但馬屋 (新都會廣場)

营业中

休息中

一班人打邊爐總有人要妥協揀咩鍋底一人一鍋就可以解決呢個問題呢間有蕃茄鍋麻辣鍋鰹魚湯雞湯而個人偏心鍾意甜豉油甘露鍋多數會揀澳洲穀飼牛嗰個餐因為同嚴選牛肉嘅質素幾大分別兩款肉片都偏薄但唔會有雪藏味穀飼牛嘅口感比較嫩同牛味較濃另外餐包埋嘅豚肉都好食餐廳有幾款我好鍾意嘅食材一去到就要放入鍋嘅豆腐同芽菜有款營養成分較高嘅紫心蘿蔔如果唔食牛嘅話都有雞同魚嘅選項冬瓜雲耳萵筍都係我鍾意嘅菜類環境乾淨衛生坐得舒服仲有無糖茶同哈根大師雪糕除咗90分鐘食得有啲急之外成個配套都令我食得稱心滿意老人家同小朋友一樣食得開心👅

今次請屋企人食火鍋放題請一家人最貴嗰隻有太貴所以平平哋$159 lunch性價比非常之高和牛之前食過一次已經好好味但今次budget有限所以選平少少個價掛住食都唔記得影好多相呢度我最深刻印象係蔬菜選擇有好多我第一次食冰菜好爽好有趙口🥰🥰🥰當然唔少得有哈根達斯嘅雪糕如果可以換一杯杯細杯裝就好啦可惜冇我鍾意食嘅焦糖味甘露鍋我真係好好味屋企人揀咗藥膳麻辣鍋太過辣啦唔識得辣嘅千祈唔好試麻辣味令到啲牛肉冇晒味 整體感覺非常好👍🏻

由於返工被人屈，激親，所以好想怒食發洩一下，揀左呢間一個人打邊爐都無問題嘅但馬屋3點半左右去到，餐廳人數都唔多，呢啲時間都有幾枱客算係咁揀左90分鐘嚴選牛肉放題套餐 （$179+10%）湯底： 美肌鍋湯低無獨立試飲，但都可以好肯定咁講裡面勁多薑，淥完啲野食都成陣薑味，唔太抗拒薑味，所以都接受到，但如果唔鍾意薑味就要小心因為唔係叫貴set， 所以肉類本身無期望好高，牛肉真係基本野，有少少鞋嘅🫣 相反，豬肉就有驚喜，encore 左2次🤭 豬肉竟然嫩過牛肉，可能因為豬肉本身較肥，仲要有豬肉味而無豬臭味，讚👍🏻（圖嘅肉全部都係第一盤，之後追加嘅就無再影了，但豬肉第一盤同之後黎果啲樣係有少少唔同，不過味道一樣好味）飲品以及外面蔬菜配料都係任拎同埋都有雪糕，仲要俾我見到我好喜歡 Häagen-Dazs 焦糖脆餅味… 點忍🙄 （減醣失敗）由於心情不美麗，怒食左2杯😂 好好味由於諗住可以舒服少少咁食，唔想太趕，揀左90分鐘set ， 其實揀60分鐘都得，因為食左半個鐘左右，肚已經頂住… 下次再一人邊爐真係叫定量60分鐘就可以，性價比會高好多

回想在觀塘APM分店，第一次吃但馬屋的特選日本黑毛和牛火鍋放題，牛肉那種入口即溶、軟滑、香濃牛肉味的感覺，令我記憶猶新！後來在葵芳新都會開設了分店，我就可以經常去惠顧了(平均每月兩次)。首先一讚，但馬屋是我食過那麼多間日式牛肉火鍋放題店，最老實，上肉最快及服務態度好的火鍋店。每次上碟的牛肉是即切，不會凍到夾不開，也不會出晒水，而且肉質穩定，通常都能保持該級質素，不會有太大落差。上肉方面，一般向職員下了單後大約7、8分鐘內會送上，而且訂了多少碟肉也會依正確數量送上。我們通常會點選最高的首兩個級數的日本和牛，因我們吃得比較多，相對抵食(我們兩人通常共吃10至12碟牛肉)。配菜方面尚算一般，有白魚蛋、日式魚腐、芝士腸、貢丸、龍蝦丸、蘿蔔 、羽衣金䕡、生菜、鮮冬菇、南瓜片等等。雪糕是大桶裝「哈仔」，飲品是罐裝的。

