仁芝初

营业中

休息中

🍡🍡🍨星期五晚同朋友食完飯，想搵間糖水鋪食下甜品，偶爾見到女人街有間都多人食，門口睇好餐牌簡好左，直接入左去食整體黎講，只可以當一間飯後可以俾大家再有個地方吹下水既糖水鋪原個雪梨燉川貝(熱$49)比想像中細，成盅望落好多，攞起雪梨，糖水其實好少，估計一半都無，唔覺有川貝味，有大量龍眼肉，價錢同質量相對貴桑寄生蓮子蛋茶(熱$40)同過往食既傳統味道爭少少，亦都係比較細碗，但整體還可以古法養顏燉桃膠(熱$40)有桃膠、桂圓、杞子、紅棗，份量適中，好重紅棗味但見唔到有紅棗，味道尚算可以生磨香滑芝麻糊(熱$30)正正常常，都算滑，味道不太甜，有些少苦澀味

我剛剛買了一個薑汁燉蛋外賣，對佢個味道同口感都幾失望。首先一打開個外賣盒望到個燉蛋得個盒嘅一半，個份量細到嚇親，其實上次已經食過一次，唔記得咗食咗啲咩，但係好似都係差嘅，諗住今次俾多次機會佢，點知今次食個燉蛋個口感超級鞋口，完全唔滑，薑汁個味都好淡，完全唔知自己食緊啲乜嘢，唔知係咪因為我叫凍食，但佢應該真係蒸得太耐，我食超級市場買嗰啲布甸仲滑過佢。我見佢間鋪都好多好評，唔知係因為我兩次都叫外賣，所以質素咁差，定係咁岩兩次都揀唔啱好食嘅嘢，希望仲有機會試嘅時候唔好再令我失望😮‍💨

有一日食完lunch心血來潮想食個港式甜品，經過女人街既【仁芝初】就入去試下。選擇超級多，有凍有熱、當場食左一個之後又外賣左兩個俾屋企人試下。 冰糖木瓜燉雪耳：唔會太甜，天氣熱時食凍的話，非常清爽。木瓜清甜，雪耳唔會燉得太霖，有少少咬口。 花生燕麥粥：都係唔會太甜，燕麥分量好多，非常飽肚。 蛋白杏仁茶：個人超級推呢款，非常濃，但又唔會太甜，蛋白分量都好多。 現場食仲有啫喱送，甜甜地，都非常不錯。外賣要加$2外賣兜

————————————————————————仁芝初地址：旺角通菜街2Q-2Z號鴻輝大廈地下6號舖仁芝初的中式甜品質量非常高，食材新鮮，口感豐富，對身體有好處👍🏻不少甜品可以雙拼，一次過試曬2種味道～位置十分方便，不妨試試看！🟠推薦食物 Recommended 🔹古法養顏燉桃膠❤️ ($40)：這道湯品使用了高品質的桃膠和多種中藥材料，口感濃郁而滑順，吃起來非常舒服，對女性的養顏有很好的效果👩🏻👍🏻👍🏻👍🏻🔸原個雪梨燉川貝🍐 ($49)：雪梨的清甜和川貝的香氣完美結合，燉品口感清爽，而且色澤鮮亮，非常推薦🟡不推薦食物 Not Recommended 🔹無 No🟠員工 Waiters員工的服務非常周到，態度親切熱情，讓人感覺很舒服🟡環境 Environment 餐廳的裝潢非常雅致，環境寧靜舒適🟠總評分 Overall (9/10）💰$40/person#ezukokofood #ezukokomongkok #ezukoko旺角#ezukokodessert #ezukoko甜品#foodiehk #foodie #hkfood #美食 #食好西 #隱世美食 #旺角餐廳 #甜品 #中式

又嚟咗呢度買糖水返屋企慢慢嘆~ 中式糖水每日新鮮製作, 餐牌用上手繪插畫顯示糖水嘅選擇～ 店內有各款 Marvel模型珍藏, 牆上亦掛滿Marvel漫畫海報, 環境裝修幾有特色㗎！🤎生磨合桃露食得出係生磨, 啖啖香濃合桃味, 口感幼滑, 濃稠度剛好, 甜度適中🤍生磨杏仁露磨得非常香滑, 唔會有粉粒感, 入口好香杏仁味, 杏味突出 💜芋茸蓮子西米露加入芋茸同紫薯煮至綿滑🍠, 裏面嘅蓮子好清甜, 入口即化, 仲有粒粒西米, 口感順滑, 微甜而不膩

