佳豐粉麵店 (已結業)

一般嘅環境，一般嘅面食，非一般嘅服務態度，非一般嘅價錢。。。服務態度係家庭小店果種舒適感，有d似係屋企食飯，要自己拎碗筷，自己攞面，特別要講係，本身叫左走青，傾多2句知道只係唔食芫茜，姐姐馬上幫手切新鮮蔥落去價錢如題，非常平，2個3餸面+1個餃子，100有找食物，唔難食，當然唔會係“哇”果隻美味，餃子少肉多韭菜，但係超大隻，有女士半隻拳頭大小清湯底似水，但係腩汁底好濃郁，姐姐又好好心，幫你加到岩味為止朋友叫左牛筋腩，多筋 or 多腩可以客制，筋夠入味 + 霖，但係腩肉差小小

佳豐粉麵店嘅各種麵食真係好經濟實惠，價錢由$18～$20元不等，丸類及菜類配麵$18元，餐肉或水餃配麵$19元，豬腸、牛腩或牛筋配麵$20元，北京水餃一份$6元(一碗$14元配生菜底)，另加餸每款由$4～$6元不等，麵底份量好多，認真大碗，餸菜可選擇淨食，店內有汽水及豆漿供應，有四張大圓枱及兩張方形小枱，店方採用先付款後取食物嘅營運模式，價錢平，店內阿姐服務態度良好，真正誠意小店，可以一而再、再而三地幫襯🤗

佳豐粉麵店嘅所有食品真係好抵食，又好食，美味北京水餃都只係$14元一碗，採用豬骨湯底，另外～牛腩麵都炆得相當軟淋，入口完全冇渣，都只係$20元一碗，實在親民，而且店內有冷氣，用餐環境舒適，順便一提：呢度係先付款，然後才取食物

今晚夜左收工，經過佳豐就黎食碗車仔麵啦😊😊好好味架，而且無味精，食完唔會口渴今日叫左個魚角冬菇豬大腸通菜，最like魚角，係彈牙架冬菇係好淋，好有媽媽煮嘅感覺豬大腸好乾淨，無異味，食得好放心可以叫姨姨加d 辣汁，好香架呢度野食好抵，而且老板娘超好人，所以我經常都會黎自私食

常常經過這一間車仔麵，通常總會有六七個人係門口排隊等候，等候十至十五分鐘先可以買到麵，今日經過的時竟然得三個人想都沒想就決定排隊買由於不是太肚餓，所以我沒有點麵，只係吃餸。我點了五個餸，包括有西洋菜，紅腸，豬紅，墨魚丸及豬紅都只係$34而且食物既份量都很多。，雖然味道就正常沒有什麼特別，但這個價錢完全係抗通脹之選。

因為友人告訴我這𥚃的麵底一般，尤其是油麵，不夠爽口彈牙所以只點了浄餸菜底。湯底加了辣汁，味道不俗，可以飲用！菜底是於車仔麵少見的西洋菜，十分應節！魚蛋大粒彈牙，若是咖哩魚蛋就更好！牛栢葉口感不俗，就是不夠入味！豬大腸不錯，不會太多肥膏！鷄中鷄要不是炸的就好了，浸在湯裡怪怪的～有一點要注意的是這裡點餐是有程序的。無論是外賣還是堂食都是先排隊在轉角前一個跟一個向第一位煮麵的女士叫麵底，然後隨著隊伍走入直路跟第二位執配料的女士叫餸及飲料，最後向第三位任收銀的女士付款。堂食的話便自己在店內找位置坐，十分有系統

車仔麵一直都可以代表香港然而而家要喺香港搵到一間食車仔麵嘅店實在唔多不過琴行街就有一間開咗店好耐嘅車仔麵店就可以滿足你哋嘅食慾雖然間餐廳外表都幾簡陋但係麻雀雖小五臟俱全面底一如以往都有好多款有幼面粗面油面公仔麵米線米粉河粉至於配料都有20幾種只要諗到嘅佢大多數都會有不過唔好太夜去食因為每日食材供應有限至於湯底係豬骨清湯唔太鹹可以叫佢落多幾羹辣醬提升風味雖然都系哪喳麵但係如果係想懷念一下車仔麵嘅話呢間的確做到應有嘅況味

