佛友源素食

营业中

休息中

街坊素食！！！經常光顧❤️❤️❤️因為食物品質類似家庭的味道，老闆和店員都很親切，素食店鋪不多，對於素食者有素食店在家附近已經是很幸福的事情，用心做素食🥒推廣素食 佛誕會休息三天，週日也休息，路過的素食朋友都可以進來買件蘿蔔糕試下！！！初一十五會有素雞髀🍗用腐皮製作之後拿去炸 ，味道非常OK！！！建議試試 但只限初一十五 ，所以需要留意，不知有無住係附近嘅街坊都認識這間店！！！想食就來試試！！！祝福大家心想事成！！！

小弟作為（間中）素食主義者，最近帶寶寶去呢間地道素食朝聖吓。一嚟到，果然好地道，唔熟地頭都唔識叫餸，友善嘅姐姐即刻上前介紹有咩食同點樣叫，呢到嘅三餸飯，先同姐姐叫餸，再自助飯、湯，姐姐仲好細心咁問我地食唔食辣，再做推介。食物預備好，寶寶叫咗素腸、鹵味、薯絲，我叫咗2種素鴨、茶芯，食落口，食物稍涼，但素鴨有西檸汁嘅加持，甜酸適中，清清地，幾好。嚟朝聖，梗係叫最出名嘅春卷，但由於晚市，姐姐話已經賣曬，蘿蔔糕煎嘅都無，不過可以幫我地即蒸，暖笠笠，蘿蔔粒口感十足，正。唯一有意見，就係份量好少，每餸得3件，不過白飯任添嘅。小弟食完唔太飽，寶寶返到屋企都要搵嘢食。不過，店員態度都令素友有愉快體驗，讚

呢間一直都想試下，但長沙灣實在太多間美人，好難揀到佢，今日自己一個食，又想清少少，又想平，就想起佢，我都係見到open rice 2019年有篇食評寫佢賣$35 有三餸飯 所以先想來試下，入到去間店好細，都係望牆bar 枱位，個$38估唔到咁多年都係加左$3, 幾叫左個三餸，三色蛋、菜心、紫菜鴨，跟住就係自助裝飯，d 飯比較圓，有d 似日本米，都算好食，紫菜鴨好咸，但應該唔關佢事，好多時素鴨買返來都係勁咸，炒菜就正常，三色蛋味道都可以，最驚人就係個湯，竟然係涼茶，仲等我期待係好好味既素湯，好苦既涼茶，飲左少少，去裝左半碗粥清返個口苦味，整體都ok，可再來。

喺呢區想食素早餐，又唔想食麥記嗰啲食到滯曬新餐肉，呢度係唯一選擇，清清地嘅竹卷麵，有啲菜心，食到好飽😵不過我比較鍾意佢地初一十五先有既素雞髀。雖然話係早餐，不過10:00去到已經見到有個阿伯食飯，我諗如果上午只係食餐牌上面第一，二嗰啲素紫菜鴨，佢哋就會有飯食，只係咁早就冇其他餸揀。

好耐無食素，今晚專登去食素食。點咗個兩餸餐，西檸素鴨及南乳素芝麻鴨。白飯可以無限食用。又有素湯送。售價$35。環境好乾淨。可以安心食用。個白飯好軟身。個西檸素鴨有鴨肉味。南乳素芝麻鴨好重南孔味。兩者素鴨都好高質素。重有菜心送。其實係三餸飯。誠意推介給素食人士。

