佳坊

营业中

休息中

兩個麻甩佬收工係荃灣揾飯食，自不然就去左三坡坊睇下食乜好，見天氣有啲涼，就入去佳坊食個鍋暖下個人。昅一昅個餐牌見到牛雜鍋就決定要佢，個鍋來到真係份量十足，牛膀牛腸牛肚樣樣齊，仲相當入味，蘿蔔仲好冧好甜，一邊食一邊隊啤真係麻甩佬既天堂。個鍋兩個人食真係唔係點需要加其他菜，我哋加碟肥牛，一碟菜同一個麵，食完都飽到上心口。

食飯時間周圍都好多人諗住隨心揀一間老闆熱情推薦我哋入去試一試咁就試吓啦！！！服務都幾好 枱面有一碗熱水俾我哋洗餐具有好多煲類產品都好吸引不過唔係好肚餓所以今次選擇試吓佢哋嘅小炒豉油皇中蝦火候十足非常惹味雖然係中蝦但係都唔會好細隻感覺都幾新鮮 肉質紮實😋味道方面唔會好似出面咁鹹豉油反而有帶少少甜味驚喜係蝦頭嘅膏都好好味油鹽水浸大硯抵食 大大盤好多隻硯個油鹽水都幾出色 個湯可以就咁飲仲有好多粉絲墊底吸哂滿滿既湯汁😍😍椒鹽墨魚頭粒粒都炸到金黃色外面嗰粉唔會好厚 炸得好酥脆而且入面粒墨魚頭大大粒好彈牙真係真材實料👍🏻👍🏻👍🏻估唔到啲小炒幾出色下次要試埋雞煲先得！

😃E間嘢自從過年前開張果時試過之後就定時定侯都要嚟，原因係佢D小菜真係價錢平、碟頭大、夠鑊氣，勁惹味😋，近呢十年八年周圍食嘅經驗，佢嘅😍*椒鹽白飯魚*真係可以講得話係［四區之冠］，冠係冠絕荃、屯、元、天，所以一試就上癮，每隔一兩個星期就心掛掛，要出嚟止下咳先得🤤！而*小炒皇*就足料又大碟🤩，招牌*豬筒骨胡椒雞腳鍋*分量都唔小嘢，一鍋足夠三、四人食！連隨意叫一個鹹檸七都比佢嚇親！😱原來係用個幾有特色嘅方形玻璃樽載著🥳，幾靚之餘真係一D都唔隨意，個supersize都應該足夠二人享用😂！家陣咁嘅時勢又要好食、又要經濟、仲要食得安全，睇怕都非佢莫屬喇！我每次嚟都鍾意坐門口，戶外枱，空氣好D，開陽D，咁就唔怕呼吸都變吸毒(病毒)啦！😁

8個人去食，叫左個海鮮豬骨胡椒煲，好正，好足料，另外一個雞煲，啲雞都好味，唔太咸，又唔會得骨頭，再叫左啲小食椒鹽墨魚咀，咖哩黃金牛腩，芥末牛柳粒都好正，出面比較少機會食到。由於大家都好肚餓，食到一半都覺得值得推介，所以食左先補返影相上黎share。員工服務態度幾好，又會主動推介食物，另外為左8個人傾計方便，安排左個好舒適的房仔，夠曬私隱，可以高談闊論。最後又啤酒汽水，人頭都係200頭，但食到超飽，下次會再食！

用openrice 咁耐都係第一次寫食評, 呢間野食過兩次，第一次係見新開咪同老公走入去試吓囉，兩條友叫左兩三碟野食，佢啲野食都幾新鮮又夠味🤪今次係同埋班fd 一齊食叫多好多款野食但有啲冇影相🙈，店員都好有禮貌，杯咸檸七好大杯好抵飲,個個fd都讚冇介紹錯，下次要再食👍👍👍

荃灣食肆林立，今晚路過荃灣三坡坊就比這間「佳坊」特色美食吸引左入去，咁就入鄉隨俗，融入大排檔的文化。大排檔環境雖然草根，但勝在夠鑊氣、多花款。如果想食鑊氣小炒或者整個火鍋爐暖暖身，一定唔可以錯過三坡坊嘅小店「佳坊」。今次點左德國咸脆豬手、炸大腸、招牌手撕雞、乳豬海鮮豬骨煲、咸檸樂，樣樣野都大大份夠晒我地5-6個人食。德國咸脆豬手師傅早一日已經醃好晒啲咸脆豬手，首先將豬手塗上調味料，再風乾一晚先夠入味。咸脆豬手皮層脆卜卜，外表雖然睇上嚟略為乾身，但入口肉汁鎖住晒，肉質幼滑，肥而不膩。炸大腸炸大腸最緊要洗得乾淨，佳坊嘅炸大腸完全合格。賣相方面，小店棄用傳統一圈圈串起嘅方法，反而改用沿豬腸內壁直切，確保唔會隱藏污垢。師傅話炸大腸最緊要有耐性，咁樣食落口先會有先爆脆後爆汁嘅口感。招牌手撕雞師傅提前一晚用秘制醬油醃好風乾，輕輕炸乾後掛起放涼，直到上枱前一刻先起肉拆骨。一般手撕雞都係油鹽浸再加麻油，這個手撕雞有點像燒雞，外皮金黄乾身，肉質细滑，完全無肥膩感。乳豬海鮮豬骨煲熱辣辣脆卜卜乳豬+新鮮海鮮（蝦、蟹、花甲）+雞腳+蔬菜一煲大大煲，樣樣都有，加埋個胡椒豬骨湯底，一定食到飽，我比較大食，最後叫多

荃灣的街坊有福了，上星期六和朋友慶祝生日，所以我試了這間新開的小店，竟然也有驚喜；我們先吃了兩款小吃，就是我最愛的椒鹽鴨舌及麻辣墨魚咀，這兩個小吃都很好味，然後才開始吃火鍋，我選了花甲蟹鍋配楜椒湯，鍋底內已經有蟹、蝦、蜆、花甲、粟米、紅蘿蔔及不同的菇類等多重食品，而且湯底十的鮮甜並有很楜椒香味，還有店裡其他火鍋食材都十分新鮮；包括鮮鵝腸、白鱔片、牛肉、牛栢葉、牛骨髓、潮汕牛丸、魚片頭、蟹籽墨魚滑、稻亭手打烏冬、自家製雙拼角、冰菜、金菇等等；而價錢絕對是很經濟的街坊價，值得大家一試🦀🦐🌽🍄🥕