佳佳甜品

营业中

休息中

之前一直都好鍾意食佳佳，有時唔順路都特登去堂食或者外賣近排就少咗去，因為覺得冇之前咁好食咁啱喺附近食飯，食飯前已經特登行過去攞定外賣code，食完飯即刻落單但去到都要等多一陣先拎到不過唔算等得太耐，因為門口太多人又等位又等外賣 每一次都係買同一樣嘢： 白果薏米腐竹同百合綠豆沙越嚟越覺得差咗不過今次實在令人失望白果薏米腐竹 好少薏米同白果 ，好似飲緊「糖水」咁 ，得個甜字 ，唔知究竟落咗幾多糖 ？ 個綠豆沙仲過分水汪汪，似唔夠賣夾硬倒咗啲水入去 完全冇味😅啲百合唔熟 有粒嗰邊黑左🤦🏻‍♀️ 由佢舊舖搬依家個位已經幫襯，職員態度已經差都算，質素越做越差就真係唔會再幫襯！

要咗腐竹薏米糖水加咗錢要雞蛋：打開入邊冇雞蛋！講明要走白果又沒走！乜好忙咩得個三兩張枱都搞錯！電話又唔聽！已經唔係平㗎啦！又細碗！不知所謂！仲話老店～ 仲要甜到漏之前剛開張已經試過一次，外賣除咗要俾外賣錢仲要收加一，咩玩法呀！以後都唔會再幫襯

芝麻糊拼杏仁露，呢個搭配真系經典中的經典呀👍。芝麻糊嘅濃郁醇厚，加上杏仁露嘅清香滑嫩，兩者交融喺一齊，口感一級棒呀。每一口都可以同時感受到芝麻嘅香同杏仁嘅甜，甜而不膩，丝滑细腻🤭。芒果紫米露，呢款甜品超級適合鍾意芒果嘅朋友呀。新鮮嘅芒果肉搭配上煮得軟糯嘅紫米，口感豐富有層次。芒果嘅香甜多汁同紫米嘅 Q 彈口感相互輝映，再加上椰汁或者牛奶嘅加持，令到整個甜品更加香滑可口呀。食一啖，仿佛置身於熱帶果園之中，滿口都系幸福嘅味道呀🥰。

有七至八年無幫襯經過佐敦兩個人入去試吓，話晒依家噤出名要qr code 落單，電子俾錢噤進步….感覺已經無傳統食糖水嘅風味一個叫合桃露一個叫芋蓉西米露合桃露溝勁多奶…唔掂，唔係真材實料芋蓉西米露正常，略甜下奏食完個口同條脷嚡足全日，劣質糖精完全唔值…唔會再幫襯🙂‍↔️🙂‍↔️🙂‍↔️🙂‍↔️🙂‍↔️🙂‍↔️🙂‍↔️🙂‍↔️🙂‍↔️🙂‍↔️🙂‍↔️🙂‍↔️🙂‍↔️🙂‍↔️🙂‍↔️🙂‍↔️🙂‍↔️🙂‍↔️🙂‍↔️🙂‍↔️🙂‍↔️🙂‍↔️🙂‍↔️🙂‍↔️

今日經過呢間所謂嘅米芝連甜品店，見到門口寫住連續九年米芝蓮，咁咪諗住入去試吓啦，企喺門口等咗20分鐘，個侍應就好冇禮貌咁樣叫我哋入去，叫我哋搭枱又冇提前知會我哋，叫咗我哋坐低跟手又叫埋後邊嗰兩個坐埋黎，我哋諗住食碗糖水嗱嗱聲冇所謂。我哋攞手機數碼落單嗌咗三碗糖水，仲要先俾錢，咁都OK，糖水好快就上嚟，一睇即刻火都嚟埋😡😡又細碗又求其，啲糖水咁睇就知係溝水,淡而無味、名不符其實、淨係得個死甜…..仲要鬼死咁貴一碗睇埋個碗邊仲要污糟邋遢⋯⋯真係想即刻劈低唔食講真佢就算請我食俾返一碗$50我我都唔會食…..仲要講到話連續九年米芝蓮…咩米芝蓮嚟㗎？！乜而家香港啲飲食真係差到咁咩？！

好耐冇經過佐敦，想起佳佳甜品去食碗糖水，阿媽叫咗芝麻糊拼合桃糊，我要綠豆沙加湯圓碗糖水細咗好多，阿媽話少咗三份一，碗芝麻糊唔熱只係微暖，綠豆沙個碗周圍崩晒😡服務態度又差，佢應該淨係想做遊客生意，下次唔會再幫襯😤

