影片
开饭介绍
Shi Da Casha，「Shi」，椰菜湯之意；「Da」是英文And的意思，「Casha」就是糊狀的麥皮粥，兩樣都是俄羅斯地道菜式。餐廳提供俄羅斯brunch，美食包括各式俄羅斯串燒，麵包，甜品等。
继续阅读
营业时间
星期一至日
18:00 - 00:00
以上资料只供参考，请与餐厅确认详情
招牌菜
本來今日冇諗住嚟呢度食o既尖東同朋友晚飯後邊散步邊搵地方坐低飲嘢經過附近順路, 就特意邀朋友一試呢度o既Honey cake本來都怕晚飯時間特意走入一間有格調o既餐廳, 當人cafe咁食個甜品有點兒那個...但因為貪嗰度真係坐得舒服就兩個懶人走咗入去weekday night個場比預期中更靜終於坐到梳化corner -- 正正正~叫咗兩件cake: Honey Cake & Praga (我叫佢做"朱古力, 朱古力, 朱古力 cake, 可想而知有幾朱古力)一個cocktail同house wine同嗰度一貫地好nice o既waitress傾咗陣嗰度做正宗俄羅斯菜, 老闆係俄羅斯人 -- 呢啲basic facts之前幫襯都知過下今日得閒參觀吓啲裝修, 望吓啲設計, 枱布, settings, 又叫做了解多啲佢哋個俄羅斯老闆唔係一個生意人 -- 其實睇裝修都知係個designer所以你會做到, 佢間餐廳有如下特色:- 講taste -- 全部setting都係老闆親自設計, 包括有自己一個好~~複雜o既logo, 一睇就知佢份人幾嚴謹... 總之所有嘢都要原創, 統統訂造返嚟問你服未 - 講feel -- 食o既唔止食物, 仲有環境 (燈光都校過~), 要你有"家"o既感覺, 而佢又的確幾脗合我dream home o既想像- 講quality - 食材講究, 唔靚唔用- 枱布都華麗過人 -- 同埋貴過人, 其他嘢更唔在講, 裝飾嗰幾塊磗都係古董(希望唔會累佢哋俾宵小光顧)- 唔識計數 -- 食客可以理解為物超所值- 冇marketing plan -- let the product speak for itself最欣賞呢度係成間餐廳都好有歐式餐廳特有o既空間感呢種做法o係香港嚟講相當奢侈佢要求自己做到fine food, fine beverage, fine atmosphere, fine taste一個客人完全覺得"不被打擾"o既environmentI will say: this is the quality of life以咁o既價錢絕對物超所值唔覺唔覺都坐咗成粒幾兩粒鐘甜品入口, 細膩質感已經沁到入心, 再加上彷如小小藝廊o既環境, 絕對搵到你同我都需要o既relaxation其他main course選擇唔多唔少, 有時間不妨試試, 講明係正宗俄羅斯菜, 派頭同噱頭欠奉, while the food speaks for itself.冇想像中各種古古怪怪o既香料同味道, 尋找刺激同富冒險精神o既人或者會失望, 只有保證一定係最好o既食材, 做出老闆心目中o既perfection.
继续阅读
由俄羅斯人開的餐廳,富有地道色彩。很喜歡整間餐廳既設計,不過奇怪是,一鋪入店子,一朕洋蔥味,連洗手間,都擺左三個洋蔥「供奉」。不用訂位,我和好朋友如包場咁,食物很差嗎?待我們試試這應是正宗的俄菜。-燻腸火腿鮮檸水欖湯$48,好多菜料、火腿,尤其橄欖,整碗湯都是橄欖味兒。w/自家焗製麵包,內有椰菜、蘑菇、牛仔肉、蘋果,無乜味,麵包也乾乾的。-俄羅斯式牛仔肉雲吞伴乳酪$78,肉味似日式雲吞+香草,無特別,又唔夠熱。俄羅斯式班戟配魚子醬伴乳酪$68,伴魚子醬係俄國人食法,班戟做得輕口彈牙,味淡,伴魚子醬,for me,唔係太match。香草雞肉提子燴飯$72,想搵一粒提子都無,吃!好強的香料,如印度長身的黃薑飯味,雞肉煮得耐,乾乾地,與這香料飯夾埋,有點羶。響openrice做左功課,知道開枱上樽水要收錢,所以我地情願order兩壺茶。老闆Artur推介Earl Grey Tea、Jasmine Tea @$30。茶包品牌是「T2」, Earl Grey非常非常之好味,茶質好滑!茉莉就平較平庸。飲茶配cake是我近期以咖啡的replacement,所以點了指定的蜜糖蛋糕,嘩!蜜糖味豐盈!(幸好側邊有士多啤梨汁點點,如果唔係,都算偏甜)半乾半濕潤的千層蛋糕,口感不錯,暫時在別處未食過!驚喜後,想再試另一朱古力千層蛋糕,呢個餘下半個,從乾度感覺,應該是隔夜的(先前的蜜糖係whole cake切的!)如果新鮮都幾好食架!有酒味,朱古力味….有點醉入心了。我prefer在此食cake(另有忌廉香蕉tart、芝士蛋糕),飲茶,都幾舒適。多於食正餐啊。
继续阅读