每到星期五，都係要諗去邊度食個滿足倒自己嘅晚餐，今晚同朋友去左葵芳但馬屋，我自己平時一想打日本邊爐都一定會揀但馬屋集團，因為質素都比較有保證，但係今日遲左係The Gulu拎飛，搞到等左45分鐘先入倒去。係但馬屋食肉，我大多都會揀夢之大地豚肉餐，因為佢地呢款豬肉好少出現係其他放題店，因為平時食和牛係香港好多地方都食倒之餘，質素都唔太大差別，但但馬屋夢之大地豚肉餐係比倒我感覺豬似比牛肉好食。今次食揀左麻辣湯底，因為同豬十分夾，不過可惜今次個湯唔知點解過咸，但係Overall食得好開心。員工質素亦好高，肉上枱好快。

疫情之下，N年冇食過呢間嘢，所以忘記咗之前嘅教訓。琴日行行街，諗住搵地方醫肚，咁岩行經過，又無乜人。Lunch嗌咗$179澳洲穀飼牛個任食套餐，第一碟牛好靚，油花分佈均勻。食完即刻encore 2碟，等咗十分鐘都未到，呢d限時任食上菜唔夠快已經有問題。催咗一次卒之嚟咗2碟，瘦到呀媽都唔認得，烚完又乾又柴，完全貨不對辦。出去攞其他嘢食嗰陣，幾乎見到枱枱都係咁瘦嘅牛肉片（實在叫唔出「肥牛」）。如果打邊爐諗住食齋，都可以試吓呢間嘅。

但馬屋呢間餐廳幾年前去日本旅行已經食過，當時已經覺得好高質😋 近年香港都開左唔少分店，主打shabu shabu，但一直都未有機會試🤔 直到近期佢地推出埋壽喜燒放題套餐，終於忍唔住要去回味下☺️日本產黑毛和牛及北海道夢之大地豚壽喜燒放題套餐🥩($389/人)個名好長呀🤣 總之簡單黎講，就係和牛壽喜燒，同豚肉shabu shabu。同一般日式邊爐有少少唔同，呢個新套餐包含左正宗日本壽喜燒😀 店員細心咁教我地，個鍋熱左之後先用牛脂搽下鍋底，然後放洋蔥爆一爆香佢，再放入和牛片爆炒至6-7成熟，倒入壽燒汁撈一撈，再點蛋漿放入口食🥹 呀！太感動啦係日本嘅味道呀！🥹 牛肉嘅油脂煎過之後好香，壽喜燒汁撈埋炒過嘅洋蔥更加甜，帶出左香濃嘅牛味，點埋幼滑嘅蛋漿係絕配！我地一連氣就chur左4-5碟牛🤣當你覺得食牛都7788啦，就可以叫店員換昆布清湯打邊爐，慢慢享受北海道豚肉😊 昆布湯較清淡，鍾意濃味嘅朋友可以喺湯底加壽喜燒汁，就會變成平時嘅甜豉油湯😀 薄切豚肉片放入去慢慢煮熟，索湯之餘仲好嫩滑。除左和牛豚肉任食，套餐本身有跟一個蔬菜拼盤，出面自助吧仲有醬油吧，多款丸類，蔬菜，麵食等等，全部都係任食自取。最值

