佳芳廚房 (已搬遷) 新店位置

每次想飲靚燉湯就會諗到位於深水埗的佳芳廚房，這間平民化食店，主打真材實料冇味精的靚燉湯和新鮮豬肉製作的小菜和餃子。今日收工和同事過嚟食飯，叫咗兩個套餐，⭐️蒸餃加每日燉湯$88今日燉湯係姬松茸牛肝菌竹笙燉烏雞湯，這道湯對貧血體虛的體質人士特別適合，味道鮮美濃郁，超正😋蒸餃子8隻，餃子皮薄得嚟有韌性包著超多韭菜豬肉餡料，大大隻，內餡飽滿多汁，沾些香醋同食，十分美味。⭐️馬蹄肉餅飯配五指毛桃湯$52五指毛桃湯用上老母雞豬骨五指毛桃煲幾小時熬製，滋陰養顏提高免疫力，飲落陣陣椰香味，味道香濃。馬蹄蒸肉餅，老闆娘一再強調是用新鮮豬肉蒸煮絕無味精，食落啖啖肉香加上清甜爽脆馬蹄，送飯一流👍這餐平民價錢食到高質素美食，認真超值👏

深水埗的街坊餐廳，位於深水埗距離地鐵站大概5分鐘，雖然天氣好熱，但適逢星期五，所以好想食他們最出名的乾隆皇帝粥，這款粥只有星期五及星期六供應，主要是以蠔豉、皮蛋、鹹蛋、梅頭肉等需要花四個鐘煮成。粥底非常嫩滑，配料亦非常足夠。食完好想再食多一碗。另外是南乳豬手撈麵，充滿着蛋白質的豬手，非常濃味，撈麵的份量非常多，飽到上心口。另外蘿蔔糕都好足料，煎得好香，份量亦非常多，配上辣椒醬更加開胃。#深水埗茶餐廳 #深水埗美食

今日跟男朋友去佢屋企附近嘅飯堂食飯😋 佢話呢間餐廳好有人情味同埋好有住家飯嘅感覺😆 🔸御五品粥($38)呢個粥原來得星期五六有供應 難得星期六黎食 餐廳有提供 當然要試吓超級推薦呢個粥 😍 有好多料同埋好入味 但係又冇味精😮 入埋有皮蛋、鹹蛋、蠔豉同埋梅頭肉🤭 一齊煲埋真係超級香重點係個粥只係需要$38 係非常之抵食🔸香煎蘿蔔糕 ($32)蘿蔔糕又係煎得十分香😍 食得出鮮蘿蔔嘅份量好多 而冇乜好粉嘅感覺 點埋個辣汁真係超級開胃🔸蘿蔔燜豬軟骨 ($62)呢個蘿蔔燜豬軟骨又係另一個出色嘅菜式 豬軟骨食得出好新鮮完全冇雪藏嘅味道 而蘿蔔都燜得好林同好入味 個汁撈飯真係世界級 同埋個每日靚湯係非常鮮甜同埋都係冇味精🤩

位於深水埗地鐵站附近，地點便利，店家菜色以住家菜為主，而且不加味精，真材實料，非常適合一家大細聚餐，健康又美味😋馬蹄蒸肉餅飯馬蹄蒸肉餅飯是一道經典的家庭菜，店家強調使用新鮮豬肉製作肉餅，故肉餅口感軟嫩又富有嚼勁。而馬蹄增加了一絲甜脆，給平凡的肉餅帶來了更多層次感。青菜份量也剛好，不用額外點菜，這個餐非常營養均衡。五指毛桃湯五指毛桃湯有獨特的草藥香氣，清香宜人。它具有健脾補腎的功效，是一道養生的好選擇。湯中加入了豬骨，湯味更加濃郁豐富，不加味精是店家的宗旨，所以健康又美味！地烟脂雞飯煙脂雞的味道濃厚、香氣撲鼻，皮脆肉嫩，每一口都充滿了油脂與煙燻的香味。走地雞的肉質相對於普通雞肉更加結實，能夠品嚐到原汁原味。米飯的質感則偏向於香糯，能很好地吸收雞汁的美味，讓整道菜更加圓滿。美味程度使人無法抗拒。

今日食嘅呢一間係位於深水埗嘅小店，最出名嘅一定係蒸餃，所以特登揀咗個餐又有主食又有蒸餃！南乳豬手麵，配四隻韭菜鮮肉蒸餃先講南乳豬手麵，豬手有四隻，淨係睇個樣都已經知道係入味的，而且非常嫩滑，食到啜啜聲撈麵同醬汁非常配，麵質比較爽彈，店家仲有辣椒醬可以提供蒸餃等得比較耐，因為係即叫即蒸，到嘅時候係成籠，加上新鮮出爐，香口又好味，皮薄多汁，仲有埋嘢飲，套餐只係68，可以一個人嗌套餐另外一個單點，就已經好飽了！！！性價比高

