佳人餐廳 (已結業)

兩個人去食飯，友人介紹呢間餐廳，又好味又可以坐得耐，最適合三五知己相聚。入到去坐低，待應（我覺得佢係老闆）幾好招呼，我問有咩好pizza介紹，佢就點左幾個俾我地兩個揀，重叫我地叫套餐會平D，咁我地就叫左一個pizza、一個白汁焗海鮮飯、一碟椒鹽豆腐、一罐可樂同一杯凍菜蜜。檯就細左少少，但一口氣上晒五樣熱辣辣兼好好味既食品，都幾開心！尤其佢既pizza，買樣靚，脆邊，多汁足料，絕無花巧，比起果d大牌子既pizza，呢個來得簡單而且好好味，不過細size既六件裝pizza，對兩個女仔來講真係多左d，不過都食得晒，但就食淨其他果兩味。個飯都好好食，但對比起個pizza，就俾個pizza吸引左，白汁好足，海鮮都鋪滿飯面，而個豆腐夠辣夠脆。食住三樣野坐左三個半鐘，兩個女既不停傾，好彩平日無咩日，兼且準備打八號風球，不過人客都keep住有，差唔多人地打烊我地就走，整晚都無吹過或者做d似趕我地走既動作，去迫我地走，所以真係唔錯！

只係食過兩次所以印象唔深，但只記得黎呢度唔係為食，係做認字特警隊。餐牌十分多錯字…在等食物又無電視既室內作為一點點娛樂吧。標旁住「酒店級的大廚，茶餐廳既價錢」裝修就環保地用返上手雲吞麵檔的再改裝，其實無咩所謂既第一次吃金菇牛肉卷，汁略為甜左d......仲有炸軟殼蟹，呢個師傅唔該真係要返去再培訓.......感覺就只係麻麻地…第二次就因為吃開既飯堂都要等位，於是又走來吃今次叫pizza，雖則價錢就平過pizza hut好多既.......味道比較啖口，落左好多芝士粉都唔太夠味....暫時未有返兜意欲吶。

食晚餐：白湯+焗蠔一隻+凱撒沙律+帶子牛扒+甜品外加：特式吞拿魚pizza普通批一個+雞軟骨一串+墨魚咀一串錢$114 / 2人 = 每人 $57評白湯 - 不是一般生粉湯的水準，都算好飲焗蠔 - 芝士波菜汁焗，家姐唔食益左我。芝士香份量夠，波菜汁個味較得幾好，蠔夠新鮮而且大隻 <– 最正呢個凱撒沙律 - 我只試了一口，但幾好食帶子 - 新鮮凡立貝，一粒唔算大粒但幾好食牛扒 - 呢個就唔夠淋，不過都無俾d鬆肉粉整到無晒味同肉質既牛扒薯菜 - 薯條幾好，菜就唔係好夠甜品 - 芒果布丁，不太甜，幾好食特式吞拿魚pizza - 夠多cheese，啱晒我同家姐雞軟骨一串+墨魚咀一串 - 呢兩個都比一般水準好，家姐的好介紹

星期日o既12點幾同媽咪兩個人第一次去,叫左吉列朱排拉面同16號pizza,個拉面湯底唔得,d面有陣味,個pizza就熱辣辣,waiter自動自覺拎芝士粉同辣椒仔黎,唔錯,不過個pizza都係淡左d,冇咩味,芝士味亦都淡~!!呢間shop應該唔會再去....

中午與幾位同事到佳人吃午餐, 其實之前來過都無咁差.叫了個科學怪人PIZZA,飲熬飲. PIZZA 中有波菜,看似平常,但波菜煮得很淋,很打邊爐碌完一樣, 兩樣野極不配合, 很難食,結果很多菜都沒有吃.同事叫了粉麵, 但他們稱湯沒有味道, 米線很硬.周打魚湯,味道很怪,他們說像葡汁.

同男友行行下街經過哩間餐廳門口，見到D pizza好似幾吸引，於是就入左去威左個tea。pizza分標準size同埋大size，(姐係細and大)，標準size價錢大約$30-35，大的要$38-45，多芝士需加$3 or $5，我地兩個叫左個標準size pizza，($32)同埋一杯熱飲(下午茶時間包飲品一杯，凍加$2)，另外叫多杯飲品，pizza 係即叫即做，所以要等十幾分鐘，個pizza賣相都幾吸引(同menu相片一樣)，味道唔錯，都可以拍得上pizza hut ga，而且冇咁多油，比較健康，不過缺點係個麵包皮比較硬，遜色左少少，但係都值得一試。

老老唔舒服，禽晚都係諗住求其搵間同佢食野算喇。來到這裡，見整體OK,就入去喇。餐牌都幾多野選擇，有好多小菜，小食(全可加錢變餐)，又有Pizza, 焗野，咖哩餐，拉麵餐，普通麵餐，沙律餐及扒餐等等。老老係雞痴，叫左成隻燒春雞食，都燒得好好味，好香，加埋比既sauce, 酸酸甜甜的，開胃得很，老老真識食。我就叫紅咖哩大蝦飯，係同飯分開上的，但我鍾意倒落去一齊食。圖中只係一部份咋。其實份量都幾大，有五隻蝦，好熱，都幾好味，但就唔夠辣。老老以為其雞雞餐($45)係有餐湯，但原來係無架，言語間誤會左係有，所以到收錢時發現要比多$10。無加一，全部加埋都係$93。Ok呀。星期一晚上人不多，都幾好坐。

