佳記餐廳 (已結業)

食jor個番茄通，好淡；奶油豬仔包仲要另外加錢；其實哩間茶餐廳好似比出面更貴。不過啲蛋都okay，成程都見到餐廳有位，就算星期六入去食都唔覺得要等位，味道認真麻麻，價錢亦唔係特別優勝。

小弟都好耐冇寫食評，因為覺得味道同感覺都係好主觀，食野前睇人食評先決定食唔食好似有d那個，自己決定食d咩至岩；點知奶野，11蚊個菠蘿油，一手交錢一手交貨，嘩 精彩，菠蘿皮碎得齊齊整整甩晒出黎，感覺就係一個bun攝舊牛油，主角係旁邊既黃色餅碎好啦，我地堅決反對接受，阿姐無奈整多舊，誰不知整出黎都係碎濕濕，菠蘿皮同個包，好似上網斷左線咁，connection lost.阿姐仲話呀：「那，係咁架喇，一係要一係唔要」，旁邊個經理給見到補多刀：「入面整既野就係咁，唔好咁多野講」我啦、我老婆啦同肚入面果個啤一聲香港既飲食業真係你呢間野攪彎晒喇

早去唔算多人。兩個人因為地方吾算大好彩即刻有位入得，但都全場爆滿，到食完出來，外面已經好長人龍一坐低即刻有阿姐問我要咩其實早餐都冇咩選擇立即叫我地例牌早餐三分鍾不到，餐就到我面前炒滑蛋係炒得靚，所以我先可以影得靚，件包暖暖地，查少少牛油好食通粉湯底好飲，通粉都唔太硬唔太軟!!岩岩好，火腿切絲份量剛好點綴通粉如果炒蛋份量多d更好!!!整碟野都靚，賣相口感味道水平都比一般茶餐廳高，真係快靚正不過價錢比一般茶餐廰貴!!!!!!

中午到尖沙咀工作，順便在這區餐吃東西，這家佳記餐廳門面不錯看似不錯，所以便進入去幫襯，內部面積大，裝修新凈，卡位也坐得舒服，初步感覺幾好，餐廳提供了套餐選擇，我便選了咖哩牛肉餐。咖哩牛肉 + 飯 + 湯 + 飲品 $50咖哩牛肉和白飯分開上，夠企理，裝飯的碟不大但白飯裝得滿，咖哩牛肉外表不失禮，咖哩汁滿滿的可用來撈飯，咖哩汁的濃度不會太稀，惟咖哩不太香濃，如果多少少椰香及再辣些就會更好。牛肉中規中矩，標準味道。這個套餐的價錢包了湯、飯、飲品，在尖沙咀區是幾抵的選擇，坐得亦尚算舒適，整體印象幾好。

佳記既麵包一直都頗有水準，新鮮熱辣辣，size 又夠大，唔似其他麵包連鎖店食完好似食左陣風咁，佳記既麵包有重量有質感。呢條街一連有幾間茶記，行街行到攰攰地，想搵個地方掲下腳，朋友揀呢間都係因爲佢d麵包咋…一行入茶餐廳，我就有置身內地既感覺，周圍都是強國人呀……朋友叫左奶茶加麥西哥包，我就因唔肚餓只叫杯紅豆冰。點知睇下張單，無啦啦多左個菠蘿油，話都無咁快個包都到埋，我同落單個伙記講我無叫菠蘿油，佢話紅豆冰加菠蘿油係set, 一齊叫抵啲。我話唔係錢既問題，係我食唔到既問題。個伙記唔想改單，就屈我話落單時問左你係咪要餐喎，差幾蚊都唔食埋佢？！我對燈火發誓佢無問過我亦無答過要餐，唔好屈我！你唔方便改單同我講聲say句sorry我無所謂，但你屈我就唔得囉。你個包更好食都無用！我食都只會背脊骨落。伙記話家陣食唔到可以打包，比個袋你留番聽朝食囉。你有無常識架？！菠蘿包就都仲話可以留，菠蘿油點留？！聽朝食完我有乜問題係咪你負責先？如果不是友人心軟，我一定堅持要改單囉。。。。總括黎講，紅豆冰太甜，麥西哥無得頂，奶茶中規中舉。環境一般啦。對港式茶餐廳都不會要求太多。但服務方便就有待改善呢。

今晚等男朋友放學夜夜地，可以食宵夜，宵夜餐價錢相比便宜11:00就開始有，男朋友鐘意食泰菠蘿炒飯，有豬肉鬆特別甜...我即刻偷嚟食左啖，我自己就鐘意食超級多汁嘅，所以叫雞皇飯，如果可以再多D就更好地方好闊落，我們都坐得好舒服！值得再來

