仁芝初

营业中

休息中

我發覺呢間糖水店已經成為咗我每次喺旺角食完飯都會去買糖水外賣嘅地方！飯後食返碗糖水, 感覺更加滿足☺～佢哋有好多款糖水款式俾你揀㗎！不過我自己最鍾意食合桃露同芝麻糊, 所以每次嚟, 諗都唔諗就會直接先點呢兩款🤣～🤎🖤合桃露拼芝麻糊可以一次過滿足我兩個願望😍😍！兩個味道都好香, 好突出, 唔會互相搶對方嘅味道。芝麻味香濃, 合桃露濃稠又好味😋！🤎生磨香濃合桃露入口好香合桃味, 口感超香滑～💜椰汁紫米露紫米香甜軟糯, 紫米分量十足！有椰汁嘅香滑同紫米嘅口感, 好有咬口, 甜度啱啱好, 凍食一啲都唔膩

我好鍾意食中式糖水，今日返到屋企見到男朋友買咗三款糖水返屋企俾我食，開心到叫咗出嚟！覺得佢質素好好，又好抵食，同大家分享吓先！🥭芒果椰汁紫米露 $30同男朋友同樣認為紫米露好好味，椰汁味好香，紫米大大粒好有咬口，但整體唔太甜，好高質！仲要佢啲芒果每一塊都好甜，下次利息一定會再叫！☕️香滑芝麻糊 $30芝麻糊好香，磨得好滑，仲好厚身！芝麻味，非常之濃郁！🍡薑湯黑芝麻湯圓 $38唔好睇佢細細兜，入邊有成七粒芝麻湯圓，估唔到咁足料！值得一讚係佢個薑湯一啲都唔馬虎，好香好燶嘅薑味，仲見到有少少薑咋，愛薑之人一定好鍾意！舔舔脷指數：4.4性價比指數：4.6仁芝初 (旺角)旺角通菜街2Q-2Z號鴻輝大廈地下6號舖

旺角傳統中式糖水舖💛仁芝初ʕ๑'ㅅ'๑ʔ‧˚ ꔛ ꔛ ꔛ ꔛ ꔛ ꔛ ꔛ ꔛ ꔛ係時候要為苦澀人生添點甜💗 甜品係每日新鮮製造～今次介紹呢間旺角主打傳統中式糖水舖( °‪꒳​° ).ᐟ‪‪‪.ᐟ‪‪‪🖤薑汁芝麻湯圓💲3️⃣0️⃣不嬲都好鍾意食湯圓 湯圓份量都算多！同勁香芝麻味！而薑汁又真係幾夠薑味 又唔會太辣！即刻有種食薑汁蕃薯糖水嘅感覺🫣🤎古法養顏燉桃膠💲4️⃣0️⃣想養顏又滋潤一定係叫呢個！本身都好鐘意桃膠 桃膠都幾多～呢款唔太夠甜 應該主要係靠桂圓紅棗添加甜味！但我就會想佢可以再甜多少少‪(՞ .ˬ.՞)💜芋茸蓮子西米露💲3️⃣0️⃣呢個係3款最推介同最鐘意✨芋茸蓮子西米露質感偏濃稠！因為佢比較杰撻撻 所以食完會好滿足💕唔會唔夠喉！而且食到好香紫薯同芋頭味 甜度岩岩好 仲有好多西米 大推呢款(♥ω♥*)設有堂食或外賣⸜( ◍´꒳`◍ )⸝*如要轉外賣要額外加💲2️⃣🥡*—————————₊♡⁺⋆ ʕ๑'ꇴ'๑ʔ♥︎ ————————📍仁芝初 @art.of.dessert_ 旺角通菜街2Q-2Z號鴻輝大廈地下6號舖

