佳佳甜品 (已搬遷) 新店位置

第二次食 紅黑 : 芝麻糊香濃夠滑, 紅豆沙也起沙, 正到無倫 黑加湯丸 : 寧波湯丸細細粒也流心, 極品香港區有一品齋, 福元等高質素甜品店無疑九龍也有佳佳坐鎮

1. 熱合桃糊$14 ~ 真係好滑,但我認為那種creamy正是西湯之作,一點合桃香都沒有,溝了太多粉吧!2. 熱芝麻糊$12 ~ 芝麻味不夠,而且好糊口,間中有點粉漿球.

吃飽打冷，意猶未盡，跟未婚妻到此喝碗糖水才回家。未婚妻點了蕃薯糖水，我則點了凍竽頭西米露。蕃薯糖水非常「夠薑」！蕃薯大而多。西米露不見竽頭塊，但，竽茸充足，很是感動。用心，足料，焉能不好？

feb 22, 10晚飯後,友人帶咗我哋嚟呢度。好舊式嘅糖水舖,無裝修,但都滿晒人。我都未聽過有間咁出名嘅糖水舖,4人來dinner,叫咗 : 1) 熱金黃番薯糖水 (hk$12)-試咗友人1啖-個薑味都強,有料到-番薯我就無試到,相信不俗 2) 熱香芋西米露 x 2 (@hk$12)-試咗友人1啖,但試唔真-不過聽友人講,佢上次嗰碗好味d 3) 熱合桃糊+湯丸 (hk$14+4)-因為等位時見到有人食緊,好滑咁-之後又見貼有寧波湯丸嘅紙條,所以+埋試吓-的確好滑,合桃無經過勁炒,所以唔會有1股搶人嘅燶味-不過合桃味還是不濃,甜度不夠-暫時都喺皇x同學會嘅合桃糊最為出色-講番個湯丸,皮薄又軟,芝麻餡都濃,唔差* 多謝友人請客,下次my turn * 返嚟上番or睇,見有食家介紹佢個芝麻糊同腐竹白果糖水都好掂,下次經過要試埋佢

遠道而來一嘗寧波湯圓皮唔靚　餡又唔夠多＆唔香～再來芝麻糊～　又係唔掂～同行朋友的番薯糖水薑味十足，　可惜已經難以掩蓋對湯圓嘅失望。

大家好, 在此網搜尋佐敦的有口碑的糖水甜品店,得知佳佳的品評不俗,故昨天便到此店覓食!此店的特色是沒有什麼華麗的裝修,但賣點是不俗的食品/糖水! 麥米粥的用料份量適中,口感十足,又不太甜,味道適中,而腐竹糖水加湯圓亦很不錯,湯圓很軟熟,餡料十足! 下次會再試其他的糖水.

經上次無功折返, 今日鐵定要到此再尋食 尋尋 覓覓也搵左幾街, 最後要問幾間店先搵到 仲要下著毛毛雨... 二話不說, 要了芝麻糊加湯圓與綠豆沙來個平衡芝麻糊加湯圓 : 人手磨芝麻糊, 幼滑芝麻味香濃, 流沙湯圓是細細粒的, 沒有福元的驚為天人, 但皮就做得幾夠薄煙un好味 綠豆沙相對遜色, 唔湯唔水, 明顯唔夠火喉, 香草味同料都唔夠, 好稀身, 麻麻地

食完拉麵決定走去對面食糖水小見大排檔糖水好有Feel有多款糖水我選蕃薯糖水蕃薯好甜好淋　糖水好香薑味煙花頭盤　拉麵主菜　蕃薯糖水結尾簡直完美

晚上在教院上完堂，出返市區，想到佐敦找新鮮的店子來吃。先去了柏檔食海南雞飯，都好味。然而，今晚的主角是一間並不起眼，但又吸引無數食客來此一嚐的小店﹕佳佳甜品。坐下就點了杏仁露，不消一會送上，熱騰騰的，完全不像已預先整好。一口下肚，哇﹗人間極品﹗每一口都是純正的杏仁味，杏仁的香味在口中不斷散發，口感相當幼滑濃郁。由此可見店子製作這道甜品是多麼認真﹗今天一來，有幸嚐到如此美味的杏仁糊，三生有幸﹗店子雖舊，但亦整潔。最重要的是甜品的質素一流，因此也吸引了很多人來幫襯﹔連駕車的人們也來買外賣，這裡的吸引力可以想見。食野﹖唔一定要食裝修o既﹗今天的quota用得太多，因此暫時和這裡聞名的寧波湯丸緣慳一面了。但嚐了這麼好的杏仁糊後，我告訴自己下一次要再來這裡「食糊」﹗一定會再來~

