佳閣 (已結業)

先抱怨一下, 觀塘區真係好多人, 名符其實搵食艱難上禮拜接到order落黎觀塘區做野, 睇怕都要響呢區駐半年時間呢度放12:30, 但仍然勁多人, 好多地方都搵唔到位今日週五, 想食好少少, 上去呢間佳閣嘆下其實上星期黎食過一次, 不過忙得滯未寫食評首先佢位於一唐樓樓上, 出入口勁細, 唔留心就會走過樓上地方ok, 裝修新淨, 有卡位同六人拼枱食飯時間多數要撘枱今日午餐有羊架, 特價68蚊, 肉眼豬扒58蚊, 仲有大蝦天使面, 長期供應既蛋包飯一睇餐牌就知比茶餐廳高一級佢地一週固定左午餐食d乜, 並非每日不同, 可能方便入材料卦我就點左個肉眼豬扒, 配牛肝菌汁1: 例湯: 青紅蘿白豬骨湯, 正氣, 有火候, 但同個環境飯餐唔襯2: 豬扒: 大塊, 因為連住少少筋所以咬落有d爽脆, 當然有少少筋係咬唔爛, 而個外觀就差左d3: 牛肝菌汁: 濃! 味道幾特別, 唔識點形容, 但搶過塊豬扒4. 飯: 少左d, 男仕應該七, 八成飽, 飯上面有d香草, 但花巧野5: 配菜: 甘筍/青瓜, 甘筍幾甜6: 熱奶茶: 水平同一般茶餐廳差不多, 唔算突出其實煮果個本身係有花心機, 但食完唔知點解有d悵

早上去這食店想食早餐，但店內有陣味，而我坐了十分鐘，竟然無人招呼我，我於是責問那男職員，他説要客人舉手才會過去落單，又説外面間間都係咁架啦，他語氣很無禮又極寸，我叫他檢討吓啦，呢間食店如果次次都要客人舉手才提供服務，咁客人如果對手唔方便舉起、又或者唔想好似返學咁舉手，就千祈唔好去嘞，真係好趕客，d嘢食又唔平宜，加上没有服務，too bad！

之前早餐食過啲粉麵！覺得唔錯...於是今日同好朋友去左食午餐西式小店格局，午市時坐滿人客。等了十多分鐘已經接近兩點半.原來下午茶時間了！焗飯及炒粉麵做緊特價！大家一起叫焗鮮茄豬扒飯 等左唔算好耐，終於有得食。意想不到既係竟然仲有芝士係上面...仲識拉絲！豬扒只有4塊，不算多而且很薄身食落吾夠肥但是偏淋，真的有鮮茄，調味也偏甜...可能茄汁較多問題！芝士十分夾！個人認為炒飯也略濕，蛋絲不多！但是朋友就大讚.價錢$35都算平覺得不過不失既！有機會都會再來

佳閣是在橫街二樓門口沒有招牌，只見放著餐牌的架子。經過這好像有點神秘感。今天早上剛剛經過，有點肚餓就看看有甚麼吃！原來十點半至十一點特價麵餐$22仲有三款選擇感覺不錯就被吸入去。佳閣冰室入內有點cafe的裝修。十一點可能寫字樓大部分都上班成間餐廳連我都吾夠十個客.....所以叫完野五分鐘就送到。整體特餐味道中等偏上，沙爹牛肉得三片（都預期中）麵質爽身，凍咖啡叫少甜就有點甜90分吧。凍飲24元。算是好平路過可再光顧的。 ​​​

佳閣，裝修格局與普通茶記無異，我初次來這裡吃午餐直至現在，午餐牌上都有非一般選擇。還記得第一次點的三文魚扒意大利飯。 賣相靚而且味道也不錯，吸引我久不久都會去幫襯。每到兩點鐘還有九折。午餐都送飲品及餐湯，一坐低還未點餐，餐湯已奉上不過近這年間食過幾次都發現調味重手了，食物都偏咸，令我郤步。很久沒來，今次再來嚐嚐，發現德國咸豬手買相不俗，薯條新鮮。用刀一切，聽到外皮的脆，肉厚。但也是偏咸，比較適合夜晚飲住啤酒，跟朋友一邊傾計一邊慢慢食。

