低調高手大街小食

营业中

休息中

筲箕灣有間雞蛋仔出哂名個名低調得嚟又有啲高調低調高手大街小食，明星kol 都成日幫襯架啦今次食佢嘅夾餅，外脆內軟，花生醬，煉奶同牛油嘅比例好滿足仲有少少砂糖點綴下，每一口都食到佢嘅醬，食哂成個好滿足😍😍

原本諗住去鶴嘴打卡📸️但突然落雨又凍~~即刻轉行程去掃街🤩今日就同大家分享下東大街人氣必食高質小店💛.📌黃金雞蛋仔 $32一出地鐵站就已經聞到陣香味😍連謝霆鋒都有推介仲拜師學藝 難怪每日都大排長龍🤫即叫即整 拎上手仲熱辣辣 冬天食超正😚雞蛋仔最緊要外脆內軟 呢到真係做到‼️一半係空心脆口外層 一半係綿密濕潤嘅蛋糕👍🏻又夠蛋香 唔會好甜🥚每粒雞蛋仔都包住鹹蛋黃 鹹香味十足😋.📌原味格仔餅 $21成日好好奇雞蛋仔同格仔餅嘅蛋漿係咪一樣 原來係九成一樣 不過格仔餅就少油少糖啲 因為要加邪惡嘅內餡😈呢到連格仔餅都好高質🧇竟然唔係成舊淋 係外脆內軟🤤入面夾住牛油, 花生醬, 煉奶同砂糖 簡單嘅味道就係最好食😋可以要求佢地分一半 同朋友開心share🥳不過略嫌佢啲餡唔夠多🥺但係咁就會冇咁漏可以食多底雞蛋仔😌

帶小朋友遊電車河去到筲箕灣嘅電車總站，坐車坐到我呆咗，落車就梗係即去東大街搵食啦。去到東大街第一件事一定要去買雞蛋仔先，之後先再去搵其他嘢食，因為雞蛋仔要等好耐。邊等邊去搵其他嘢食，咁樣唔覺唔覺就輪到你去攞雞蛋仔㗎喇。等咗大約一個鐘多啲終於有得食喇，個雞蛋仔外脆內軟，又唔會太甜仲有陣陣嘅蛋香，真係好鬼好食。個雞蛋仔唔洗5分鐘消失咗，我好後悔只係叫得一底仲要三個人分，完全唔夠喉，下次要叫多底唔洗爭😝

📍低調高手大街小食Probably every one knows about this place for their amazing 雞蛋仔egg puffs. What I like most about them is the consistency of their quality. Having had it for years, they are able to maintain their quality. Their egg puffs are crunchy and with a strong egg taste. It’s way way way better than the one in North Point. If you want the traditional type egg puff, this is one of the best in HK. If you like the trendy ones, then Mammy’s pancake is the one. Price: HK$20Revisit: 10/10

呢間小店最出名賣雞蛋仔，出名到我呢個九龍人都成日聽。咁啱行過筲箕灣，梗係要試一試呢個“高手”嘅手勢啦！————————————————🥚 原味雞蛋仔, $21（4/5）雞蛋仔個心有一半都係空心，食落外脆內煙韌，有少少蛋香同唔係好甜，整體唔錯。不過凍左會冇咁脆，所以記住新鮮整起後就要即刻食啦。————————————————

去得東大街 點會食完個晚飯就走呀😂梗係去買底雞蛋仔啦(其實我鍾意格仔餅多啲 但無人同我share🧇 同上次食過)都唔好話 夜晚8點鬆啲都要等幾個之後仲陸續有嚟🚶🏻‍♀️🚶🏻🚶🏻‍♂️🚶🏻‍♀️🚶🏻🚶🏻‍♂️因為都係即整 所以交到我手嗰陣都仲係熱辣辣但因為真係有啲飽 就叫佢比袋入住返屋企先食我喺車度已經偷食咗幾粒果然嘢係要熱辣辣食一開始食真係會停唔到口但喺街就收斂少少🤏🏻原味雞蛋仔 $21 🙆🏿‍♀️落嘅漿啱啱好 唔會太多或太少調味亦剛好 唔會死甜亦無燶 而且外脆內軟原底齊齊整整咁入袋 又無甩皮甩骨所有嘢都係我鍾意嘅方式咁呈現💛❎ 加一服務費

食完粉麵覺得都仲有空位咁遠水路出到港島一於就試多少少啲區內名物見到雞蛋仔都有幾隻味但有其他口味既就已經叫價三十起覺得都係要番底平平地既原味試左好味再算—————————-原味雞蛋仔（$21）咬落的確係外脆內軟個別有啲位置略嫌脆得黎硬左啲咬落咔咔聲好似食緊餅乾咁甜度適中蛋香味有但唔算突出—————————————未必算係最出色既雞蛋仔但都算係好食既今次只係等左十分鐘左右就有得食如果好長龍要排成半個鐘既話就不了

