佳佳甜品 (已搬遷) 新店位置

佳佳，我由她現舖對面街的細檔（即現時十八座狗仔粉位置）已經開始光顧。那時候公司在附近，有時要OT，或是天寒地凍想吃些暖胃的東西，都會去佳佳買碗糖水。這裡賣的都是中式糖水，價錢實惠公道，最重要是用料好。寧波湯圓（$17）一碗8粒湯圓，糯米皮煙靭，黑之麻餡份量與甜度適中。最重要是糖水，好夠薑！很香很濃的薑汁，微辣不嗆喉，坊間太少糖水店做得這樣好。甜品店周圍都有，我偏愛傳統中式甜品，那份滿足感，在我而言是西式甜品沒法觸及。中式甜品或許沒賣相沒花巧，但款款都有養生功效。米芝蓮推介，這個「米芝蓮之吻」在香港再一次變成詛咒，成為業主瘋狂加租的理由。

我鍾意食芝麻糊同芝麻湯丸，但要石磨磨先好食，香港少之又少，食過咁多無一間好食，心目中還是廣州食過的最好，見到米芝蓮推介這間，又是石磨的，專程黎試試！芝麻糊我覺得太稀，糊才好食，味道略淡，但磨得好細，好滑。芝麻湯丸皮薄饀靚，不過個人唔鍾意個薑湯太辣同唔夠甜。

近幾年，甜品成為大熱，不單女士，就連少部份的男士也愛上甜。正所謂有求，必有供。五花百門的中西日韓台的甜品應運而生，不怕您濫，只怕您不濫，售價亦一山還有一山高，刻意打造，務求迎合消費者的追趕潮流心態。我不太愛好甜食，對於甜品之熱愛，往住是解暑的雪糕、雪條、特別於秋冬天氣乾燥時，慾望會驟然上漲。所以在百門各派的甜品中，最喜歡還是中式的滋潤甜品，來一碗喉乾舌燥即消，還有潤澤脾胃和肌膚的功能，不得不相信其顯著的效果。話說經常游走「佳佳」附近一帶，但當天還是首次到訪。老公選了凍的芋蓉蓮子西米露，我則要了熱的補腦合桃露。芋蓉蓮子西米露稀稠度恰好，最怕濃稠如米糊狀的膩滯，但又不喜歡太稀如喝開水，寡而無質的口感，所以烹調也有一定的技巧。輕甜的調味易於接受，西米不會過腍，入口仍富彈性；蓮子香軟，為芋蓉蓮子西米露平添多一份層次。唯芋香能稍為加強，效果定會更稱心！芝麻糊、杏仁露和合桃露是「佳佳」的三寶。經常不帶腦的我，當然挑合桃露最適合不過，名字已直接說明其補腦的功效！補腦合桃露令人非常滿意，皆因香氣足、質順滑、濃稠度和甜度也恰當，暖暖的由嘴巴送至腸胃，頓時獲得滋潤，至於我的腦袋及記憶可有進步，則要多吃幾趟

香港地，中式甜品店越來越少，難得有越做越旺，還得到米芝蓮評級的中式甜品店(糖水鋪)在當旺地段，AW又怎會錯過呢~ 可惜較夜到達，很多糖水均已賣光光，除了點了馳名的蕃薯糖水外，再點了一客木瓜燉雪耳。蕃薯糖水的薑湯超濃，怪不得深受各界歡迎，加點了芝麻湯丸，配合粉嫩的蕃薯，豐富了整碗糖水的質量! 至於木瓜燉雪耳，甜度剛好，滋潤美味，最適合秋冬時節，要是雪耳再「林」一點會更佳囉~木瓜燉雪耳，清甜滋潤，季節推介濃薑蕃薯糖水，薑味特濃，驅寒提神香港時興fusion甜品，正宗的中式糖水不是很多地方找得到