香煎蓮藕肉餅：外脆內軟，肉餅煎得金黃酥脆，口感豐富，蓮藕的清香與肉餅的鮮美完美融合😋香煎蘿蔔糕🥕外皮煎得香脆，內裡軟糯，蘿蔔糕的鮮甜與煎香的口感形成鮮明對比~梅菜蒸魚：魚肉鮮嫩，搭配梅菜的醇香，清淡中帶有微甜的滋味，魚肉鮮滑👏🏻五指毛桃湯湯底清澈透明，五指毛桃的甜美滲入湯中，口感清新，喝下去暖胃又健康☺️馬蹄肉餅飯肉餅爽脆多汁，口感鮮美，飯粒香軟，送飯一流😘佳芳廚房 📍深水埗汝州街257號地舖

喺深水埗唔想食茶餐廳，又想食返啲住食飯，可以嚟試下佳芳廚房虎乳菌野生靈芝湯$58每日都有唔同嘅老火湯，見佢個靈芝湯寫住止咳化痰，就試下佢。非常足料嘅老火湯，飲得出無味精。老闆娘(未經證實)見我飲緊，就即刻show off佢啲野生靈芝，係真材實粒🤣雲耳馬蹄鮮肉餃(8隻) $52包得好靚仔，隻隻都好飽滿 ，咬落去皮薄餡料多，加咗馬蹄喺入邊，口感豐富咗好多，再點少少醋同辣椒醬，好食皇帝粥$48碗粥雖然唔係話好大碗，但係佢又係超級足料，有蠔豉，皮蛋，豬肉，粥水入晒味，啖啖料。

【深水埗•佳芳廚房】@ππππππππππππππππππππππππππππππ深水埗主打靚湯食店餐廳南乳猪手面配自家制酸梅湯+4只韭菜鮮肉餃+蒸餃梅香肉餅飯+五指毛桃湯御五品粥原隻鮑魚石斛肉汁燉湯南乳和豬手搭配出豐富的味道，而酸梅湯則可能為整體帶來清爽的風味。接下來的「韭菜鮮肉餃」非常地道，是一道富有家庭風味的小吃。「梅香肉餅飯」，有著肉餅和梅菜獨特的風味結合。至於「五指毛桃湯」非常清甜可口「御五品粥」則是一道精緻的粥品，有各種類型的材料，食起上嚟嘅觸感有啲似皮蛋粥但係加上咗唔同肉類令到口感比較豐富。「原隻鮑魚石斛肉汁燉湯」非常高級，是一道考究的湯品，十分之潤肺滋潤！！餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 250✨✨✨✨✨✨✨✨✨✨✨✨✨#深水埗美食 #佳芳廚房 #web3深水埗佳芳廚房深水埗汝州街257號地舖

最近openrice多左餐廳有得落單，見餐廳好評多，試下。因為腸胃一直吾太好，所以叫左盐焗雞飯！雞飯很好吃。真有雞味，而且份量多，不油不咸，很有家的味道！仲送左不少青菜，配上好味豉油～湯好足料，家常味。最抵讚係裝湯膠碗好好，設計令湯吾甘易瀉出黎！雖然冇堂食，但見到環境係乾淨企理，冷氣夠強～

雖然佳芳廚房位處唔顯眼，但之前有朋友推介話有媽媽既味道，即刻去試下，果真如此。御五品粥又名皇帝粥，適逢星期五、六先限量供應，即刻叫左一份。燉盅望落去細細地，以為份量唔多，但實際上卻食到好飽。粥口感綿滑，入口即溶，唔講以為飲湯咁綿密順口順滑。配料亦充足，食到有皮蛋、瘦肉、蠔豉等等食材，食得出係落足心機用心熬煮，無添加同無味精，家既味道👍🏻健康小米粽端午節冇食到稯，依家咁啱見到，又標榜健康所以先食下。想比起糯米，小米的確較健康，成隻稯都係小米包既，食落去有少少荷葉味，餡料份量一般，用左半肥瘦豬肉，但如果要再健康d，個人建議選用全瘦肉較好，口感都唔「鞋」。韭菜鮮肉餃皮薄肉滑多汁，餡料飽滿。自家制酸梅湯個人覺得酸梅湯有d酸，如果平時唔鐘意食酸/有口腔敏感既人士就要特別注意啦！😂