昨天於這裡用餐，湯點了意大利菜湯，雖然樣子同味道都好似羅宋湯，不過她比較清香。主菜係芝士咖哩焗雞球飯，點的原因係好想知芝士加咖哩會是什麼味道。表面是芝士，下面是普通的咖哩。味道不錯的，配料都幾多，飯有少少濕，不像普通餐廳那樣焗到干了。至於雞就比一般焗飯的嫩，是全日的驚喜，可是全碟得幾舊，有點不滿足。環境同服務都不俗，是可以一試的餐廳。

呢度既pizza即叫即做..好味道.意粉味道拍得上意粉屋.餐湯好夠味.職員好有禮.價錢經濟,值得一試!

hmmmmm the pizza menu here is 99% the same as the donerhouse in shamshuipo dragon centre.....i wonder if this is a chainstore or they r copying them.....well anyway the food here is quite ok, western style with soup etc, but i found a hair in it.The beef fried rice was ok, the pizza was ok...and the spring chicken was ok too...the staff are a bit too warm for me...

叫左個焗海鮮飯, 咩意式星級海鮮PIZZA, 重有個咩三色縲絲粉..野食比我想像中來得慢, 來左個縲絲粉之後等左好耐先有飯PIZZA係落ORDER個陣已經話要等4-5個字, 所以都有心理準備架啦.三個人食, 個湯一紅一白, 我就冇飲到, 唔知咩味啦~個縲絲粉清清地, 都幾好食, 但係好似唔多夠味等左好耐之後來左個飯, 幾好食, 25$既價錢, 都算幾好吖最後到重點. PIZZA感覺上幾好味, 但係可能自己唔多鐘意食海鮮啦, 所以感覺都算過得去, 覺得第二D材料會好食D!食個LUNCH, 3個人95$埋單都幾抵食吖可惜間野好似細間左少少

佢以前Pizza & 意粉, 焗田螺都超好食! 食落無勿味精, 我帶左好多friend 去試, 都話好食過某大Pizza 連鎖店嫁^o^ (我鐘意幫襯小店) 佢地老闆幾好人, 都會聽下d客俾意見.但近來呢一兩個月, 唔知點解差左小小,可能轉左師傅>_<佳人既老闆, 你要俾心機搞好d , 你咁辛苦守到我地班客, 而家走曬就唔抵啦. 我得閒又會再黎嫁, 希望之前出現既小問題, 已經改善!

路過一試,佢哋有pizza的,最貴的好似都係$42,咪叫了個囉,唔算太太,都真係即叫即整,如果pizza再薄點就perfet.晚餐再叫了咖喱牛肉飯,都幾好,餐湯係羅宋湯,好飲又多渣,之前食評話酸,但我唔覺喎.另外一次再去時,都係叫了$28的意式腸pizza,清清哋幾好食.再試了咸豬手意粉,但唔係原隻上,係切片上,皮好乾,食唔到,而肉質好入味,都算係咁啦$58.

5/9 (星期二)0黎這餐廳食lunch,懶得唸﹐都係簡set lunch。午餐餐牌有4個選擇﹐我叫0左個海鮮飯($25)﹐係4個之中最平的。個羅宋湯勁酸﹐唔惦。點知個飯仲弊﹐賣相都OK0既(第一張圖)﹐但係越食越唔對路。成個飯食來食去都只係有魷魚﹐青椒﹐洋蔥﹐兩隻蜆肉和少量蟹柳﹐魚柳就一丁點都找不到﹐最搞笑0既係終於比我搵到隻同蝦米一樣size0既蝦(第二張圖)!這餐廳0既叉已經比一般餐廳用的細﹐但係隻蝦比個叉0既面還要細...成兜飯都只係搵到3"大"隻。我真係寧願剩係比一隻大少少0既蝦﹐而唔係3隻蝦米!不如改個名叫做魷魚飯算啦。其實25蚊又可以要求什麼?都有少少預0左唔會好得去邊﹐真係去茶餐廳無0甘激氣。決定入0黎食飯之前門口個男侍應勁sell我入去﹐我見個飯0甘樣於是同佢反映0下。佢就指住餐牌最貴0個個紅酒燴牛尾飯($35)﹐仲講話"食呢個就唔同喇﹐呢個人客寧願等0下都要食﹐一分錢一分貨呀"你言下之意係咪講到明價錢低﹐質數差係應該的?一分錢一分貨這個道理我當然明白﹐但係換0左我係你我真係唔夠膽係人客面前講這番說話﹐0甘樣真係好趕客....這亦間接令到我唔會再幫襯!個熱奶茶完全無茶