近期米芝蓮公佈後，得知光顧已久的中式甜品店當選，特地於立冬時前來再滋潤一下。中、西式甜品都有，選擇很多，但多為傳統中式糖水有一定的名聲，所以不少一家老少都會飯後宵夜。今次又可以輪流試試另一款。白果薏米腐竹  $17薏米有助美容及去水腫，天氣開始涼當然要吃得有益點。材料依舊份量十足，薏米白果都佔三分一碗這麼多呢!腐竹煮到溶入糖水中，入口香濃的荳奶味道，還夾雜著部分腐竹、打碎的白果及煙韌薏米，甜而不膩很有嚼勁。寧波薑汁湯丸  $17當然暖入心的薑汁糖水是少不了的MUST EAT ITEM，很喜歡它濃郁的薑汁，辛辣度很強烈，暖身驅寒是其他地方找不到的。配以八粒芝麻湯丸，未食以知滋潤無比，湯丸煮得剛剛好，皮層不會太腍很Q，入面烏黑的芝麻微微流出，食過還滿口黑芝麻香。現在才剛秋涼，滋補養生還得多來幾回~

門口燈火通明容易認，室內亦很簡潔，沒有多餘的裝飾。一個人來到岩岩入選米芝蓮推介街頭小食的中式糖水店，由對面小鋪到大鋪亦有光顧，水準亦沒有因為得獎而遜色。寧波薑汁湯圓 $17一碗五粒芝麻湯圓，咬落彈牙而且配上濃郁薑辣味，響秋冬季節必食之選！

今天在九龍公園練跑，跑完跟朋友們到了佳佳甜品，原先想到對面先吃粉，但由於太多人滿座了，於是轉轉plan, 先吃甜品再吃粉。點了個 白果薏米腐竹(熱食)味道香滑，不太甜 ，白果及薏米份量適中，剛好一啖水一啖料，一啖一啖就清光了。今天正是米芝蓮公報結果的第一天，巧合地就吃了！真的實至名歸呢 佳佳甜品！

由細到大食過糖水舖多不勝數但佳佳就做到當中滋味所在！尋日放工同同事食完宵夜過後,硬係覺得差D嘢...搵佳佳做結尾！芝麻糊係我極力推介！另一加推係湯圓！平平無奇一碗十粒配合夠哂薑嘅糖水 正！

今晚同親朋戚友係父母的屋企食飯，因為有老人家及小朋友，所以六點鐘就開飯未到八點已經食完返屋企。傾埋計大約九點鐘離開。返到屋企正準備泊車嘅時候，女朋友同我講佢自己其實未食飽，以一向九點鐘先食晚飯嘅我都有點兒感覺到肚餓，所以我哋兩個決定出去食糖水。女朋友同我講話想食湯圓，我就馬上諗起出名食湯圓及傳統糖水嘅佳佳甜品。女朋友點在一份薑汁湯圓，我通常就會點合桃露或者芝麻糊，但因為天氣熱決定點一份凍嘅甜品食，向來鍾意食有芒果甜品嘅我，一見到佢哋有楊枝甘露就二話不說叫咗一份試一試。薑汁湯圓，薑汁味又香又辣,又唔太甜，芝麻湯圓皮薄涵多，啲芝麻涵又好香又好味。楊枝甘露，酸甜味比例啱啱好，芒果茸很多，芒果粒也不少，細細碗嘅楊枝甘露我估都應該需要兩個芒果去打汁及起肉。

大約十點多入到去長期差不多半爆滿狀態，最出名係糊類和湯丸。最後叫左個腐竹白果糖水配湯丸$23沒想到腐竹糖水可以煲到爛晒腐竹而好滑，好似碗奶咁，薏米同白果激多好香。湯丸有三粒，落去軟綿綿，芝麻香勁香同滑，還會食到芝麻口感，每次到油麻地必想去食的糖水。