嚮往了很久了的.....阿蘇介紹(佳佳甜品)今天適逢棋會經過附近，決定前往一試，曾經在夏天到過這裡來時，又熱又要等位，環境又不那麼好，便放棄了，今天天氣寒冷，對於怕熱的老婆頗合適呢！我們選了兩道甜品共享。番薯糖水及腐竹薏米白果糖水再加寧波湯丸。番薯糖水：12元一碗，薑味濃郁，番薯質量也不錯，喝下那些濃濃薑味的湯，全身熱辣辣，並即時要把外套脫下，記憶所及....好像從未試過咁夠薑之糖水，我很欣賞，如不喜歡吃薑者，就不要試啦！腐竹薏米白果糖水 ：12元一碗，再加寧波湯丸4元有3粒，店員說:因湯丸不可預先做定，是要即時烚制，所以要多等幾分鐘，不久，熱騰騰的糖水送到來，看！！腐竹去了那裡？店員解釋說：因煲了幾個鐘，經已溶入糖水中，即時喝下一口，濃濃的腐竹味，嘩！超正！再試粒湯丸，咬下去煙韌而軟滑，香香的芝麻味，非常之正呀！而薏米，白果，吃下時也對辦。從前....我只吃過有腐竹形態之糖水，煲至這樣溶化的腐竹，今天還是第一次呢！話說回來，看食評中，也有人是不喜歡喝無腐竹之糖水，對錯與否，個人喜好，是很難定奪，最緊要自己喜歡吃便是喇，我和太太就十分喜歡這道糖水。喜歡吃甜,不怕甜!喜歡吃咸,怎怕咸!我

天寒地凍的晚上, 若果再不吃點熱的, 妹妹就會凍僵了...... 身處佐敦, 熱的中式糖水相比起松記的新式鮮果甜品, 實在是吸引得多~ 妹妹想吃腐竹薏米白果糖水 ($12), 再+$4 有3粒寧波湯丸~ 而少爺就要紅豆熱($12)~ 由於加湯丸的緣故要多等1會, 少爺的紅豆沙就先來~ 除了紅豆外還有其他豆類的, 煲得起沙, 是及格有餘的紅豆"沙"而非紅豆"湯"~~~ 但就過份的甜, 這個扣1點分數~ 不過說到甜, 少爺說湯丸更甜, 吃過湯丸後紅豆沙頓然變得淡而無味 @^@ 湯丸細細粒, 皮厚餡料少, 甜味遠多於芝麻味, 不好吃 =[ 至於妹妹喜歡的腐竹薏米白果糖水... 只見阿姐端上1碗雪白的甜湯... 完全不見腐竹碎, 已經煮成豆漿了 =w= 薏米煮得軟硬度適中, 白果不是原粒而已成1瓣瓣的, 亦沒有白果獨有的苦澀味 / ~ \ (多想見到像樓下食家的照片那個模樣的 >~<) 爸爸說 "糖水生意很易做, 1大包豆駛幾貴, 加水加糖就煮埋1大煲, 最貴的是功夫錢"; 在中式糖水的世界, 功夫真的很重要呢... 當1邊吃1邊看著老闆將黑芝麻倒進機內磨

一款只要肯花點時間耐性,無需特殊烹飪技術就能煮出的傳统糖水,偏偏有太多糖水店連這樣也做不好.多數連薏米也沒有,就只是一碗透明的冰糖水加幾塊完整的腐竹和幾粒已剝殼抽真空包裝的白菓,現存做得好吃的已不多.(可能連自己煲也懶得去做,你還會在家用硬物去剝白菓嗎?有鎚仔用鎚仔、無鎚仔用啞呤!)白菓腐竹薏米----煲至差不多完全溶化的腐竹,大顆飽滿的白菓,煙韌的薏米.甜度適中,吃完不會嘴角黐立立!天氣涼一點,這裡的蕃薯糖水更值得推介!就算食得多蕃薯會咩...有咩所謂?人地聞之嘛!通常自己又唔覺嘅!

今日放工又過左黎食糖水, 不過好多人呀, 要臨時再開多張枱比我地坐, 今次試左杏仁糊同蕃薯糖水杏仁糊 - 好番杏仁味, 每食一口都感覺到有杏仁既粉末蕃薯糖水 - 不論個糖水或蕃薯都好重薑味, 蕃薯都有4-5舊, 我地仲加左湯丸添$4三粒

今日未食lunch就去左佳佳甜品到食糖水, 佢地開2點半, 我地叫左寧波芝麻湯丸同香滑麥米粥, 本來唸住叫埋蕃薯糖水家, 但食唔落寧波芝麻湯丸 - 有八粒湯丸, 個皮好軟熟, 好好味香滑麥米粥 - 麥米好多呀, 仲有花生, 食完真係飽晒, 飽肚...

受到母親大人之命, 老遠都要來佳佳買外賣回家.1. 芝麻糊 - 我中意佢既味濃, 而且唔會好糊口.2. 腐竹糖水- 幾時飲都好清甜3. 合桃糊 - 食甘多家甜品店, 佳佳既合桃糊真係no 1. 好香既合桃而且好滑, 唔知點說, 不過真係好好味.4. 杏仁糊 - 超勁既杏仁味, 食完有小小心涼涼既感覺. 黎碗糖水真係好包肚, 我甘大食都係食到1碗就投降.可能我成日都黎買外買啦, 個姐姐都認得我, 有時都會同我說有邊d係當日做得比較好既, 甘我就買佢推介既即日精選糖水.