佳人餐廳 (已結業)

佳人餐廳 洗衣街老牌餐廳 門口貼滿餐牌種類都幾特別 有焗蠔 卡巴 Pizza… 堂食價錢就一般 有下午茶優惠外賣$20@焗豬飯 真係咁抵 一齊嚟睇感覺賺唔倒錢 做宣傳價阿姐 好有禮貌 有問有答 由畀錢到收貨 唔使3分鐘 真係快餐天天供應 金牌鮮茄焗豬扒飯豬扒 足1塊量 半吋厚 夠淋嫩 唔嚡用心處理 冇話醃過輪梳打味炒飯底 飯香 乾爽唔油膩 旦唔多汁醬味道剛好 唔會過酸 焗芝士味香濃(可能12點剛出爐 熱辣辣 特別香味)星期三&五 芝士焗肉醬意粉肉醬汁多 芝士濃香 茄汁甜肉味鮮意粉份量足 唔硬身 唔乾 餐湯/熱飲 +5元凍奶茶 +7元 奶茶香濃 但紙杯細 份量少飯後想起 又一村Munich酒吧 嘅味道老前輩 如 水哥師傅 嘅 功底美味 & 經濟 嘅一餐 🙏

3個女仔去食叫左個套餐二，for 3-4人嘅Pizza就揀左夏威夷pizza🍕 &綠田園pizza 🍕同埋芝士肉醬焗西蘭花🥦肉醬矮瓜焗千層麵🍆係套餐係跟湯嘅，本身想叫忌廉湯 但冇曬🤢唯有飲雜菜湯雜菜湯好足料，不過我就稍嫌佢番茄醬味過大...掩蓋左雜菜本身嘅菜味🤭肉醬西蘭花同千層麵超好食😋d肉醬係牛肉黎~千層麵裏面嘅矮瓜唔會太㝝，好有咬口☺️不過矮瓜就係少左dd🤭Pizza都好好食😋完全冇唸過係茶餐廳都可以食到咁西式嘅食物~開心開心🥳🥰

$20一個焗豬扒飯,仲要天天供應係咩玩法?無他既,店家都係為自救早幾個月仲比人爆過格每日一款特價,加上每天供應既焗豬扒飯一天就有兩款可以選擇旺角,開業十幾年,叫佳人餐廳,相信唔少人都識佢老牌港式西餐加茶餐廳,即係乜都有D,咁佢位於後街,人流本來就少係呢幾個月更加受影響,推出一個叫做 抗逆境自強外賣優惠佢個焗豬拎上手都係熱既,仲出煙既,足一片豬扒,仲切開埋有拉絲芝士,番茄醬汁夠多,仲食到有紅蘿蔔粒既配料另外飯底係炒飯底,爽身粒粒分明,撈埋黎食味道岩岩好仲有比足芝士,唔會慳皮!!$20,呢個味道,絕對無投訴 ,份量同連鎖店一樣,味道不輸連鎖店 (如果非指定時間內,你也可以問下阿姐仲有冇得賣)我5點15分鐘都買到!!阿姐仲有得賣!!佳人餐廳地址：旺角洗衣街149號A地下營業時間：星期一至日11:00 - 23:00 優惠價只限12點-5點供應 (如果非指定時間內,你也可以問下阿姐仲有冇得賣)我5點15分鐘都買到!!阿姐仲有得賣!!晚市堂食全日免加一廿幾款選擇,由鐵板牛到各種焗飯都有供應都係幾十蚊貨仔大大碟又有炒飯,炒公仔麵,各種小吃,炸物等等

熱既餐包，即炸既薯條，煎得恰到好處既牛朳。除左好之外冇其他評價👍🏻除此之外，佢個忌廉湯亦都係傳統嗰隻。除此之外，佢哋都有好多傳統嘅港式西餐(個形容詞好似好矛盾😂）例如有伊面底既焗生蠔。除此之外，仲有平時茶餐廳食到嘅中菜，例如炒麵炒飯，咕嚕肉去到西蘭花炒斑腩都有💁🏻‍♂️寫到呢度就諗起以前細個同屋企人食飯，佢地死都唔肯陪我去食鐵板餐。如果細個既時候有過嚟就好，可以各自叫自己想要既野。出嚟社會做嘢之後，自問都食過唔小好食既朳房。但唯獨係鐵板餐，先俾到我童年回憶既感覺。依家呢啲餐廳買少見少，希望多啲人支持啦💁🏻‍♂️