相信大家都有食完飯覺得搵甜品店唔易既經歷今次就等我地黎介紹下呢間位於旺角通菜街(女人街)既甜品店 - 仁芝初合桃露芝麻糊(熱) $32叫得仁芝初，當然要試下杏仁同芝麻糊。可惜係我本人就唔食杏仁既，咁就用合桃露芝麻糊取代啦呢個合桃露芝麻糊雖然叫熱，但唔會辣口，溫度適中，一上枱就食得甜度十足，芝麻同合桃露都非常香木瓜燉雪耳(凍) $32非常甜美既d瓜燉雪耳，凍既上枱係凍到帶一丁點冰夏天食就一流啦，可以消暑解渴法式紫米露 $40呢個係非常有驚喜，好推薦法式紫米露上紫米，下法式燉蛋，可能係完美既配搭無論係味道定係口感都非常好呀

夏天成日想食甜品，於是又黎到旺角的「仁芝初」買外賣😋😋小店主打每日鮮製的中式糖水，包括芝麻糊、杏仁露同合桃露等～最近仲新出左芒果奶凍🍮！！整體性價比高，今次買左幾款返去同屋企人share❤️❤️🥣合桃露拼紅豆沙 $32✨第一次試雙拼的糖水，味道都幾特別～～合桃露口感幼滑，濃濃合桃香！加上香甜綿軟的紅豆沙，配搭得唔錯😍😍🥣冰糖燉木瓜 $32✨味道清甜，裡面有好多塊木瓜，好足料～～飲落又唔會太甜，仲有滋潤養顏等功效！女士們必試🧏🏻‍♀️🧏🏻‍♀️🥣芋茸蓮子西米露 $30✨西米露質感濃稠，啖啖芋頭香🍠！！底下仲有好多蓮子同西米粒，可以增加口感👍🏻👍🏻

食完飯當然唔少得食甜品，最近愛上咗食中式糖水，呢間糖水店位於旺角，提供超過二十款嘅糖水款式，仲有雙拼可以自由搭配，一次過食到兩種口味，感覺好似賺咗咁🤣傳統中式糖水點少得紅豆沙！紅豆煲至起沙，有粒粒紅豆，充滿果皮香氣，蓮子鬆化，甜度適中，紅豆沙清熱解毒，健脾益胃，好健康㗎😃白果薏米腐竹帶有陣陣腐竹香氣，白果份量唔算少，整體偏唔甜，配料增添了糖水嘅口感，比起只有腐竹嘅更加有吸引力😊芋茸蓮子西米露好似卡通片巫婆整出嚟嘅顏色😂 呢款加入咗芋茸同紫薯，煮至濃滑，仲有粒粒西米同蓮子，感覺都唔錯！

宜家齋做中式糖水嘅傳統糖水舖好似越嚟越少見喺旺角食完飯搵咗陣先搵到呢一間仁芝初舖頭響橫街亦都唔大/一眼望晒不過嘢食嚟講/呢個價錢算係咁/好平民化/唔係畀你飲糖水或者糖漿✨百合香草綠豆沙叫咗凍綠豆沙/首先有落臭草係讚嘅/不過略嫌雪咗太耐冇搞勻啲味道分咗層/整體味道都唔錯/有起沙/唔係死甜/係搵唔到百合✨桑寄生蓮子蛋茶 (熱) $32蛋茶味道濃郁/都有一隻蛋✨生磨滋潤杏仁露溝生磨香滑芝麻糊杏仁同芝麻都係生磨製作/所以味道都好濃郁順滑入面嘅裝修係非常簡單/啲檯凳都好細坐得唔舒服兼好逼裡面個廁所都係做樣/係唔對外開放嘅🌟提提你呢度只係收現金/堂食每位最低消費$30/紙巾都要收兩蚊包/

