佳佳甜品

营业中

休息中

今日星期六假期食完早餐，路過佐敦的佳佳甜品，於是入去試吓這間有米芝連嘅中式甜品店。一踏入這間甜品店就被他們的圖畫所吸引。即使你唔明白中文名稱，他們圖畫已說明你想食的是什麼。今次試了三款甜品，全部都不會太甜，好適合大眾化口味。但係唔知是否食材貴咗但零售價格又不可增加太多，所以每款食材份量比較少，不過口感及味道都好味。

由街邊半個檔位食到搬對面大舖，跟著再搬到而家位置，不經不覺已經有20多年，直到轉左手，水準就好唔穩定。加上多國內客人，變得流水作業，完全唔一樣。2點幾去到食個番薯糖水加湯丸，糖水及湯丸都係暖嘅，羗湯亦冇以前咁濃，可能方便食客可以快D食完番枱。一年前食過一次仲激氣，D番薯全部係碎碎濕濕，似翻㷛完又翻㷛咁款，一年後再幫襯以為會有改善，但都係失望。如果下次食，去土瓜灣搵番舊事頭婆，包你滿意。

同朋友食完飯見仲早想轉場食甜品，朋友推介附近有間好出名，米芝蓮推介嘅傳統中式糖水舖🥣 去到門口見到勁多人排隊等緊，因為我哋有7個人，心諗一定等好耐，傾緊放唔放棄嘅時候，可能咁岩有大枱，幸運地等左15金鐘左右就入得😝 舖頭有2層，地下個層放滿咗米芝蓮嘅獎牌🎖️🤩 我地分別試咗幾款糖水都好高質🥰 📌芝麻糊 ($27)🫘好香芝麻味，唔會好甜，芝麻磨到好幼細，完全食唔到粒粒，口感好滑。📌合桃露 ($29)🥜第一次食合桃露，覺得味道同芝麻糊有D似😆 一樣都係磨到好幼細好滑，好快食完一碗。📌濃薑蕃薯糖水 ($26)🫚🍠蕃薯份量好多，大大嚿😆 叫得濃薑，果然比起一般蕃薯糖水辣好多，食完個人暖哂，冬天食就啱哂!🌟推介指數：😈😈😈😈😈（5😈為滿分）

夜晚中環睇完show，想低坐食少少嘢但又唔想飲酒（因第二日仲要返工），所以選擇搭幾個站去佐敦食糖水。嚟到佳佳都差不多11:00，但都仲好多人響外邊等位。大多數都係遊客，可能大家都因為米芝蓮大名而嚟，當中等外賣都唔少，所以比想像中快，大約15分鐘就有位。不過想食嘅楊枝甘露已經賣曬。我哋2個人order咗3個糖水（等咁耐，食返夠先走🤣🤣🤣），凍花生麥米粥，凍杏仁芝麻糊，凍馬蹄西米露（因為天氣實在太熱，實在唔想食熱嘢）糖水係傳統嘅中式糖水，真材實料，唔會太甜，份量啱啱好，所以2個人食3款一啲都唔過份，價錢公道，等吓都抵。

已經數唔清食左佳佳甜品幾多次啦😍平時都係收工買外賣多今日就一於試下堂食啦😎去到個陣差不多8點 已經好多人排隊🥹等左15分鐘就有位入到去即刻見到一排排的米芝連獎牌好勁呀😆同埋一路都見到好多遊客去食超有人氣☁️我地嗌左個「芝麻糊溝合桃露」、「杏仁糊溝合桃露」、仲加左佢最出名的湯圓💛芝麻糊個碗我覺得有少少甜但非常nutty feel到佢真材實料👍🏻👍🏻我次次來到都會食佢既杏仁糊溝合桃露🥹因為實在係太太太太太好味啦🥲甜度岩岩好 而且又香又濃同埋我發現堂食好似大碗過外賣🤣下次都會再來堂食啦😍

工作日的中午都需要大排长龙的米芝莲糖水铺！特地带内地过来的亲戚感受下港式糖水！点了五道每道味道都不错！！！没有特别踩雷的地方！但如果夏天要排队30min以上我就不推荐了！最钟意腐竹薏米！冻的清爽不黏腻！

