影片
以上资料只供参考，请与餐厅确认详情
今晚收工唔想煮饭，就即刻叫咗外卖返屋企～👀早排朋友推介咗一间专卖羊肉面嘅小店，话够晒地道，我都忍唔住试吓！叫咗招牌羊渣面同韭菜猪肉饺子🐏～汤底浓郁但唔腻，暖笠笠好滋味。羊渣炆得够晒入味，完全冇膻味，配埋粗面条，咬落去好有口感，真系超正🤤饺子可以拣汤饺或炸饺，我拣咗即炸𠮶款，外皮香脆，里面馅料超足，有啖啖韭菜同猪肉😍 仲有佢哋自家制嘅饺子酱，带少少腐乳味同微辣，点嚟食超级夹！外卖包装好整齐，送到仲系热辣辣，冇走味～CP值超高💯夜晚唔知食乜？呢间小店真系值得一试！
继续阅读
特色风味辣香浓郁羊肉羊渣面汤头以猪骨及其他材料长时间熬煮，入口浓郁而不腻。配料都好丰富，有羊肉片，无膻味且保留嫩滑口感。羊渣，即羊肉碎，炒至酥香脆口，有嚼劲。另外仲有腐竹，吸满汤汁好入味，娃娃菜亦清甜爽脆。面底拣左上海面，挂汤力强，仲可以自选辣度辣，不过我唔食得辣就走左辣😆另加配左韭菜饺子，配埋猪骨汤底好正。龙眼花旗参蜜，呢款系自家制，补气生津，而且少甜，不错。
继续阅读
比食评呃咗真系好难食食咗一啖就放弃所谓嘅系湾仔码头水饺总之就好难食啦差差差差差差差差差差差差汤底又酥又奶千祈唔好试 试左一定后悔嘢饮仲要劲淡 一啲味都冇浪费时间同一个lunch既金钱
继续阅读
呢间店已经成为咗我哋一班朋友嘅聚脚点，每次聚会都会叫佢哋嘅外卖饺子！无论系食物定服务，都令人非常满意。佢哋嘅手工煎饺子真系太吸引，皮薄馅多，煎得香脆又唔油腻，就算外卖送到都保持到水准！🥟 每次食都忍唔住要encore，仲要推介俾身边嘅朋友，个个食过都话正！绝对系我哋聚会嘅必备之选！
继续阅读
味道唔使讲，已经好味，服务态度仲系超正！员工好nice又贴心囖，每次嚟食都好开心。点餐或者拎多啲调味料，佢哋反应好快又做得好，呢啲服务真系要畀like！好希望其他铺头都能做到呢点
继续阅读