今助烏冬御膳 (已結業)

到旺角實在太多美食選擇去咗雅蘭搵食見到廚窗啲套餐實在吸引所以就決定入去食個午餐午餐都唔算特別貴二個餐內容都好豐富鯖魚有半條唔會燒得太乾身鰻魚好肥美午餐好滿足值得推介

中午在雅蘭商場揾食，我們揀到「今助烏冬御膳」日式料理，我選擇$85「山海海鮮湯烏冬」很快就上枱，看到天婦羅炸蝦浸泡在麵湯上，我快快手立刻夾起放在小碗，都已經浸泡半腍，真失敗，扇貝、蜆、金菇、溫泉蛋、東菇、肉.....都很豐富，烏冬是店鋪即日自家打造，尚算不錯，湯底是甜味，我吃得有點兒不習慣。朋友的$120「今助松花堂弁當」定食很豐富，朋友分享牛肉、魚給我，牛肉尚可，魚略帶微惺，定食雖然包羅萬有，對我而言吃湯麵是最穩陣。

收工突然好想食烏冬鍋，拿拿聲上網睇下旺角邊到有好食烏冬，搵搵下發現旺角間丼丼屋原來執左笠。入正題，今晚揀左雅蘭嘅今助，上網睇佢好多定食揀，入到餐廳個格局好似高級食店，店員都著晒日式服裝。我一心想食烏冬鍋，唔駛諗，點左個牛肉烏冬鍋，朋友叫左滑蛋豬扒御膳。烏冬鍋上菜時好香，原鍋上，侍應好細心咁將手柄轉出去。烏冬鍋湯底偏甜，味道適中，牛肉份量多，不過唔夠肉味，烏冬超彈牙，性價比不俗！朋友點的滑蛋豬扒御膳，睇落去都覺得好豐富，有幾片魚生、茶碗蒸、麵鼓湯。朋友說豬扒厚而多汁，蛋嘅熟度剛好！我試左啖茶碗蒸都好滑！埋單$253。

［選擇困難症日本料理］突然好想食日本野，open rice見到呢間有唔錯嘅評價，而且見到啲相好吸引有好多野食，真係好啱我呢啲咩都想試少少嘅人啊！咁就試下啦。去到門口，因為飯市都要等好一陣子，呢個時候當然就係要揀下睇下有咩好食啦！門口已經有啲dummy set喺度show下啲set,真係有勁多選擇！雖然好多人排不過都唔算等得耐，因為中間好多人都走左。坐低睇本menu,真係好多選擇同配搭，選擇困難症嘅朋友一定好頭痛喇！好在我目標明確，唔要炸物又想食壽司同烏冬！最好就揀左個蛤貝味噌烏冬鍋五件壽司御膳！等左陣就好靚咁上枱喇個set!其實呢個present真心唔錯！蛤貝大大隻冇沙，唔錯。烏冬ok,味噌湯我淡口味人士就覺得咸左少少！壽司就麻麻喇，魚生冇咩魚味，不過呢間唔係專食壽司嘅都算中等啦！蒸蛋好多料，好味又蒸得夠滑！店員服務唔錯不停幫你加茶。

第二次光顧，欣賞它一個餐滿足晒想食多樣食物的我。大家可跟據自己喜好選擇不同款式的配答，例如：刺身、壽司、茶碗蒸、飯、烏冬等等。。。亦可單點，但對於胃口少的人，不建議點餐，因為應該會吃不完。加上選擇時請看清楚湯底，如果選的是「壽喜燒」會愈耐愈甜，一般人會不習慣，所以可一問店員能否轉換做清湯。刺身類尚算新鮮，起碼暫時未吃到過腥至下不落口的情況發生