經常外食既我都想食下住家既味道🏠飲個靚湯。咁岩今日有一個係深水埗返工既朋友仔就帶左我去幫襯呢間小店。聽朋友講呢間舖有好多街坊幫襯支持🙂‍↕️，餐廳主打新鮮燉湯、手工餃子同埋南乳豬手。今次我地一次過點哂所有招牌野，果然名不虛傳，樣樣都掂👍🏻～♥︎ 原隻鮑魚石斛肉汁燉湯 🍲燉湯真材實料，由老板以原隻鮑魚、鳥雞、淮山、石斛新鮮等材料燉出來的。有健脾胃、滋陰、清胃火的功效，大人小朋友都岩飲。🫶🏻♥︎ 韭菜鮮肉餃🥟私心推薦～可以選蒸/湯/煎，我今次叫左蒸。餃子放係籠入面蒸，上枱時熱辣辣💨啲汁鎖住哂喺餃子入面真係好Juicy好正💦，而且餡料鮮甜～食得出係用新鮮既豬肉🐖整既。下次要試埋其他整法先🙌🏻♥︎ 南乳豬手🤌🏻豬手南乳味好出，炆得夠腍夠入味。豬手仲有豐富既蛋白質同滿滿既骨膠原，好食又有益♥︎ 香煎蘿蔔糕🥕表面煎得脆脆，入面真材實料，有蝦米仔、原條羅白絲，唔洗點醬都已經覺得好好食

今日落雨個人覺得有啲凍，街坊介紹嘅燉湯同粥粉麵專門店。最近個人都比較虛，成日發冷，阿媽叫我試吓飲薑醋，補身暖胃。舖頭雖然細細間，但係都勁多街坊落嚟幫襯，佢都有個豬腳薑呀媽之前食過覺得佢夠健康唔落糖，果然真係純醋，同埋啲豬腳同姜煲到好腍好入味，食落好舒服，仲要飲晒成煲醋。阿媽都叫咗個皇帝粥同埋補腰湯，個皇帝粥真係勁足料，有蠔豉、鹹肉、鹹蛋、皮蛋等等，真係料多過粥，啲粥都好綿滑好入味，真係10分推介，喺屋企真係絕對唔會咁樣煲。星期五，六限定先有架。額外嗰燉湯都喺用料十足，有烏雞、蜜棗同埋一啲藥材，老火湯火候十足，今日真係突然之間嚟到大補日。額外突然之間見到隔離，叫咗啲蘿蔔糕，見到真係都真係真材實料一大嚿蘿蔔又有蝦米，忍唔住都叫咗一碟試下，又真係啖啖蘿蔔。總括嚟講，所有嘢都好足料好用心，真係街坊的味道好似屋企煮咁樣，全部都真材實料。有時候真係好想喺屋企煮嘢食，所以真係絕對推介俾大家健康，又足料嘅餐廳。

我今日放假，特意約同好友去位於深水埗汝州街257號地舖的佳芳廚房食小店特色美食，環境舒適，坐得舒服。我點左個 御五品粥（星期五及六才供應）$38，配南乳豬手（淨）$55；好友點左個 午餐 梅菜豉汁蒸魚$58，配五指毛桃湯＋白飯1碗。老板娘話「御五品粥」係將皮蛋、鹹蛋及新鮮梅頭豬肉，用4小時13道工序熬製而成，粥底特別軟腍入味，只能在星期五及星期六限量供應。南乳豬手炆得軟腍，好有咬口又好味；梅菜豉汁蒸魚，魚肉鮮味幼滑，送飯一流，五指毛桃湯好飲。

深水埗好多隱世小店，呢間小店最出名係燉湯，但上次太夜去到已經賣晒，冇得飲，最近天氣經常落雨，令我頭風發作，好頭痛！放假特登去飲薑汁天麻川芎白川燉魚頭湯，飲得出完全冇味精，老闆娘介紹豬腳薑醋，以新鮮豬腳，不加糖不加水，真材實料，豬腳好腍好入味，雞蛋亦都入哂味醋不會死甜死酸，味道適中，食完完全唔口渴其實上次食過小米粽超好味，今次輪到小米粽賣晒😪所以如果大家想食D乜，建議打電話問下有冇可以留起比你，咁就唔使白行一趟

深水埗美食多蘿蘿，平民食肆多如繁星，當中佳芳廚房可謂當中的表表者，平靚正兼備。我地點左御五品粥，即係皮蛋廋肉粥，相傳清朝乾隆皇帝最喜愛的皮蛋瘦肉粥，材料有:新鮮豬骨，蚝豉，皮蛋，咸蛋，用近四小時及十三道工序熬製而成，味道口味回甘，聲稱無任何味精添加，還原清朝宮廷御廚複雜的工序及味道。另外點左馳名的南乳豬手麵，豬手外皮酥脆多汁，裡層肥而不膩，感受嘴裏充滿着骨膠原，極具滿足感。最後點左兩款自家製手工餃子：雲耳馬蹄鮮肉餃同韮菜鮮肉餃，料理精緻,內餡飽滿多汁!