到戰前弧形唐樓拍照後，我便走到對面的佛友源素食吃午餐。素食店在一個舊式小商場內。 從側門進入，第二個店舖便是了。 不難找的。店子面積小。 裝潢十分簡單。 但很整潔。 客人用餐完畢要自行收拾餐具。店內的座位不多。 所以，店外也提供少量座位。 是面對店舖牆壁的單人排座。素食店對面也有舖位。 但只用於放置冰箱。另有湯放在那裡，讓客人自行添加。 應該是飯餐才有湯奉送。 我點湯麵，所以沒有喝湯。客人於小店的廚窗前下單和付款。 食物要自己取。 但當時店內只有少量客人已在用餐中，不太忙碌的店員替我取餐。這裡的廉價餐點，很適合我這種消費能力低的人。 我看別人的飯餐份量一點也不少。 別以為價格便宜，份量便不足夠啊。時菜雲吞湯河，$26。這麼熱的天氣只想吃輕餐和有水份的食物。雲吞體形不小。 內有木耳、腐皮、紅蘿蔔、椰菜和素腸。味道濃郁。 雲吞皮薄而軟滑。 不過開口位置重疊雲吞皮，會比較硬和厚。河粉幼細軟滑。 湯頭的味道反而淡。有一點要注意，店子的英文名稱有「vegan」一字，但部份餐點並不是純素。 下單時請向店員查詢。

本沒打算吃飯，但偶然路過，原來佛友源就在這𥚃，真有緣，怎樣也試試。午飯八款菜選三，我選了西檸鴨、紫菜鴨和羅漢齋，出來的很奇異全是腐竹類的東西，下面是一大堆菜，尋常的羅漢齋不見了，樣子是有點不中看，但卻十分好吃，原來紫菜和腐皮是絶配，其他腐竹也煑得满有豆香，任添的菜乾雪梨紅蘿蔔湯淡得來有各種菜味，我竟由不餓變成胃口大開，吃到大半碗飯。菜牌上有粥麵、素雲吞、腐皮巻林林總總，食客們都是熟客，有位伯伯叫碗了碗齋麵，也不是尋常沒餸的麵，是一碗放满餸的麵。 我從那一扇收錢和傳食物的小窗，聽見擠在小廚房的姐姐拿着一小顆生菜芯，問叧一位姐姐留下它炒飯好嗎? 真心的惜食，致敬。

堅成找到這間素食店， 點了一個素鴨，廚房姐姐說加一點南乳齊給我，又問我吃不吃菜心的，就餸加得大堆頭。是自助形式， 自助添飯自助收拾。當我拿著餸菜環顧著，一位阿姨著我去添飯，介紹我 喝湯，還著我喜歡吃幾多就吃幾多，這裡可以隨自己吃個飽。邊吃邊聽到街坊們「咸旦都冇晒?」「菜又冇?」廚房阿姐笑騎騎「今日唔係好夠餸」接著又傳來小男孩的聲音問「姐姐冇飯喇」廚房阿姐馬上說「有有有，剛煮好的」又另一位大叔「今日有咩靚餸?」味道雖然稱不上怎樣，但這裡吃到的~~是人情味。最後$35的大堆頭齋菜，我吃了兩大碗飯。

呢間素菜店係我誤打誤撞咁食起。有次經過見到就入去睇下有咩食。佢地有午市套餐，仲要寫明白飯兩碗，粥，湯任裝，咁我就點左個羅漢齋試下。姐姐好快手咁比左碟小菜我，入面有冬姑，發菜，雲耳，腐竹，菜芯。而粥，飯，湯就自己去裝羅漢齋煮得好好食，又唔咸，但清得黎又入味，所有材料都煮到好淋。用黎送粥送飯真係一流。完全唔覺得加任何味精。粥，真材實料，非常之綿，仲好有米香，碗粥絕對唔係稀水，有粒粒飽滿既米。好好食飯，估唔到係類似珍珠飯既口感。黏性，但又唔會淋，每粒米都好香，好有飯味。但個湯就好似水咁無味。每次黎都要食番幾碗粥先滿足。雖然店面細細，但經常好多人都黎光顧。值得推薦！

朋友有茹素的習慣咁我唯有陪佢食一次齋順便清一清腸胃好彩今日唔多人唔會逼入去叫左個三餸齋菜套餐分別係1. 時菜齋鴨3. 蘿蔔山根燴豆腐4. 八珍鮮腐皮上菜時三樣混埋一碟味道唔錯可能因為有山根所以素菜比我想像中油膩齋鴨有點硬呢個套餐包左2碗白飯果度要自己裝飯份量充足套餐包埋個湯但好似比人飲哂就無有既話可以自己裝不過我今次無飲過不作評論呢個三餸套餐$34對味道要求唔高而又想填飽肚既呢間真係幾抵

