俊達晞茶餐廳小廚

营业中

休息中

此店前身為俊達茶餐廳小廚，在置富產業接管後，商場大部分店鋪都裝修過，而這家店在裝修後適逢店主的兒子出世，將店名加多一個"晞"字，變成俊達晞餐廳小廚。餐廳東主同時將旁邊原有的補習社位置也一併租下，再加上落地大玻璃，令整個茶餐廳變得煥然一新。 環境唔多講，茶記一間，乾淨企理就算。雖然比不上大酒樓環境舒適，亦不便坐太耐，但招呼意外咁好，原來同行友人是這裡的熟客。餐牌方面，有早餐午餐供應，午市賣粉麵及碟頭飯，晚市主要做小菜，而小菜是散叫形式，不設例湯、白飯的套餐服務 

俊達晞餐廳嘅星洲炒米同涷奶茶，這樣嘅組合簡直係一個完美嘅下午茶選擇或者係輕鬆晚餐嘅好選擇。星洲炒米以其豐富嘅色彩同濃郁嘅香氣著稱，將傳統星洲風味嘅辛香料同新鮮食材如蝦仁、豆芽同雞絲完美結合，創造出一道既開胃又滿足嘅主食。

#搞串個pantry除咗7仔總有一間喺左近之外🤣，小菜打冷🥗都一定會有一兩間！今次呢間#青衣 街坊小菜茶餐廳，唔知好唔好食呢🤤？今次就嗌咗酸菜魚($128)🐟、打冷三拼(生腸、墨魚、豬耳, $98)🐙、仲有小炒王($98)🔥、蠔餅($88)🦪，同埋西湖牛肉羹($88🥣)。每碟餸上菜嘅時候都熱辣辣，出晒煙，夠曬鑊氣💨。酸菜魚嘅酸味、辣味🌶️、鹹味嘅比例調配得啱啱好，令人食完一啖又想繼續食😋。而少少哋嘅麻辣味，即使唔食得辣嘅人都可以食到啊！！而裏面嘅魚片🐟冇細骨，魚肉非常嫩滑，裏面仲有薯粉同埋芽菜🌱。成碟嘅份量好多！另一樣值得嗌嘅係蠔餅，入面蠔仔嘅份量好多，而且炸得超級酥脆鬆化，點埋魚露食，鮮味同埋酥脆嘅口感都一流😍！而西湖牛肉羹、小炒王就一般般啦🤨。牛肉羹裏面嘅牛肉🐮口感偏鞋。而豆腐粒偏硬身，唔軟滑。小炒王入面嘅蝦乾非常硬😖，難以入口，不過好彩仲有香口嘅韮黃，同埋爽口嘅葛條😜。最後一味餸係滷水打冷，墨魚有墨魚片同埋墨魚鬚，配合埋一酸一辣嘅鴛鴦醬料幾好食😋。但係豬耳唔係每一舊都有軟骨，有一半係肥肉。生腸食落唔算太脆口，而且有好重嘅內臟臭味😣。而墊底嘅炸豆腐片🔥同埋花生粒，浸係豉油汁入面，非常

吃得多煎炸食物，感覺喉嚨不太舒服或上火了，我就來這間【俊達晞茶餐廳小廚】吃個皮蛋元茜魚雲這類的降火湯，餐廳位于青衣青緑街青怡薈1樓12號鋪，這間茶餐廳比較大衆化，環境也不太注重擺設，也沒什麼特別的裝潢，就是那種很街坊鄰里式的感覺。但出來的食物也蠻好味的。點了個降火的【咸蛋肉片豆腐白菜湯】，白菜份量都幾足，豆付鮮滑，咸蛋打蛋花令湯可口醒胃相當降火。另外點了個【班腩豆付飯】，豆付很嫩，班腩粘粉炸過、夲人覺得粉過厚，但味道尚可以。總的來説，環境尚算闊落，座位寬松，冷氣尚可，服務員也蠻親切。降火湯做得料足新鮮清甜不油膩，欣賞。

餐廳環境都算夠大，店員效率都算快態度都幾好，跟住叫咗一個叉燒炒公仔麵。我叫呢一個係即叫即炒，都只係大約等咗10分鐘左右。至於味道方便我覺得OK唔會太鹹亦唔會無味。叉燒嘅質感亦都OK唔會太硬亦唔太軟。大家都可以有時間試吓食下

之前見佢裝修要休息了關門一個月，疫情關係突然沒有了一間成日幫襯的食堂 ，早兩日 見佢裝修後重新開業立即幫襯，可惜未到之前的水準，味道比之前差了 ，希望只是開業未習慣， 請努力保持之前的水準 加油吧。

還未走進餐廳，就看到外面有很多老人家，原來餐廳每天會派發200個飯盒，真有善心。餐廳是屋村餐廳，對裝修環境不能有很多要求，雜物很多，環境較昏暗，職員語氣態度也較隨便。點了一個菜遠斑球，菜心不少，而且新鮮，斑球是厚切的，也不是用鯰魚假扮的斑球，但當然不會有很重的鮮味。另外點了雪菜豬扒米粉，味道一般，豬扒外面包裹了一層薄薄的粉，雖然應該可以令豬扒更香口，但濕了水後感覺黏黏的，個人不太喜歡。星洲炒米是出乎意料的好吃，一上枱就聞到很香，材料很豐富，有蝦肉、火腿等等，咖喱粉也很惹味，炒得夠乾身，好吃。飲品熱好立克很淡，只喝了半杯。