未試過一間糖水店個份量細到咁我係叫外賣的 個紙兜奇細係細到見到會o咀咁細叫咗冰花燉蛋同楊枝甘露冰花燉蛋太甜同太乾我本人已經係食得甜嘢嘅人 （從不叫少甜）冰花燉蛋打開蓋份量只去到個碗嘅一半起碼應該去到3分2位置先合理吧？楊枝甘露 十分稀 芒果係酸。。。西米極奇少。。。。。。。。。。！！！西柚肉都係勁少。。。。。。但要成42蚊 又細碗又冇料唔會再幫襯中式糖水嚟講呢間真係貴又唔抵相信旺角任何一間糖水鋪都好過呢一間

♡ 中式糖水首選 ｜ 仁芝初 ♡-話說之前已經好想嚟試吓仁芝初「生活真係要帶一點甜亅。呢間中式糖水店係每日新鮮製作😍不過時間有啲趕急 冇辦法坐低喺度慢慢食唯有外賣🥡帶走🤣- ♡ 冰糖燉木瓜 ♡ $34 木瓜好新鮮同軟熟 ✌️冰糖甜度啱啱好 唔會太甜食完之後覺得真係好滋潤😳-♡ 冰花燉蛋 （熱）♡ $33燉蛋質感好Q彈 而且好滑身 ～ 加埋冰糖甜甜的 ～ -♡ 紫薯芋茸西米露 ♡ $35紫薯都份量幾多 ～紫薯芋頭煮得軟綿綿，加埋細滑嘅西米同芋頭茸，食落好有口感。一碗食完就覺得好滿足！❥#⇢店鋪資料：仁芝初 (旺角)旺角通菜街2Q-2Z號鴻輝大廈地下6號舖#-#hkig #hk #hkfoodie #hkgirl #foodie #hkfood #foodstagram #foodblogger #foodgasm #香港美食 #香港好去處 #香港小店 #相機食先 #手機食先#拍拖好去處

平日食嚟食去都係西式甜品突然好掛住中式糖水，想尋獲兒時食到嘅味道旺角呢間甜品店，有多款唔同選擇同朋友喺附近食完飯，可以買返屋企做宵夜✨木瓜燉雪耳雪耳爽口，份量充足．真材實料新鮮木瓜大大片，加熱燉都唔會熟到淋哂依然keep到咬口食碗滋潤下係唔錯嘅選擇✨椰汁紫米露好鍾意紫米露，啖啖豐富口感加入椰汁好香，唔會太甜✨薏米腐竹拼芋茸西米露無諗過"薏米腐竹" 同 "芋茸西米露"可以混埋一齊食，呢個配搭唔錯下次可以堂食試下<法式紫米露>

中午係旺角食完辣，就想食碗糖水中和下。旺角首選當然是仁芝初，包無失望。今日去到還有驚喜，店主請每位客人食啫哩糖，童年回憶返曬嚟。最愛這兒的糊類，叫了兩種。先叫左個招牌芝麻糊，又滑又香，又唔會太甜。十元加3粒芝麻湯圓，雙重芝麻享受。最欣賞是用較大的碗來盛不致因為有了湯圓而減少了芝麻糊的份量。 再來是合桃糊，合桃新鮮磨得香噴噴，而且非常幼滑，甜度也適中。太太叫了薑汁燉蛋，加了薑汁的燉蛋依然嫩滑，而且滋潤暖胃。

開關後，人多得不得了，經過旺角肥姐小食店，很長一條人龍，絕大部分是內地遊客，不想花時間等，只想找個寧靜的食肆吃一點。在後一條街，看到一間糖水店《仁芝初》，小小的舖面只有兩三枱客人，都是本地人面孔，於是光顧，點了兩碗糖水— —「紫薯芋茸蓮子西米露」、「薏米腐竹拼芋茸西米露」，額外加「芝麻湯丸」和「芋圓」。大大話話都有十年沒有光顧這些糖水店了，幾乎都是糖漿水，不值得吃，我真想喝糖漿水直接喝珍珠奶茶店🧋就好了。《仁芝初》改變了我對香港糖水店的刻板印象，因為味道比起那些糖漿水，味道淡很多，而且有即日鮮製的感覺，吃起來有種媽媽煲的健康甜，浮起淡淡的腐竹香味，香滑的口感亦滋潤喉舌，很順口舒適。

