哋就點呢一個套餐啦先黎嘆啖茶，食下花生先今日既湯係“百合瘦肉燉湯”，一人一盅，清清地都幾好飲而“京式兩小碟”就揀左“醬牛筋”同“鎮江肴肉”，兩款都充滿骨膠原，正呀套餐嘅小菜有“宮保蝦球”，味道酸酸辣辣咁好啱夏天食“蟲草花翡翠苗”就炒得清嫩爽口“瑤柱賽螃蟹”係朋友既至愛，呢度都整得唔錯，蛋白都炒得幾滑兼唔會太膩而“紅燒獅子頭”就濃而不膩，當中伴有唔少 花菇絲、筍絲同津白！-朋友唔鍾意食水餃，所以店員好好咁幫佢轉做白飯，呢個獅子頭拎嚟送白飯真係一流呀“上湯水餃” 有兩大粒，菜肉比例適中，味道都唔錯㗎食到飽一飽之後仲有個甜品，今日嘅甜品係“杏仁豆腐”食完咁多比較濃味嘅京滬菜之後，食番個清清哋嘅杏仁豆腐就啱啱好啦

每次係銅鑼灣行完街嘅我，一到入黑就唔知食咩好，於是上網搜尋一下附近有咩好食，咁就搵到呢間京花朝啦，係Times Square 行嚟都只係需要幾分鐘，地點非常方便。一入門口，已經被呢度嘅裝修同佈局吸引著，中式裝修而又不行古舊風，而且充滿色彩，相機都被吸引着。每一個位置都各有特色我同媽咪order左個自選晚餐，$268/位頭盤擇左醬牛筋同涼拌海蜇皮，先講醬牛筋：食落好香口但亦都好辣，如果唔食辣嘅朋友可以擇其他頭盤，選擇非常多。涼拌海蜇皮就夠曬清，健康又美味，適合一家大細。原盎燉湯料夠足，飲左成個人都舒服曬，唔會油膩，會想飲多碗。論到我最愛嘅花雕話梅醉蟹腳啦大大份，有成8兩咁多，每淡都咁充滿着花雕、話梅香味道，勁好味，肉質同味道都very good，超推薦丫，咁多大蟹腳，突然覺得個dinner set好抵食。老家回鍋肉有菜又有肉，火候恰當，醬汁甜甜地用嚟撈飯一流。媽咪就相當喜歡呢碗甜品啦，仲話下次要上嚟再食過。

平日吃太多韓國及上海菜， 有點納悶，這次就帶吃廣東菜吧！ 京.花朝已經不是第一次幫襯，記憶中 它們推出的二人餐非常不錯， 這天特意前來吃飯，順道看看有沒有新推菜式。約七時許來到，人客並不多，我們很快就能安排入座，而侍應火速為我們送上熱茶及小琥珀合桃小食，感覺窩心，核桃入口香脆，味道甜甜的，非常好吃。佳餚意套餐（兩位用），價錢HK$488非常抵食，內裏已包括兩款前菜、燉湯、四款主菜、水餃子及甜品。小食選擇極多， 若有16款，而我們最後選了五香牛肉及涼拌海蜇皮。 由於朋友不吃辣的關係，店員細心的將辣汁分開送上，以減輕辣度。五香牛肉切成薄片後，份量超多，牛肉肉質鮮嫩結實，而且內裏帶有點牛筋，牛肉味重，吃時蘸點醬汁，味道即時變得辣辣的，帶點香麻味，非常惹味。 涼拌海蜇皮 - 海蜇皮相當厚身，入口冰冰涼涼的，爽口彈牙，而且海蜇皮內加了點醋，味道酸酸的，非常醒胃。 原盅燉靚湯 - 這天的燉湯是蟲草花燉瘦肉燉湯，燉盅內放滿了蟲草花，感覺真材實料，而湯頭味道鮮甜，肉香味濃，喝後既潤喉有滋潤。瑤柱賽螃蟹 - 蛋白本身的味道較淡，不過內裏放了蟹肉及瑤柱，而且上層放了點金華火腿粒，具有提鮮作用，令蟹肉味道

銅鑼灣地區 Lunch 的好去處好抵食，同同事一齊，可以叫多幾款唔同既前菜同主食經濟實惠環境都好舒服平日set lunch, 每人唔洗一百蚊已經有湯，前菜，主菜同飯，好ok

餐廳環境以田園風格為主,似一間法式優雅的食店,在此環境食中國餐,真另一番感覺,食物的調味不錯, 但茶水唔夠熱同食物唔夠鑊氣,價錢跟食物份量合乎比例,女士還可能會覺得多了點,這裏比其他中餐廳清靜得多,是一個聚脚好地方。

