佳佳二姐甜品

营业中

休息中

由佐敦舊店、食到佐敦新店、再開到土瓜灣…………以前好香好好味，甜度適中，可以食到食材既香味。就算搬左去佐敦新店頭一段時間都好好，但係過左一排，糖水越煮越甜，甜味已大大蓋過食材本身香味......... 已經無左以前既水準。衣家既甜品，只係一般水準，同 D 石磨 X 或 海 X 一樣，一味得個甜字，款款到一樣味，食完要飲好多水！今次點既腐竹同綠豆一樣，其實腐竹濃度幾好，但係甜到無腐竹味。綠豆糖水又係好足料，入口又係得個甜字……又係甜到唔想食…………如果只係要食得個甜字既甜品，我又何需去佳佳呢？

同朋友喺附近食完大餐想轉個地方坐低兼潤一潤下喉就嚟到呢間佳佳甜品啦米之蓮推介出咗冇幾耐所以對呢一個名都仲係好familiar不過米之蓮又點會開喺土瓜灣咁筍見到招牌有二姐兩個細字就估佢應該係分店黎冇咩expectation咁走入去但係又幾好味喎!我哋一行八個人當然試到好多款糖水啦仲一齊share咗個薑汁湯圓個人認為最出色呢就係佢個杏仁露基本上我冇食過一碗杏仁露係咁香咁濃郁咁好味即磨出嚟同沖粉嘅杏仁露真係冇得比㗎另一碗推介嘅係芋茸蓮子西米露首先唔係間間糖水舖都有賣啦另外佢嘅質地都係杰杰地好似潮州芋泥嗰種味道！另外講講佢個薑汁湯圓平時喺屋企煲得多啲薑汁係好似水咁但係佢呢碗呢連個薑汁都俾你feel到真係好辣嘅感覺所有糖水都好足料

New shop as it moved from Kowloon City. It's in fact a very old Chinese dessert shop. Environment is clean and bright. Has the walnut and black sesame mixed soup. It was good and not too sweet. Apparently it's Chow Yun Fat regular dessert shop.

為食街坊話我知，北帝街開咗間新糖水舖，於是去嘗鮮一下。到咗北帝街，發現附近不乏糖水舖，有豬仔又有海記，希望三間糖水舖會有良性競爭嘅化學反應啦。佳佳佢哋只賣傳統經典糖水，選擇唔多。店員話，唔係每個人都能夠接受薑汁湯圓嘅辣，咁一定要挑戰一下啦。一試之下，就係因為夠辣，反而突顯出芝麻湯圓嘅甜。由於我係自己一個人去食，我最多只食到兩碗，所以再叫多一碗冇咁飽肚嘅燉蛋。同湯丸比，碗燉蛋確係冇咁好食，只能算係CP值中上。

佐敦佳佳，由細鋪食到宜家第三個鋪位，水準不容置疑，可惜近來人氣爆燈，往往都要排長龍，見附近土瓜灣開咗間佳佳二姐(原來不是佐敦佳佳的分店)，驟看以為是分店，無論擺設及佈置，似足九成，糖水的加配品，如鷄蛋、湯丸……等等，完全一樣，水準亦可，不過主要的甜湯，例如已試過的芝麻糊、合桃糊、杏仁糊、腐竹白果……等， 怎可稱為糊 ，稀如水一樣，全部都只有外表神似，沒有糊的口感，精粹不在，完全不值得到此浪費口腹之有限空間😞😣！

佐敦佳佳，由細鋪食到宜家的第三個位，近來人流超甚，往往要排長龍，見附近土瓜灣新開的新佳佳(不是佐敦佳佳分店)，的確有很多相似的地方，尤其加配的鶏蛋、湯丸……，但主食的各式的糊(杏仁、芝麻、合桃等等)，甚至腐竹糖水，都較佐敦的質素遜色，稀得有點似水，原來這二姐只有外形相似，沒有神髓！

今天同事請吃糖水，我要了一碗番薯糖水，另外太太要了一碗腐竹雞蛋糖水。番薯糖水的番薯都算多，而薑水薑味濃郁偏辣不甜，這是我喜歡的味道。腐竹雞蛋糖水內有白果、薏米、雞蛋，味道不太甜，非常之好味。

之前聽聞佳佳甜品質素高，可惜佐敦我真係好少過去。朋友話土瓜灣開咗一間，lunch 食得唔 full，即刻行過去試下。睇下餐牌，好高興全部都係傳統中式糖水，叫咗個合桃芝麻露，入口好滑好香，可惜對我嚟講就唔夠熱，$22 係扺食，下次要加 $7有四粒湯圓先夠滿足，推薦

之前成日都在佐敦幫襯多次, 可惜每次都非常多人,這次竟然在我家附近開了一間分店,感到十分驚喜,此店是賣中式糖水的,但質素高而且價錢合理,大部分糖水價錢平均都只是二十元左右,我即場在店內點了一碗芝麻糊,芝麻味香濃,口感軟滑,另外打包一碗百合綠豆沙回家再吃,綠豆已完全煲成沙,一粒綠豆都找不到,加上粉粉的百合,兩者太配了,見這間店的招牌寫住(二姐),可能是兄弟姊妹分工合作,一人主理一店,但毫無影響糖水質素,此店與總店如出一轍,保持水準,確實不錯😍

朋友介紹的佐敦老字號甜品，分店落腳土瓜灣老區，配合街坊價錢，味道仍然一流，應該會搶去附近糖水舖不少生意今晚先試了熱杏仁霜及腐竹薏米糖水，仍然高水準之作，尤其腐竹薏米，味濃香甜，入口順滑，一流