影片
港铁尖沙咀/尖東站 B1 出口, 步行约8分钟
继续阅读
电话号码
61997070
开饭介绍
主打私房菜、海鲜及火锅的中菜馆，特色菜肴包括清润、香辣等风味，照顾不同食客需要，加上环境雅致，招待商务客户也大方得体。
继续阅读
营业时间
今日营业
12:00 - 03:00
星期一至日
12:00 - 03:00
公众假期
12:00 - 03:00
公众假期前夕
12:00 - 03:00
以上资料只供参考，请与餐厅确认详情
有关奖赏计划
叫得私廚或者私房菜，一定係對佢哋嘅品牌好有信心😎 好多年前好興私房菜，尤其是工廠大廈，講真，煮法同埋用料比一般酒樓係更有特色😉今次留意到呢間天文臺道既＜伍佰私廚＞，我係有啲期望㗎😌兩個人就叫咗三款菜式試試🫶🏻🌟豉汁蒸鱔上碟就覺得好香好惹味👍 鱔嘅份量唔少，豉汁醬鋪得滿滿，有粗身嘅粉絲墊底，幾有特色🥰 味道方面，鱔好新鮮，蒸嘅時間啱啱好，個醬汁好濃味，配飯食真係一流🫶🏻🌟蔥油雞半隻我初頭以為係普通餐廳嗰種嘅蔥油，原來係大量蔥同埋乾蔥做成嘅蔥油，真係非常香🤩🤩 豉油唔算濃味，所以雞肉香同埋蔥香非常出🤰👍 雞肉嫩滑，真係好好食🤤🌟欖菜肉鬆四季豆我第一次食呢個餸會讚四季豆靚😂 條條都好粗身，好飽滿又冇根👍👍👍 肉碎欖菜炒得好香， 呢個絕對係食過最好食嘅欖菜肉鬆四季豆🥰＜伍佰私廚＞ 新開冇耐，裝修好新淨，雅致舒適😎 仲有獨立包廂，私隱度十足✅ 我覺得呢度嘅廚師非常有料，喺度會食到出面餐廳食唔到嘅味道，而且用料係上成🫶🏻 依家佢哋做緊個中秋節套餐，啲菜式係出面都少見，我對嗰個手撕包菜鴿鬆配松露鴿脾好有興趣，有興趣就要早啲預訂啦，真心推介👍
继续阅读
2024倒數完同朋友們在尖沙咀有點餓 ，晚上十一點打去餐廳問仲有繼續營業，幾個朋友便一起上去吃火鍋，想不到香港還有夜消磨的餐廳，夜貓子的福音 朋友們特別喜歡吃三文魚刺身，然後老闆話今日仲有花金鼓，朋友們都喜歡吃魚，即刻點了花金鼓刺身，想不到花金鼓也大條，上枱我們都“嘩”一聲，很先甜美味🐟然後我們火鍋叫了手切牛肉，朋友們真係好喜歡吃魚又叫了繕片 ，還有幾個菜，茼蒿 ，西洋菜 ，這些都是冬天必吃🌿這裏真是夜貓子好去處
继续阅读
冬至屋企人想打邊爐，就諗起伍佰，平時多數都係係佢度食私房菜。打電話訂枱，得知分兩輪，也明白大時大節，甘選咗8點15分，果日早到佐，所以要係門口等，但d侍應好窩心，比d野飲和凳我哋坐，值得一贊。準時8點15分入座，入去時果然人山人海。坐底點咗條花金古和佢地加拿大野生象拔蚌刺身，條花金古上枱時重識郁，講真花金古魚味夠濃，肉質又彈口。佢地加拿大野生象拔蚌真係正，食落果d鮮甜度真得，出面d餐廳冇得比。之後d牛肉都非常掂，花紋分佈得好靚，最重要係牛肉味極重，又夠滑身。另外又贊一贊d夥記，以為今日佢地甘忙，估唔到每半小時加湯又換碟。做到十一點幾埋單，順便係佢吔度訂埋團年飯，走時重見佢地有客入黎，抵佢地甘好生意。
继续阅读