呢間餐廳主打日式湯底為主嘅火鍋放題，嚴選各國優質肉類、季節蔬菜同配料🇯🇵由即日起至2023年2月14日為「冬季慶典饗宴」，食客可免費升級同時享用關西風壽喜燒❄️💗日本產黑毛和牛及北海道夢之大地豚放題套餐 ($389/ 位)🐃日本產黑毛和牛：由自家牛場直送到港，和牛呈雪花油脂分佈，肉質軟嫩細滑，牛味濃厚，油脂香充斥口腔🐖北海道夢之大地豚：豚梅肉油花均勻，肉質幼嫩爽滑，肉味香濃🐷丹麥皇冠豚肉：豚西冷肉質較結實細緻🥗蔬菜盛合：包括京蔥、洋蔥、秋葵、蕃茄、茼蒿、金針菇、紅蘿蔔、心內美、豆腐🥙火鍋配料：自助吧台提供多款蔬菜、菇菌類、丸類、麵類食用次序：1️⃣享用壽喜燒用牛脂肪、洋蔥、大蔥起鑊，輕炙和牛。再淋上自家製壽喜燒汁煎煮，醬油味甘甜醇厚。最後蘸上日本生雞蛋進一齊食，口感更甘香滑溜🥢2️⃣享用涮涮鍋倒下剩餘嘅壽喜燒汁同鰹魚清湯，加入其他肉類、火鍋配料同蔬菜🍲🍨甜品：提供4款口味Haagen Dazs雪糕，包括曲奇呍呢嗱、士多啤梨、呍呢嗱熱情果、比利時朱古力

今日嚟到位於葵芳嘅但馬屋分店，但馬屋喺香港都有唔少分店㗎，以各類嘅日式火鍋為主打。日本黑毛和牛及北海道夢之大地豚套餐日本黑毛和牛和牛嘅脂肪比例啱啱好，牛肉味道突出，肉質非常之幼滑，入口即化。北海道夢之大地豚豚肉入口有好香濃嘅肉味，加上脂肪唔算太多，食多幾塊都唔會覺得好油膩。喺自助區域，有脆皮腸同各種丸類，仲有羽衣甘藍等等嘅蔬菜可以選擇，選擇夠晒多，款式令人琳琅滿目。甜品方面，有幾款雪糕可以揀，啱晒唔同口味嘅人。整體來講，今餐嘅質素真係非常之高，估唔到可以一個咁平嘅價錢，食到咁多款唔同嘅食物。🫶🏻但馬屋 (新都會廣場) (葵芳)葵芳興芳路223號新都會廣場2樓251-255號舖#hkfoodie#beautifulcuisines#kolhk#foodstagram#nomnom#lifestyle#finedining#香港好去處#打卡#吃貨#美食日記#香港美食#美食推薦#相機食先#hkfoodblogger#hongkongrestaurant#冬季慶典饗宴 #觀塘火鍋 #火鍋放題 #關東煮 #鯛魚燒 #黑毛和牛 #壽喜燒 #黑毛和牛 #火鍋放題 #但馬屋 #葵芳 #放題 #限定北海

Hotpot at lunch is amazing!!My friend and I ordered the 60-min set lunch and we were both full afterwards. Generally speaking, the food was very fresh and clean. The staff was helpful and the service was efficient. There were many choices of hotpot ingredients and I particularly like the instant noodles which tasted so different from other hotpot restaurants. We will definitely give it a try at dinner time!

