伊利沙伯醫院職員飯堂

营业中

休息中

名付其實的大眾飯堂~大家樂集團的餐廳，選擇不多，勝在價錢平，有時兩餸一湯都不合適，可以食燒味，話時話，它的燒味都不差，油雞非常油香，而燒腩仔亦想不到是那麼脆，我就是喜愛吃它的脆皮，都算無令我失望，而飲品或餐湯是要另叫的，它的中湯有時ok，有時好鹹，而奶茶就不錯，都算抵食。而下午茶就更抵食，它的西多士是即炸的，所以熱烘烘算好味同等出面大家樂的西多士也不錯，而雞翼反而好似無外面的大家樂咁新鮮，不算好食，而飲品，竟可轉洛神花茶，正!

同事返返下工突然臉色變晒勁sick，同老細講聲就陪去醫院，坐的士去左私院唔收，就call白車由私院轉去QE，搞左成朝都未有聲氣，醫院分流站又話唔可以行開，都成點幾鐘，唔病都餓暈，唯有急急腳跑去醫院餐廳買外賣，lunch time勁爆人，買飛、攞飯、攞野飲要分幾條隊排，人撞人，終於都攞到飯，又跑返去分流站，照顧同事食飯盒。無咩好揀，病人就食蒸肉餅飯，陪人就食咖哩雞扒飯。兩款飯味道都正正常常，份量夠多實食得飽，自己俾錢買既總好過病房d飯餐既😂

由於阿B發燒入左院，故此晚餐就近近地去飯堂食，晚上8:30落去，發現餐牌已經無乜野賣，得返5-6款，叫左個即炒系列-乾炒牛河，病人價$44，員工平一半$22。味道一般，熱熱地叫做唔洗行好過食7仔叮叮粉麵，碟河粉算大碟，但牛肉就少左啲，連芽菜都無，跟餐配檸水，有4片算唔錯。

探完病又肚餓， 決定喺醫院食完飯先走😅第一次喺醫院食飯😊醫院canteen應該冇乜期望😁 醫肚為主😎兩個人叫咗3個餐😆 太肚餓了。每個餐都有大大碗白飯，仲有個例湯😜今日例湯係木瓜花生煲排骨😚 有少許湯料，唔算太鹹😉三個餸分別叫咗：西蘭花炒牛肉西蘭花爽口，牛肉就一般🤔菠蘿生炒骨生炒骨炸粉薄👍味道酸酸甜甜，調較得幾好👍韭黃叉燒炒滑蛋滑蛋仲有一絲絲蛋汁，拌飯最好。加上韭黃同叉燒，無得輸嘅組合👍雖然稱不上好好食😁但係喺醫院有咁嘅質素值得一讚👍👍👍

醫院CANTEEN通常啲野都幾難食, 不過我經過充就試下食個早餐, 朝早黎到幾多醫人食. 餐牌同平時大家樂差唔多. 叫左個正路嘅西式早餐. 蜜糖雞扒, 炒蛋, 配蘿蔔糕. 叫左杯即磨咖啡, 唔駛加錢.姐姐落單同出餐都幾快手. 配合番醫院嘅忙碌步伐. 首先雞扒賣相麻麻, 塊皮好似浸左水咁, 又淋又肥. 更加冇蜜糖味. 口感還可以, 唔太咸. 肉質唔鞋. 個炒蛋就非常老, 好乾. 最後蘿蔔糕反而曼好食, 都依食得出有蘿蔔絲, 唔係成舊粉咁, 配辣醬都OK. 咖啡就可以接受, 唔係特別香但應該真係即磨出黎.

呢個canteen 好多醫生同護士食。職員價比訪客價比大約平10蚊。 雖然冇寫名，但其實喺大家樂黎。早餐都有多選擇嘅 ，有雞扒，吉列魚，豬扒同牛扒配蛋，火腿，腸，蘿蔔糕，多士，粉等等。。亦有啲點心。。同炒麵。。粥，三文治。。買左扒，炒蛋配蘿蔔糕，跟咖啡。牛扒都ok, 唔鞋唔乾，炒蛋就冇平時大家樂早餐咁好食，但可以接受，唔算整得好老。。蘿蔔糕不過不失嘅。唔會太淋。。呢個價錢同質素喺醫院食我覺得都算喺咁。。唔好有咩期望就得。

今日去接老婆收工，時間未到所以去canteen買個叉油雞米食住等。其實以前系度做嘅時候都已經領教過，深知呢度只係canteen，所以要求唔會太高。喺我嘅心目中，canteen同頹飯係掛鉤嘅。出奇地今日個質素算係唔錯，雖然叉燒唔夠鬆化，但起碼唔系啖啖肥膏，我已經好滿足。而油雞竟然係雞翼位！！肉量雖然比較單薄，但肉質出奇意料地非常之好，而且夠味。米粉嘅分量都幾大個，而且煮得啱啱好唔會變糊！睇嚟今日燒味叔叔心情幾靚喔。

雖然成日都話醫院飯堂麻麻哋彈三彈四~ 日日食又唔知食咩好! 但各大醫院嚟講呢間嘅選擇真係幾多~ 而且有時仲可以加錢用幾蚊加糖水! 為醫療事業打打氣~ 苦中一點甜! 大家 下次都可以加啲糖水嚟試下真係幾好味

放完工就去咗伊利沙伯醫院探病，探完病就去咗伊利沙伯醫院飯堂食飯。內裡環境唔算好大，搵一陣先有位。最後就叫左一個有營晚餐，翠玉瓜牛肉蔬菜飯。其實份量算多，以價錢嚟講都算抵食。但當然味道就唔係咁完美，椰菜食果陣有點草青味，但牛肉就非常爽口，呢個晚餐真係相當健康。

因為要探病所以才會來到這裡，這裡的飯堂當然是外判的，也不抱大期望，因為太肚餓，要來吃個下午茶補充能量．要了豬扒包，賣相是不錯，豬仔包烘得熱熱的，也算有誠意，加上厚厚的一片豬扒及洋蔥，味道很不錯！這裡出品，比很多外邊的茶餐廳更好．

四月中旬‧有雨不得已，也要在這裡吃東西。清晨在這裡，就算行落佐敦也不會有什麼很好的選擇。加上下雨，不如就在這裡吃吧。這裡套餐是腿腸蛋加多士，有肉絲米再加杯即磨咖啡。非職員價要二十四元，其實都合理。腿腸蛋都凍凍的，但件多士脆口而牛油塗得均勻也夠多，還有香濃的咖啡，滿足矣。是日還有胃口，連米粉也吃清。

Dined here about a year ago but I had no intentions of writing about it, but since I decided to write about the TKO Hospital canteen I might as well write about this too.Compared to the TKO hospital, this canteen was much busier and packed with people so I did not take pictures of the restaurant itself.Both canteens serves the typical Chinese food which I am not really fond of and when there is nothing that I like I just order the Stir Fried Beef Ho Fun.The Beef Ho Fun looked OK and the taste OK