傳點心意 (已結業)

上星期五晚同3個朋友去元朗食海鮮蒸鍋，$268/位海鮮set加任食點心（2.5小時），估唔到有d驚喜。我地book左晚上7:00去食，入到去店內地方唔係好大，得6-8張枱，order左大約10分鐘開始有得食，首先有赤蝦刺身每位2隻，跟住就到主菜蒸海鮮，有鮑魚、羔蟹、聖子、生蠔、大蝦、雞件、豬頸肉、什菇、什菜⋯⋯，海鮮幾新鮮，幾好食，食完海鮮後未飽，可以再叫任食點心，反而依個即蒸任食點心有驚喜，吮吮包同燒賣都好好食～原來依間舖早、中市係做點心生意，唔怪得點心有d水準～～如果要晚市，最好預先訂位，walk in有排等

遲了兩個月的食評,  2月14號, 沒有去食西餐, 反而同太后來了食蒸火鍋, 今次係第二次來了, 都係叫268/位的海鮮餐, 粥底點了個花膠粥底, 但粥底偏咸, 我們及其他食客都有反應俾老闆知(佢話會改進下.268的海鮮包括有膏蟹, 蝦, 龍蝦, 蜆, 聖子, 鮑魚, 赤蝦刺身, 仲有雞, 菜, 點心等蒸.老實講, 只係食海鮮基本己經7-8成飽, 因為佢的海鮮真係新鮮, 點少少豉油已經好好食.虫草花蒸雞反而一般, 好似酒樓的冬菇雞點心的水準.菜/菇係任點任食的, 食到後清下油膩都唔算.點心方面, 啜啜包係必點的, 流沙包都好好食.

上回講到我們夫婦二人去左元朗船長意法日餐廳享用美味西式早餐，其實當日食完早餐後就無意中發現呢間中式點心店，所以今日就特意入去試一試入到店內，雖然地方不大，但座位尚算舒適，門口亦放了一部大電視，點餐時無意中發現星期一至五早上有八折優惠，當堂感覺超開心，我們夫婦二人點了以下點心：黃金翅頭響螺湯：味道香濃及鮮甜，加上閒日早餐有八折優惠，非常超值鮮蝦菜苗餃：內餡足料，味道唔錯木魚花蘿蔔絲腸粉：內餡鮮甜蘿蔔絲估計先用脆皮包著，再用腸粉皮包住蘿蔔絲，最後面頭灑上木魚花，配上醬油享用非常美味，值得推介冬陰公鮮竹卷：冬陰公湯底應該純粹用泰式冬陰公醬烹調而成，鮮竹卷內餡味道一般，整體黎講味道尚可接受紫菜百花壽司卷：雖然口感外脆內軟，不過味道一般蟲草花蒸排骨：蟲草花清香，配嫩滑可口排骨，正海鮮菇牛肉飯（細）：味道普通吮吮包：味道比較濃郁，可以一試

之前老婆大人上網見到元朗有間小店食大大隻小籠包，於是我地又去做搵食飯團。其實食唔出紫薯味，好在味道不是太甜。一見到個賣相就知係麻辣版嘅粉果，但最奇怪的事發生了，叫麻辣餃居然唔辣，仲甜甜地。不過我又唔可以話難食，可能我比較喜歡吃甜野。唔係蒸到淋晒嘅鳳爪，有點咬口。蒸得都算嫩滑，如果有豆鼓一齊蒸會更好。唔係整到d肉梅晒，食落頗彈牙。大件夾抵食嘅籠仔蒸飯，足足有五碗仔嘅份量。用雞絲嘅好處係一定夠嫩滑，淋埋豉油更加香。最後要介紹下個吮吮包。無錯！真係要用筒吮嘅。湯汁好濃，吮晒d湯汁再食個包。雖然無晒湯汁，不過肉餡味道多濃，建議點醋食中和油膩感。其實以點心店黎講，價錢算合埋，食物質素合格。推介係個吮吮包！

睇完（食玩瞓）條介紹片，見那位小朋友食得咁開心，決定元宵節一家大細去試下，到門口就已經感受到用心嘅服務態度，好窩心。食物方面，海鮮真係好新鮮，係菜單上每款嘅海鮮都好新鮮，大家真係要試下特別係「琵琶蝦」，兩個仔都話琵琶蝦外型似風之谷裡果條巨蟲，開頭點都唔肯食，點知試完少少之後，就秒殺食曬，搞到我差啲無得食。一個字*正*一向唔鍾意食野嘅細仔，都竟然好雀躍。點心真係超超超正，強力推介吮吮包，紫薯流沙包，牛肉球，燒賣，糯米飯及棉花白兔仔！紫薯流心包同埋吮吮包encore3次都唔夠皮，紫薯流心真係一個人食5個都得，唔甜唔漏，真係正，由於時間想再encore 都唔得了。

