佛友源素食

营业中

休息中

小弟作为（间中）素食主义者，最近带宝宝去呢间地道素食朝圣吓。一嚟到，果然好地道，唔熟地头都唔识叫𩠌，友善嘅姐姐即刻上前介绍有咩食同点样叫，呢到嘅三𩠌饭，先同姐姐叫𩠌，再自助饭、汤，姐姐仲好细心咁问我地食唔食辣，再做推介。食物预备好，宝宝叫咗素肠、卤味、薯丝，我叫咗2种素鸭、茶芯，食落口，食物稍凉，但素鸭有西柠汁嘅加持，甜酸适中，清清地，几好。嚟朝圣，梗系叫最出名嘅春卷，但由于晚市，姐姐话已经卖晒，萝卜糕煎嘅都无，不过可以帮我地即蒸，暖笠笠，萝卜粒口感十足，正。唯一有意见，就系份量好少，每𩠌得3件，不过白饭任添嘅。小弟食完唔太饱，宝宝返到屋企都要揾嘢食。不过，店员态度都令素友有愉快体验，赞