之前聽朋友講呢間餐廳幾好食，今日終於有機會過去試下啦😅lunch 老遠行過去雅蘭食，十二點左右過到黎無乜人唔洗等位。望住餐牌樣樣都想食，lunch 黎講價錢唔算平，$78至$98左右一個set!因為呢間主打烏冬，所以我最後揀咗個$98牛肉烏冬魚生飯，既可以試到烏冬又可以食到魚生😍等咗都耐下先上食物，個烏冬幾好味口感幾好，牛都ok！好多䓤花，正😍而個魚生飯就正正常常。對於一個細食既女仔黎講都算幾大份，基本上食完個烏冬已經夠飽，呢個set 啱晒食量大既朋友👍🏻

朋友推薦旺角一間高質素既日本野,咁岩生日唔知食咩好就試下呢間。好在晚上唔多人,等左10分鐘到就有位,等位果時見到出面個餐牌就已經好肚餓。叫左2個餐,牛肉粒同壽司牛肉烏冬。一黎到就見到好大份個烏冬唔算彈牙,但唔粉,似係我係四國食果隻質地,湯底係壽喜燒隻味,少少甜,肥牛份量多,整體都好食壽司好新鮮,隻珍珠米超好食,雖然唔係貴價壽司,但食材質素高。天婦羅唔油,食材新鮮。女朋友叫牛肉粒加個五目飯。首先個薯仔沙律加魚籽一齊食真係好正,唔腥之如又夾薯仔味。魚生好新鮮,所以唔再講。反而個燒魚就顯得平平無奇。最後係個牛粒。雖然冇得揀幾成熟,但食落係大約6至7成熟,個汁好濃,加埋個好香既五目飯真係岩岩好。反而個湯第一次飲到咁重酒味,但又冇酒精,好濃味,個濃唔係咸果隻濃,係大豆味濃。呢間野我會再食,因為真係又大份又好味

5/8/2017  周六晚   九時後入坐  九成滿座   (天晴)旺角雅蘭中心 - 今肋烏冬御膳這兒的侍應態度跟日本餐廳的親切形象不一樣， 似茶記多d ，所以不必特別 担心，談話氣氛很好。主食:  烏冬，  熱煱， 壽司一般一人份量足夠(前)  雞肉煱、胡椒好味 ; (後) 肥牛煱 有好感。十時後 離開   四成滿座   (天晴)結論 :  平均 $150/人    $90/熱煱物   值得一來再來 

自從第一次行過試完呢間嘅定食後～以後黎親呢頭都會好想食番呢個燒牛柳粒定食初初覺得$128食一個定食好貴，但試過後真係覺得好值！！每次都食番呢個組合左起：味噌湯蒸蛋-好滑，蛋本身有好香嘅雞湯味！入面嘅蝦仁好爽，冬菇同雞肉好入味免費轉五目飯有少少送，齋食都好味右上定食內：薯仔沙律好味！有兩球橙色係有魚子，有時夾埋薯仔沙律食右邊係煎三文魚配波菜，都幾香，但略油同要趁熱食，咪就會腥。波菜好味有芝麻香主角燒汁牛柳粒勁好味！醬汁好濃好野味牛肉出面煎香左而入面係淋嘅魚生係tuna同白色魚。正常，未至於鮮甜但還過得去

同朋友一齊嘅飯局，未到齊人，我就坐低左嗌左先，真係好餓（䌓忙時間都係可以坐2個鐘）睇均成個menu，好似好厚，其實選擇唔多。 即刻搵下邊樣抵食我勁鐘意食流心蛋同糖心蛋既朋友黎，見到有個沾面，入面有隻糖心蛋，忍住即叫$80蚊既「豚肉香滑酒糟糖心蛋加埋辣味麵豉湯沾烏東」！（忘記左影個menu 自己作左個名俾佢。）個湯，好鬼死正！ 😍 喜出望外，以為係普通麵豉湯，原來有少少辣辣地跟住講隻蛋，口感鮮嫩，整到岩岩好又勁入味，有淡淡酒糟味。正到爆！！其他配料就係普普通通，都新鮮咁啦。

岩岩係商場樓上攞完con,又落大雨，所以焗住搵室內餐廳，係咁多餐廳中，本身唸住食小籠飽，但要等6張枱又一支公，所以放棄，轉投唔使等位既，就揀中左今助，係openrice中都算好評，咁我就叫左個海笞湯烏冬，配飯加小食。先講烏冬，好q彈，鍾意有口感既朋友就一鍾意，個人就鍾意軟身，所以一般喇!飽方面，佢入面mix左幾種配料煲成，味道不錯，而飯是帶煙囪的。小食有鰻魚蛋，蛋方面唔似平時食開既日本甜蛋，味道反而似香港，有少失望。魚方面，無骨，啖啖肉，唔錯!