又到LUNCH時間 呢期都係出去買外賣返公司食所以要搵下有冇啲咩平外賣又抵食既外賣咁今次黎到呢間係紙紮鋪隔離既車仔麵檔平時真係唔係好記得呢間咩名 通常都形容做紙紮鋪隔離個間咁去到就排隊點野食 我只係試過一次堂食 我覺得地方好污糟 好烏蠅飛所以食過一次堂食冇再係到食過喇 又唔想再坐係呢到食既講真唯有自欺欺人買外賣 因為碗麵其實都平既 我呢就叫咗三餸今次 生菜 墨丸同埋雞翼 係跟油麵既咁個湯係清湯黎 都冇加辣既 個湯就一般般啦 清清地咁叫個菜既話會感覺抵食啲 因為菜既份量多 但只係感覺上 因為菜佢地係當一個餸 菜咁平所以份量多返其實係正常雞翼係先炸定 再放入湯 所以都唔會預好味架喇 純粹點餸個陣想食雞翼咋咁餸方面其實丸得兩粒比較少 雞翼就兩隻油麵份量都OK既總括黎講 搵餐填下肚諗唔到食咩呢間都OK既 因為廿八蚊 但就冇可能日日食 因為唔算好抵食 因為北角仲有好多好平既嘢食啦真係

工作關係，久不久也會來到北角。這間店也很近我的工作地點，所以很多時也會前來用餐。來這裡用餐的要求不要太高，老實說說，我試過只叫一個魚旦米粉，加辣汁和腩汁，職員全都是姨姨，聽到我叫一個餸麵又誅多野加，但係一個黑面既反應都沒有。試過幾次都叫魚旦米，有次姨姨仲比左多粒魚蛋我食，唔知係咪怕我太肚餓。唔好以為車仔麵一定要食麵先得架，呢度我其中喜歡可以去既原因係唔一定要叫麵，淨餸都得架，我最喜歡就係叫菜心，再加兩個餸。試過雞翼，炸完就浸返湯，無甘熱氣，但仲有炸過的味道但雞翼6元一個選項架如果想坐得好啲，甘外賣算了，但一個人要求不高，就坐响度堂食啦，係自助叫完返位坐

今日想食清清地食雲吞面，所以就黎左黎間試下，原本都唔太多人，但我一開始排，後面就開始排左條龍仔。叫左個魚皮餃魷魚粗面，魷魚幾好食，一片片，QQ地，唔韌。 魚皮餃都okay唔錯 個麵都可以，整體上清清地，唔錯! 因為見到麵比例上多，所以叫左碗水餃 好香韭菜味! 同好多韭菜! 食得我好滿足。 (佢一碗有六粒的，佢整左三粒先，之後再補番三粒比我)送上menu一張

以前在北角工作，周不時去光顧！店舖亦以做街坊生意為主，多年的點滴累積了不少熟客！（包括我也是～）約半年前去買車仔麵時，老闆娘向我說最後一天營業～因為馬寶道舊址要重建收回店舖，果刻聽到真係有種失落的感覺。約個多月前，從舊同事口中得知店舖終於物色到新舖位。是日去探望舊同事，順便買碗車仔麵緬懷一下～三餸河粉(牛腩、牛肚、豬大腸) - 餸菜其實與坊間車仔麵店舖無異！不過我尤其喜愛食牛腩，因為炆得軟稔之餘，肉味頗濃郁，食落滑溜啖啖肉！牛肚切得厚身，食落煙韌有嚼勁～豬大腸沖洗得乾淨，質感爽口軟熟。PS::: 阿姐們親手包裹的韮菜餃均味美無比，每顆餡料滿滿，皮又薄。還有西洋菜我都愛吃，不過這兩款餸菜很快售罄，有時都要講求運氣！另外店舖自家製的沙嗲辣醬均很醒胃惹味，不怕辣可以嚐試一下！