何家雞

营业中

休息中

某日，中午來到沙田中心整少少野。當我去到沙田中心商場二樓既外圍，見到這一家名叫《何家雞》的小店，腦海中，立即哼出了 "何家公雞何家猜" 這一首兒歌。我一路哼 "真怪誕呀又有趣........" 一路行去店前。噢! 原來是一間手撕雞既專門店。我辦好事，回公司前，就買個飯盒返公司食啦。對，我的午餐就是其招牌的手撕雞飯。一盒美妙的我選的是麻醬鹽焗雞，一份雲耳做前菜，同一個夠剛好夠份量的飯，包埋盒紙包飲品，總共 $55，都算做抵食。我要求了走辣，所以只是一個麻醬鹽焗雞。一打開，已經散發出濃濃既麻香味。後來也有點點的悔恨要求了走辣。感覺上，有點點的辣，味道會更惹，更過癮。而不辣的版本也不差，因為麻醬夠香，雞肉爽嫩，送飯，也是不錯的啊。我買的是套餐，包了一個飲品之餘，仲有個小食。涼拌雲耳，也是有少少麻油香的。爽爽脆脆，連同雞肉，連同飯一起吃，更是可口。這一餐，不怪誕，但真是有趣。因為店名的確是有趣，而且這一個手撕雞飯飯，真的很好味道，也可以多給一個趣。非常好。

偶然間發現呢一間小店因為平時響呢頭返工成日諗咩食都好頭痕發現到呢度之後已經成為我食lunch 既首選香妃雞飯睇menu介紹呢款雞係用左好多料去浸呢隻雞果然真係好好食！肉同埋雞皮都好嫩滑而且份量仲好多配埋白飯好好送飯有時就咁外賣半隻雞一隻雞返屋企加料都好抵食見到新推出左個藥膳雞腳一試, 好香濃！個藥膳湯底超足料，飲完個身都暖埋雞腳都已經入哂味,雞腳好腍身好滋補希望沙田可以多小小呢啲小店，又或者多啲人支持如果唔係就只可以食集團了

忍唔住第一次喺OpenRice寫食評喺外賣平台嗌咗個口水雞午餐，90幾蚊一個餐，內容包括口水雞、白飯、涼拌同250ml盒裝茶。滿心期待，點知一打開盒雞，全部都係啲骨、雞翼尖同雞爪，唔係話完全冇肉嘅，要「妹」都「妹」到少少肉嘅，但係每一舊都係咁喎⋯⋯大失所望

新開張就試下。個川辣汁出奇好食，其他地方食唔到喎。叫左尖椒皮蛋，皮蛋都幾好，有少少溏心，最緊要個汁真係好好食，辣之外係非常香，同埋有少少我講唔出咩名既尖椒係入面，個椒好似唔係辣既但好香。份量好夠，個紅油真係無得頂。手撕雞幾滑，又入味，海蜇都靚，好爽脆，唔韌亦都唔淋爛，望落個樣好似普通但係個味好香。等緊外賣時見到原來有得預先用電話落單，又可以用外賣app叫，早知來之前叫定先唔侯等。呢間好食，會再幫襯。個紅油真心勁。

最近經過沙田中心開咗間新既外賣店，試咗一次就成日都好想再食尋日又再經過，打包咗勁多小食番屋企加送！大推！尖椒皮蛋 係好少店家會採用既優質流心皮蛋～加埋偏辣既尖椒醬汁，一旦皮蛋兩度完美嘅配搭，真係一試難忘，食完過幾日又會想再食多次麻辣手撕雞半隻老闆特製嘅香辣醬汁真係好辣，不過食完唔會話重味都好想係咁飲水，食得辣可以嘗試加辣，真係會一邊流眼淚但又好想繼續食酸菜魚 係一種可以飲得嘅湯底，完全唔油膩，雖然湯底偏酸，但係好開胃最欣賞佢有豆卜，芽菜，雲耳，同埋大量嘅酸菜，全部都係完美嘅配搭

第一次食，本身都喜歡川菜，見佢新開諗住試吓主打嘢就唔試啦試吓啲小食俾個機會佢，味道又唔錯喎，海蜇好好味，尖椒皮蛋好惹味，水晶涼皮不過不失，下次可以試吓啲主打菜式

沙田經過見新開，買咗半隻鹽焗手斯雞擋加餸，開頭驚太鹹阿媽唔鍾意，結果佢都話啱啱好，唔太重味，多肉足料，下次要試吓其他餸，我會考慮試吓乳鴿，下次試完再report, 值得推介！👍🏻

今日經過沙田中心，本來一直都無行開個邊。但因為有d野要做，所以要經過⋯原來以前齊柏林熱狗個位轉左間新鋪。見到個名幾過癮「何家雞」試下買d麻辣小食黎加餸估5到原來甘好食😋😋我個人係好鐘意食皮旦，對皮旦有點兒要求！大部分既皮旦都有陣鐵銹味定鉛味好重。但佢既糖心皮旦係無個陣味之餘仲流心，好好食，真係一流！聽佢地個女仔講話手撕雞都好好食 好多客買個人值得推薦一下呢間野👍🏻👍🏻希望佢地可以繼續保持水準因為沙田5係太多間有甘好食

今日路過沙田中心 見到新開張的何家雞 客似雲來 即管排一下隊 買蒜泥白肉 何時已晚 已賣曬 見店員介紹後 就担粗粗買咗夫妻肺片來一試 本不吃辣的我 見到辣味可以選BB辣 就一試愛上 真的爽辣 好野味 如份量多一點就好了🤭

今日行過沙田中心 見一間新開何家雞 就買左夫妻肺片一試 估唔到平時唔食辣嘅我 今次就選了bb辣 醬汁 辣度 不錯 而且 肺片爽口 美味 值得一試店員好友善 會主動介紹食品 舖面乾淨衛生👍