影片
港铁上环站 A2 出口, 步行约5分钟
继续阅读
营业时间
今日营业
17:30 - 00:00
星期一至日
17:30 - 00:00
以上资料只供参考，请与餐厅确认详情
星期五放工去happy hour，去食串燒飲啤酒係一個非常好嘅選擇。九如坊嘅《人生有限杯》，係陀地燒嘅前身，之前有幫襯過，知道而家轉咗名之後亦多咗好多新嘅串燒口味，所以就去試吓🤩🧀老油條爆芝士：呢款串燒真係好有創意。傳統嘅老油條同芝士相結合，口感獨特。油條炸到酥脆，一咬開，芝士瞬間湧出，香濃嘅味道彌漫喺口中。旁邊有一碟糖漿，沾少少嚟食，有西多士feel。🍗無骨雞翼：雞翼經過精心處理，去咗骨頭，食起身好方便。外皮炸到金黃酥脆，入面嘅雞肉鮮嫩多汁。搭配上店家嘅秘製醬汁，同埋釀咗大蔥喺入面，味道更加係一絕。🍗免治雞肉棒（配日本蛋）：雞肉棒肉質鮮嫩，口感細膩。配上滑順嘅日本蛋🥚，增添咗一份柔滑嘅口感。雞蛋嘅鮮美同雞肉嘅香味相得益彰。🍖豚肉荔枝卷：荔枝為豚肉增添咗一份清新嘅口感。豚肉燒到啱啱好，多汁嘅荔枝同豚肉一齊食，中和油膩感覺，爆汁感覺提升。🍗大蒽雞肉：雞肉燒得啱啱好，香噴噴而且好入味，大蔥為串燒增添咗一份清爽，中和雞肉嘅油膩感，兩者嘅配搭得宜。🐓惹味燒雞腳筋（微辣）：雞腳筋燒到金黃香脆，表面微微焦香，口感勁爽彈牙，充滿膠原蛋白，越嚼越香，而且調味好惹味，少少辣，刺激味蕾。🍖麻糬豚肉卷：焦香嘅豚肉包住軟糯QQ嘅麻糬。豚肉嘅油脂同麻糬嘅甜味完美融合，真係令人難以抗拒，呢個串燒嘅調味鹹鹹甜甜，令人越食越上癮。🐓椒鹽燒雞皮：雞皮燒到啱啱好，外表金黃酥脆，一啖咬落去，脆到好似薯片咁。椒鹽嘅味道均勻噉分布喺雞皮上，送啤酒一流🍻🐓椒鹽雞軟骨：雞軟骨嘅口感好彈牙，咬起身 “咯吱咯吱” 響。椒鹽嘅香味充分融入其中，令雞軟骨更加好味可口。每一粒雞軟骨都大小適中，又方便食，又可以令人充分享受咀嚼嘅樂趣。🍢脆皮豬大腸伴酸薑：脆皮豬大腸外皮香脆，內裏嫩滑煙靭，連埋酸薑同埋旁邊嘅芥辣，令人食唔停口，又係另一款配合送啤酒嘅小食。🍙鰻魚飯團：鰻魚燒得香噴噴，肉質彈牙，唔係一般雪藏鰻魚，非常新鮮，配上已經調味嘅米飯，口感非常豐富。🌿芫荽雞絲手抓餅：芫荽嘅清香、爽口嘅芽菜同埋雞絲，令到呢一個手抓餅非常多層次，有啲似喺台灣早餐店食到嘅食物，滿滿都係幸福滋味。🍨焦糖雪糕三文治：多士兩面都沾滿焦糖，煎得香脆，夾住雪糕，又凍又熱，一個好有創意嘅甜品，令呢一餐串燒有一個完美嘅句號。《人生有限杯》每一款串燒同小食都有其獨特嘅魅力，無論係口感定係味道，都令人回味無窮。就算瘋狂地嗌晒自己鍾意食嘅串燒，埋單都唔會覺得肉痛。唔怪得人頭湧湧，不斷有客人入嚟。如果大家想試吓，記住訂定位先！
继续阅读
耐唔耐都想食吓串燒，九如坊這間係超人氣，小編7:00到，晚上7:30已經滿座，全店好熱鬧。