最近天氣咁熱，行行下街想食啲涼浸浸嘅甜品～ 喺食肆林立嘅女人街見到呢度零零舍舍有間手工中式糖水，咁就幫襯下呢間小店先🤭凍 芋茸蓮子西米露 💰HK$30成碗糖水顏色係偏淡紫色，入面一粒粒白色嘅就係蓮子，西米份量唔多，不過食落去啖啖都係芋茸，好香芋頭味，口感非常之綿密得嚟又唔會太甜。仲有就係唔好睇佢好似好細碗，其實充滿澱粉質，超飽肚😋凍 楊枝甘露 💰HK$42呢碗楊枝甘露都好足料，有大大芒果粒，又有紅柚子果肉鋪面，都係略嫌西米份量唔夠多，整體夾埋一齊，酸酸甜甜好開胃，好有夏日嘅感覺。

早幾日系旺角行下女人街突然見到有間糖水鋪就入去試下喇，呢幾日既天氣真系好熱🥵要入去消消暑，同埋見到有手工芋圓同芋泥就被佢吸引住叫個 薏米腐竹拼芋茸西米露（凍）薏米腐竹遇上芋茸西米露 再加個小衝突 芋圓有驚喜，每一口都好有咬口，煙煙韌韌薏米，濃濃的芋茸香氣加上滑順的口感，如果可以加推個增量版都唔錯😂太好食法式芒果奶凍在踏入芒果盛產季節，一定要叫呢個芒果奶凍，因為係新鮮製造，選用又靚又甜既mango得係不得了，奶凍口感絲滑，果香與奶香層次感十足。每日新鮮製造，性價比都幾高，原來系由一班年輕人去經營，去支持下❤️

仁芝初旺角通菜街2Q-2Z號鴻輝大廈地下6號舖紫薯芋茸蓮子西米露芋頭味好濃 質感係好綿 好濃稠🤤紫薯同芋茸完全磨到分唔開佢地而出奇地口感好挺身 入面料有蓮子同西米芝麻糊黑芝麻味好香 磨到好香滑 飲苟去好濃濃芝麻味加左$10 要3粒芝麻湯圓 原來係另上 仲有薑汁湯水裝埋😱✨古法養顏燉桃膠紅棗、桂圓、桃膠、杞子 而桃膠好大粒🥰料好足 甜度岩岩好 岩哂女人滋陰好糖水✨法式紫米露呢個好有層次 紫米露同燉蛋原來幾夾係一個新配搭 煮到紫米露好Q軟🥹椰汁係最面(有幾粒啫喱) 之後一層層咁食 溝埋一齊都係唔同滿足感😋✨楊枝甘露芒果🥭好大粒 而且係水果甜唔係假甜😎柚子肉好多 每1啖都食到好料😚呢個楊枝甘露真係佢地餐牌打🌟之一#hkfoodblog #hkfood #hkblog #香港餐廳 #隨心一拍#相機先食 #美食日記 #香港#景點#打卡熱點 #香港美食 #香港美食日記 #香港食評 #香港食好西 #吃貨日常 #吃貨人生 #香港美食推介#香港推介 #美食推薦 #香港推薦 #foodlove #hkig #旺角美食 #香港美食 #食好西 #旺角 #糖水 #中式糖水

🌟餐廳：仁芝初📍地址：旺角通菜街2Q-2Z號鴻輝大廈地下6號舖💰價位：～$50⏰營業時間：星期一至日 15:00 - 00:00📱電話：3111 8709難得今晚同朋友仔早左食完晚飯，梗係行陣街消化下先，再順便買埋糖水返屋企慢慢歎～一於去幫襯呢間位於通菜街，主打中式傅統糖水既「仁芝初」先~———————————————————🔹木瓜燉雪耳清熱滋潤又養生就岩哂我～木瓜好有口感，啖啖清甜，搭配埋滑順既雪耳，好滋補~———————————————————🔹 桑寄生蓮子蛋茶女仕恩物，補血又養生～材料非常豐富，蓮子有咬口，同時加入紅棗等滋補既材料，味道甘甜好滋味～特別一讚隻雞蛋，蛋味夠濃郁，大大隻蛋黃食得特別滿足～———————————————————🔹白果薏米腐竹 白果薏米腐竹糖水，清熱下火～腐竹同白果煮得剛剛好，軟綿綿口感一流，重點係糖水唔會太甜膩，好出色～———————————————————😋味道：4.5/5🏢環境：4/5💁🏻‍♀️服務：4/5💵價錢：4.5/5🤟🏻性價比：4.5/5———————————————————👅整體小總結糖水店主打傳統中式糖水，種類繁多，夠晒多元化～為食嘅朋友仔