係IG見到有food blogger介紹，所以決定今年冬至試吓。點知大失所望，無論係食物質素，座位安排定係同餐廳嘅溝通都只能形容為「沒有最差，只有更差」。知道冬至一定好多人，所以我地早咗三個星期經openrice book咗7點食晚飯。食飯前3日，餐廳WhatsApp我，要求確認人數日子，同埋要俾$1000訂金+訂好菜式。WhatsApp有電子menu，我地就睇menu訂好晒菜式。然後，食飯前一日，餐廳突然間通知話冬至因為客人多，所以要食兩輪，6:30-8:30 或 8:30打後。呢個時候已經覺得餐廳安排混亂，咁遲先通知。不過都唔緊要，我地人少少時間容易遷就，揀食早一輪。我地當日準時到達之後就安排入座。餐廳中間係一個大廳，啱啱好前後放到兩張12人檯，然後零零丁丁係牆邊有一張開咗一半嘅圓形檯，size最多坐兩個人。不過，偏偏係其中一邊窒多咗一個位，仲有個伙計坐咗喺度執menu。我地已經心知不妙，周圍望都唔見有其他細檯，果然真係要坐呢張好似僭建出黎嘅檯。我地即刻要求轉檯，不過員工話今晚全場滿座，冇得換。一張二人檯格硬安排三個人坐，呢個做法都係係茶餐廳就見得多，完全冇諗過係一間私房菜都會有咁嘅安排。又或者，可以提早話俾我地聽，等我地可以選擇接唔接受呢個安排。結果我地表達不滿，員工唯有調動隔離大檯嘅座位安排，等我地可以坐得鬆動D。不過第三個人就全程坐咗喺走廊通道，熱湯呀熱餸呀不斷係後面傳黎傳去，又時不時會俾人撞，真係坐得非常唔舒服。坐低咗之後又遞menu叫我地揀餸，真係問號問號，唔係話冬至要預先訂好晒餸咩？安排咁混亂嘅？終於都可以食飯。首先，黑蒜螺頭雞湯 （$80/位）。見到有雞腳，瘦肉同黑蒜。味道唔錯，黑蒜味都出色嘅。黃金蝦球 （$216）。全碟有6隻，唔係特別大隻。鹹蛋黃味都夠濃，不過唔夠香。擺盆就麻麻，有D求其。炸粉唔夠香脆，同埋包住埋隻連殼嘅蝦尾，一咬落去成口殼。啫啫乳鴿煲（$228）。呢個煲真係大失望。啫啫煲一上菜已經完全冇渣渣聲，完全冇鑊氣冇香味。D乳鴿每一件D肉質都唔同，一係超級韌，一係鞋口，一係粉。斬件一開四，但係又斬得唔好，會冇啦啦有一個好尖嘅骨突出黎，要食得小心D。羊腩煲 （$388 >> 結果變左$488，陣間會解釋）。已經算係全晚比較好食嘅。羊腩肉質嫩滑，半肥瘦，唔會騷。味道就好似一般出面食嘅羊腩煲，唔驚艷。不過肉質質素高，可以搭救吓。蟹黃蟹肉扒豆苗 （$418>>$428）。第一，蟹肉係罐頭蟹腳肉嘅質素。第二，蟹黃完全冇香味。第三，豆苗質素麻麻，偏油膩。完全唔值呢個價錢，你唔講我都唔知原來有蟹黃。本來以為已經唔能夠再差，點知到埋單嘅時候仲誇張。張單黎到，盛惠$1826。其中茶芥每位$20，不過其實得一杯熱水（連茶都冇），花生本身就話送俾我地食嘅。再仔細望張單，哇，明明電子menu話$388嘅羊腩煲，點解變咗$488 ！蟹黃蟹肉扒豆苗$418，點解又變咗$428 ！我地即刻搵伙計問。我地第一個問嘅女伙計態度副氣，話「WhatsApp個menu唔update㗎，總之依家係$488啦」，然後走咗去。menu唔update又放出黎俾客人參考，到埋單先被通知加咗價，真係覺得好離譜。結果我地搵多咗兩個伙計據理力爭先肯改番價錢。總括黎講，成餐飯就只能形容為不知所謂，搞到今年冬至飯真係難忘至極。故事教訓：以後唔可以再輕易相信網上嘅宣傳。