◇ 大蒽雞肉串◇ 鹽燒和牛牛小排◇ 鹽燒牛舌芯雞同牛都係串燒必叫，似頭盤，精彩在後面◇ 豚肉紫蘇蝦豚肉混合蝦肉，質感Q彈，加入紫蘇多層香味◇ 紫菜鵪鶉蛋卷一串三粒鵪鶉蛋，配上紫菜好滋味◇ 蒜蓉燒聖子餐廳也有幾款海鮮選擇，聖子配蒜蓉，服務員提醒要先食凍咗就唔好，蒜蓉加粉絲好入味◇ 日式淮山淮山比較少見到，成日掛住嗰口感，日式燒做法更加係首選，小編必叫◇ 港式蜜糖燒菠蘿清甜可口嘅燒菠蘿好似係食串燒必選，可以平衡一下味道◇ 鹽燒荔枝卷另一平衡口味必選係荔枝卷，荔枝超甜鹽燒過又香口又少少咸，非常吸引，大推◇ 流心蛋蟹籽薯仔沙律沙律用玻璃碗上好靚，薯仔係薯蓉好滑口，混合流心蛋黃一齊食更滑，加入蟹籽多啲質感之餘亦令整體顏色好靚，仲有幾片青瓜清新爽口◇ 港式燒蜜糖多士夾雪糕這個係餐廳唯一嘅甜品當然要試吓，上下兩片多士極香脆，沾上蜜糖好港式，但中間夾住雪糕感覺特別，一冷一熱口感豐富，小編超鍾意，大推◇ 百香果檸檬茶◇ 桔仔薄荷鴨屎茶
继续阅读
喺香港島，都有抵食又好味嘅串燒店🍢！啱晒收工一班人去放鬆吓，用抵食嘅價錢，享受放鬆嘅時光😆。而且呢度服務好好，店員親切有禮。.🐥日式秘製汁炸無骨雞翼($48)軟身嘅無骨雞翼包住好多汁嘅大蔥，超香口。.🌱大蔥雞肉串($10/串)份量超級多，食落又滿足嘅口感。.🐔惹味燒雞腳筋($10/串)夠抵食，而且雞腳筋真係夠晒爽口。.🐣椒鹽燒雞皮($10/串)份量超級多，全部都燒到薯片咁樣脆卜卜。.🍗椒鹽雞軟骨($10/串)火候啱啱好，香脆、唔會太乾。.🐤燒鮮雞腎($20/串)咬落去夠晒厚肉，而且爽脆。.🐮香燒牛白肉($15/串)滿滿嘅油脂感，牛嘅香味好出。.🐷鹽燒荔枝卷($15/串)邪惡嘅五花肉，包圍住清甜嘅荔枝，超級夾。.🦑泰式燒墨魚鬚($15/串)泰式酸辣嘅醬汁勁開胃，配埋魷魚好正。.🔥鹽燒雞中翼($20/串)火牛燒得好好，外面香脆，裏面肉質嫩滑多汁。.🍆蒜蓉菜脯燒茄子($38)調味超級香，而且茄子夠軟腍，吸收晒醬汁嘅精華。.🍠燒金時番薯($48)夠香甜，而且配埋忌廉芝士又綿滑又奶香，好match！.🫕老油條釀墨魚滑爆芝士($20/串)裏面真係有拉絲芝士，外層脆卜卜，裏面味道豐富。.🍋手打檸檬茶($28)味道好正宗，啱晒食惹味串燒嗰陣飲。.🫧荔枝檸檬梳打($28)果香味清新，配埋檸檬同埋梳打更加清爽解膩。
继续阅读
見到好多人討論呢間串燒，鍾意食串燒嘅小編今日就去咗試，味道真係唔錯，同大家分享吓幾樣必叫嘅串燒🤓-🥩$28串燒超級推薦免治雞肉棒同埋燒牛舌芯，免治雞肉嘅醬汁又甜又蛋味香濃，雞肉棒嘅口感都好豐富🍗而牛舌芯口感軟熟嫩滑，配上新鮮檸檬汁食落好惹味，真係忍唔住叫多幾串🫢個人認為呢個價錢食到牛舌芯真係幾抵！🦪$48串燒推介鹽燒和牛牛小排同埋蒜蓉菜脯燒廣島蠔，首先燒蠔嘅熟度適中，其實佢哋自家製嘅微辣嘅菜譜，食落好香口，而且味道好有層次好鮮🤩另外鹽燒和牛牛小排咬落去油香四溢，配上芥末醬幾解膩🥳🐖必試惹味小食脆卜卜花椒五花腩肉真係一定要嗌，外層酥脆，裏面嘅豬肉好多汁，另外因為小編好鍾意食花椒嘅麻，食落真係好過癮😁🍢$10串燒推介大家嗌椒鹽雞軟骨同埋香燒翠玉瓜，孜然味好香，而且份量好足，味道又香口，送酒一流😍🍺$15串燒如果鍾意食泰國風味嘅串燒，不妨試吓泰式燒魷魚鬚，咬落好彈牙，而且點泰式辣汁好開胃😛-🍗$20串燒必試老油條釀墨魚滑爆芝士🧀老油條咬落超級酥脆，裏面嘅墨魚滑配上芝士，口感同埋味道都好濃郁同埋有層次🥰另外如果鍾意食雞腎，都可以試埋燒鮮雞腎串，佢哋嘅雞腎真係原粒上!!