2個人叫左2份牛同4隻焗蠔，d  牛柳用鐵板上超級香，酥皮牛柳d  酥皮焗得岩岩好，跟餐有湯有包，同埋d  蠔都好肥美，突然經過呢間小店入去試吓估唔到都好唔錯，下次再試其他野！

太子週圍都係野食，特別多賣相吸引既餐廳，想据扒入左依間唔起眼但聲稱以前係酒店主廚既佳人，就睇下佢係咪禾稈蓋珍珠外表同環境都好禾稈下，零氣氛有啲似茶餐廳，而個廚房係中間入面啲枱係廁所隔離有啲難搞，希望啲野好食餐湯同餐包先上，正正常常主角鐵板肉眼，五成跟熟菜碟上配蒜茸汁，賣相不錯食牛扒睇大廚級數最重要就係，切開睇火侯，外香入面粉紅色入口口感偏淋但都唔錯既汁有少少多係真既遮左啲牛味，油份都多同香既如果再厚身啲先做到高級啲嘅肉眼，不過依個價黎講都算唔錯鐵板牛柳，五成碟上配熟菜黑柳汁，食開牛扒開扒都知靚牛柳(Tenderloin)係好正好珍貴既部位好考經驗同廚藝，厚身既牛柳好味既可以外脆香、入面銷晒啲肉汁仲好嫩，唔好食既就係一舊香口膠正既靚肉會叫三成但未有依個信心上碟賣相都ok，係熟菜無整乾搞到碟有水就好扣分切開睇下，外面都幾夠脆幾吸引下入面保持嫩滑有驚喜，肉質同口感都一流之前偷睇佢嘅食評有啲話齋咸食垃圾完全唔明，直至到食下佢個黑椒汁就知點解份肉眼又無事牛柳第一啖又無事佢個黑椒汁真係好咸，我都重口味開都覺得勁咸，撥開晒啲汁先叫正常啲走汁食鹽加黑椒應該正好多，最後杯奶茶正常，解下咸都要基本上我係幾

去完太子聖堂，行過黎食平價pizza呢間係一間有特色嘅小店，雖然店鋪細細，選擇非常之多，但係pizza有28類，而且仲西餐， 中式食品！任你選擇我們當然就係食pizza再加返焗飯！簿餅一號，傳統既pizza 只是有芝士加番茄😁新鮮即整，唔係沙x王用薄撐做底細心切開,你仲見到有芝士是一條條拉長👏🏻👏🏻👏🏻焗豬意粉，意粉好多汗，唔乾，熱辣辣，好好食餐湯+包仔雖然環境有啲亂，特別地下濕，但係呢一啲嘅感覺，唔好影響到食物嘅質素，大家可以即日約埋去試！

本人從來只撐小店，絕小光顧大集團餐廳。好多時開車經過呢間佳人，很想去試試。終於今日下午有機會。我點了一個乾炒牛河，相信看一看圖片，已經唔想食。河粉膠著，一pat pat...炒到爛粉一碟竟好意思拎上客人枱。收費$65色一杯飲品，行多幾步去金華食都冇咁貴並好味千百倍。真係唔明，仲可以响旺角生存咁耐。

門口看去 裏面餐牌林林總總 算是多國菜 其中一樣招牌菜當然是pizza晚餐 時間 人流不算多 但也算坐半全場 也許是人手不夠 等了很久也沒有人招呼 點了 二人套餐 套餐 主食小食 餐湯及飲品 各點了一個紅湯及白湯 味道一般紅湯偏酸 就像是過火了但白湯沒有什麼味道 點了夏威夷pizza 外皮脆卜卜 餡料算新鮮 另外 茄子千層麵 表面 芝士不夠 茄子也不入味肉醬非常 酸 但什麼其他味道也沒有 另外點了兩隻生蠔 非常新鮮 蠔味濃郁 值得一試此外餐廳還有加一 算起來150蚊位 只屬中規中下 如下午茶來。 pizza配飲品 平均3幾至 60算便宜姐食得飽