呢間小店做嘅係街坊生意 有日肚餓就經過呢間唔起眼嘅餐廳 就同🐰媽媽入去食 沙嗲牛肉麵（$35）湯底濃郁 但牛肉跟一貫茶記作風 係一早整定而且唔會加熱 至於多士烘得好脆 薄薄一片配上鹹香嘅牛油 媽媽好鍾意🤤而餐肉同煎蛋好有屋企味道 熱狗（$28）🌭️麵包有烘脆加熱 入邊係廚師腸 完全係港式風味 嘢食雖然一般 但食得咁多餐好嘅 有時簡簡單單食返餐 都會有另一番風味❤️-This is a 🇭🇰 ChaChangtang located in a housing estate. Last week, I had a afternoon tea here with my 🐰mum. The soup of the satay beef noodles ($35) is rich and well-flavoured. The noodles are perfectly cooked. The spam and the eggs are cooked in a homemade way. Besides, the hotdog ($28) is made of a freshly baked bre

青衣除了青衣城有美食外，鄰近屋苑屋村附近也有好吃的茶餐廳， 於假日晚飯時段需要預早排隊。粟米魚柳塊 $78粟米汁夠多，味道不錯，不過魚塊炸得不夠脆，份量偏少。咕嚕雞球 $68賣相好，味道濃，炸粉不會多。如果喜歡吃骨的朋友，可以選擇菠蘿生炒骨。鹹蛋蒸肉餅 $68肉餅很有家庭風味，肉質夠鬆軟嫩滑，好吃。椒鹽鮮魷 $88椒鹽味不算太濃， 炸粉和魷魚是分離的。腰果薯仔牛肉粒 $88不知道為什麼牛肉粒變成牛肉塊，小菜感覺低俗了，幸好味道還可以， 如果配黑椒汁應該更好吃。數年前的食物質素和份量比現時還要好及多呢！ 或許是轉了廚師吧。

新年去朋友家拜年附近好多餐廳都無開咁就求其入一間茶記 呢間上次幫襯過 上次都覺得唔差 所以就再黎試下午餐啦叫左呢個廚師推介D餐！西O雞飯 $38 餐牌係咁寫包湯包飲品 但今日湯賣哂 無口福了食物應該一早整定 唔駛一分鐘我個雞O雞飯就送左黎哇 一睇 好似叫左淨炸雞飯咁D西O汁去左邊樹？原來係哂飯底度D汁好酸 痴哂落我碟飯度搞到d飯勁酸！每一口都盡是酸味，呆左！佢d炸雞係無咩野 但係比佢個汁咁搞法 真係浪費左！應該汁分開上 或者汁放係雞面今次我真的O了咀離開餐廳既時候我個口腔都盡係酸味

青衣想搵間性價比高嘅街坊茶餐廳，真係要推薦位於青怡花園內嘅俊達晞!!!!早餐必叫肉丁米，佢地俾嘅肉丁一啲都唔姑寒，大大粒，夠辣夠香腸蛋多士食得出係新鮮製作，唔係一早煎定嗰啲，無得頂熱鴛鴦嘅奶味夠， 但咖啡味就爭啲啲不過以31蚊嘅價錢，有咁嘅質素早餐，我好滿意

今次到青衣打網球,打完之後當然第一件事就係醫肚,朋友就帶我去左一間又有小炒又可以打令嘅餐廳~俊達晞茶餐廳.兩個人叫3餸1湯都唔過份啫韭菜豬紅水準一般,可能唔係正宗打令舖,但份量大,足料,點解唔用碗要用碟?砵酒焗魚雲用錫紙包住蓋住啲味,魚雲都幾鮮,但稍嫌砵酒味唔夠,味道尚算可以鹵水三拼(魷魚,大腸,生腸)魷魚生腸雖然色澤唔同,但好爽口!大腸夠口感,鹵水味濃!唔錯粟米魚肚羹應該係叫足料粟米魚肚羹,份量大,味道正常,每個人飲到3碗幾,淨係呢款都飽左三成.總結:味道尚可,價錢算便宜,份量夠!幾抵

全間鋪頭5成位都話有人卜左位，我6點去，2個人，8點照留位，都算，等一等，入到去叫左豆是鯪魚油麥菜，生抄骨，啫啫雞煲，啲嘢食同之前相比大不如前，我相信經過今次我唔會再食依間嘢食

今朝去做運動之前食個早餐醒醒晨先。呢個茶記30蚊有個包 + 火腿奄列 + 五香肉丁麵 + 熱飲。呢個價錢以宜家既茶記黎講都唔算貴啦，有包有餸又有麵。麵質上碟時有少少硬，再浸一浸食就岩岩好，總好過一黎到就已經淋哂，五香肉丁的份量的唔太少。火腿奄列入面有蛋殼，師傅的打蛋功夫影真麻麻。

上次盲中中入去食快餐，覺得都食得過。今次早餐就試多次，一睇就覺得價錢唔錯，食完都覺得食物都尚可接受。百搭早餐，三十蚊可以係選項裡任配，有豬扒面揀已經覺得好神奇。因為其他餐廳只係豬扒面都係三十蚊。唔可能再配D嘜野食。叫食雪菜肉絲米，餐肉炒蛋。正路，味道正常。一樣黎得好快，但係覺得唔夠熱。雪菜肉絲好夠多，分俾第二個食咁D都夠晒，米粉又夠量，唔會似其他茶記咁得果少少，又唔夠食。但係炒蛋明顯得一隻蛋黎炒，份量唔夠(價錢咁抵算係咁)。但係有幾塊碎蛋殼。牛油方飽中間有手指印，周邊有黑色點點，整走左都係唔敢食。相信都係污糟左。姐仔話可以換過，不過都唔想食了，夠晒飽。其實都認真算係咁，食個早餐都咁多款。可以再食。