今日同女朋友去鶴咀，所以先去筲箕灣醫肚女朋友好鐘意食格仔餅，今次就同佢試呢間出晒名既雞蛋仔同格仔餅我地叫左一份格仔餅，鋪頭好貼心，有得分半~因為好多單，同即叫刻整既關係，等大概15分鐘就有喇~新鮮熱辣既格仔餅，好脆口~一咬落去，入面爆晒汁，mix埋既邪惡醬汁包含牛油、花生醬、煉奶、砂糖，好好食食既時侯記得記得要打橫放，唔係D汁就會流晒出來啦~仲有，要拎定紙巾，女朋友就係食到周圍都係，隻手又笠痴痴，成個大細路咁！😛

港式小食何其多唔知大家最鍾意食乜🥰燒賣魚蛋？煎釀三寶？雞蛋仔？蛋撻？碗仔翅？愈講愈肚餓😮‍💨云云小食當中 雞蛋仔應該都有唔少fans😋可謂男女老少都岩食！每次黎開呢區都會幫襯高手除左原味 仲有甜、酸、苦、辣、鹹既口味有機會要試下呢個👆🏻「人生」味道🤣筲箕灣既低調高手以及新蒲崗629 雞蛋仔都令我印象最深刻鍾意食雞蛋仔既你 不妨試試❤️雞蛋仔即叫即做🤤果日我等左十幾分鐘 手執熱焫焫雞蛋仔未食已聞到蛋香脆！咬落真係有聲既脆！外脆內軟無講大話 內餡半實心少少煙韌綿糯 唔係得層殼 亦唔係雞蛋糕咁厚重 甜度適中 原本一粒粒食😂後來要四五粒四五粒咁食唔洗三分鐘⋯得返個吉袋😌

中意食雞蛋仔嘅唔食呢間唔得啦！東大街必食小食之一😋中意掃街嘅我，行過筲箕灣就想嚟一底雞蛋仔！除咗雞蛋仔賣，入邊仲有格仔餅，不過我就得一個人食唔哂🤣—————————————《雞蛋仔》- 雞蛋仔外脆內軟，成底都充斥住蛋香，入邊半軟，口感似咬緊表面係脆而入邊係蛋糕質感，味道唔會話冇味或者係死甜！價錢唔平唔貴，可以接受，等嘅時間都唔係太長，怕等嘅可以買住其他嘢食等。評分7.5/10 🥰—————————————

東大街掃街,勁爆名物 個名已經好型 低調既高手!筲箕灣覓食 呢間雞蛋仔已成名店,開業11年一直排長龍!堅持每一底都係即點即製!不會預先製! 買2底有得平1蚊!雞蛋仔而家咸蛋味,原味,朱古力粒,蘋果肉,辣肉腸口味!唔會太多口味,集中做好!原味雞蛋仔$21一底 黃金雞蛋仔 $32老細下鹹蛋黃絕不手軟,連邊位都吃到滿滿的鹹香風味咸蛋粒碎!做到外脆內軟，外殼和餡比例恰好就考功夫了!真功夫!平均消費$32評分8/10低調高手大街小食地址: 筲箕灣筲箕灣東大街76A號B3號舖地下

低調高手大街小食📍筲箕灣💛🍳原味雞蛋仔 $21做傳統雞蛋仔嘅舖頭越來越少，好食嘅就更加少🧐呢度嘅雞蛋仔皮薄而且脆，入面個心軟綿彈牙，食得越耐就越有蛋香🤤係童年回憶嘅高端版🤩推薦程度：★★★★★★

每次去筲箕灣都一定會去東大街既低調高手小食買雞蛋仔同格仔餅。我哋一家都係佢嘅超級粉絲。原味雞蛋仔*$20即叫即做，外脆內軟，有豐富既蛋香。我覺得係最好味嘅雞蛋仔😋格仔餅🧇*$20同樣都係即叫即做，超多煉奶花生醬，一d都唔孤寒。香濃既蛋香，非常鬆脆。雖然叫低調高手，但係條龍就一d都唔低調。但係等都係值得既👍🏻

雙辣雞蛋仔Price：$32📌呢間鋪出名好多奇形怪狀味道既雞蛋仔同夾餅🤣辣既雞蛋仔食過未先！每粒雞蛋仔入面都有辣台灣腸粒，而且仲充滿胡椒味🥳辣道都幾充足惹味🤪即叫即做仲熱辣辣脆卜卜架😚

東大街名物-低調高手雞蛋仔即叫即做，熱辣燙手假期有唔少人排隊買雞蛋仔。蛋餡達一半，蛋香味及甜味都平衡得不錯。外殼厚薄適中，軟熟也夠蛋香的吃起來夠脆而口感唔錯的。水準仍然不俗的滿分5粒星🌟—————————————-環境：🌟🌟🌟味道：🌟🌟🌟🌟服務：🌟🌟🌟CP值：🌟🌟🌟