話說今日買個外賣 一個雜扒飯加一個星洲炒米 點知企咗半個鐘佢哋都話未得未得 直到最後 個部長同收銀櫃位姐姐先 黑曬口面攞袋外賣出嚟 唔知仲以為我得罪咗佢哋 可能我唔係講普通話香港人都係 唔好去幫襯

話說放學夜嘞, 又唔想食黎食去哥幾間...醒起成日經過見到呢間係開到好夜嘅...黎到, 見到門口好多人買包包, 安心感下 就入左黎 亦到係咁 就中曬伏鳥... T^T係好快上枱嘅, 但係...42蚊魚蛋片頭米線 相比起 零味道凌亂頹...食落佢係有 d d 鹽味嘅!嗒落佢係都有 d d 鹽味嘅!附上嘅 2粒 mini 小強... 我係更無奈嘅... 炸醬面 深信一般人類都係唔能受接受嘅難食~-..-lll 點解 點解 點解咁架!?

We went to bar street nearby and left until morning, so we looked around to check if any restaurant to have breakfast nearby before left.This Cha Chan Tang provided lots of food, we ordered normal breakfast set. I got a tomato soup with beef and noodle, the soup tasted good and had lots of tomato.The fired egg was smooth and milky. 

叫左個外賣去拎果時！我睇張單發覺打錯左內容！個呀姐就話岩嫁啦！唔洗睇啦！個說話語氣極度之差！好似唔愁無生意！我話你態度唔洗咁既！佢直頭話有咩唔滿意就去投訴我囉！從來未見個一個侍應既態度可以咁差

從來沒有寫食評，尤其負評，但今次非常例外，因不是食物難吃給負評！首先，我不知道食物有多好吃，因侍應既態度已令我嬲到碗麵來到我一口都無吃過，就放低55元餐錢走左！真係貼錢買難受，就算食物有幾好食都假，咁既服務態度真係令人無晒胃口。我以後不會再去！！

😌今次系第二次嚟食～皆因第一次嚟食早餐好好食，果時叫佐個特餐：番茄牛肉通粉，有埋豬仔包，火腿，滑蛋同一杯熱飲，我叫佐熱好立克都沖得好濃，好好飲。👅通粉嘅湯底超濃，而且仲系有番茄，所以勁開胃。但記得果時啲蛋有浸膠味，好彩系最尾食，如果5系就會冇胃口繼續食落去了😞。💁🏻於是今次行開嘉連威老道呢頭，男朋友話想食返我果個餐，因為第一次佢系點另一個特餐，所以就去佐食。之後就叫返一樣茄牛通特餐2個😎。但今次食落去感覺同第一次完全吾同🤔。首先啲湯底已經吾再濃，好似溝佐水甘🤐，而火腿系凍嘅，不過個包都仲脆，蛋都ok，嘢飲都仲系濃😸👍🏻。可能早餐食特餐會好味啲😹😹不過下次都應該吾再食呢個，會試吓其他☺️

今日去左呢間茶記買早餐，同樓面阿姐叫左個D餐，但我見到張單寫B餐，都好有禮貌同阿姐講 唔好意思，我係叫D餐，阿姐即刻好大反應話 ''唔係麻，改唔到單架，要B餐啦''我就話，''我叫既係D餐，你即係焗我要？''佢有d發脾氣話，''我聽到你講B餐''，然後又話改係改得，不過耐d囉。唉⋯⋯其實我已經適應哂茶記嘅服務，我又唔係要你認錯，改張單啫，可唔可以唔好懶到咁，連改單都嫌麻煩

Menu有選擇，但等了很久，食物外觀一般，味道一般，即炒到枱都是凍的，檸茶不夠檸榢。冷氣不足。員工態度惡劣，不懂外語，背後罵客人，又極不合作，使人不滿。以後不會再去。

人幸福就肥肥睇完戲食宵夜，仲要加個菠蘿油，不得了呀落單連等5分鐘上枱，快到呢雪菜肉絲通粉雪菜喊左d，而且有d油，肉絲冇乜味，小小un，通粉冇淋，小小爽，湯夠熱，似雞粉湯，但我鐘意火腿炒蛋加餐包火腿冇食，炒蛋少少過老唔滑，冇乜蛋味，但重生油味，可能用左勁多油整，餐包都唔熱菠蘿油菠蘿包皮脆，微甜，加埋冰凍牛油食， 牛油入口即溶，滋味無窮， 牛油熟淡身，牛油少少鹹味， 少少咸令到甜味更加突出