除咗串燒，仲有好多款嘅飲品選擇，另外都可以試吓佢哋嘅甜品，不過小編嗰日太飽，所以冇食到甜品😛另外都見到餐廳做緊啤酒$48買一送一，真係幾抵嗌🍺餐廳嘅裝修係港式懷舊風格，座位都好舒適🤓雖然係即叫即整，不過上菜都好快，而且食物咁高質，價錢真係幾抵，好值得encore🤣味道 9/10服務 9.5/10環境 9.5/10回頭率9.5/10總評 9.25/10😋🤍人均消費 $300💰(小編嗌咗三人份量🙂↕️)-📍 人生有限杯.串燒店 中環九如坊6-10號地下C號舖#米食串燒 #米食日式串燒 #米飲嘢 #中環串燒 #中環美食 #美食 #米飲酒 #香港餐廳 #特色美食 #foodadmirersoftheworld #foodsharinggroup #香港 #香港餐廳 #人生有限杯
继续阅读
📍 人生有限杯.串燒店📍 中環 𝗖𝗲𝗻𝘁𝗿𝗮𝗹 • 九如坊6-10號林氏大廈地下C-D號舖 (also in CWB)〔 Follow me! ♥︎ 〕-「中環食肆：貴！」「日式串燒：貴！」位於中環的《人生有限杯·串燒店》就告訴你，原來，以上兩句也不是絕對 ( ˙ᵕ˙ )-《人生有限杯·串燒店》位於中環近上環的九如坊前身為《陀地燒》，二者同樣主打親民貼地價日式串燒雖然是一家日式串燒店、雖然位於串環，但串燒價錢親民，甚至低至$10一串，難怪閒日晚上都座無虛席！好多食客都在下班後跟朋友來聚會，邊吃邊喝邊暢談🍻-串燒價格由$10至$48一串都有，豐儉由人🌟$10、$15、$20的串燒需要點最少兩串～除了串燒，還有不少小吃、主食甚至港式小吃/甜品的選擇，當中特別推薦【流心蛋蟹籽薯仔沙律】和【秘製炸無骨雞翼】！.另外，飲品選擇亦不少，當中，生啤$48買一送一也太吸引！不喝酒的，也有梳打、茶類、汽水等選擇～=// 串燒 //.✿ 港式蜜糖燒菠蘿 ($10*2) 🌟✿ 鹽燒豚肉荔枝卷 ($15*2) 🌟【燒菠蘿】鮮甜多汁🍍，跟【豚肉荔枝卷】裡面的荔枝一樣，配搭豚肉，是個人最愛啊😍.✿ 大蔥雞肉串 ($10*2)✿ 椒鹽燒雞皮 ($10*2)✿ 免治雞肉棒 配日本蛋 ($28)正常發揮～【大蔥雞肉串】有點像下面的小吃【秘製炸無骨雞翼】，同樣以雞肉配搭大蔥～兩者相比，更喜歡秘製炸無骨雞翼！個人最愛的【免治雞肉棒】可以更厚肉多汁，但以這價錢來說已很滿意！.✿ 老油條釀墨魚滑爆芝士 ($20*2) 🌟這個蠻特別！在油炸鬼內釀入墨魚滑及芝士，外邊香脆、內裡彈牙又有拉絲芝士.✿ 鹽燒牛舌芯 ($28) 🌟✿ 鹽燒手切封門牛肉 ($28)✿ 鹽燒和牛牛小排 ($48)牛肉質素不俗，牛味濃郁、多汁，燒製後仍保留著肉的原汁原味～.✿ 蒜蓉菜脯燒元貝 ($38)惹味、帶微辣的燒元貝，記得要趁熱吃！•// 其他 //.✿ 流心蛋蟹籽薯仔沙律 ($68) 🌟薯仔沙律口感軟綿，本身已很好吃，再加上大量蟹籽，還有主角流心蛋，加入超濃的蛋香味，也令口感更滑溜！.✿ 日式秘製汁炸無骨雞翼 ($48) 🌟雞翼拆骨後塞入大蔥，配上秘製醬汁，好好吃！.✿ 香蔥手抓餅 ($28)太專注吃其他菜式，令這都放涼了，熱食應該會更好吃！建議逐少逐少下單，吃到差不多時才加單，這樣就能吃到菜式最新鮮熱辣的味道～•// 飲品 //✿ 手打檸檬茶 ($28)酸甜清爽，甜味剛好，跟串燒蠻搭～-〔 Follow me! ♥︎ 〕
继续阅读