佳美樂快餐

营业中

休息中

呢間快餐係幾年前一位朋友介紹最近又再路過 掛住d鹽酥雞 決定入去食返餐！每次都必定會叫 鹽酥雞雞蛋飯/面 如果叫飯可以選茄汁/黑椒汁/白汁等等配搭如果叫面/米粉就會幾條菜配搭 比較健康d~唔夠食仲可以加餸自己配搭 一個餸都係幾蚊 好抵叫左一碗鹽酥雞雞蛋米粉🍜鹽酥雞真係好出色 一口一粒 外脆內軟😍仲有呢度既凍奶茶真係好正好好飲睇個顏色已經知 茶味夠奶味又香 走甜都咁好飲🥤呢度主要做街坊生意 好多回頭客 因為快餐黎講實在太好食！

佳美樂快餐賣相:C+味道:B-份量:A+服務:B-環境:B-衛生:B價格:B+WIFI:冇冷氣:A+返食指數:50簡評:這間食店位置盈豐商場內,由我中學生細細個都而家三十幾歲人,此店都係屹立不倒!正宗做街坊生意,深受區內人士歡迎,不過我自已住左屯門咁耐,食呢間舖,係五隻手指數得晒,其實味道都算不過不失,份量相當不錯,我認為格價同食物質量都算對比的,其實最令我欣賞既係,水吧位主舖得一兩張餐枱,佢主要係開隔離的舖位,特別之處係商場本身有中央冷氣外,它還加設兩部窗口機,令到食客食得舒適

早排同朋友一齊懷緬下中學成日食嘅鋪頭😂雖然係屋企附近，但已經幾年冇食……以前有得坐出面，夏天熱辣辣食到出汗😂記得有一次片樹葉仲飄咗落杯嘢飲到🌬鹽酥雞蛋飯連埋凍飲都係$44😛佢嘅咖哩唔辣，但係好香，啲咖哩汁比較稠身🥘加埋隻煎得好靚仔嘅大陽蛋撈飯真係絕配😎鹽酥雞有好多粒，炸到脆卜卜咁，肉又唔會乾😙飯嘅份量亦好多，食埋啲薯仔真係好飽，女仔叫小飯都得🤣可以配唔同嘅汁，例如茄汁同豉油😚

位於屯門盈豐商場佳美樂，店內座位非常少，不過，如果多人老闆㑹在店外加枱。呢度有鹽酥雞，入口香脆美味，一試難忘！茄汁豬扒蛋飯，份量好多，落單時可以叫少飯，薄薄的豬扒，非常乾身，唔油，啖啖肉，煎蛋可以揀太陽蛋，雖然喺簡單既碟頭飯，我依然吃得好滿足，還有飲品贈送，奶茶喺一個不錯既選擇，茶底非常香，入口濃滑，是大排檔味道👍🏼

位於盈豐地舖既佳美樂 細細間 以前老細會擺枱喺街 不過宜家冇放 所以都要等佢俾枱你 一餐好似頹頹既頹飯 其實店家一啲都唔hea 豬扒鬆軟有味道 飯大大碟 豉油甜甜地 再加埋杯檸茶 檸檬有味 茶底都好濃郁 夠哂香食成個餐都係37 都幾抵食

新界區唔夠九龍區咁方便 但總有一d隱世小店幫襯左佳美樂好多年 餐牌冇咩變化 一直都係 豬扒雞扒拼蛋/腸仔飯 配唔同既汁有豉油汁 茄汁 栗米汁 牛腩汁我一直喜愛既就係豬扒太陽蛋飯 茄汁豬扒用左鬆肉粉又調過味 煎到好香又好易咬 茄汁唔太稀或太稠 送飯岩岩好加上太陽蛋既蛋黃流出黎 再加一口豬扒 簡直可以食到成碟飯佳美樂亦做出 茶記風味 紅茶底都十分香濃 無論奶茶定檸茶都唔會失望👍🏼👍🏼小店坐位唔多 假日多要等位但風味十足 食足咁多年 味道都不變每逢假日 我地一家人總會去一人一碟😁