佳記冰室

营业中

休息中

【葵青區】【佳記冰室】一直以來我都廣交內地朋友，不過都係流於網絡上面嘅交流而比較少見面嘅。始終都叫做分隔兩地，大家亦都背負住自己嘅人生責任，又好難成日約到出嚟嘅。今次就係有位前輩德行哥嚟香港探親，點都話要見吓我。人家盛意拳拳就冇計，我話我請先出。咁我講得請客，佢又話要食茶餐廳，叫我喺葵芳揀一間。咁我見呢間佳記冰室當時好似開咗冇耐，就同佢一齊食啦。佢叫咗碟 $68 嘅「香煎黑椒牛扒飯」，加 $8 飲「凍鴛鴦」。佢就大讚啲牛扒份量多、味道好，杯嘢飲又夠晒地道，客人滿意我就開心喇。我自己呢，就食個 $51 嘅「歐陸全日餐」，咁個主食就係「香煎嫩滑雞扒」，配埋茄汁豆、薯餅、丹麥多士、火腿奄列，成件事其實都唔差嘅，正正常常香港茶記水準囉。嘢飲我加 $3 飲「凍檸茶走甜」，都係唔錯嘅。呢度 $130，我絕對請得起，唔好客氣。。。（地址：葵芳葵富路7-11號葵涌廣場地下A035-A037號舖）#1amfoodie #foodie #hkfoodie #hkfood #food #foodporn #instafood #followforfollowback #foodstagram #foodi

呢間冰室嘅乾炒牛河應該係最近食過最好食嘅乾炒牛河落單即炒即上河粉底非常抵讚，爽口又上汁條條分明，醬汁非常惹味牛肉份量多，唔會淨係搵芽菜充數連啲配菜都好好食最重要係下午茶$52就食到下午茶仲去到7點tim！基本上次次黎葵涌廣場醫肚都係必食大件夾抵食

上星期日同家姐去咗葵芳行街,去葵芳買衫之前我哋諗住食啲嘢再買衫,其實一開始都唔知食咩,見到呢間就入去試吓,開頭都食得幾開心,啲嘢食都幾好味。跟住我哋食咗一半,已經好多人喺出面排隊,餐廳已經坐滿啲人，之後有個侍應阿姐就行過嚟問我哋可唔可以分一半枱俾啲客？（當時我哋係坐卡位。)跟住家姐就話我哋好快食晒就走㗎啦,當時我就覺得好奇怪,我同家姐一齊出嚟食飯如果旁邊坐咗一啲我哋唔識嘅人,硬係覺得唔係咁好。跟住阿姐就答咗一句唔俾就算啦！佢嘅態度俾我覺得我哋唔分一半嘅枱係我哋嘅錯囉！我哋都係客，我哋都係俾錢嚟消費,我哋唔按照你嘅說話去做就係我哋嘅錯，咩道理？雖然呢間餐廳啲嘢食都幾好食,但係啲侍應阿姐態度唔係咁好，黎食嘢都會唔開心😔

This has become our regular “go-to” HK style cafe this year -佳記冰室 … it’s where 輕鬆一下 used to be 🤓.📍 佳記冰室 (Kwai Fong)Shop A035-A037, G/F, Kwai Chung Plaza, 7-11 Kwai Foo Road, Kwai Fong.Wifey and I love these local style, has a variety of HK & ‘western-influenced’ options and does a good Stay Beef Noodle soup! 🍜 .Typically we get the Stay beef noodle soup (沙嗲牛肉公仔麵), plus scrambled eggs and toast for breakfast (炒蛋多士) and will have it with an Iced HK style coffee (凍啡少甜😅).The other day i got their “A

海南雞 幾滑幾嫰 唔錯 例牌要價1xx 份量一隻髀多少少 少貴蒸白鱔 上次食過係彈牙少d骨 今次食好似淋d 味道不過不失呢個好抵食 60唔洗 丹麥多士好香 薯餅好脆 滑蛋奄列好滑 食得出用左好多油🤣但好食既 牛排就街市買調左味既牛排 但60蚊算係咁 仲有芝麻醬沙律 都算新鮮 應該預你會食唔係齋拌碟

晚上到這商場買少少東西，到了最低層，都剛好餓了！便找地方食晚餐，知道這商場比較出名食米線，但我又不太想食米線，所以行下行下，不經不覺便到了這冰室門外，眼👁️見都是正常茶餐廳！先看餐牌，職員說，現在仲有下午茶！我回應，現在6點多，仲有？職員說，一到晚上7點！我便二話不說，好！我在這裡食飯吧😂😂我坐下來，心思思，又想食「肉絲炒麵」，「星洲炒米」或者「乾炒牛河」。最後決定。。。。「乾炒牛河」配熱檸蜜！冰室都是快手！沒等多久，食物已上台，河粉香噴噴！很有鑊氣！食到河粉有少少焦香，洋蔥🧅偏生，但我個人是ok, 也接受。而碟上份量充足！而且，內裡的芽菜都炒得很爽口！河粉都偏幼細，都好食😋！ 牛肉不過不失，不過，略嫌過熟少少，但都是ok 的！以下午茶價格來說，性價比高，不錯👍🏻

今日早餐約左朋友仔去葵涌廣場食早餐,我哋經過見到呢間佳記冰室新開張,裝修光猛,坐位都舒服,決定走入去試吓我點了一份醒晨早餐,感覺好豐富有大大塊既香煎雞扒,外皮金黃酥脆好惹味,內裡有肉汁的口感,我揀左米粉,份量都不少另外，這份早餐還配有嫩滑的炒滑蛋,香草腸同厚切多士。炒滑蛋煮得剛剛好，有蛋液汁,入口非常鬆軟滑嫩，香草腸帶著微微的香草香氣，好好食厚切多士好厚實二大塊,外表微微烘得香脆,內裡軟軟,吃起來口感鬆脆。

明明落order講到明要雞胸，拎到上手就變左雞翼同埋一啲皮肥到pk既雞件，講到明雞胸我都唔明點解咁都可以繼續比其他部位客人，如果你係唔得既咁你一開始直接同我講冇得咁叫就算，咁我大不了唔食，同埋真係唔明白貴公司海南雞飯點解得一種醬，蔥油同薑蔥咁基本既配備都冇做咩海南雞飯？沒有醬料的海南雞，就像一個沒有靈魂的人，每次落order都一定會有甩漏，發誓以後都唔會再幫襯，寧願食隔離富X我都冇咁嬲，已經比過好多次機會都係咁，仲要樓面都係，平時外賣啲餐具一係就叫牛扒比中式餐具，刀都冇把，一係就飲筒都冇，要開蓋飲野，食一間餐廳食到嬲到寫食評都係第一次