今日特登去西菁街附近搵野食,見到呢間幾新鮮.海鮮點心蒸氣石鍋??自己都好鍾意食點心,所以決定一試. 佢有散叫或者叫餐.我地選左198既餐.不過就略嫌點心既選擇太小.只得9款可選.其實我地每人都食得唔多,可以比多D選擇.呢個餐既海鮮真係無得輸,又新鮮又好食. 職員好細心會留意住我地食到幾時再拎出海鮮幫我地較時間,時間較得岩岩好,所以唔會蒸過火.同埋個蟲草花蒸雞好好好好食! 不過粥底唔好食!點心方面..麻辣餃- 麻麻地,好似粉果咁,糯米飯-太乾身.鳳爪好入味紫薯流沙包好香好好食棉花白兔仔-一般排骨我地無食.鮮竹卷-味道OK 略嫌個汁唔好結身牛肉球好食!馬拉糕超好食絕對有下次! 而且員工服務態度都一流!

本來要試點心放題的，但打電話訂位話點心放題已完結了！現在做蒸汽石鍋+自蒸點心，想想一試無防，結果一連兩日都去食了！食了198+10%海鮮餐，一上台就來了6吋長赤蝦刺身，好鮮甜，好味開爐前先在蒸架下面加個粥底，等等蒸海鮮的精華就會落到粥裏跟著越南頂角膏蟹上台，嘩。。。。。好多膏啊九孔鮑魚也大大只其他海鮮也陸續上來，海蝦、蜆、蠔等等，因為各種海鮮都很新鮮，所以不用任何調味，食出鮮甜肉類除蟲草花雞外，還可每人選一份安格斯牛肉或黑毛豬沒想過安格斯牛有蒸的比火鍋好吃其他自蒸點心都各來了一份，因為食得太開心了，忘了照相。只拍了好可愛的棉花白兔仔需然單張上寫1.5小時，但老板心知不夠時間食，所以都沒計時，由我們慢慢吃下次再有機會會再來食

#想放縱 #想食到飽到上頸 #點心放題 #元朗依間幫到你😂又係我大胃D 又見到間做點心放題$98+$10茶位 食2個鐘 依間性價都幾高 食物質素都還可以 最岩我呢D愛吃放題既吃貨 任點任食👍🏻 放題愛好者🙆🏼.必試 #紫薯流沙煎堆仔 堅流沙!熱辣辣 淡淡紫薯味 好食👍自家燉湯 無味精 飲完感覺幾潤 口味係淡左少少 但我幾鐘意 香脆五色素鴨 炸春卷 黑松露野菌餃兔仔棉花糖 依幾款都係我食過覺得 好食既 其實想試埋佢個吮吮包 但賣哂🙈.其他腸粉 排骨 牛肉球 都係正常份量 味道都係一般酒樓食到既味道👍但蝦餃同燒賣 就等左勁耐先黎😑重點係又唔係特別好食 我知即叫即蒸 但其他嘢黎到食埋 依兩籠先到 會唔會有點點過份😞同埋叫左個豬頸肉荷葉飯 第一次黎到 豬頸肉未熟得哂 要退番去再蒸多次😥依間整體黎講 其實都OK既 唔想唔開心就唔好叫燒賣蝦餃同豬頸肉😂#我等了又等了又等了又等 味道方面都合格既 店員都有禮貌👍

有日和阿媽在千色廣場行完街之後，決定搵下餐廳吃晚餐，就發現這間傳點心意,我和阿媽2個人行入去,跟著上網看下食評,見到不少人話這裡冷氣不足同座位太迫,想坐得去酒樓,來得這些新式點心店唔通仲想好似酒樓咁舒服，這間不是好迫，康景個間仲迫過這裡，我覺得這間點心好味過康景個間點心店，至於冷氣不足，我當日去冇呢個問題，2個人叫咗5個點心，這裡點心份量好足呀,服務亦都OK ,阿媽吃完之後第二日再去，這間下次會再去味道木糠魚腸粉,炸得好金黃，味道幾好陳皮牛肉腸，牛肉腸好滑,豉油不是太咸，十分好味,牛肉蒸得剛剛好,牛肉好新鮮嫩滑杞子桂花糕，這個反而就麻麻,我夾起就散了,味道就一般紫薯包，紫薯味好重 ，出奇地又不是太甜,我覺得好味服務我覺得都幾好 ，店員好勤力加水,又會介紹有咩值得一叫,服務好到好爆環境地方較小，點心店好難同酒樓相比，要求要坐得舒適去酒樓啱某些人 ,我覺得這裡座位已經不是好迫,迫過這間去過，至於冷氣不足,個日去這裡。並冇冷氣不足,冷氣好足夠，這裡旳環境都OK價錢比同區點心店較抵食，平均90元一個，可以接受

Book 咗7點半，竟然俾walk in 客，都唔預備好d，唔通團購客就唔重視。終於有位啦，樓面位收銀姐已“瞄”我們，埋到位亦沒有人招待，果壼普洱都係别抬叫起，我哋先可以搭單， 因為無人理會，我們以為菜單放在枱面，寫完職員才俾團購菜單我哋填，。结果又再抄一張.其他枱陸續有點心。現在八點半(約七㸃半),都未有㸃心來，豈有此理。