係香港，應該都好多人中意食甜品。我都唔例外啦當然。本來諗住係佐敦是但搵間甜品鋪食 芒果西米露，可能路痴唔記得點行，所以就近去左佳佳甜品度食。去到門口服務幾好，幫你開門又幫你攞位但係一望個meun,就只有傳統既甜品，楊枝甘露. 芝麻糊. 仲有紅豆沙綠豆沙，感覺款式還是很少。。我地最後嗌左 楊枝甘露(26蚊) 同埋 芝麻糊(17蚊)。價格方面比起其他甜品鋪算係好平。點完甜品，5分鐘都唔洗就有得食，夠哂快!講番味道。。。楊枝甘露(26蚊)味道唔錯，總算有芒果有西柚啦，not good but not bad...可以用'一般'黎形容。芝麻糊(17蚊)就真係有d差勁了，有d似百佳惠康買包芝麻糊粉黎沖既感覺，因為自己都試過沖黎飲。感覺上味道相似，都係好粉既感覺，無沙粒既感覺，黑色一pat好似飲水咁飲。

這麥米粥十分足料, 滿滿的花生和麥米, 不似其他的水汪汪. 甜度適中, 若味道能再濃一點會更好. 友人的芝麻糊看起濃稠, 以為過厚, 非也非也. 味道香濃, 吃得滿足. 如餐廳能在麥米粥中加少許米酒, 味道會更上一層樓, 或提供米酒讓客人自行加入,也不錯

家陣係香港後生仔多數都鍾意食西式甜品有時想搵間好食既中式糖水都好難😭雖然荃灣都有幾間中式糖水但我覺得無一間係好食過佳佳😁😁一場黎到佐敦 仲唔食番碗咩😉😉即刻叫番碗香滑糯米麥粥加芝麻湯圓先😋碗粥唔太甜 糯米又有咬口最正係啲湯丸軟淋淋 皮簿餡多😍唔會好似其他舖啲皮大厚 芝麻餡少😤$17蚊碗有質素既糖水加埋3粒湯圓先23個大洋😱真材實料真心覺得平靚正😌😌比起果啲連鎖式糖水舖更愛呢啲無分店既良心小店👍👍因為真係買少見少啦所以小妹一經過佐敦有時間實去支持下😚唔想佢變埋金舖呀🙈🙈

有朋友陪食, 小妹特別開胃。來到是夜最後一站當然要吃個糖水先滿足到。油麻地區當然是由細鋪食到大鋪的 甜品]小妹, 朋友雖然話好飽。都比小妹迫左叫 合桃糊加紅豆沙其實賣相不太討好。不過小妹芝對這裡出品的糊類相當有信心。合桃糊甜而不膩, 淡淡的果仁香配上粉糯紅豆粒,質感滑如牛奶, 二者味道匹配, 好好味。再試芝麻糊質感同樣磨得非常細滑, 芝麻濃香遠遠都聞到。滿咀也是芝麻香 而且黑色食物補腎, 大家都要吸取多一點。朋友餘下半碗, 小妹一向對甜品來者不拒, 所以照單全收 。又平又好味  ,  飽~~

新派甜品店愈開愈多, 相反傳統糖水舖卻賣少見少做得用心, 做得出色的更加已經是難能可貴亦因此...每次晚上糖水時間來到佳佳定必見到人頭湧湧上一次來到門外就見到有接近30人在排隊......只好放棄......無他...現在除了香港人, 還多了大批遊客......想當然主要都是大陸人吧為了避開人潮, 就跟朋友於下午時份來到品嚐一下果然...十分清靜~~~由左至右, 上至下分別是......南瓜燉雪耳, 腐竹白果雞蛋, 蕃薯糖水加芝麻湯丸, 冰花燉蛋南瓜燉雪耳...清甜滋潤腐竹白果雞蛋...煲至所有材料都變得軟爛, 味道濃郁, 口感順滑蕃薯糖水加芝麻湯丸...招牌之作, 外面氣溫已經超過30度都非點不可蕃薯的香甜加上極濃烈薑味和辛辣......perfect match~~!!冰花燉蛋...相對比較普通...先吃了以上兩款, 完全試不出這個的味道...失策