我第一次食飯食到咁嬲, 嬲到唔寫食評唔得!話說要同朋友臨別前聚會食飯見平時唔係食西餐就係日本料理, 轉下口味食其他國家菜啦!想記得上次o係B字頭餐廳食過俄國菜幾好食, 又咁岩有次行過見到呢間新開餐廳, 打算機會就一試!咁我就同朋友提議去呢度喇!朋友book左檯, 比我先到!入坐率都幾疏落下! 其實唔使book都會有位!商討左5-7mins落單!其間借toilet一用, 鋪面面積已經唔係大, 燈光昏暗!要問waitress先知toilet所在地!去洗手間條路好似入左存貨倉咁!某程度檯面支水係局你俾錢, 因為你唔開, 佢係唔會收起幫你斟水!尖咀諾xx臺M字餐廳都唔會咁啦!ok! 我地見水都無杯吉住個杯o係檯面, 所以都照開左樽水!menu上寫明o左某幾道菜係要25mins預備!為左省時, 我地無叫o個幾道菜, order左1個salad, 3個main course因為唔知份量, 打算唔夠就叫多幾個小食或者再叫多個course!俄羅斯沙律, 10mins後到檯!個人認為份量只夠一人量! $58內有青瓜粒, 蘿蔔粒, 薯仔粒, 火腿粒, 面層有三文魚籽! 朋友評語: 似大x樂沙律!唯一可取之處, 三文魚籽尚算新鮮, 沒有腥味!食完salad, 餐廳內唯一的waitress問我地要唔要再叫小食或頭盤我地打算食埋main course先算, 而家我終於明點解佢咁問!全餐廳晚市都只係得一個waitress! 其間廚師都出左黎上左一兩道菜!等呀等.........我地等左足足50mins! 終於唔耐煩問waitress追單!waitress同我地講3mins後出菜!朋友說笑問慢"上菜慢係咪呢間餐廳特色黎? 俾多d時間朋友傾計"等多5mins, 終於上菜! 足足一個鐘!!!!!!煎牛舌配薯仔廚師的確好用心, 用心到用時間慢慢鋪碟邊配菜!牛舌無味, 食時感覺尤如食牛肉乾! (絕無誇大)薯仔亦無味, 只係數粒用油炸起的薯粒!他他醬磨菇牛柳配飯menu上唯一一個可以配飯或薯菜的dish剛上檯亦只熟和暖程度! 他他醬並無味道, 個人認為o係英國百貨公司馬x買現成更好食!磨菇同牛柳亦無特別! 白飯質素可以同快餐店KxC相比!!!!用一小時造出如此質素食物! 簡直過份!!!!!!!!最後一個course焗鱒魚上檯無特別! 可讚之處係無腥味!食食下, 疑似老闆的廚師走出黎張燈光再度調低, 不能理解!!食完立即快快埋單, $574尤如無食物落肚!!!!!!P.S. 食完同朋友過左數鋪之隔的譚x食米線補飛先無咁嬲!! 譚x只係用左半小時就飽肚食完! 再行經此店時已關燈打烊! (10:30pm)
继续阅读
本人曾吃過晚餐, 價錢約 $250左右, 我告之朋友, 這間俄羅斯餐廳水準不錯,就相約共五人一齊吃午餐, 今次menu 總共有5款菜式, 可一次過試哂所有款式,很開心.......因午餐價錢會便宜些, 今次試菜都值得再推介。當天光顧的人很少, 只有三張枱, 可能地点比較靜少少..........圖片相 1)- 俄羅斯沙律, 味道不錯, 廚師很花心思~ - 雜菜沙律, 很健康, 不太多油的沙律, 朋友正keep fit 中, 所以点了這款給她。- 椰菜牛仔肉飯, 很特別的一款, 味道不錯。- 雲吞, 都ok 可飽的食物, 但會覺得無乜特別的菜式 圖片相 2)- 吞拿魚沙律 - 入面有凍飯, 但D飯比較生少少, 口感唔掂, 吞拿魚味道都ok - 煎雞柳配薯仔 - 薯仔很好味, 雞柳不太"流", 尚算滿意 ~ - 海鮮意粉, 極重芝士味, 因我都喜歡吃芝士, 呢款菜式, 覺得頗為適合我~ - 豬肉金荀燴飯, 飯的味道特別, 口感不錯~ 總括以上的菜色, 我的朋友, 个个都說不錯。午餐真的可去試一下。
继续阅读
昨晚跟好朋友兩個女仔去呢間餐廳食在門口已見到不少雜誌訪問呢間餐廳的剪報之前上openrice亦已看過有咩推介菜色女職員出來門外招呼和介紹我們入內用餐, 我倆就決定試下呢七點鐘我倆是第一檯客人呢, 坐正門口一入的二人位我們點了1) 俄羅斯沙律2) 牛仔肉pancake+伴乳酪醬3) 麵包兩個4) 三文魚扒配三文魚子+香檳汁5) 一件honey cake- 沙律幾開胃, 有薯仔和豆類混合一起, 不錯- pancake ok, 牛仔肉已經卷入pancake內, 送上時是pancake roll, 將乳酪醬搽混pancake面, 少少酸酸地都幾好..- 麵包, 我倆都是薯蓉, 普普通通, 如果抽到菇菇涵會開心點- 三文魚扒: 香!! 汁很美味,不油不膩, 魚扒剪得香軟, 惟少少扒面不夠脆~!!- honey cake: 全晚我倆覺得最冇叫錯的, 我呢個糖果甜痴, 成過咁多次甜品buffet或dining甜品, 都未試過呢類honey cake, 真係幾特別~cake是千層類的, 是類似海綿蛋糕+honey butter cream一層層的, 蛋糕少少濕口,但不會太漏, 兩個女仔share一件夠了, 一個人食怕會飽一點drink: 沒有free water的, 開一支sparkling water都要$30, 特式Russian cocktail waitress介紹下感覺會較列(不太甜和fruity的), 所以最後每人叫了一杯grapefruit juice, $24一杯最攪笑是第二檯客撞到朋友, 她們五個女仔坐另一邊, 我兩個女仔坐門口那邊, 傾計傾得勁開心~!!! haha有機會想再同男朋友來試這裡的牛&羊main course!
继续阅读