何俊記

营业中

休息中

一向對食燒鵝的要求很高，試過很多地方，的確有些很出色，但一分錢，一分貨，價錢相對比較貴，四百多元一隻燒鵝，實在是昂貴食物。今次經朋友介紹，特地到來上水尋找隱世美味燒鵝，果然不失預期，嘗試了一隻很出色的燒鵝，先說是外皮， 橙紅色的外皮，加上小許油脂， 未吃下，已經感覺非常惹味，果然，外皮十分香脆， 我夠膽說，全隻鵝的外皮，吃下的時候，也能發出脆脆的聲響。而燒鵝本身肉質的味濃而不騷，肉與脂肪比例恰到好處，一層薄薄的脂肪，加上皮及肉一同吃下，口感豐富。不枉我山長水遠，走到去上水街市，品嚐這隻燒鵝皇。

石湖墟街市的檔口光顧得七七八八，午市覺得此店最抵，一盅排骨飯連湯及菜，廿蚊有找，夠化算了吧？排骨是另外蒸，客人點時再放上去，欠了點誠意，不過飯粒反而更乾身，見仁見智的安排。例湯是花生湯，不要太多要求還可以，再加幾片椰菜，簡簡單單又一餐。

媽媽話好想下這兒的車仔麵，所以我便陪她來吃，我吃隔鄰成泰魚蛋王吃魚蛋粉，而她就吃車仔麵。媽媽叫了牛腩、豬皮、生菜跟粗麵。好好味，原來佢地湯落了一種好香的味道，因為我媽媽本身有糖尿病，要食藥的關係，所以吃完藥口內會有一種銅臭味，令她非常不服務，但她吃完車仔麵後，ｄ湯會蓋過了她口內的銅臭味！而我亦試過，真的好好味！但佢那些例湯就好似未滾熟！服務態度不錯，下次我會試下佢地的白切雞飯。

差不多下午茶時間,人流漸少,上水街市熟食檔都試過一半,都係時候試呢間.雙併飯都唔駛廿五蚊,仲有例湯.叉燒鴨飯 : 一早講明多色,點知都係唔夠,要自己再加,叉燒是半肥瘦,蜜汁掛得幾平均,肥瘦是三七比,是我鐘意的一種,夠軟熟,肥的地方亦豐腴,鴨是胸位夾雜一些只得皮同油脂的鴨件,份量當然不多,而且有點死實,下次都係要切雞好 d.

今日同左阿媽行完街...之後去左街市食飯la~~個陣係lunch….所以勁多人啊~~行過每1間店..佢地都叫我地"食飯有位!!"之後睇左好耐都唔知去邊間食好..只好是是但但搵一間食飽就算啦!!!黎左e間叫"何俊記"...見到個menu好多飯好似好正啦!!!由於好耐冇食過菠蘿排骨飯..所以點左e個!!過左冇幾耐...就黎左啦!!!第1眼望到.....................嘩...好多汁lo…好多菠蘿lo!!!排骨 - 唔係好多都算la…仲有好雪味添!!青椒 – 冇煮過..好生...無奈飯 – 硬硬地既飯..唔吸引我lo~最後，成碟飯我就係菠蘿撈飯!!!!!!!如果早知咁難食.....叫炒飯仲好過!!

10月30日一點幾食下午飯,本來想食發記,點知今日竟然休息....為有食其他啦~~~行左個圈就決定食何俊記燒味..就係發記對面....食飯時間石湖墟市政熟食中心得幾間係日日都多人~~何俊記 係其中一間,我一個人所以都有位,如果三四個就難D喇~~~~叫左碟肥叉燒鴨飯~~$23(有例湯送,不過我無飲),不過等左成兩個幾字先黎~~多人到做唔切....先講肥叉,買相OK不過得小肥唔多正(本人鍾意食半肥,食叉燒唔食肥不如唔好食)食落口D味都好得,如果再肥D一定仲正~~~今次叫左燒鴨俾燒鵝平5蚊....點知就出事(早知就食燒鵝啦)~~~~我真係頂唔順D"蘇"味~~~不過D皮好翠,D肉好"淋"....係味道我食唔到.食左兩件就唔食...如果鍾意果種"蘇"味就一定鍾意食.....服務就OK啦~~~你叫佢佢一定應你...不過我無要例湯,旦係我等碟飯黎果時~每個行過都問你一次要唔要例湯都幾煩~~~~~

昨晚走去上水街市樓上何俊記食燒臘飲啤酒，叫咗一碟例牌燒鵝。原先想叫碟雙拼，但因一支公，驚食唔晒，唯有只叫咗何俊記出名嘅燒鵝，而無要我嘅至愛-----燒肉，佢嘅燒肉都好正嫁。今次燒鵝亦很正，皮好脆肉好味，放上枱仲出緊煙，真係佩服師傅都唔知咁熱，都可以用手揸著隻鵝嚟斬。