知道來自日本🇯🇵既𝐒𝐡𝐚𝐛𝐮-𝐒𝐡𝐚𝐛𝐮火鍋放題餐廳🍲最近新推出左𝐒𝐮𝐤𝐢𝐲𝐚𝐤𝐢🤩有日本產🇯🇵黑毛和牛🐃，仲有北海道夢之大地豚🐷梗係唔洗諗，即刻去食啦😚~•~•~•~•~•~•~•~•~•~•~•~•~•~•~•~•~•~•~• ▪日本產黑毛和牛及北海道夢之大地豚壽喜燒 • 𝟗𝟎分鐘 ($389)餐廳🍽供應既係關西風壽喜燒❣️關西風就係以煎既方法去烹調和牛🐃逐塊逐塊和牛🥩咁放入鍋中，輕輕煎煎後🔥就可以淋上壽喜燒汁(黑色樽🖤)，再等多一陣，俾塊和牛索一索汁🤭點埋生蛋🥚就食得啦🥢.𝐒𝐮𝐤𝐢𝐲𝐚𝐤𝐢既套餐係日本產🇯🇵黑毛和牛🐃(可無限𝐑𝐞𝐟𝐢𝐥𝐥❣️)油脂分佈好均勻 • 霜降狀既雪花紋路❄️用壽喜燒方式，更易迫出牛脂油香，食落真係係口中散開🤤. 💁🏻‍♀️大家唔洗怕唔識煮 / 食用方法，餐廳好細心💕有個𝐐𝐑 𝐂𝐨𝐝𝐞俾你嘟📱，打開𝐋𝐢𝐧𝐤就有詳細教學👨🏻‍🏫𝐒𝐭𝐞𝐩 𝐛𝐲 𝐒𝐭𝐞𝐩，一定唔會唔識啦🫶🏻.而豚肉🐷方面就有𝟐種，分別係💁🏻‍♀️北海道夢之大地豚肉 • 北海道夢之大地豚西冷同樣𝟐款都係可以無限𝐑𝐞𝐟𝐢𝐥𝐥❣️食完黑毛和牛，就開始食北海道豚啦，轉另一種方式係(白色樽🤍️)係湯汁🍲𝟐款豚食落肉質

今日嚟到葵芳去新都會廣場嘅但馬屋，餐廳位於新都會2樓，位置都好方便🙈，入到嚟嘅日式風格簡約得來令人舒適，而且仲可以睇住師傅將啲肉切出嚟，睇住和牛一片一片咁樣切出嚟，真係睇到流晒口水🤤。-我哋叫咗90分鐘 壽喜燒 - 日本產黑毛和牛及北海道夢之大地豚套餐。由頭到尾自己一手一腳處理，唔識整都唔緊要，隔離就有個QR code，掃一掃，教你成個步驟點樣處理😂。。黑毛和牛同豚肉睇落好吸引🤩，脂肪分布均勻，食落好肥瘦適中，入口即溶，而且肉味濃郁。再加上壽喜燒醬汁，味道一流😋。除此之外，少不了嘅係蛋液🙈，經過壽喜燒醬汁煮過嘅肉，再浸過蛋液，令到個肉質口感更加嫩滑，無論口感定係味道都更上一層樓❤️。。

諗住夜晚打下邊爐，去左呢間但馬屋食晚餐，食物質素OK,但食食下野發現張枱會搖，仲倒瀉了少許熱湯，幸好沒有淥到，但勁驚。我覺得呢間餐廳做事十分馬虎，沒有檢查清楚枱腳是否安全就給客人坐，大家黎食要三思呀！

今日中午經過新都會 突然好想食打邊爐就同屋企人入咗呢間一人一鍋嘅餐廳入到去環境都幾ok 唔會話好迫我哋選咗90mins嘅All you can eat 湯底就有幾款可以選擇，而我就選擇左蕃茄芝士，屋企人就選擇左麻辣湯底。佢哋係豬牛款式就唔算多不過味道算ok唔錯，除咗牛同豬之外其他野食同無酒精野飲就可以係外面拎食物種類唔算多 不過都可以接受有埋雞同魚，唔會話得丸同菜睇得岀係有誠意。甜品方面就有四款雪糕，味道都唔錯。特別欣賞呢度員工服務態度幾好。有機會再嚟食

中秋前夕，老公多野做收晏少少，我放咗工就去攞定飛，行陣街等位食火鍋放題😉呢晚人唔算太多，比想像中快有位 湯底揀返我地鍾意嘅甘露鍋同埋美人鍋Order咗$369 嘅和牛set 入座後，自己攞飲品、自助bar攞蔬菜醬汁好快趣職員已奉上牛肉及豚肉，等湯底滾起便可烚吓烚吓開餐了😋 一如既往，食物質素不錯，職員服務爽快，態度很好，所以我地都經常幫襯❤️