有日睇到YouTube 上面介紹女人街，原來真係唔講都唔覺女人街有成幾十間食肆，每日食一間都係食2個月先食得勻，不過今次有心水餐廳食，所以只係揀左呢度既中式糖水店去食。法式紫米露 $38小小中西合璧嘅糖水配搭底層係法式燉蛋，中間紫米露，上層係椰汁紫米露夠杰身，粒粒紫米，口感豐富燉蛋唔會太多，夠香滑蛋香一杯有齊3種唔同配搭只係略嫌細份左小小芝麻糊拼合桃露 $29糖水可以雙拼就一次過可以食勻2種糖水芝麻糊既芝麻味香濃，食落唔似溝出黎，入口有粒粒芝麻溶咁合桃糊可能比芝麻糊影響左，合桃味唔太出，但食起上嚟都係香滑既，$29可以雙拼，抵讚👍🏻👍🏻薏米腐竹拼芋茸西米露 $27同樣係糖水既組合，一碗有齊薏米、腐竹、芋泥同西米既組合入口重奶香，薏米同西米份量岩岩好，每一啖都會食到曬幾種配料

入邊望落都好光猛好新淨，門口有餐牌介紹中式糖水同埋佢哋嘅特色糖水。坐低店員嚟落單嗰陣時都有介紹話呢度嘅甜品係每日鮮製，而且性價比高。雖然店舖小小，但糖水的種類也有很多款選擇，餐牌以可愛畫風呈現出嚟，薑汁燉蛋$34、合桃露拼芝麻糊$32，同埋我最愛嘅花生糯米麥米粥$30😋花生糯米麥米粥，煙韌的口感又飽肚，係我由細到大最愛嘅甜品💯🤎中式傳統的糖水，每款也可以選擇雙拼，口感滑溜，滋補又美味！芝麻糊香濃，合桃露香滑🖤🥚薑汁燉蛋唔係平時食開奶味重嘅燉蛋，有啲似食蒸水蛋嘅感覺，薑汁味非常濃郁香滑👍🏻

屋企人想食中式甜品，見到呢間糖水鋪都幾多食食，但岩岩食飽飯食唔落，就外賣返屋企～一人試左一款，味道都唔錯❤️芋茸蓮子西米露 加左芋頭粒粒同既西米露，味道又香敗甜，做飯後甜品一流🧡芒果椰汁紫米露 芒果超甜，而且有好多塊，啖啖芒果肉～紫米露甜度岩岩好，熟米煲到好軟好綿，好味!!💛薑汁芝麻湯丸 食食下以為最後一粒，但食多2粒都仲有!! 湯丸味道好甜，薑汁帶甜味唔會太辣，加埋更加sweet sweet P.S. 外賣盒蓋唔係密封設計，記得拎外賣既時候小心d~

仁芝初 - 有水準中式甜品今日嚟到一間位於旺角區嘅甜品，專門店，主打各式各樣嘅中式甜品，仲可以將唔同嘅中式甜品雙拼添，而且價錢經濟實惠。芝麻糊拼杏仁露 $32香濃嘅生磨芝麻糊配搭香滑濃郁、滋潤嘅杏仁露，兩款經典中式嘅甜品，雙拼配搭之下，令味道更加昇華。法式紫米露 $40有三層唔同嘅layers組成嘅法式紫米露，分別係椰汁、紫米露同法式燉蛋，香甜嘅椰汁，加上濃郁嘅紫米露，仲有幼滑嘅法式燉蛋，非常有層次同埋令人滿足嘅一款甜品。

「為生活加一點甜」，生活中的甜美讓人感到舒適和幸福的感覺。可以係一份驚喜、意外的好消息，又或者係一碗暖到心的糖水。呢間中式糖水店，由90後後生仔主理，佢為了生意，仲走去學老師，每日新鮮即做，每日生磨芝麻糊、合桃露、杏仁露。今日飯後行過，就試試佢。¶芝麻糊 ＄30 加 湯丸＄10口感濃郁，滑順細膩。非常適合喜歡芝麻味的人。芝麻糊有助於補血補鐵，對身體有很好的幫助。值得一讚，湯丸非常煙韌，芝麻味更濃。¶紫薯芋茸西米露糖水比較甜，但是非常好吃。加了西米、蓮子。芋頭很濃郁，和紫薯泥很夾，超full。¶ 合桃露另外外賣了合桃露，因為外賣揀了凍食，比熱食少了一份甜。同樣好香濃，雖然係凍的，但都好香。合桃仲很高蛋白質，間唔中飯後甜品都不錯。值得一提，老細係marvel fans，小店放了唔少玩具和精品，但店內面主打食中式糖水，感覺很得意。以30元糖水來講，點都值得支持一下。