呢日我陪老媽去元朗行街，經過附近的酒樓諗住飲茶，咁岩見到傳點心意的門口 poster，看見那裡的點心賣相不錯，於是我們便決定來呢間飲茶了。我們好彩只係等了 5 分鐘，咁岩有人離開，好快就有位坐，否則大熱天時，在門口等位等得耐都會熱死呀~舖頭地方唔大，大概坐到三十人左右。我們一坐低，侍應問我們飲邊種茶，她列了除了幾款常聽到的中國茶之外，亦都提及「來自韓國的大麥茶」。貪新鮮如我，便叫了這壺大麥茶。大麥茶的茶味很香，有點像日本的玄米茶，老媽說好像是炒過的米香。本來我想叫番籠得意公仔樣的點心包，亦都係呢間店舖的賣點之一，可惜剛剛賣晒，要再等下輪至有了。於是我們首先叫了出面 poster 有的「木魚花蘿蔔絲腸粉」，一件一件豎直在碟上，質感比較挺身，賣相有少少似炸兩，分別係腸粉上面有好多木魚絲和脆脆的蝦米。腸粉包住有香香地軟淋淋的蘿蔔絲，仲有炸到金黃色又香脆的炸粉，口感相當卜卜脆，好味道。紫薯流沙包，三件一籠的白包，送來時是熱騰騰的。包的口感都幾鬆軟，裡面的紫薯餡都幾綿泥，而且有清清淡淡的甜紫薯味，如果要挑剔的話，便是沒有做到流心的效果了。傳點蝦餃 (2隻)，蝦餃裡的蝦都大隻而鮮美，可以用皮薄餡靚

早前，跟已婚的空姐朋友到元朗食晚飯，她間中會走到元朗，元朗有很多食肆，而且價錢大眾化！對我們兩位屯門友都好方便！ 當晚，我放工直接搭巴士入元朗比預期早到，於是，我先在千色廣場兜圈！然後，我走到點心小店 <傳點心意> 先入座，小店的老闆娘負責收銀位，當我走入去，她招呼我入座！裝潢簡約不花巧，坐得舒適之餘，又有電視睇！可以邊食點心邊追劇！坐下來，先看看餐牌，點心不乏特色口味，價錢大眾化！ 包括：蒸萃、煎、炸、焗點、特大荷葉籠仔蒸飯、燉湯、腸粉、甜品...等，包羅萬有！怪不知晚市已經坐滿食客！ 相信做街坊生意！全日外賣可享 9折優惠！全日免收加一！茶錢 $3/ 位落單 10分鐘後，點心陸續送上！木魚花蘿蔔絲腸粉 $24木魚常見於日本美食入饌，中日合壁，木魚的口味突出，與本身清甜的白蘿蔔及淡口的腸粉，出奇地夾得來！ 而且口味及口感也相當不錯！給人驚喜！黑松露野菌餃 $22餃子皮晶瑩剔透，質感柔軟煙韌，脹卜卜的，餡料飽滿又豐富！ 內裡有：粟米、冬菇、甜豆，味清甜又口味清新！ 黑松露有助提升整體口味！傳點蝦餃 $16 (2 隻)可選擇 $16 兩隻或 $30 四隻！蝦餃皮帶煙韌，

專程入元朗係為左食豬仔及鴨仔圖案既包，但店員話無賣好耐，有點傷心！一共點左4款點心，其中兩款都係餐紙上推介既！原隻鮑魚盞，鮑魚炆得夠腍！個穌皮夠脆，裡面壤左冬菇木魚花蘿蔔腸粉，朋友超喜歡食木魚！腸粉皮白滑又薄，內裡係炸過既蘿蔔！黑松露野菌餃外皮晶瑩通透，外皮煙靱帶點黏，一咬開就聞到香噴噴黑松露！紫薯流沙包，食開奶黃包所以試試新野，但紫薯味唔突出而且偏甜！

話說星期六元朗周圍都好多人食野，間間都要等，唯獨佢唔駛等，加上新開，比次機會佢試下！點心選擇太少了！ 另外，點心都偏貴，2粒蝦餃要$16 話說呢個係signature 點心，但皮太厚！ 飲管好幼，吸唔到入面既肉，只能飲湯！ 想扮上海個隻大大小籠包.... 失敗了！敗筆在於個皮真係好厚好粉！ $18紫薯包..... 太甜了！ 點心店應該係傳統加新派，兩者都兼顧到！才算成功！唔出負評.... 費事openrice 唔批我篇文🤔

行街行到有點累,行下行下行左入呢間店,一個人飲茶真係第一次,餐牌都唔洗睇,粉果加蝦餃加香片，其實最想只不過就係想飲杯香片.......蝦餃食落爽口彈牙,有蝦味,唔錯粉果皮厚左小小,味道都唔錯,裡面嘅配料非常多,花生很脆,就好似岩岩炸起一樣,下次和家人飲茶又多左一個選擇