佳芳廚房 (已搬遷) 新店位置

🐟 **原隻鮑魚石斛肉汁燉湯**這道湯品，簡直是一道味覺的盛宴！原隻鮑魚的鮮美與石斛的獨特香氣完美融合，再以肉汁慢燉，使湯底醇厚且不油膩。每一口都能感受到鮑魚的鮮嫩和石斛的清甜。這款湯不僅滋味鮮美，更有著滋陰養顏、補虛強身的功效，實為滋補佳品。🌽 **粟米鮮肉餃**餃子皮薄餡足，以鮮嫩的豬肉搭配甜美的粟米，再以秘制調料調味，使整個餃子鮮美可口。每一口都能吃到飽滿的餡料和淡淡的粟米香，回味無窮。🍤 **雲耳馬蹄餃**以雲耳和馬蹄為主要食材，口感爽滑Q彈。雲耳的口感和馬蹄的脆爽完美結合，讓人欲罷不能。🐖 **豬腳姜醋**豬腳燉得軟糯入味，與姜醋的酸甜相得益彰，吃上一口，滿口生香。這款菜品不僅美味可口，還具有滋補養顏的功效，是女性朋友們的最愛。#佳芳廚房 #美食分享 #美食探索 #特色佳餚 #味覺盛宴

難得星期六又喺深水埗，咁就一定要去佳芳廚房。因為佢哋逢星期五同六，都會特登製作乾隆皇帝粥，呢個粥簡直係佢哋嘅鎮店之寶，非常之好食。佢地用左蠔豉，梅頭肉，皮蛋，鹹蛋，經歷四小時13道工序熬製而成，所以成個粥都好入味，而且每一啖都有料，足料又好食。而且呢個粥仲好健康，會有好多功效，包括熬夜下虛火，清熱排毒 同 生津回甘。除咗個粥之外，佢其他嘢食都好好食，包括佢嘅南乳豬手，炆得好腍好入味，令人食完一啖又一啖，搞到我差啲忍唔住買多一份打包返屋企再食過。而佢嘅小米糭都好香，裏面有好多餡，熱左之後，就更加軟腍好食。

呢間嘅燉湯聽聞就好出名，但係今次就冇食，因為同同事趕住返去開會就叫咗兩set午餐食。姐姐推介梅菜蒸肉餅，非常高質！送飯一流🤤🤤採用新鮮豬肉去製造，姐姐話絕對唔係雪藏豬，食落真係冇雪藏味，好好食，肉餅都醃製得非常之好味！另外姐姐都推介咗梅菜蒸鯇魚，平時喺出邊食蒸魚都好容易有草腥味，依家嘅蒸魚完全唔會食到呢種腥味，對於一個怕腥味嘅我，完全可以補充到Omega，健康又好味！但係非常之推介嘅一道菜！跟餐有碗湯，跟餐嘅湯就比較清，建議都係試吓呢間舖頭嘅燉湯👍👍

佳芳廚房深水埗汝州街257號地舖經開深水埗，老友帶我去食地道家常小菜，有驚喜呀！😺五指毛桃湯原汁原味，沒有味精，健脾益肺，祛濕，飲完好舒暢。😽招牌南乳豬手麵豬手炆得夠入味，豐富骨膠原，口感煙韌，鹹度適中，粗麵彈牙冇鹼水味，生菜新鮮爽嫩，撈埋南乳醬汁一齊食，好惹味！😻韭菜鮮肉餃蒸餃即叫即製，皮薄餡靚，韭菜新鮮爽口，豬肉醃製得恰到好處，肉味香濃，好味道！😋蘿蔔炆豬軟骨豬軟骨炆得夠林，醃得入味，肉汁豐富，餸飯一流，蘿蔔爽甜，吸收了醬汁的精華，推薦！😍熱奶茶 茶味香濃，奶味濃郁。😚凍檸茶 檸檬新鮮，冰底夠凍，茶味香濃。😁佳芳廚房 住家小菜，食材新鮮，侍應服務態度好，還會再來。😎🤘🏻

行到餓餓地，見到門口貼住有招牌豬手、手工餃及燉湯，仲寫住冇添加及有家的味道，所以吸引咗入去試下😋。🥢南乳豬手飯$52豬手夠哂軟腍，膠質豐富，南乳汁夠入味，濃而不鹹，仲配埋生菜添。🥢梅菜蒸鯇魚$58鯇魚完全無泥味，魚肉新鮮嫩滑，仲要係多肉腩位，配埋鹹味適中嘅梅菜，非常好下飯。每個餸跟🍚白飯及🥣五指毛桃豬骨雞湯，湯頭鮮甜清香，帶五指毛桃香味。☕️熱奶茶$12奶茶絲滑濃香☕️熱檸茶$12整體食落味道啱啱好，食完唔會口乾口渴，證明冇味精冇雞粉，真係好有家的味道。