已經第二次到呢度食喇，第一次巧合食過之後就鍾意呢個地方，坐得又舒服，裝修雅致，最重要價錢同食物質素成正比。午餐包湯，前菜，主菜同飯或麵；我最鍾意個湯，兩次飲都唔同仲好足料! 當然其他前菜同主菜都好好味，好 balance ~唯一唔好嘅係，三個人食點兩款唔同嘅湯，侍應問都唔問就求其放。如果放啱位就更 perfect

朋友生日，想吃上海菜，故此由朋友選了位於銅鑼灣的京·花朝，這裏格局很小，但裝修很精緻，一行5人坐下便點了這裏的套餐，就是298/人的自選套餐，我們選4人餐，然後再另加一些菜。然後就點了以下幾款， 前菜海蜇、北京醬蹄及夫妻肺片，可能為的是配合香港人的口味，那個夫妻肺片一點也不辣，只是有點麻，不及格，雖然我不好辣，但也知道夫妻肺片要麻，也要辣，但現在這不湯不水的，怎好叫夫妻肺片？其餘2個冷盤是一般水平。然後點了這個話梅花雕浸蟹，我們都愛吃蟹，喜歡它的 鮮，但這個蟹卻失望，味道是好的，花雕配話梅不會有問題，問題是出在那個蟹，一半的蟹浸到太嚡，肉是柴皮般，但另一半卻是正常的，明顯是浸了不同時間所致其餘的菜也沒甚驚喜，總結是同樣價錢可以找到更好的選擇。

朋友移民咗去英國好多年，今個暑假返嚟探朋友，我就揀咗 京滬菜 同佢撐吓枱腳Time square 購物之後就去咗後面街嘅百樂中心，一間裝修精緻嘅 Chinese Cuisine, 啱晒佢呢個半唐番京。花朝的自選特色晚餐選擇很多，每位$268 最啱我哋人少少又想食多幾樣野的 foodie 。最喜歡食京滬式的冷盤小碟，我們兩位就可以揀兩款。五香牛肉同埋醬牛筋都好有特色風味，醬汁帶有一點點麻辣香味，入口別有一番風味。加上肉質紮實，牛肉味較突出主菜我為朋友選擇了金蒜風沙大虎蝦。感覺有點像避風塘炒的特色，有幾時喜歡食熟蒜嘅朋友，香辣而且非常惹味。朋友除咗大贊虎蝦夠晒大隻，厚肉而且彈牙之外。她把所有香蒜都用來撈飯可想言之佢係覺得幾好味接着還可以選一款京滬小菜，Beijing shanghai traditional dish 裏面我最喜歡老家回鍋肉。一般上海小菜館食嘅回鍋肉都會好肥，今次除咗係肥瘦均勻之外一啲都唔會覺得油膩套餐仲有是日湯羹, 入口感覺夠晒滋潤。白飯同埋甜品，甜品係雜果杏仁豆腐花，好像回到兒童時光。價錢合理而且坐得好舒服，值得推薦

雖然最近考試，但係都一樣要去食飯，就同左媽媽去食高級中菜，這家餐廳裝修好靚！大家都有選擇困難症，睇餐牌之後就決定了選擇2人Set$488花雕酒蟹腳最深得我心，除了啖啖肉之外，酒味亦香濃，真的非常難得和好吃，絕對不是水蟹！原盅燉靚湯：蟲草花螺頭豬肉湯味道比較清甜，香味充足但是不算太濃郁。料的份量也是非常功課，剛上來的時候熱辣辣，最好放幾分鐘先好喝。瑤柱賽螃蟹裏面有類似魚的食品，口感好似蟹，好滑而且蛋白質感好特別，另外吃到少量瑤柱，加上芡汁，更添鮮味。也有鎮江醋，不過不建議點太多，否則就會失去原本的香味。宮保蝦球口感比較林身，外皮小小香脆，不過鑊氣十足，帶點香辣，蝦球也很大件呢！紅燒獅子頭有少少似端午節食鹹肉糭裏面嘅肥豬肉，稔稔地又咸咸地，深得我心；加上旁邊有很多配菜，包括筍，十分爽口，更加健康。蟲草花翡翠苗主要都係菜苗，吃起來特別鮮味，清新健康味道新鮮。上湯水餃就是本日食品之中較為普通的一員，老實說跟包裝上的水餃相差不遠。是日精美甜品：杏仁豆腐雖然說是豆腐，但是吃起來的質感卻像啫喱布甸。杏仁味很香濃，喜愛吃杏仁的不要錯過！