佳佳甜品連續幾年都得到米芝蓮，所以經常大排長龍，今晚經過見人少少就排隊食，同朋友一人叫左一碗，朋友食番薯糖水，超重薑味，又辣又甜，冬天食十分軀寒。我就叫咗椰香紫米露，可以叫熱或者凍，今次就食熱嘅，椰香濃郁，紫米軟糯，依幾日香港天氣涼涼地食就最岩

一向都知道佳佳甜品好出名 今日七點幾嚟到都已經要排隊入座 我哋兩個人叫咗一碗芝麻糊 一碗番薯糖水 首先佢價錢冇以前咁平 水准上亦覺得比以前差咗 芝麻糊口感上比較淡 比較似落得太多水番薯糖水夠熱夠辣 但係就番薯比較苦 可能唔靚 所以食落碗糖水就差啲食完今次就覺得冇以前咁大期望

攞飛排隊排左一個鐘，堂食食左十分鐘，都值得既因為真係好食既，估唔到d糖水甜度，味道，濃郁度比疫情前更好合桃糊加湯丸一定係叫熱凍湯丸唔夠熱湯丸好食，懂嗎燉蛋唔太甜又香蛋味，食完一碗想叫多十碗腐竹薏米唔加蛋應該係常識吧上述只係我個人口味好多，好多，好x多遊客等位去之前大家要有等位既心理準備現時佐敦中式糖水佳佳係首選，如果有更好一定要話比我知，哈等位食糖水既期間因為樓上滴水所以周圍行左陣都發覺有幾間老店想再去食續.....

花生麥米粥 …. 成碗只得一粒花生（個侍應話：有花生，少d 啫，呢度咪有一粒law) …. 令我想起周星馳套戲 …..核桃露 …. 稀了很多；致命傷係：中式糖水竟然是暖的（唔夠熱），可能想d客快d食完，貨如輪轉 …佳佳老闆是否轉手了？？

今晚天氣又焗又熱，咁啱喺佐敦附近，就去咗佳佳食糖水。平時夏天我會食凍嘅芝麻糊，但晚餐仲未落格，就揀咗冇咁飽嘅木瓜燉雪耳。★̆̈ 凍木瓜燉雪耳 （$29）飲落去感覺到透心涼嘅感覺，非常舒服，木瓜煲到啱啱好，淋得嚟又唔會爛，雪耳都好入味！成碗糖水嚟講微甜，好滋補！雪耳又喺平民燕窩，女士養顏之選★̆̈ 芝麻湯圓 （糖水+$8）為食嘅我加咗3粒芝麻湯圓，由於木瓜燉雪耳同芝麻湯圓唔夾，所以另上咗。湯圓皮薄餡靚，芝麻味好濃好香，仲有少少薑汁蕃薯糖水嘅汁

炎炎夏日，餐後想來點甜品，特別係冰爽涼快嘅甜品。由尖沙咀步行來到佐敦，去試下人氣糖水舖。果真人氣高企，要在外面排隊等候入座。🧊芝麻糊杏仁露（凍）芝麻糊稠度稀！杏仁味就更加清稀，芝麻味唔出，杏仁味淡，有啲失望。唯有凍，才解決到炎炎夏日在外排隊嘅溫度。🧊綠豆沙（凍）第一啖係爽嘅，不過份量少，稀稀的綠豆湯水，不見得好起沙，唯一好嘅就是唔係太甜。份量好少，與食飯碗份量相約但價錢唔係平，試過就可以了，做旅客生意多。

慕名而来的，不太对的起米芝莲的招牌，服务态度不好，里面有个中年大叔凶凶的，店里系统有问题扫码点单扫不出，那个大叔就以为是我手机的问题，然后他还大声反问说自己扫码可以为什么我们扫不出？结果他自己试了手机扫了一遍都扫不出，然后借口说这个时间段不行.....关键是糖水很稀，芝麻糊像对了水，吃不到芝麻的香味，在广州西华路有家叫芝麻糊世家的都比这个好多了。我们还点了个陈皮红豆沙，也是很稀不黏稠，也没有陈皮味，吃完之后感觉东西一般般，服务态度也不行，有种花钱消费像欠别人的一样……唯一的优点是价格还ok，两个人不到80港币。不推荐以及不太愉快的一次体验

中式糖水是代表香港的其中一種美食， 一種香港人的回憶 ，以前去的時候，糖水都是即磿， 貨真價實非常美味；我們叫了芝麻糊紅豆沙， 一入口真是十分失望，糖水溝粉加水，員工無禮貌， 什麼回憶也沒有了！

以前去食佢個杏仁露、真係杏仁磨出來。而家叫杏仁露，係用溝粉溝出來，仲要d粉都未溝均😓，就拎出來比客人，真係好離譜，冇哂以前嘅質素。咁既質素，真係唔會再去食囉。