今日同屋企人經過，遇到間深水埗小店，老豆話想食得健康d,就簡左呢間冇味精，健康之選。招牌南乳豬手 配湯河粉 $52河粉個湯底係清湯 ，南乳豬手好軟淋同入味，有3件，相當推介，配乾麵應該會更夾。 同埋我估唔到佢比咁多菜，我本身叫左油菜，真係勁健康😂今日星期六靚湯係 防脱髮烏雞補腎湯 $53湯渣可見，相當足料。黎呢到大部分人都會叫湯，因為真係好抵飲，真材實料，抵過你去買湯包，依家仲有人煲埋🤤🥬 油菜（一碟）$24叫左生菜，份量相當大碟。乾隆皇帝粥 御五品粥 $38材料：蠔豉，梅頭肉，皮蛋，鹹蛋超級足料既粥呀（留意番佢係星期五，六至供應）如果咁岩星期五六黎食，可叫呢個粥，相當足料

深水埗嘢食多到揀唔落手，簡簡單單揀咗呢間睇落好有住家菜feel嘅餐廳。本身睇餐廳名都覺得好搞笑，入到去先發現真係好「街坊」餐廳，店員好親切而且好多都係熟客，全部有講有笑，亦會推介第一次嚟嘅客人可以食啲咩比較健康嘅菜式，好有人情味~餐廳所有食物冇味精、冇雞粉同任何添加劑，亦採用新鮮食材，主打健康家常菜。我哋叫飯仲包埋可健脾益肺、祛濕嘅五指毛桃湯。湯好清甜，唔係味精湯，呢個天氣非常適合飲用。🍽️豉汁蒸鯇魚飯 $58出面食蒸鯇魚都係薄片，而呢度嘅鯇魚相當厚身，質地相當軟腍嫩滑。魚肉非常新鮮，完全冇腥味。手剁豆豉好有屋企feel，價錢亦好貼地。🍽️梅菜蒸肉餅飯 $52肉餅採用新鮮豬肉製造，冇任何雪藏味，肉餅比較厚身有口感，相對彈牙唔會一夾就散。有啲似手打魚蛋咁「Q彈」！😂梅菜味好濃郁但唔會過鹹蓋過豬肉味，送飯食不錯。菜嘅份量都唔少，真心推介！👍🏻

前日下班落巴士經過佳芳，順便買外賣，叫咗三個飯盒及兩個湯，點知回家後等個女收工回家一齊食，至發現少咗一個飯盒，個女才分享經驗話曾經試過用網上外賣平台叫外賣，亦有漏送，好在可以投訴，但我就係自取及用現金交易，所以請大家若在這店叫外賣，切記要檢查清楚是否齊貨至離開，因為這店的質素實在不到位。這店嘅招牌湯天麻魚頭湯及石斛鮑魚烏雞湯，雖然價錢平合理，但味道就太差，好淡，好似例湯咁，明顯用料不足，係價錢問題將貨就價，奉勸各位唔好試喇。叫咗豬軟骨飯，調味太甜，應該落咗好多糖，另一個係鹽焗雞飯，是惟一可以接受嘅，雞隻選用較小較瘦嘅品種，勝在脂肪不多，調味適中，是惟一符合水準嘅菜式。

每周養生燉湯每天不同款式，星期五去食，飲嘅係野生虎🐯乳菌靈芝湯，佢可以排出身體毒素，亦都可以減少青春痘形成。燉湯用燉壺裝住，熱熱哋好好飲（好味過媽媽煲）［主菜］奉送油菜及例湯，每天供應有限梅菜蒸肉餅飯（必食）我好鍾意食梅菜，因為可以增加餸嘅鮮味，而且呢一款梅菜甜甜地，而且冇渣。肉餅質感唔會太結實，而且味道調得剛剛好，唔會死鹹。梅菜蒸鯇魚飯（高質）舊魚雖然細細舊，但係入邊都係魚腩，好多肉，而且蒸嘅時間啱啱好，所以魚肉非常嫩滑。