番工地點在官塘，附近幾條街都好多野食，又唔貴今次就去試呢間在閣樓餐廳既下午茶！下午3:00，餐廳未滿座！下午茶餐牌選擇好多，有意粉、烏冬、焗飯等，仲小食蒜蓉包、多士，雞翼等等如果有選擇困難症的話，應該是一大難題！我太餓了，要吃飯呢！就叫了焗豬扒飯。 同事要吃叉燒拉麵焗豬扒飯（下午茶）$45連凍飲雖說是下午茶，但這個餐份量不少呢！豬扒有兩大塊，口感不un,煎得很香！飯底是蛋炒飯，配上芝士及濃濃的蕃茄醬，很開胃！同事給我試試他的拉麵肉都係香口 油脂位岩岩好！少少無甘好係麵唔夠彈牙，豬骨湯底濃香，但偏油但係總括來說：好味！

同朋友一齊來食下午茶時間㨂下午茶餐其實無乜選擇.....今天揀巨型熱狗兩份等了十多分鐘久違了的熱狗香味放上枱見到幾好不過看清楚熱狗個包烤得過火有點濃....沙律醬彼多，蕃茄生菜同沙律醬是整個包的靈魂青瓜酸酸的味道，感覺很fresh 食得到腸皮的煙勒呢度凍飲不用再加錢老實說但是比樓下的茶餐廰相對之下貴十元一個茶餐選擇款式亦多樓下的下午茶經常爆坐得耐不好意思這裡下午茶通常得三四枱客而且卡位甚多不求食物味道傾傾計坐得舒服就來這

條街多數係茶記,經過見呢間樓上鋪做西餐又有焗海鮮飯但要54$都偏貴但覺得應該好食,佢賣到好似茶記咁反而可能會無咁大期望,,點知再一次有期望時換來勁大失望,,先係入到去就睇到D冷氣唔夠.有D倒汗水會滴落D台度,坐低無耐隔離台坐低都有講冷氣問題.佢叫野順便問職員.黠知只係答左句廢話話唔知乜野塞住左,到我個西湯黎先..超淡而無味既忌廉湯,溝水溝得好緊要,,仲要叫先有人比餐具.仲要紙巾都無張就咁放台面..水更加無..跟住個飯10MINS黎到..果然比一般焗野快.試一啖飯..我X%@&#!!!D飯淋到就黎似粥.第1次食焗飯會咁既口感..就算係炒飯底都唔會食得出D蛋味了!!飯巳經知道成個飯只會愈黎愈衰..果然再繼續畢,料有8舊度細舊而完全無味既蜆肉..得一舊叫小小正常味既魚塊.但食得出未太熟...仲有個D楊州炒飯會有個種蝦粒..仲有D汁係白色杰到一PAT PAT睇見就唔覺好食既汁..我本著肚餓所以先夾硬食左一半..但個心態巳經去到快D食完閃人..連杯凍飲都唔好飲..唉..

得一個鐘lunch time，又要快啲食完返去開工真係唔係咁易。呢間佳閣係我地快食之選之一。樓上茶餐廳，環境ok，選擇算多，價錢大約50至60左右。個湯飲左幾次都係ok嘅，無失守過。由於係happy friday，想自己心情好啲，叫左乾炒牛河。好邪惡，但係ok嘅，算夠鑊氣，仲有好多芝麻。牛肉唔會好硬，剛剛好。暫時未令我地失望過，果然係我地快食之一。

每次Friday 出去食lunch 都好似打仗咁, 周圍都要排隊. 今次我哋本來挑戰去新開嘅冰室, 點知衝到去已經排長龍. 行過住閣, 見個menu 正常價就試吓. 係一間茶餐廳, 不過個餐牌就比較有趣，竟然有意大利飯同日式蛋包飯. 咁就要試一試. 蛋包飯好靚様， 蝦餅似係平時急凍嗰D. 不過炸得幾好. 個蛋皮薄得嚟包得靚. 唯一係個飯只係普通白飯. 不過$50 呢個質素已經好ok. 意大利飯都好creamy, 似係白汁燴飯多D, 不過朋友話幾好味而且都飽肚足料. 好過好多貴價餐廳.