🍧🍧🍧旺角中式糖水小店▫️堂食每位最低消費$30▫️只收現金▫️店家送左啫喱😆☑️香濃合桃露雙拼杏仁露 - $32這款所選熱/凍，亦都可以淨係單拼，我叫左熱嘅，上到黎暖暖地吾會熱到辣口。都幾大碗，個碗比一般飯碗嘅深，食完好飽。兩款都有沙沙口感，真材實料，都煲得好吾會一舊舊。杏仁味濃，合桃味略嫌唔夠濃，可能係因為2隻味撞左。🔸仁芝初🔸地址： 旺角通菜街2Q-2Z號鴻輝大廈地下6號舖#甜品 #旺角 #中式糖水 #通菜街 #甜品店 #合桃露 #杏仁露 #糖水 #宵夜 #下午茶 #雙拼糖水

見到Openrice咁多好評，就過去試一試，點知又係比Openrice的好評欺騙了，或者咁岩我食唔到該店名物都唔出奇，又或者咁岩果日失水準，可能平時係好好食既，唔知啦。咁我去到，就叫左個有綠豆沙既糖水，芝麻糊拼綠豆沙，但係個綠豆沙唔好食既，一團野，冇咩平時食綠豆沙既料之餘，仲夾雜左其他材料，令我覺得唔係食緊綠豆沙，味道一般，甚至覺得係怪怪的綠豆沙。最近屋企都有煮綠豆沙食，屋企煮仲好食，足綠豆又有陳皮香。可能咁岩間鋪唔係主打綠豆沙，又或者咁岩失準，希望食物味道同份量有待改善。

我點了三種甜品，分別是紫薯芋茸蓮子西米露、木瓜燉雪耳、蓮子陳皮紅豆莎。首先，我品嚐了紫薯芋茸蓮子西米露。這個甜品非常美味，紫薯和芋頭的濃郁味道和蓮子和西米的軟綿口感非常搭配。甜品的味道不會太甜，非常適合我這種不太能吃太甜食品的人。接下來，我試了木瓜燉雪耳。這個甜品也非常好吃，木瓜的甜味和雪耳的清爽口感非常搭配。燉雪耳的方法也非常好，讓雪耳保持了一定的口感，不會太軟爛。最後，我品嚐了蓮子陳皮紅豆莎。這個甜品的味道非常特別，有蓮子和紅豆的香氣，還有一點點的苦味，非常有層次感。這個甜品的口感也非常好，蓮子和紅豆都很軟綿，非常好吃。

📍#仁芝初 (旺角)旺角通菜街2Q-2Z號鴻輝大廈地下6號舖▪️▪️▪️▪️▪️▪️▪️▪️▪️▪️▪️▪️▪️▪️仁芝初主打食中式糖水，有唔少嘅傳統糖水可供選擇～ 當中亦有部份創意糖水。✨#楊枝甘露💰$44夏天食楊枝甘露係幾消暑既甜品，甜度適中，芒果味濃郁，仲有新鮮芒果肉😝✨#薑汁芝麻湯丸💰$32芝麻湯圓有七粒～ 作為飯後甜品都有啲飽😆 加上薑汁幾香濃，整體都不錯既。✨#椰汁紫米露💰$34有淡淡的紫色，紫米口感煙韌，再加椰漿，甜度適中。▪️▪️▪️▪️▪️▪️▪️▪️▪️▪️▪️▪️▪️▪️