继续阅读
🥢尖沙咀天文臺道樓上一間高質私房菜，聽聞佢哋嘅私房菜式好有驚喜又非常之高質，環境光猛乾淨，最啱就係同屋企人或者一大班朋友一齊嚟食返餐，最近新推出高質8 道菜式「冬至套餐」 最吸引眼球嘅「金湯脆米海斑 」之前打卡已經瘋狂燒到大家，被朋友問爆喺邊到食，另外呢度仲有鑊氣小菜做緊七八折，如果想私隱度高嘅話，仲可以包廂海鮮火鍋，呢度海鮮會特別靚，因為店主係做海鮮，每日揀最新鮮最靚嘅海鮮直送過嚟，所以有返一定嘅水準👉🏻冬至套餐 $630/位（六位用）🥢脆皮乳鴿唔係誇張，呢個暫時係近排食過最好食嘅乳鴿，個人好鍾意食乳鴿，如果有乳鴿嘅就會嗌返一隻，呢到揀選剛剛好大小嘅乳鴿，唔會太細無肉，亦唔會太大隻好嚡，呢個係我心目中嘅標準，食落嘅肉質嫩滑，乳鴿表面脆卜卜，而且帶陣陣香料嘅味道，點少少椒鹽吊味剛剛好，係會掛住呢一隻乳鴿🥢椒汁南非鮑魚用上特製椒汁，酸酸辣辣的泡椒口味，配上爽脆嘅新鮮南非鮑魚，仲有木耳及配菜，作為開胃凍盤前菜夠曬開胃惹味🥢蒜蓉蒸台生蠔用上大size 的台山生蠔，蒜香味道令生蠔更鮮味，蠔味豐富🥢伍佰例湯 呢個例湯真係唔簡單，原來係「五指毛桃乳鴿湯」用上3 隻乳鴿加上五指毛桃及其他材料燉煮而成，好足料用足心機咁煲，味道夠曬濃，飲落係順喉乳鴿湯嘅清甜，帶少少五指毛桃特有的椰子香，有補氣健脾嘅滋潤感覺🥢金湯脆米海斑超打卡嘅金湯脆米海斑，爆香熱辣辣嘅脆米灑上野生海杉斑上，再用顏色超美嘅金湯淋上去，咋咋聲好有食欲，建議即刻食，魚肉、金湯脆米一啖過，會食到脆脆的唔同嘅口感，細心位係魚肉，事前已經切成一片片，魚肉肉質緊實入口即化，係非常有特式而且非常之有驚喜嘅一道菜🥢瑤柱扒豆苗夠曬份量足料嘅瑤柱，新鮮鮮嫩嘅豆苗，秋冬天最啱食嘅一道菜🥢膏蟹炒糯米非常欣賞呢一個蟹膏炒糯米用上新鮮嘅麵包蟹，麵包蟹係以多蟹膏而見稱，取至麵包蟹入邊嘅蟹膏炒入糯米飯，生炒糯米飯，口感煙煙韌韌，而且軟硬剛剛好，飯粒吸滿蟹味精華，蟹肉鮮甜，飯味香濃惹味，而且份量好足，可以同朋友share 最開心🥢薑茶湯圓最後後來一個薑茶湯圓，薑湯辣到十足，最鍾意啲好濃嘅薑味，冬天飲完絕對暖身，作為甜品係一個完美總結🥢呢度食食吓原來都幾多人今日嚟到都爆曬場，整體真係好鍾意呢度嘅菜式，尤其是脆皮乳鴿及金湯脆米海斑真係非常之有驚喜，而且味道真係好高質，第時想食返餐好嘅同朋友一齊或者帶同屋企人都係一個唔錯嘅選擇，另外仲有推出足料冬至新春盆菜，如果想同屋企人食好啲，記得早訂👉🏻冬至新春盤菜 伍佰鮑魚海參盤菜4-6人 $1188 8-10人 $218812月10日前wtsapp預訂 ,早鳥價9折優惠
继续阅读