米芝蓮佳佳甜品話說同朋友仔食完飯見8點幾仲早就睇吓附近有咩糖水食點知朋友話附近有間40年歷史米芝蓮糖水好出名咁就緊喺去試吓啦點知去到門口，8點幾已勁多人排隊大家都好合作，食完就會走所以都唔洗等好耐就有位等咗大概5-10分鐘就有位啦不過要搭枱的一入店已經見到9塊米芝蓮嘅獎牌聽聞發哥都喺常客啊佳佳甜品主打傳統甜品芝麻糊、核桃露、番薯糖水等等價錢仲好抵食我哋叫咗核桃露併芝麻糊 $29同芝麻糊 $27兩碗都超級香滑，完全可以滑入喉嚨味道香濃，推薦必食另外加咗自家製芝麻餡湯圓，入口軟糯幼滑彈牙食完我再外賣一碗核桃露併芝麻糊諗住第二日品嘗點知當晚就俾老公飲咗🤣朋友外賣咗盒湯圓 佳佳甜品 (佐敦)佐敦寧波街29號地舖

又要開店，又要趕人走，未食完就問你仲食唔食，本嘢仲有三份二或者仲有一半，都會問你仲食唔食，我話仲會食，個職員話「我都見唔到你食」，我個下都嬲嬲地，但無講咩，我食唔食關你咩事？同埋我隔離仲有空枱，門口又無人排隊，催咩呢？！一係你就寫明規矩話食幾耐，坐幾耐，我地最後都只係食左半個鐘………我叫左芋茸蓮子西米露，甜得太over啦，又唔好食，先會食咁慢，真心食評。。。大家無咩事都唔好去講真！做餐廳，唔該你有番做餐廳嘅基本禮貌！

呢日食完晚飯，好想食碗糖水🤭好掛住佳佳😂就行去睇下條隊長唔長😂可能星期日，排隊嘅人冇超多✌🏻我哋排左10分鐘左右就有位，超快😆天氣太熱，今日試凍野🍧木瓜燉雪耳好足料，每口骨膠原🤭唔會太甜😊雪耳燉到好冧，好鐘意。木瓜份量都好多。紅豆涼粉🫘天氣好熱來一碗好唔錯，紅豆好大粒又飽滿，涼粉唔會過硬👌好好食。

出名食店總要排長龍👍飯後同朋友們於佐敦寧波街排等食 聞名的佳佳甜品，幸好只等了約15分鐘就可入座。此間有米芝蓮 及發哥加持，好受歡迎👍叫了傳統甜品香滑芝麻糊、合桃露、燉蛋👍花生糯米麥米粥有驚喜幾好味😋糖水多數是廿幾蚊一碗，另可加$8有3粒湯圓，價錢算平加上足料好味，所以吸引不少人排隊來食👍芝麻湯圓是寧波細粒嗰隻，個人鍾意大粒較多芝麻餡😋店內用手機二維碼落單好方便又快手👍可省人手香港請人難🥹食完後買個外賣濃薑蕃薯糖水俾老公食😋嘩。。。第一次食到蕃薯糖水真好薑辣🥵🥵 要加熱水溝稀才飲到，蕃薯好味👍#飲食情侶🥰#MagicCherry攻美食😋#租舖 #買舖 搵 #cherry攻商鋪🍒

比米之蓮個名吸引左去食，仲要連續幾屆，點可以唔試下，琴晚十一點幾甜品得返好少選擇🥹門市都仲要排隊，所以外賣走叫左個冰花燉雞蛋同春蛋燉雪耳冰花燉雞蛋，好香蛋味，好滑春蛋燉雪耳，好香鵪鶉蛋味，唔算太甜