喺深水埗買完野，又係揾野食嘅時間，比佢個名吸引左”佳芳廚房”，就望下你食乜，好！啱食，就試下，入到去，侍應見我地左諗右諗，就介紹我地試下豬手（好淋）、肉餅（新鮮豬肉）、鯇魚（冇泥腥味），好！咁就決定la⭐️五指毛桃豬骨雞湯（跟餐）真係要讚，跟餐嘅湯都咁用心，咁好飲，搞到我心郁郁，下次再黎要試下佢d燉湯，好似一星期7日都有唔同款⭐馬蹄蒸肉餅飯馬蹄大大粒，仲有好多，一d都唔孤寒，仲好清甜，肉餅本身唔會好硬果種，同馬蹄加埋一齊好好食⭐梅菜蒸鯇魚鯇魚真係冇泥腥味，仲要咁啱撞正最鐘意食嘅腩位，正呀🤤食飯嘅時候，見個侍應姐姐同d客人嘅關係好熟咁，好似好多都係街坊落黎食下飯，傾下計嘅感覺，”佳芳廚房”食左個諧音，個名改得好呀

門口姐姐好落力招客，見價錢都係五十幾所以就入去試下。裏面幾乎檯檯都係食蒸鯇魚，老闆娘話平時一早就無曬，今晚得翻3份，所以就叫左份豉汁蒸。份鯇魚份量正常，好足豆豉蔥花，好啱撈飯。蒸得非常滑，無泥味無腥味，水準之上。跟餐個湯好特別，味道唔係一般例湯；老闆娘話係用老雞老鴨煲五指毛桃，好有屋企阿媽煲湯feel。呢間野好多都係自家製，檯面個麻辣醬係老闆娘自己炒，又唔太辣，但食到麻香，老闆娘話點餃子仲正。見到餐牌有5-6款餃子，又有生料打包，牆上寫住好多款燉湯，可惜一個人食唔到d咩。呢個價錢都係深水埗公價，下次再試埋其他！

今天在深水埗買野，見到這家餐廳的價錢相當貼地，仲有每日老火靚湯提供！**豉汁梅菜蒸魚**皖魚經過豉油和梅菜等蒸煮,完全沒腥味味，肉質鮮嫩多汁,酱汁浸潤魚肉,香味四溢！**南乳豬手配麵**豬手肉質軟嫩入口即化,有好多膠原蛋白，經過南乳醬汁調製後,香氣濃郁！**韭菜鮮肉餃**餃子皮薄而有韌性,咬下即可感受到餡料的鮮美，餡料由新鮮韭菜和優質肉餡精心調製,香氣撲鼻,飽滿多汁！ **五指毛桃湯** 湯色透亮,飄散著淡雅的香氣,溫潤滋養！**自家制酸梅湯**清新爽口,清涼解渴，絕佳的酸甜平衡！

今日嚟到深水埗嘅佳芳廚房食佢哋嘅住家餸，佢地有做好多湯水滋補嘢食，終於可以補返吓。先嚟一個無骨海南雞飯配湯，啲雞好滑溜又無骨，方便食用。飯係雞油飯超香。湯就係椰子雞清湯。仲食咗個老闆娘介紹只係星期五六先有嘅乾隆皇帝御五品粥$38，材料包括蠔豉，梅頭肉，皮蛋，鹹蛋。主治熬夜下虛火，消熱排毒，生津回甘，經歷四小時13道工序熬製而成。非常鮮味濃郁。最後再飲咗個虎乳菌野生靈芝湯，功效為補氣潤肺，止咳化痰，增強抵抗力免疫力。材料包括虎乳菌，野生靈芝，麥冬，龍眼肉，烏雞，豬搌肉，蜜棗。非常濃味。飲完覺得成個人健康咗。

深水埗係平價美食之地，今日試咗呢間佳芳廚房，真係「街坊」廚房，六點去到，已經坐滿晒人，全部都係街坊顧客，晚飯小菜全部冇加味精雞粉，原汁原味，唔怪得咁受街坊歡迎見到餐牌有二人餐同四人餐，價錢都好優惠，份量好多，不過今晚唔太肚餓，下次有機會試吓蒸鯇魚套餐鯇魚冇泥腥味，而且係魚腩部份，冇加味精，個白飯都好好味，例湯一啲都唔差，絕對唔係味精水，好重椰子味梅菜蒸肉餅個肉餅味道調得好好，而且唔係全部肥肉，食物質素有保證

防脫髮烏雞補腎湯+木耳豬肉蒸餃，個湯係一盅盅，出黎熱辣辣，本身以為藥材味勁重，但其實飲落無，因為佢都落幾多雞！飲得出係無味精，鹽都少，係肉嘅甜味！每日都出唔同嘅湯，賣完就無～餃子偏淡，但都係新鮮材料，好健康，怕唔夠味，佢枱面有醋辣醬同麻辣油，推介蘸麻辣油，老闆娘話自己炒架，好香，夠麻，但係唔會話後勁好強！Price : $50-$100/p.pEnvironment (10 is chill): 7/10Yummy (10 is delicious): 7/10