今夜去屋企附近一家素食店食齋。我個人點咗三餸飯。價錢$34。有湯送。三餸有素鴨、炆大腸同時菜。個湯太清，同飲水無分別。三個餸都係無味精。好食，明明好似食肉。但其實係齋。適合初學素食者。值得推介。

很多時我們選擇素食店，除了味道外，都會注重是否有很多菜式嘅選擇，如中、西、日式等；蒸煮炒炸焗等，忽略了基本素食背後的意義及自然的味道。呢間食店係長沙灣區已經營超過二十多年，縮立在一間舊小的商場內，大約有十六人座位，家庭式經營。款式非常簡單，以湯粉炒麵及碟頭飯為主，另有每天六款配餸飯，可組合單餸($27), 二餸($29), 三餸飯($31) 跟烚菜及任添例湯加最多二碗白飯或任添白粥，街坊生意，其實都好低食。不過配餸是會放埋一碟，不同味道的餸汁及餸菜會有機會混和一起，味道有時令人感到怪怪的。 今晚我揀左煎薯仔餅加竹卷拼鹵水蛋，另例湯係南瓜紅豆湯，其實味道有啲淡口，但我反而接受。如喜歡強烈及濃口味的朋友便會覺得淡而無味。

今次嚟佛友源同以往一樣，要左個三餸飯($31白飯，白粥，湯自便任食; 三餸揀左薑蓉紫菜鴨，素回窩肉，紅燒扒根)，女友要碗時菜竹卷湯麵($14). 不太喜歡素肉，亦不太鍾意濃味，所以三個餸我只係比合格，最鍾意個薑蓉紫菜鴨.個薯仔黃豆湯就唔講得笑，對其他人嚟講就太清，我就非常喜歡，飲完一碗，食完飯再要左碗淨湯渣 女朋友嘅時菜竹卷湯麵要左公仔麵，麵上大竹卷(散叫$5)係每次嚟都會叫嘅美食，個湯底離奇地甜，可能係味精嘅關係，但係應該唔算重手，食完無口渴. 佢地嘅食物雖然唔算特別出色，但係我每次經過呢區都好樂意幫襯，支持吓呢d賣素食嘅家庭小店!

星期五同朋友嚟左呢間食晚飯，左諗右諗唔知食咩好…最後叫左粟米粥+羅漢齋飯 yummy白粥+白飯任盛…隔離個客叫左個齋橯麵，話就話32蚊，原來都好大碟，俾我一定食唔哂，仲送埋湯…抵到死口感唔錯…可惜我住南區，下次我會再嚟食過

以前都枕住幫襯呢間，不是因為好食，只是沒有選擇，因為只有一間素食店。但枕住幫襯的後果是水腫...因為佢地好重味精...而且唔好食...都係兩 / 三餸飯之類，D汁又撈埋一齊，其實並唔好食，再者，佢地改左營業時間，早左收(而家好似收9:30，以前10:00都仲有人的) 。對於我呢個響附近大專讀書0既人，9:30先剛好放學...所以都冇幫襯好一陣子了....琴日GUIDED LEARNING，8點多D就放學...心血來潮，再來幫襯一次...希望佢水準會好一D..一去到..E ~ 有 CURRY薯仔 同蕃茄豆腐....都係我鐘意食的...就叫左個2餸飯...例湯係羅宋湯...本住開心的心情...似乎都係我喜歡的食物...點知... ... (補充: 2餸飯連任食0既白飯同湯，係 $28) 羅宋湯...冇料的...清澈見底... 有少少蕃茄味0既清湯就係羅宋湯... ... CURRY薯仔....冇味，微溫，但多薯仔，都OK...但係出完我果份，佢就用張紙封左呢個餸....即係我係最後果份 蕃茄豆腐....凍...一個凍0既餸....唔係冷盤，已經冇野可講 底襯左D黃晒，老晒，梅晒0既西蕳花.