每次去到佐敦，都好想食米芝蓮推介的佳佳甜品！佳佳甜品有超過40年歷史🤟🏻佢地堅持用最原始和自然的食材，配合傳統的手工技藝煮出中式傳統甜品😀啱晒追求健康又想養生嘅我！去得食佳佳就預咗要排隊😂今日大概10:30去到，排咗15分鐘就入得，都算快！店舖入面掛滿獎狀，多得誇張！果然名不虛傳🙌🏻⭐️其中一款必食嘅就係濃薑番薯糖水 $26 (+$3雞蛋)我好鍾意食薑，越辣越好🫢 如果食得辣嘅你一定會鍾意呢度嘅番薯糖水，因為真係比平時食開嘅辣好多！唯一美中不足的是番薯份量唔算太多，得兩舊，食得唔夠喉😅 雞蛋是額外加的，正常味道，沒什麼特別。⭐️ 紅豆沙拼芋茸西米$26 (+$8 湯圓)少有的芋茸西米，香芋味濃郁，口感順滑，紅豆份量足夠，而且夠沙，亦不會過甜！而湯圓屬正常發揮，不過不失，如果想飽肚啲就可以叫! 食雙拼嘅好處就係可以一次食晒兩個口味，有雙重嘅滿足感😜

同老婆行經附近 咁啱又想搵啲野食但又唔好咁飽 老婆就建議去食間米之蓮嘅糖水去到門口已經見到要排隊啦 一路排都聽到排緊隊嘅好多都係講普通話嘅 應該都係遊客專門搵出名嘅野試 我諗應該都會好好食嘅門口入邊已經見到好多年都榮獲米知蓮推介一睇都知勁野😂餐廳內一眼就望見好出眾嘅手畫餐牌我同老婆就叫咗芝麻糊同埋芋茸蓮子西米露芝麻糊食落真係好香 唔太甜 幾正👍🏻西米露就好香芋頭味 西米粒粒分明👍🏻兩碗都唔錯 下次順路都會考慮再黎食

連續數年獲得米芝蓮的這家港式舊式中式糖水實在不容忽視，原來已有𝟒𝟎年歷史的老字號了👍🏻當天來到已經排滿外面兩家店舖，等候需時呢！比較凍吃糖水，步入廿中的小編鍾愛熱食各式糖水，感覺味道更出呢。 ——— ✤ 核桃露併杏仁露｜$𝟐𝟗 店家用上雲南合桃，味濃富有層次感，熬煮烹調的過程必須謹慎小心，隨時要看緊火候，一有微焦就要重新再煮；杏仁露熱食更滋味，白滑細緻，杏仁味香濃無比😋兩者搭配口感香濃幼滑，味道溫醇。 ✤ 白果薏米腐竹｜$𝟐𝟔 這款叫了凍吃，質地輕盈綿密𝐜𝐫𝐞𝐚𝐦𝐲。 -✤ 芝麻糊｜$𝟐𝟕 (+$𝟖湯圓𝟑粒)傳統糖水中其中一樣必試的一定是這個石磨芝麻糊，以炒香的黑芝麻磨至細滑， 帶濃醇芝麻香，味濃質稠香滑，推薦一定要加配軟綿綿流沙寧波湯丸，手搓湯圓皮薄煙韌，流沙芝麻餡很是香口！

食完晚飯朋友話想食糖水，帶咗我去呢間糖水舖，見到舖頭大排長龍，真係覺得好誇張，排咗大約半個鐘先入去，見到入面攞滿獎，真係多到好誇張🦥冰糖燉木瓜呢款甜品味道清甜，糖水甜而不膩，果然名不虛傳👍🏻已經諗緊幾時再食第二次⋯🦥濃薑蕃薯糖水蕃薯份量唔算好多，比起平時食開嘅蕃薯糖水辣好多，未必個個啱口味🦥寧波薑汁湯圓皮薄餡靚，呢個湯圓真係一定一定點☺️實在太好食，我地叫咗一碗share食再額外每碗加三粒😆散叫無咁抵，建議叫糖水再加湯圓，性價比較高呢度嘅糖水價錢相對市價平，而且又好好味，難怪日日大排長龍👍🏻👍🏻👍🏻🌲🌲🌲🌲🌲🌲🌲🌲🌴只想懶住食、懶住玩、歡迎餵食🌴💤🦥得閒就Follow吓，不過懶得Follow翻你🦥💤 佳佳甜品 (佐敦)佐敦寧波街29號地舖