終於完咗呢個死亡四月，男友奬勵我去食中菜慶祝一下！（又係佢最喜歡嘅中菜😂）餐廳環境舒適雅緻，難得人少少都可以靜靜地食☺️呢樣加分！見到都有唔少人係度小聚😙點左佳餚宴（$488）😌😙想不到餐前小食都咁好食！花生鹹鹹脆脆，男友都好驚訝我食唔停口！😂花雕話梅醉蟹腳酒味清純，濃甜有致，不會「確喉」大讚👍🏻👍🏻同時亦能吃到蟹腳的鮮味！非常開胃！原盅燉湯飲第一口就知好有氣！就是燉湯❤️❤️感覺特別滋補😍內有蟲草花、雞肉及豬展，味道清甜，好舒服。瑤柱賽螃蟹蛋白配上蟹肉，特別鮮甜爽口，配上少許火腿的鹹香，拌飯一流。配上浙醋，又是另一番感覺。宮保蝦球醬汁辣中帶酸甜，使其辣度更容易接受，很有心思。蝦球大大隻，我還以為是斑腩😳😳入口彈牙，帶海水味😌😋個人認為是最出色的菜色。紅燒獅子頭豬肉極幼滑！芡汁鹹甜恰到好處！比坊間許多餐廳出色。配上爽甜的露筍，有不同口感呢👍🏻蟲草花翡翠苗菜苗極新鮮爽甜，配上蟲草花，兩者口感相映成趣！不會太多油！整碟菜都給我清哂呢！😁上湯水餃好大隻😳一咬開肉汁便湧哂出來😳內裏餡料該是羊肉🤔雞湯底清甜。甜品是杏仁豆腐！菱角的切法，令其更有口感，杏仁味好足，又不會過甜！盡見心思。😋😍總結餐廳食物質

係銅鑼灣行完街掃完貨話咁快已經差不多八點鐘，晚飯時間到，近近地行去耀華街的京花朝開餐，因之前朋友去過食晚餐，食過後極力推荐，咁梗係要試一試。坐低就先來一壼鐵觀音，水滚茶靚，望一下四週環境，裝修簡約舒適，輕輕的音樂，啖一口濃茶，差啲忘記了肚餓，快快望吓餐牌，侍應禮貌的推荐特色自選2人套餐(每位$268)。套餐還包括是日湯羹，白飯及是日甜品，如果想轉原盅燉翅湯每位祗需另加($35)，每位加一服務費。原來惠顧午市的客人加$15仲可享用即磨咖啡一杯，頗有點中西合璧。自選特色晚餐有十二款冷盤小碟選擇，主菜有花雕話梅醉蟹腳或金蒜風沙龍蝦球(轉用原隻虎蝦)，另京滬小菜有二十款選擇，二位選擇一款，四位二款，六位三款。甜品是杏仁豆腐花。我選擇了北京醬蹄和鷄絲粉皮作冷盤小食。香香的蒜蓉加入少許鉊興酒拌匀作調味料淋在醬蹄片上，醬蹄切得薄薄的一片一片，入口帶有濃郁香蒜味，再食一口青瓜中和醬汁味道。再吃鷄絲粉皮，鷄絲通常用鷄胸肉拆絲再拌粉皮一起食，但兩者本身没有甚麽味道，所以麻醬就是這道小吃的靈魂，用麻醬把鷄絲，粉皮和青瓜絲撈匀食，味道就不一樣了。再飲一盅靈芝燉鷄腳湯，味道帶甘，少鹽少油，不含味精，我最喜歡原汁

這晚，我又跟E先生來到銅鑼灣人氣食廈百樂中心吃晚餐，這次要吃的是主打京滬小菜的京．花朝。依據之前來百樂中心各餐廳的經驗，緊記要預早訂位之餘，可以的話早—點或晚一點來，避開等候升降機的人龍。餐檯之間空間充足，座位寬敞舒適。我們選了兩位用的邂餚宴 $388 / 2 persons茶芥每位 $8，小食$20。京式兩小碟－雞絲粉皮在青瓜絲、雞絲及粉皮上面加上香濃的麻醬，稍稍拌勻，吃來清新爽口，美味！京式兩小碟－麻辣豬耳麻辣豬耳的醬汁用上香蒜莞茜辣椒調味，惹味非常，加上豬耳質感爽脆，超讚！原盅燉靚湯是日原盅燉湯是蟲草花嚮螺瘦肉湯，湯料足入口味道濃郁，滋陰保腎。花雕話梅醉蟹腳六大件的亞拉斯加皇帝蟹，稍稍剪開蟹殼已可食用，醮上充滿話梅香甜味道的花雕，跟啖啖肉的鮮味亞拉斯加皇帝蟹非常合襯，美味得令人停不了口，超讚！紅燒獅子頭大大個獅子頭肉質香嫩，醬汁味道濃郁，還附有不少筍及蔬菜，用來餸飯—流。蟲草花翡翠苗吃完肉類之後，來—碟滿滿的翡翠苖，配上味道微甘的蟲草花，不會太單調。上湯水餃之後就是味道較為清淡的上湯水餃，每人兩隻，蠻飽肚的。精美甜品是日的甜品是什果杏仁豆腐，甜膩的糖水浸泡着什果及杏仁豆腐，冰涼清