週五，天晴。同事出國公幹，只剩下小兵數隻留守本部，吾等決定一嚐新餐室。美男子同事建議，佳閣餐廳，位於街角大廈一閣樓，會心微笑。拾級而至，環境尚舒適，近窗之座能遠眺忙碌街道，何其得意。小弟點了一客牛排配飯，蘑菇湯。蘑菇湯色美味淡，不算濃郁，口感尚可。牛排配飯組合略顯清寂，有禪宗之意，絕對符合商品說明條例，惟一芽菜置於牛排上，孤高寂寞，有如浪客於荒野中舞劍，劍氣寄秋風，其境欲臨眼前，隱隱然颯颯有聲。飯粒分明，米香尚可，不俗，唯熱度不足。小弟於牛排左側施刀，刀與肉相會之時未聞肉香，僅屬中品，若非下午茶時段之優惠，會有點貴。進膳中得知共事良久之陳公終決定退休，謹祝陳公生活美滿，隨心所欲。共勉之。

朋友帶我嚟食，食左好多嘢。但有兩樣嘢好心得我心！第一樣就係呢到嘅奶油多士！我本人係幾鐘意食多士，咩多士都食。但真係好鍾意呢度啲多士。首先，一擺上枱就有股好香嘅味飄埋嚟！食落真係好幸福！外脆內軟~ 我食過好多間茶記嘅多士，呢間真係整得好好食。唔會整得太乾，醬又唔會太多或太少，比例剛剛好。第二樣嘢就係茶樹菇火鴨燉湯。通常我都唔太飲茶餐廳啲味精湯水，因為啲味精搞到你愈飲愈口渴。我見朋友飲，我就跟住試下啦~啲湯水好清甜！湯渣好好食~冇味精味~ 係原汁原味~跟住我想寫下啲服務，我見有啲人寫到勁唔掂，但我果日食又冇咩嘢喎，啲侍應都幾友善啊～

呢間佳閣真係兩個字形容到（x.x)垃圾又貴又唔好食仲要細件鮮油多，食左個豬扒炒公仔麵鹹到死！豬扒得兩件，服務態度又差，點個奶油豬個侍應啊姐話無就掉低張單走左去勁敷衍！

同班同事去觀塘做完event，趕時間食lunch ，於是去左間睇落裝修唔錯既樓上餐廳試下，點知都幾唔錯 。餐廳多位而且坐低落完單上菜都算快，完全幫到想快手食個飽肚飯既上班人士。個日叫左個優惠午餐：日式豬頸肉飯，配是日餐湯同一杯飲品。雖然味道同份量都唔錯，但係醬汁唔係太夠。而同事d意粉都有咁既通病，要自行加蕃茄汁去調味 。套餐同一般既餐廳差唔多，雖然價格會比一般既餐廳貴少少，但勝在食物質素不俗而且份量大 。間中黎食都係一個唔錯既選擇 。

一直覺得茶餐廳就係食啲好麻甩嘅炒粉麵,常餐個啲~今日有朋友介紹我去食呢間外表茶記,內裡一啲都唔麻甩嘅餐廳~竟然係食西餐嘅???講真真係有驚喜,因為個米唔係淋哂無咬口個啲,反而係真係似意大利甘有咬口之餘好似未熟得透哂甘,,我覺得甘樣正宗啲,個蝦雖然得一隻,但係無雪味,仲要有膏架🙉因為太餓,所以誤打誤撞叫左兩個都係鮮茄汁,但係意大利粉又係做到岩岩好☺可能因為我個人比較喜歡有咬口嘅嘢,所以我覺得好不錯重點: 留意到佢午餐Set同晚餐Set價錢,午餐四十幾起到七十幾到,真心抵食😍但晚餐起步價七十幾,話貴唔係好貴,但係簡親應該都會過百,但我有機會下次會試下佢個晚餐,睇下分別大唔大😂