呢間進駐在洗衣街的西餐廳大大話話都有十年八載，一向以茶餐廳價錢；酒店般食品做招徠。今次試咗個下午茶，食品就是類似pizza的calzone sausages (譯香腸哥拉桑），外邊比較少見！呢度即叫即製，等咗10分鐘左右，新鮮出爐的calzone 放在眼前。其實佢似一個對摺的pizza, 內料係火腿、莎樂美腸、青淑及洋蔥，仲有做pizza的番茄醬。味道直頭係同pizza一模一樣，但外皮香脆，是另一番食法及感覺！最值得一提係下午茶價格只是$34，仲包飲品！在旺角區一帶絕對是性價比極高的選擇！如果lunch, 就推介焗豬扒飯，包個餐湯及飲品，都係$41！味道可以話比其他收費廉宜的餐廳高幾班！直頭平過旺角區的茶餐廳多多聲！

佳人剛開幫襯過，都好似10多年前，以前西餐為主，而家多左好多其他野，與時並進多元化，以前同而家都一樣好平，2人餐$154無加一，雖然唔包野飲，但加飲都係$5蚊餐牌都幾攪笑，唔係寫2人餐，係1~2人餐，如果一個人食，咁一定係大食或者好肚餓啦，因為份量好多下1，小食（包35以下）叫左洋蔥圈，諗住幾舊，點知成大碟，食左幾舊有點包2，Pizza (大批) 叫左特色牛肉，老實味道ok,但話有咩特色就唔覺啦，感覺港式Pizza,真係好大，大過個頭3，焗飯/意粉，叫左白汁雞皇芝士飯，上飯都點淆底，因為已經飽最後男友食埋個飯，Pizza同洋蔥圈打包返去比哥哥食

陪Honey到太子剪頭髮，沿著洗衣街一路行，見到一間茶餐廳。因為天氣好熱，好想飲杯冰凍的凍央，所以就入去了。看到午市餐牌，真的沒有想過，在旺角火車站附近(鬧市啊)，竟然有如此抵食的午餐！輕怡午餐，可以揀一份通粉，加一杯飲品，或者咕嚕肉飯，加一杯飲品。由於是輕怡午餐， 飲品或餐飲二選一。我選餐飲，加$5可加餐湯。餐湯是周打魚湯，有蟹柳和魷魚粒。咕嚕肉飯上桌，有點意外…所以為是輕怡版，只是30多元的午餐，賣相很好，大大碟！吃的時候，也覺驚喜，因為咕嚕肉咬落去的時候，外皮仍然是脆的，不是一早煮好，脆皮被汁浸得淋淋。而且，排骨肉也不少，真抵食！Honey覺得天氣熱，不想吃飯，所以叫通粉。也沒有想過，羅宋湯通粉又是大大碗！而且，還有煎蛋、餐肉、腸仔好，大份的午餐！仍然是30多元，實在是平、靚、正、快！

想當年係旺角返工差唔多日日都去食，無論午餐有時夜晚ot都係幫襯佳人餐廳，闊別左幾年今次從遊舊地，一開門就聞一陣陣臭味可能老店抽氣舊，再睇餐牌改變左好多，唔知道係唔係開係旺角，要迎接大陸人口味，加插一啲離哂地面菜式，先講食物方面，叫左個西冷牛扒味道無以前咁好味都唔算差，係唔係換左個師傅牛肉無感以前嗰種好味味道，以80蚊埋單重有湯多士飲品算係咁，食到近尾聲比我發現原來出左個pizza只不過係38蚊，我當然唔會執輸叫一個，出來效果超出我預期好，餅底味道好好啊！

其實是一間不起眼餐廳，好難留意到。豬扒公仔麵：湯底偏咸、公仔麵彈牙、豬扒一般凍檸檬茶：茶底澀澀地酥皮湯：最估不到 …… 好脆好香，味道唔係太咸。正！但是這間舖頭，最出名竟然是 pizza，下次再經過一定要試試有幾好吃！

通常行完花園街想食pizza ,我就會黎呢到，因為多選擇又抵食!pizza 款有成幅牆錦多ka... 今晚三個人叫左個套餐二 (3-4人)$205有湯，1大1小pizza，小食X1，意粉/飯x 1 餐湯：羅宋湯 Pizza: 特式佳人牛肉(細),夏威夷（大）厚面包底~呢度永遠都係好多芝士，正~意粉：卡邦尼意粉小食:椒鹽雞翼 好辣但好味～呢到價錢真係經濟實惠~ 食物又多選擇，份量恰好，無花巧既擺設，伴碟，有時簡簡單單食下平民西餐廳都可以好滿足⋯可能我地食之前食左個菠蘿包，最後要打包三塊pizza 同一半意粉返屋企添！