亮仔食堂

营业中

休息中

這天要到荔枝角拍及剪片，由於時間有點趕的關係，所以拍檔們都決定買外賣上去製作公司，一邊吃，一邊開會，一邊做，女的喜歡選麵食餃子等等，男的就喜歡揀三餸飯，原本以為好易搵，呢幾年三餸飯遍地開花，但搵過先知，原來在荔枝角工廠區是很少好吃的三餸飯的，比較多是小食店下午時候兼賣，攞貨落舖賣一轉，食物又唔夠熱，又少選擇。這間食堂是區內工作的朋友推介的，說是這區比較好的三餸飯。食堂可以堂食，面積不算大，但後面有自己皂房，可以自己煮自己生產，食物較為新鮮及有鑊氣，選擇也比較多，價錢跟區內其他三餸飯一樣的前提下，性價比就相對比較高了，這天點了鼓椒雞球、羅漢齋，夠鑊氣。拍檔點了蒼魚，肉質嫩滑，不錯。

由舊舖到新舖都有幫襯，個新啲嘅短頭髮阿姐態度差，3餸淨餸依家俾勁少，餸嘅份量同3餸飯嘅餸量係一樣，但係兩者嘅價錢係一樣，配菜俾得一粒椰菜花，叫佢俾番多2粒，就鬧人，話不嬲俾一粒。。 下？我幫襯過咁多次都唔係咁囉 ～ 其實你地嘅飯比出面係貴，仲要俾咁少，仲要咁嘅態度，真係無下次 ～

見到門口有炒粉麵買，諗住方便買完就走，但門口個阿姐塊面好似得罪佢甘，講野無尾音又吾望人，比少少禮貌好無…. 啲米粉就不過不失，只係有啲碎，但整體都覺得合理，只係個阿姐既態度搞到有啲拆招牌既感覺。