踏入七月，連綿不斷的雨。假日又遇上了下雨天，收到友人來電即興飯局，了解她所處位置在朗豪坊，便鎖定附近一帶的餐廳，要知道雨中的旺角鬧市，走在行人路上會是相當狼狽。在雅蘭中心隨意挑一家，難得樂天皇朝、今助都有位子，趁着避雨人潮未至，還是早早入座為上。今助烏冬御膳面積不廣，食桌之間距離不免擠迫，論環境還是樂天皇朝較佳。反正今天是帶病在身，清淡的烏冬御膳也許會更為合適。今助給我倆的第一印象有「百人一朱」的影子，都是以日式御膳便當為賣點的，想起已不復存在的「百人一朱」是有點懷念，可御膳一類的御膳如今已不是新事了，今助也不會是個例外。翻開厚重的餐牌，圖文並茂的食照看似選擇豐富，其實也不離數個御膳組合，而主角烏冬的湯底、配料都只在三至四種的配搭，暗藏着不少選餐的局限。像我這等病人，選了烏冬主食後，便只能在配天婦羅或刺身壽司二選其一，都是病人不宜的，無奈單點選擇又不吸引。如此一來選餐時舉棋不定，侍應也顯出他們的不耐煩來，這兒的侍應在選餐、送餐、結帳態度只屬一般而已，跟日本餐廳的親切形象是有點不能脗合。山海烏冬鍋四件壽司御膳($155)不是壽喜燒那種膩甜，溫和微甜的湯底，就是家庭風的口味。粗身的烏冬十分

鐘意日式料理套餐，配搭多樣。首次用餐，食物大份，價格合理。環境舒適，一個人或同事情侶用餐都適合。壽司味道唔錯。美中不足的是牛肉太柴太乾，湯料太甜。下次會再來試下其他食物。

1. 坐正個位係正風口下面，吹到頭痛。2. 叫左一個定食同埋一碗烏冬2. 1 烏冬先來，個湯殻好似屋企响個煲度不湯的湯殻咁，超大個，唔明白咁大個殻，叫客人放落個咀度，會唔會有啲失儀呢？，好想問响日本邊個縣有咁嘅文化？？2.2 烏冬啲係暖的，唔係熱嘅，可能佢驚我會陸親！2.3 差不多食完個烏冬，個定食才來，定食係有壽司，煱燒烏冬，天婦羅。不過，侍應話天婦羅炸緊，遲啲上，又係差唔多食完壽司同埋個煱燒烏冬，天婦羅才來。我諗廚師驚如果成個定食一次過上，天婦羅會林左。2.4 食完哂，女侍應黎收野，可能佢唔夠力，佢先將個烏冬婉拖出黎枱邊，然後將其他啲碟筷掉到個碗處，然後攞走，就如茶餐廳執碗一樣。

今助除咗烏東好味之外，佢嘅滑蛋豬扒飯整體都做得好出色！😋😋滑蛋同洋蔥嘅份量都好充足，可以送晒成個飯，個汁小小甜，好好味，唔會太咸，因為一咸就要不停飲水。塊豬扒好大，雖然係炸，但食落唔熱氣，肉質亦好淋！當然飯都好重要，粒粒脹bo bo，唔會太淋或者太硬！Lunch time去比起dinner抵，以烏東窩為例，lunch set會配多幾舊sushi，滑蛋豬扒飯又會配多碗細嘅齋烏東，所以可以三個人叫兩個set，唔會太飽之餘，除返每人$70左右！